#البارت_الأول
نغم(وجع_و_دموع)
مؤلمة تلك الدمعة التي تسقط، و أنت صامت تسقط من شدة القهر، والألم، والاحتياج.
نخفي حزناً و وجعاً و دموعاً أحياناً خلف عبارة (أنا بخير) تباً لعزة النفس و سحقاً لواقع لا يوجد به احتواء صادق.
كنت مدللة والداى فأصبحت بين ليلة و ضحاها يتيمة الأبوين منذ الصغر و تركونى وحدى وسط مجتمع لا يعلم للرحمة عنوان فهذا قريب أمتلك أمرى فـ أكل مالى تحت مسمى الوصاية .
و عندما أراد الله إنصافى و رزقنى بصاحب القلب الرحيم وأصبحت زوجة و أم أتى من أستحل وحدتى و ضعفى و أخذ مني أبنائى بعد رحيل زوجى عن دنيا البشر و ها أنا أظل وحيدة بين وجعى و دموعى
نغم بقلمى______________لبنى دراز
تعريف الأبطال
نغم الهلالى:: 45 سنة مهندسة أرملة و صاحبة شركة مقاولات صغيرة هادية جدا و دايما حزينة
إياد العامري:: 24 سنة مهندس مدنى شبه والده جدا جرئ و يقول الحق حتى لو ع رقبته
أسيل العامري:: 24 سنة توأم إياد خريجة هندسة ميكانيكا سيارات و ماسكة الشركة مع عمها
وليد العامري:: 55 سنة رجل أعمال صاحب شركات تجميع سيارات رغم اسمه و قوته إلا انه ما يقدرش ياخد أى قرار من غير رأى أمه
غالية السواح:: 75 سنة ست رغم كبر سنها إلا انها جبروت و كلمتها بتمشى ع الكل و هنشوف هتعمل ايه مع نغم ع مدار الاحداث
باقى الأبطال حسب الظهور
نغم بقلمى____________لبنى دراز
فـ مكتب نغم
قاعدة فـ مكتبها غرقانة فـ شغلها و فجأة سمعت صوت دوشة و زعيق جامد و الباب اتفتح مرة واحدة و شافت
نهى:: السكرتيرة يا استاذ ما ينفعش كدا بقولك
وليد:: و انا قولت لازم اقابل نغم يعنى لازم أقابلها
نغم:: وقفت و بزعيق .. فى ايه يا نهى ؟؟
وليد:: ايه يا نغم مش فاكرانى و لا عاملة نفسك مش عارفانى يا بنت الهلالى
نغم:: بصدمة .. وليد !!!!
وليد:: ايوا وليد يا نغم هانم ايه افتكرتينى ؟؟
نغم:: قعدت مكانها و ساكتة مش بتنطق
وليد:: بعصبية .. ظهرتى تانى ليه يا نغم راااااجعة تانى لييييه بعد السنين دى كلها أحنا ماصدقنا العيال نسيوكى راااااجعة تفتحى الجراااااح من تانى لييييه
نغم:: بأنهيار .. هووو ميييين اللى رجع و جراااااح أييييه اللى اتفتحت .. الجراح ما اتقفلتش اصلا يا وليد ما اتقفلتش عشان تتفتح و اوعى تفتكر ان ولادى مهما قولتولهم عنى هينسونى انت فاااااااهم عمرهم ما هينسونى
وليد:: رجعتى تانى ليه بقولك ظهرتى فـ حياتنا تانى لييييه
نغم:: رجعت منين يا وليد انا ما بعدتش عشان ارجع انتوا اللى أخدتوا ولادى مني و هربتوا و انا ليا سنيييين طويلة بدور عليكم ماسبتش مكان ممكن تكونوا فيه الا و روحته مالاقيتش حد منكم
وليد:: أبعدى يا نغم أمشى سيبى البلد دى .. انا متابع أخبارك من زمان و عارف أنك مهندسة شاطرة تقدرى تنقلى مقر شركتك لـ أى بلد تانية
نغم:: بقوة و مين ادالك الحق أنك تأمرنى أسيب ولادى و بلدى و لا دى أوامر الست غالية يا وليد بيه
وليد:: أمى كبرت يا نغم و مش هتستحمل تسافر و تبعد تانى و مش هتقبل بوجودك و لا هتقبل انك تظهرى فـ حياة إياد و أسيل مرة تانية
نغم:: اسمع يا وليد نغم الضعيفة اللى استغليتوا وحدتها و ضعفها و أخدتوا منها ولادها دى انتهت من زمان مـ ـاتـ ـت مع طارق .. اللى قدامك نغم تانية و بُعد مش هبعد و ولادى مسيرهم يعرفوا ان عمهم و جدتهم كدبوا عليهم و ساعتها هيرجعوا لـ حضنى اللى سرقتوهم منه
وليد:: يبقى بتجنى ع نفسك يا نغم
نغم:: مابقيتش أخاف من تهـ ـد يد اتكم يا وليد و يلا من غير مطرود اطلع برا برااااااا
وليد:: انا مااااشى بس خليكى فاكرة لو إياد و أسيل عرفوا انك أمهم ما تلوميش غير نفسك يا نغم
و بالفعل مشى وليد و قعدت نغم بكل وجع السنين و دموعها اللى مش بتقف تفتكر حياتها و سنين عمرها اللى عدت من اول ما دخلت الجامعة و اتعرفت ع طارق العامري
“فلاش باك”
فـ الجامعة
اول يوم فـ الدراسة و داخلة نغم مع حياة صاحبتها الكلية و تايهين مش عارفين اى حاجة و شايفين الشباب و البنات كابلز و مجموعات و قالت
حياة:: ( استوووب .. حياة أبو ضيف عمرها 18 سنة صديقة نغم و عايشين مع بعض فـ أوضة فوق سطوح بعد ما اتخرجوا من المدرسة الداخلى) بأنبهار .. يالحووويي ايييه تاه دى دولة جوة دولة يا أما
نغم:: فعلا يا حياة طول عمري بسمع ان الجامعة دى عالم تانى خالص غير العالم اللى أحنا فيه
حياة:: اييييه يا بنتشى الله المستعان ع العالم ده .. تعالى تعالى نشوف المـ ـخر وب المدرج ده فين
نغم:: ايه يا بنتى اللى بتقوليه ده .. أبوس أيدك يا حياة بلاش طريقة كلامك دى هنا انتى شايفة الطلبة شكلهم حلو و محترمين مش عايزين حد يقول علينا بيئة
حياة:: حيلك حيلك يا حاجّة انتى .. اللى يدور عليهم الحلوين دول يلاقيهم من كاع المجتمع ايش فهمك انتى
نغم:: بتهز دماغها بنفاذ صبر .. هى اسمها كاع برضوا يا طالبة الهندسة يا متعلمة يا بتاعة المدارس
حياة:: يا ستى انتى هتقرفينى ليه بالكاف و لا بالقاف هتفرق يعنى .. فوتى ياختى قدامى نسأل حد عن مكان المدرج
وفعلا شافوا شاب داخل باين عليه من هيئته انه مش طالب مستجد زيهم
حياة:: شافته و تنحت .. بت يا نغم شايفة المز اللى داخل علينا ده تعالى نسأله شكله مخلل هنا مش نيلة جديد زينا كدا
نغم:: بزهق .. أمشى يا حياة نسأل اى بنت يلا
حياة:: لأ بقى كبرت فـ دماغى و هسأل المز القمر ده
طارق:: ( استووب طارق العامري دكتور جامعى و له حكاية مع نغم هنعرفها كمان شوية).. ماشى بثقة و سمعهم بس كمل طريقه لغاية ماسمع
حياة:: بس بس كابتشن ممكن سؤال لو سمحت
طارق:: بيشاور ع نفسه .. بتكلمينى انا
حياة:: أيوا يا قمر انت ممكن سؤال و النبي
طارق:: لـ حياة و عينيه راحت تلقائى ع نغم اللى واقفة و باصة فـ الارض .. أتفضلى عايزة تسألى عن ايه
حياة:: شكلك كدا خبرة هنا و مبلط فـ الخط مش جديد زينا
طارق:: بصدمة .. نعم !!
حياة:: قصدى يعنى شكلك قديم هنا .. يوووه بقى
طارق:: بزهق .. خير يا انسة عايزة ايه بالظبط
نغم:: بهدوء و رقة .. أسفة لـ حضرتك بس صاحبتى بتحب تهزر و معلش عايزين نعرف مدرج ( A) فين
حياة:: اه يا قمر و النبي أحيات أبوك اصلنا لسة اول سنة جامعة و كلية الهندسة كبيرة و تايهين فيها مش عارفين نوصل يعنى
طارق:: بهدوء لـ نغم المدرج قصادك ع طول أهو و لـ حياة و أنتى لو بطلتى معاكسة فـ خلق الله و ركزتى شوية كنتى شوفتى انك واقفة قصاده و سابهم و مشى
حياة:: بتريقة.. يـ ـخـ ـربيت تقلك يا جدع و بتقلده وبتخن صوتها لو بطلتى معاكسة فـ خلق الله .. ماهو انت اللى مز فـ نفسك كدا و عاملى فيها عبده المهم
نغم:: بكسوف .. عاجبك كدا يلا بينا بقى عشان نلحق اول محاضرة
و بالفعل دخلوا المدرج اللى انبهروا بيه جدا و بوسعه و قعدوا فـ أول صف
حياة:: بذهول.. شايفة يابت يا نغم المدرج واسع و كبير ازاى يالحححووى ده يشيل الحارة بتاعتنا و حارتين كمان ببيوتهم و عربياتهم و موتسيكلاتهم و فرن عم ابراهيم باللى فيها
نغم:: أهدى بقى و أركنى انبهارك ده دلوقتي ع جنب عشان سمعت ان الدكتور زمانه داخل و بيقولوا مابيتفاهمش فـ ياريت تسكتى شوية
حياة:: حاضر ياختى سكت اهو .. بس تعالى هنا سمعتى منين أبت الكلام ده
نغم:: يا بنتى ما الطلبة داخلين بيتكلموا اهو يعنى هكون سمعته فين بس
حياة:: لسة هترد شافت باب المدرج اتفتح و داخل منه الدكتور .. و برقت اوى و لـ نغم بهمس .. يا نهار فحلوقى ده المز اللى عاكسناه برة استر ياللى بتستر يا أرض انشقى و أبلعيييني
طارق:: عينيه ع نغم و حياة و هو بيعرف نفسه .. صباح الخير و كل سنة و انتم طيبين .. احب اعرفكم بنفسى انا دكتور طارق العامري هكون معاكم ان شاء الله طول السنة .. فيه شوية تعليمات صغيرة كدا عشان نبقى ع نور .. مبدئيا كدا وجودكم فـ كلية الهندسة ده معناه انكم متفوقين دراسيا و عينيه تانى ع حياة و أخلاقيا يعنى ملتزمين مش بتمشوا تعاكسوا فـ خلق الله
حياة:: بهمس لـ نغم أحيه يابو سوسو شكله بيلقح عليا ده و لا ايه
نغم:: بنفس الهمس عاجبك كدا يا بلوة انتى اهو طلع دكتور مش طالب
طارق:: بقوة .. اولا ماحدش يدخل بعد مني لـ أى سبب كان .. ثانيا و دى الأهم طول ما انا جوة المحاضرة و بتكلم احب اسمع صوتى بس بمعنى أن مافيش حد يهمس للى جنبه و لا حتى لنفسه بمعنى أدق أرمى الأبرة فـ الارض يسمع صوتها اللى قاعد أخر المدرج مفهوم .. ثالثا انا بحب أعمل اختبارات كتير ع مدار السنة عشان أعرف مستوى الطلبة بتوعى و أعرف أقيّمهم صح .. اللى مستواه هينزل فـ أى وقت ياريت من نفسه ما يكملش و ما يحضرليش بعد كدا لانى مابحبش اتعب نفسى مع حد فاشل .. أتمنى يكون كلامى مفهوم لأنى مش بحب أكرره مرتين و دلوقتي نبتدى المحاضرة
حياة:: بهمس لـ نغم يا نهار ألون منقرش بـ أسود و ده هنكمل معاه السنة ازاى بسحنة أمه الكئيبة دى
نغم:: بنفس الهمس أنكتمى و أتلمى بقى قبل ما ياخد باله و يطردنا
طارق:: أخد باله فعلا و وقف شرح المحاضرة و شاور لهم يقفوا .. أعتقد انا قولت ممنوع الكلام الجانبى اثناء الشرح و قولت مش بحب أكرر كلامى صح؟
نغم:: أسفين يا دكتور مش هتتكرر مرة تانية
طارق:: أسفكم غير مقبول و المرة دى هكتفى بطردكم من المحاضرة انما لو اتكررت المرة الجاية يبقى هتتمنعوا من حضور محاضرتى لأخر السنة مفهوم ؟ و دلوقتي اتفضلوا برة
و بالفعل خرجت هى و حياة من المحاضرة و هى محرجة بسبب طردها وقالت
نغم:: عاجبك كدا يا بلوة من اول يوم ننطرد من المحاضرة حرام عليكى يا حياة أكيد هيحطنا فـ دماغه بسببك و مش بعيد يشيلنا المادة
حياة:: ياستى فكك بقى انتى هتصدعينا ليه المرة الجاية نبقى ندخل و نغطس وسط الطلبة مانقعدش فـ اول صف و هو مش هياخد باله مننا أصلا
نغم:: أبوس أيدك يا حياة انتى عارفة أحنا تعبنا قد أيه عشان نوصل لغاية هنا بلاش تضيعى تعبنا ده بتهريجك و أستهتارك .. هنا غير المدرسة خالص ده عالم كبير علينا لو ضعنا فيه مش هنوصل للى أحنا عايزينه
حياة:: بت أنتى ما تاكليش دماغى و بلاش تبقى ضعيفة كدا و ايه يعنى الدكتور طردنا من المحاضرة يعنى كان طردنا من الجنة ياختى بقولك ايه انا جعانة هروح ادور ع حد بيعمل أكل فـ الملاهى اللى أحنا فيها دى هتيجى معايا و لا هتفضلى قاعدة زى خيبتها كدا
نغم:: لأ روحى أنتى انا قاعدة هنا مش رايحة فـ مكان
و بالفعل مشيت حياة و سابت نغم لوحدها .. فـ نفس الوقت كانت خلصت المحاضرة و خرج طارق من المدرج و شاف نغم و قرب منها
طارق:: بجدية .. شكلك هادية غير صاحبتك خالص ياريت تبعدى عنها لأنها هتاخدك فـ سكتها و يضيع مستقبلك بسببها
نغم:: بأعتذار .. و هى باصة فـ الارض .. أسفة يا دكتور اللى حصل جوة مش هيتكرر تانى
طارق:: أنا هقبل اعتذارك بس لو اتكررت تانى مش هقبله و ياريت تسمعى كلامى و بلاش البنت دى
نغم:: بحزن .. ما أعرفش غيرها من و أحنا صغيرين مع بعض فـ كل حاجة بس هى و الله طيبة و شاطرة جدا مشكلتها بس انها بتاخد كل حاجة بهزار
طارق:: أختك؟
نغم:: ببراءة .. لأ بس انا و هى مالناش غير بعض
طارق:: تمام المرة الجاية تحضروا المحاضرة و بلاش كلام اثناء الشرح عشان مش هسامحكم تانى
نغم:: حاضر يا دكتور بعد أذنك و قبل ما تتحرك شافت
حياة:: جاية بتهلل و مش واخدة بالها من طارق .. نغووومة بت انغم انتشى ابت خدنا افراج ياختى و فيش محاضرة تانية ابت افرحى يلا هنرجع الصومعة بتاعتنا
نغم:: بتشاور لـ حياة تسكت و هى مش فاهمة
حياة:: بغباء .. فى أيه يا بت مالك هى القطة كلت لسانك و لا يكونش المز ابو رجل مسلوخة طلع من المحاضرة و قالك حاجة ؟؟
طارق:: اممممم و لـ نغم وهو بيشاور ع حياة .. لأ فعلا شكلها شاطرة انا حذرتك و انتى حرة
حياة:: بصدمة .. أحييييه و بهمس سمعه طارق و نغم المز بنفسه يالحححويييي
طارق:: برفعة حاجب .. لـ حياة شكلك هتقعدى معانا كتير و تبلطى فيها
حياة:: هى مين دى لامؤاخذة يا دكتور اللى هتبلط فيها انا أه أبان كدا لكن انا لهلوبة و أعجبك و بعون الله شوف هفاجئك
طارق:: وهو بيلبس نضارته الشمسية .. هنشوف و سابهم و مشي
نغم:: بعتاب عاجبك كدا انتى مش ناوية تعقلى بقى و تبطلى طريقتك دى
حياة:: فكك مني و قوليلى المز ده كان واقف معاكى ليه ها .. هى الصنارة غمزت من اول نظرة و لا ايه
نغم:: صنارة ايه اللى غمزت يا حياة انا كنت بعتذرله عشان المحاضرة الجاية
حياة:: اممممم🤔 اومال كان بيحذرك من ايه قرى و أعترفى
نغم:: أقولك و ماتزعليش
حياة:: قولى ياختى
نغم:: منك
حياة:: نعععععم يا الدلعدى
نغم:: اه بيقولى أبعد عنك عشان مستقبلى ما يضيعش
حياة:: و انتى هتقدرى تعمليها يا نغم
نغم:: أكيد لأ طبعا يابلوة هو انا ليا غيرك بس ياريت تعقلى بقى و تخليه يغير الفكرة الهباب اللى خدها عنك دى
حياة:: بتعدل ياقة البلوزة .. دعونا نعمل في صمت .. يا ماما أنا مابحبش اتكلم عن نفسى أعمالى هى اللى بتتكلم عنى
نغم:: بهزار تباً لتواضعك يا شيخة أمشى ياختى قدامى خلينا نروح
و بالفعل خرجت نغم و حياة من الكلية و راجعين الحارة مبسوطين بـ أول يوم دراسة رغم كل اللى حصل معاهم ع مدار اليوم
________________________
فـ ڤيلا العامري
قاعدة بكل جبروت تؤمر و تتأمر ع الناس اللى شغالين عندها
غالية:: بزعيق .. انتى يا هنية يااااا هنيييية
هنية:: الشغالة أمرك يا ست غالية هانم
غالية:: اييييه نايمة ع ودانك ساعة عشان تردى
هنية:: أبدا يا ستى و الله اول ما ندهتى جيت ع طول أهو تحت أمرك
غالية:: خلصتى الغدا و لا لسة وليد و طارق زمانهم راجعين
هنية:: خلصت كل حاجة يا ستى حتى أكل البهوات الصغيرين اللى طلبته شيرين هانم كله خلص
غالية:: طيب غورى ع المطبخ اول ما يوصل وليد و طارق تجهزى السفرة
هنية:: حاضر ياستى .. و دخلت جرى و هى زهقانة من تصرفات غالية
بعد شوية وقت صغيرين وصل
طارق:: دخل بكل حب باس إيد غالية .. أزيك يا أمى عاملة ايه النهاردة
غالية:: بأبتسامة .. بخير يا حبيبى الحمدلله طمنى عملت ايه النهاردة فـ الجامعة
طارق:: هعمل ايه يعنى يا ست الكل .. كان عندى محاضرة واحدة بس خلصتها و قعدت شوية مع زمايلى و جيت
غالية:: برجاء .. طب مش ناوى بقى تفرح قلب أمك و تشوف بنت الحلال اللى تريح قلبك
طارق:: لسة ما آنش الآوان يا أم طارق
غالية:: ليه بس يا حبيبى انت ناقصك ايه بقى مال و جمال و مركز اجتماعى ماشاء الله ألف واحدة تتمنى نظرة منك
طارق:: باس إيدها .. و انا مش عايز من الألف دول غير واحدة بس قلبى يحس بيها و ساعتها هقولك تعالى اخطبيهالى
غالية:: يعنى يا طارق و لا واحدة من بنات العيلة و بنات شركائكم فـ الشغل قدرت تحبها
طارق:: و هو قايم طالع أوضته .. دول يا أمى عاملين زى العروسة المعروضة فـ المحلات ننبهر بيها بس مانشتريهاش .. أما اللى انا عايزها لازم تكون جميلة برة و جوة
غالية:: دايما كدا تاعب قلبى معاك مش زى أخوك أبدا
________________________
فـ الحارة نفس الوقت
داخلين حارتهم بعد ما رجعوا من الكلية و سمعوا هيصة و زيطة و دوشة و هى داخلة
حياة:: أصحوووووا يا حارة الباشمهندسة اللى هتظبطكم و تعملكم إعادة بناء لـ جماجمكم وصلت
نغم:: بنفاذ صبر من حياة .. أيه اللى بتقوليه ده أهدي بقى و وطى صوتك ده
حياة:: أستنى انتشى بس لما نشوف أم فاروق بتزغرط ليه .. أقطـ ـع دراعى ان ما كانت بتزغرط لـ جوزها تلاقيييه أخيرا عرف ههههههههههه
نغم:: بصدمة .. ايييه
حياة:: ماذا بكى يا أختاه اتصدمتى ليه ياختى
نغم:: بنرفزة .. انتى مالك انتى بالكلام ده
حياة:: بأندهاش .. كلام ايه يابنتى هو انا قولت حاجة غلط انا اقصد عرف يشتري لها التلاجة اللى نفسها فيها .. ضميرك ده نوتى خالص دايما بتفهمينى صح ههههههههههههه
نغم:: طيب يلا قدامى ع البيت عشان جعانة و تعبانة جدا
حياة:: يلا ياختى .. و بالفعل و هما داخلين البيت سامعين صريخ جارتهم أم أبراهيم و الحارة اتلمت
نغم:: بخضة .. خير يا خالتى ام ابراهيم فى ايه
أم أبراهيم:: بصريخ .. الواد أبراهيم يا نغم يابنتى
حياة:: بخضة .. ماله اتـ ـخـ ـطف
أم أبراهيم:: بصريخ أعلى .. لأ يا حياة يا بنتى
حياة:: اومال ماله اتقبض عليه
أم أبراهيم:: ياااااااررررريييييت
حياة:: بخضة أكبر يالههههوى مااااات البقاء لله ربنا يصبر قلبك
أم أبراهيم:: يااااااريته مااااات غار فـ داهية و لا كان عمل عملته السوووودة يا ميلة بختى يااااختاااااااى
واحدة من الجيران:: عمل أيه ياختى ابراهيم
أم أبراهيم:: سرررررقنى ياااختاااااااى فتح كيسى و سرق منه 20 جنيه و هرب الحراااامى
حياة:: بغيظ .. يـ ـخر بيييتك بقى يا ولية يا معـ ـفنة قالبة الحارة و بتكاكى عشان 20 جنيه .. ماهو انتى اللى بخيلة و تلاقيه يا كبد أمه طلبهم منك و انتى اللى استندلتى معاه عشان كدا خدهم من وراكى يا بخيلة
نغم:: لـ حياة بس بقى عيب اللى بتقوليه ده الست قد مامتك اطلعى قدامى يلا و بلاش فـ ـضـ ـايح
حياة:: و هى طالعة .. بقول ايه يعنى الولية المعـ ـفنة نازلة ويك ويك ويك قولت ابنها جراله حاجة و فـ الاخر طلعت بتصوت عشان 20 جنيه و بصت وراها ع تحت يااااامعـ ـفنة يا جلدة بتصوتى عشان 20جنيه مش جايبين كيسين إندومى وكيس شيبسى
نغم:: بنفاذ صبر .. يا بنتى انتى مالك أطلعى ساكتة بقى
حياة:: طلعت ياختى أهو توب علينا يارب من البيت ده و بلاويه و اللى بيجرا فيه
و فعلا طلعوا و دخلوا اوضتهم اللى فوق السطح و هى عبارة عن اوضة بـ حمام و فيها سرير واحد و دولاب صغير و ترابيزة عليها بوتاجاز مسطح و مطبقية
نغم:: دخلت و حدفت نفسها ع السرير بتعب أخيرا هناااام
حياة:: انتى يا بنتى مش قولتى جعانة
نغم:: لأ هنام الاول شوية و بعدين لما أقوم أبقى أكل
حياة:: طب خدينى جنبك ياختى
و بالفعل ناموا الاتنين من كتر التعب بسبب السهر من فرحتهم بأول يوم جامعة و تحقيق اول خطوة فـ مستقبلهم
______________________
فـ الجامعة
تانى يوم نغم و حياة داخلين م البوابة الرئيسية للكلية و هما داخلين شافوا طارق نازل من عربيته و شافوا معاه صاحب عمره دكتور أحمد الاسيوطى مطرقع و غاوى معاكسة فـ الطالبات و شاف حياة و نغم داخلين و عينيهم ع طارق و بيتهامسوا
حياة:: بهمس بت انغم الحقى المز ابو رجل مسلوخة اهو
نغم:: رفعت عينيها فـ ثوانى و نزلتها بسرعة .. ياريت تمشى و انتى ساكتة و إلا فعلا هسمع كلامه و أبعد عنك
حياة:: من غير وعى زعقت لدرجة ان طارق و أحمد سمعوها .. تعمليها يا نغم ؟ تقدرى تعمليها و تبعدى عنى؟
نغم:: أرجوكى يا حياة وطى صوتك انا نصحتك كتير و قولتلك بلاش طريقتك دى
حياة:: بمقاطعة .. طب أسمعى بقى يا نغم يا بنت عم مصطفى الله يرحمه طريقتى مش هغيرها و صوتى مش هوطيه و عايزة تبعدى ابعدى و يلا بقى هااا
أحمد:: قرب من حياة .. مالك يا عسل متعصبة ليه
حياة:: بنرفزة و انت مالك انت يا بارد ده ايه ياختى تلاقيح الجتت دى ع الصبح
أحمد:: بمعاكسة .. انا بس حابب أخدم يا قمر
حياة:: أخدمك يوم خرجتك يا بعيد قول انشالله و لـ نغم يلا انتى كمان ع الزفت المدرج لما نشوف سى الدكتور اللى ما جاش امبارح ده شكل سحنة أمه ايه هو كمان و مشيوا فعلا دخلوا المدرج
طارق:: بنفاذ صبر من أحمد صاحبه و حياة .. لله الأمر من قبل و من بعد و لـ أحمد بهمس قابل كان الله فـ عونك
أحمد:: بنفس الهمس اوعى تقول ان الكلام ده عليا أزعل
طارق:: هو برضوا مش انت اللى اعتذرت أمبارح و لا انا بيتهيألى
أحمد:: لأ أوعى تقولها
طارق:: مش فاهم يا أخرة صبرى اقول ايه بالظبط
أحمد:: أن المجنونة اللى كانت بتزعق دى من الطلبة الجداد اللى عندنا السنة دى
طارق:: بيهز دماغه بمعنى أيوا .. و من حسن حظك هتدخل تلاقيها فـ وشك ع طول
أحمد:: بتهريج .. ده أحنا ليلتنا فل بالصلاة ع النبي .. وسع يا أبنى لما ندخل نعاين قصدى ندخل المحاضرة ههههههههههههه
طارق:: ربنا يهديك يا أحمد مش هترجع أنت الا لما تتعلق و تتدبس فـ واحدة من اللى بتعاكسهم دول
أحمد:: حط أيده ع كتف طارق شوف يا طاروقة البنات دول عاملين زى طبق الحلويات المشكلة ايش فهمك انت بس
طارق:: بذهول .. طبق حلويات !! يـ ـخـ ـر بيت تشبيهك
أحمد:: ده أحلى تشبيه يابنى و الله .. أسمع بس دلوقتي انت لو قدامك طبق حلويات و هتاخد منه حتة كنافة هتكتفى و لا هتدوق حتة جلاش كمان طب دوقت الجلاش معقول هتسيب الطبق من غير ما تدوق الزلابية و لا تدوق البسبوسة و يا روحى ع البسبوسة طرية كدا و دايبة فـ العسل دوووب و لا صوابع زينبو يا لهوييييى عليها ههههههههههههه
طارق:: بضحك .. خليك عايم كدا فـ الحلويات لغاية ما تجيلك كومة سكر تجيب أجلك .. أدخل أدخل ألحق المحاضرة
فـ المدرج
نغم و حياة دخلوا المدرج و قعدوا برضوا فـ اول بنش مستنيين الدكتور لما يدخل و قالت
حياة:: لما نشوف سى المعتذر ده شكله ايه
نغم:: يا بنتى انتى انا عايزة افهم بس شكل الدكتور هيفرق معاكى فـ ايه يعنى
حياة:: أكيد طبعا يفرق يا فالحة لو كان فرفوش كدا و بيحب يهزر هناخد منه المعلومة كدا و تلزق فـ النافوخ ع طول اما لو كان زى المز ابو رجل مسلوخة ده هستخبى منه و الله المستعان عليه بقى
و شوية و هى لسة بتتكلم شافت باب المدرج اتفتح و دخل منه أحمد و اول ما شافها غمزلها من غير ما حد ياخد باله
حياة:: اول ما شافته .. بهمس لـ نغم يا ليلة طشييين روحت فـ داهية رسمى
نغم:: بنفس الهمس .. ياريت تتلمى بقى ده تانى دكتور تقفشى معاه أبوس أيدك عايزين نخلص تعليمنا بسلام و ناخد البكالوريوس من غير ما نشيل سنين الله يخليكى
حياة:: الله بقى وانا مالى مش هما اللى واحد فيهم عامل فيها عبده المهم و التانى زى الفرقع لوز بيتنطط ع أجله و أخره شكله كدا هياخد بالشبشب
نغم:: و عينيها ع أحمد .. طيب اسكتى بقى عشان الدكتور ما ياخدش باله زى دكتور طارق و يطردنا هو كمان
أحمد:: و عينيه ع حياة ابتدا يخبط بالقلم ع الترابيزة اللى قدامه .. انتباه من فضلكم صباح الخير فـ الاول كل سنة و انتوا طيبين عام دراسى سعيد عليكم ان شاء الله انا طبعا قبل ما أعرفكم بنفسى و أتعرف عليكم عايز اعتذرلكم انى ما قدرتش أكون موجود معاكم أمبارح بس ان شاء الله هكون معاكم ع مدار السنة و هنتقابل يومين فـ الأسبوع بـ مادتين و طبعا المادتين مكملين لـ بعض و دلوقتي أعرفكم بنفسى و طبعى قبل ما نبتدى المحاضرة
حياة:: بزهق لـ نغم يـ ـخـ ـر بيت كدا كل واحد يدخل يقول أعرفكم بنفسى و بطبعى يكونش داخلين يخطبوا
أحمد:: خد باله من حياة و قبل ما نغم ترد قالها بجدية .. ممكن تقفى لو سمحتى
حياة:: بتسأل و هى بتشاور ع نفسها .. أنا ؟
أحمد:: بجدية .. أيوا أنتى ممكن تقفى
حياة:: وقفت بزهق أفندم يا دكتور
أحمد:: ممكن أتعرف عليكى
حياة:: نعععم !!!
أحمد:: أتخضيتى ليه ؟ عايز أعرف اسمك ايه ؟
حياة:: أسمى حياة محمد أبوضيف
أحمد:: طيب يا حياة شايفك من وقت ما دخلت و انتى بتتكلمى كتير و ملامحك بتقول انك معترضة ع كلامى
حياة:: أبدا يا دكتور مش معترضة و لا حاجة ثم حضرتك لسة ما قولتش حاجة يعنى عشان اعترض عليها
أحمد:: بالظبط كدا انا لسة ما قولتش حاجة اتفضلى أقعدى و ياريت ماتتكررش تانى لو عايزة تفضلى مستمرة معايا
حياة:: أسفة يا دكتور مش هتتكرر و هى بتقعد .. جواها كل واحد راسم نفسه عشان دكتور طب و دينى لا ابقى دكتورة أنا كمان و أرسم نفسى زيكم بس ها
أحمد:: ابتدا يعرف نفسه .. أنا أحمد الاسيوطى بيقولولى صديق الطلبة لانى بحب اقعد معاهم كتير بس مش معنى كدا اننا ناخد ع بعض و الهزار يعدى حدود التعامل .. انا بسامح و التمس العذر اول مرة بس يعنى حضرتك دخلت متأخر بعدى هسمحلك تدخل المحاضرة اول مرة و مش هسألك أتأخرت ليه أنما المرة التانية مش مسموحلك تدخل وتعرف من نفسك كدا و ماتعرضش نفسك للأحراج و الطرد و نفس الشيء للكلام الجانبى برضوا بسامح أول مرة بس و التانية لو بصتلك تفهم من نفسك و تستأذن بأدب و تخرج من المحاضرة و ده برضوا منعا للأحراج قصاد باقى الدفعة تمام كدا و دلوقتي نبتدى المحاضرة
و أبتدا بالفعل أحمد فـ شرح المحاضرة ساعتين كاملين و حياة و نغم مركزين جدا طول الوقت و أخيرا خلصت المحاضرة بـ جملة أحمد ان شاء الله المرة الجاية هسأل فـ الكلام ده و أشوف مستواكم من خلال تركيزكم معايا النهاردة و خرج من المدرج
نغم:: اوووف ايه ده المادة دى شكلها صعب اوى
حياة:: و هى بترقص حواجبها بس دكتورها شكله لذيذ و مطرقع أوى ههههههههههههه
نغم:: يا بنتى انتى جاية تتعلمى و لا تعاكسى الدكاترة
حياة:: يا حبيبتى اسكتى انتى بقالنا سنين فـ المدرسة الداخلى وشنا فـ وش شوية بنات الدكاترة اللى هنا مزز عنهم ده غير وش ميس انشراح اللى يقـ ـطع الخميرة م البيض مستكترة يعنى عليا اعاكسهم شوية
نغم:: طيب يلا قدامى الـ break تقريبا نص ساعة تعالى ناكل حاجة انا جعانة
حياة:: يلا ياختى و هما ماشيين ناحية كافيه الكلية شافت
أحمد:: لـ حياة .. بخ
حياة:: بصت له من فوق لـ تحت و كملت طريقها هى و نغم
أحمد:: بس بس بس يا عسل انت ياللى ماشى طب عبرنا عشان منظرنا
حياة:: وقفت بنرفزة .. تصدق هتصدق ان شاء الله انا هخلى منظرك مسخرة لو ما بعدتش عن طريقى دلوقتي
أحمد:: ليه بس يا دميل ده انا غرضى شيريف
حياة:: ده عندها يا حيلتها
طارق:: من وراهم لـ أحمد انت مش ناوى تعقل شوية بقى
حياة:: بصتلهم بأحتقار و مشيت .. أه هى باينلها سنة سودة من اولها واحد يطردنا و التاني يعاكسنا
نغم:: أمشى بقى خلينا نفطر و نلحق المحاضرة التانية
عند أحمد و طارق
أحمد:: عينيفة أوى البت دى
طارق:: يا أبنى اتلم شوية بدل ما تلاقى نفسك تريند ع السوشيال ميديا بسبب عمايلك دى
أحمد:: و ماله أنا راضى .. أبقى تريند ع أيد مزة أحسن ما أبقى قاعد مبطوط زى الوزة ههههههههههههه
طارق:: يـ ـخـ ـر بيت أمثالك مش عارف انا .. أنت دكتور فـ كلية هندسة و لا فـ شارع الهرم .. أمشى قدامى يلا خلينا نحضر مع دكتورة هدى المحاضرة بتاعتها
أحمد:: لأ دمها تقيل ع قلبى و بعدين انت بتحضر عشان رسالتك هى اللى بتشرف عليها أحضر انا لييييه ؟ ثم انا عندى محاضرة تانية يلا اشوفك بعدين سلام
و بالفعل مشى أحمد و طارق دخل يحضر المحاضرة وسط الطلبة عادى جدا
نرجع لـ نغم و حياة
بعد ما فطروا مشيوا دخلوا المدرج و قعدوا مكانهم من غير ما ياخدوا بالهم من طارق اللى قاعد وراهم ع طول و بيرغوا بصوت عادى بس هو كان سامع
نغم:: بحزن .. مش عارفة يا حياة عايزة أشوف شغل تانى جنب المكتبة استاذ سعيد مش راضى يزود المرتب و انتى عارفة مصاريف الكلية عاملة ازاى
حياة:: و مين سمعك يابت يا نغم ده راجل جلدة شكله يقرب لـ أم أبراهيم ههههههههههههه
نغم:: طيب و بعدين هنعمل ايه معاش بابا مع مرتب المكتبة مش هيكفى
حياة:: طيب ما تبعتى لـ عمك مش انتى برضوا مسؤولة منه
نغم:: اه مسؤولة منه اوى ياختى .. أسكتى بالله عليكى ده واحد ما صدق بعد موت بابا و ماما رمانى فـ مدرسة داخلى عشان ما يتحملش مسؤوليتى و كان أخرى اشوفه مرة فـ السنة و هو بيدفع المصاريف .. إلا ما سأل عنى و شافنى عملت أيه فـ المدرسة و لا يعرف بعد ما اتخرجت منها روحت فين تفتكرى هيساعدنى دلوقتي اسكتى أسكتى فكرى معايا بس خلينا نشوف مكان تانى نشتغل فيه مع المكتبة
حياة:: بتنهيدة وجع .. أحنا اللى عملنا فـ نفسنا كدا كان لازم يعنى نتنيل و نحقق طموحنا و ندخل كلية الهندسة كان ماله معهد الخدمة الاجتماعية سنتين زى الفل و أقلب
نغم:: بدموع .. كان حلم بابا و ماما يا حياة و انا نفسى أحققلهم حلمهم
حياة:: طاااايب يا فالحة تقدرى تقوليلى فـ الكلية الزفت العملية دى هتشتغلى ازاى شغلانتين مع المذاكرة و المحاضرات
نغم:: بحزن .. الله المستعان بقى و اسكتى عشان الدكتورة دخلت
طارق:: وراهم و سامع كل كلامهم و جواه مش عارف ليه قلبه وجعه من كلامهم و تقريبا طول وقت المحاضرة وهو مش سامع و لا كلمة و كل تركيزه مع نغم و اللى أتفاجئ بمستواها هى و حياة و تركيزهم العالى جوة المحاضرة و قرر يساعد الاتنين بشكل غير مباشر
نغم بقلمى______________لبنى دراز
#:: ده أخر كلام عندك يا نغم ؟؟
نغم:: أيوا ده أخر كلام عندى
#البارت_الثانى
#نغم(#وجع_و_دموع)
في الليل تختنق صدورنا، تتشابه ملامحنا، نبكي كثيراً ونخفي الدموع خوفاً من أن يراها أحد. مهما حاولنا جاهدين أن نجعل حياتنا كاملة، لا بد وأن يكون هناك جزء مفقود.
الجَبرُ
قرِيبٌ يا صَاحِبي
غمَامَةُ صيفٍ سَـ تَنْقَشِعُ بِإذنِ اللَّـه..،
ولن يبقىٰ مِن هـٰذا الحُزن إلَّا ذِکرىٰ تُخبِرُگ دومًا
أنَّه مَن گانَ مع اللّٰـه گانَ اللّٰـه معه..،
والسَّلام لِـ قلبِگ..
-ادهم الشرقاوي
نغم بقلمى______________لبنى دراز
فـ ڤيلا العامرى
رجع من الجامعة و شاف أمه و أخوه و مراته قاعدين
طارق:: سلم ع غالية و هو بيبوس إيدها .. ازيك يا ست الكل عاملة ايه
غالية:: كويسة يا حبيبى طول ما انت و أخوك كويسين
وليد:: ربنا يبارك لنا فيكى يا غالية بزيادة
غالية:: بأبتسامة .. لـ وليد انت هتعمل زى أبوك الله يرحمه كان دايما يقول كدا غالية .. غالية بزيادة
طارق:: الله يرحمه يا حبيبتى .. كنتى بتحبيه اوى انتى مش كدا يا غوغو
غالية:: بحنين .. حسن اتجوزنى و انا بنت 15 سنة عشت معاه أكتر ما عشت مع أبويا .. حنيته عليا و احتوائه ليا ما شوفتش زيهم و لا حتى فـ أبويا نفسه
شيرين:: كنتى صغيرة اوى يا ماما لما اتجوزتى .. واضح كدا ان بابا الله يرحمه كان بيحبك و كان خايف تروحى منه
غالية:: لأ يا شيرين أحنا ما كناش نعرف بعض اصلا .. كانت اول مرة نتقابل يوم كتب كتابنا
طارق:: تصدقى انا لغاية دلوقتي ما أعرفش انتوا اتقابلتوا ازاى أصلا
غالية:: أبويا و أبوه كانوا أصحاب و كانوا ارزاقية ع باب الله رزق يوم بيوم فضلوا مع بعض يشتغلوا فـ كل حاجة و أى حاجة لغاية ما استقروا فـ ورشة تصليح عربيات اتعلموا الصنعة و مرة ع مرة بعد ما كانوا صنايعية بقوا أصحاب ورشة و كنت انا وحيدة أبويا وكان خايف عليا يسيبنى لوحدى لو جراله حاجة راح طلب من صاحبه انه يجوزنى لـ أبنه و حسن كان وحيد أبوه ع أخواته البنات وطبعا جدكم أبو حسن ماكدبش خبر راح قال لـ أبنه و جابه فـ إيده و الإيد التانية المأذون طبعا
وليد:: ازاى بقى يعنى قاله تعال هجوزك و مشي معاه كدا من غير اى اعتراض
غالية:: أبوكم كان حنين جدا و بآر بـ أهله اوى لدرجة انه كان بيجى ع نفسه كتير عشان يرضيهم ولما جه معاه كان عشان خاطر جدكم ما يزعلش
شيرين:: طيب لما شافك يا ماما عمل ايه .. ردة فعله كانت ازاى لما شاف طفلة قصاده هى العروسة
غالية:: ههههههههههه لأ ما انا كنت فرعة طول بعرض اللى يشوفنى مستحيل يقول انى عيلة صغيرة و حسن كان شكله صغير مع انه اكبر مني بـ 10 سنين .. حتى المأذون اتخم فيا و كان فاكرنى أكبر منه و طول الوقت يقول لـ حسن راجع نفسك يا أبنى دى أكبر منك و أبويا يقوله يا سيدنا الشيخ دى عيلة عندها 15 سنة و المأذون مصمم أنى أكبر من حسن و أبو حسن قاله اكتب الكتاب يا عم الشيخ أنا راضي و أبنى راضي و فعلا كتب الكتاب بالعافية و من يومها بقى حسن كل حاجة ليا و هو كمان حبنى و خدنى بنته قبل مراته
طارق:: ربنا يرحمه يا حبيبتى و يباركلنا فيكى يارب .. و لـ أخوه صحيح يا وليد هبعتلك بنتين يشتغلوا معاك فـ الشركة و عايزك تعمل لهم مرتب كويس
وليد:: بنتين مين دول
طارق:: طالبات عندى بس حابيين يشتغلوا و هما بيدرسوا
وليد:: بس ازاى يا طارق يعنى دول فـ هندسة مدنية هيعملوا ايه فـ شركة تجميع السيارات
طارق:: يشتغلوا اى حاجة يا وليد فـ الحسابات فـ السكرتارية فـ اى مكان إدارى .. أكيد يعنى مش هينزلوا المصانع بس المهم ان وقت مايكون عندهم محاضرات تسمحلهم .. انت عارف ان الكلية عملية و ماينفعش يتأخروا عن محاضراتهم
وليد:: خلاص يا طاروق ابعتهم و انا هشغلهم ماتقلقش
طارق:: تسلملى يا ليدو .. و قام وقف طالع ع اوضته
غالية:: قايم رايح فين يا طارق
طارق:: طالع اوضتى يا أمى ارتاح شوية
غالية:: استنى يا حبيبى اتغدا الأول و بعدين اطلع
طارق:: لا يا حبيبتى انا مش جعان .. انا محتاج أرتاح بس شوية عن أذنكم و سابهم و ماشى ناحية السلم و سمع
غالية:: بزعيق .. هنيييية أنتى يااااا هنية
هنية:: جات جرى أمرك يا هانم
غالية:: بعصبية انا مش عارفة انتى مش بتردى ليه من اول مرة لازم ازعق عشان تردى
هنية:: انا يا ستى؟ و النبي اول ماندهتى جيت جرى
غالية:: انتى هتقفى تتسايرى معايا امشى غورى طلعى عصير فريش لـ سيدك طارق و انزلى حضرى الغدا
هنية:: بقلة حيلة حاضر يا هانم .. و هى رايحة المطبخ بهمس .. ربنا يتوب عليا منك يا شيخة انا مش عارفة الدكتور طارق ابنك ازاى .. و بالفعل جهزت كوباية عصير فراولة فريش و طلعتها لـ
طارق:: سمع خبط ع الباب و سمح بالدخول
هنية:: بأبتسامة .. أتفضل يا دكتور احلى كوباية فراولة عشان خاطر عيونك
طارق:: بهدوء .. شكرا يا هنية حطيها عندك و اتفضلى انتى
هنية:: أمرك يا دكتور .. و فعلا حطت العصير و لسة هتخرج
طارق:: هنية
هنية:: نعم يا دكتور
طارق:: ما تزعليش من ماما تلاقيها بس فى حاجة معصباها
هنية:: ابدا يا دكتور عمرى ما ازعل منها دى الست غالية حتة سكرة كدا .. و بهمس لنفسها سامحنى يارب ع الكدب ده انا مش عارفة انت ابن امنا الغولة دى ازاى
طارق:: سمعها و هو بيشرب العصير .. بتقولى حاجة يا هنية ؟
هنية:: هاا ماقولتش حاجة ابدا و النبي يا دكتور
طارق:: طيب انزلى شوفى شغلك و انتى ساكتة و بطلى برطمة .. و جواه مش عارف بس يا أمى قسوتك دى جايباها منين و شرد فـ نغم قد ايه هادية و رقيقة و جميلة برة و جوة
______________________
فـ المكتبة
نغم و حياة بعد الكلية راحوا ع المكتبة اللى بيشتغلوا فيها و قالت
حياة:: بزهق .. بقى يا ربى اتنين قمرات مهندسات محترمات يتمرمطوا كدا الـ 7 مرمطات
نغم:: مالك يا بلوة حياتى بتبرطمى تقولى ايه
حياة:: رمت الكتب اللى فـ إيديها .. هكون بقول ايه ياختى يعنى و بتلوى بؤقها 😏 مبسوطة اوى باللى احنا فيه
نغم:: يا بنتى أحمدى ربنا احنا احسن من غيرنا
حياة:: بنرفزة .. أحسن من غيرنا فين يا ست نغم ها .. احسن من غيرنا فين
و أحنا طالع عين أبونا من الكلية للمكتبة و نرجع نتلقح فـ الأوضة نذاكر و بعدين نتخمد عشان نصحى تانى يوم نلف نفس اللفة بتاعة كل يوم
نغم:: و انتى ان شاء الله بقى بسلامتك عايزة تعملى ايه تانى غير كدا يا حياة هانم
حياة:: بتشاور بأيدها الاتنين .. أهو أهو أديكى قولتيها أهو هاااانم .. انا عايزة أعمل هانم فـ نفسى كدا و أخرج اتفسح و يعاكسنى واد مز كدا و اقوله هش العب بعيد يا بابا
أحمد:: مساء الجمال ع أجمل هانم فيكى يا بلد
نغم:: دكتور أحمد ؟؟
حياة:: بيطلعوا أمتى دول !! نعم ؟ خييير ؟!
أحمد:: سمعت حد بينادى قولت أجى ألبى الندا
حياة:: بغيظ .. دكتور فرقع لوز هنا أكل عيش يا بابا ياريت تتنطط بعيد عن هنا احسن لك
أحمد:: انتى مش قولتى عايزة مز يعاكسك .. ها انا ذا
حياة:: برفعة حاجب .. و انت بسلامتك بتتجسس علينا و لا ايه يا أخ انت
نغم:: لـ حياة اتلمى بقى شوية و اسكتى و لـ أحمد خير يا دكتور حضرتك محتاج حاجة اقدر اعملها لك
أحمد:: بصراحة انا كنت جاى لـ استاذ سعيد عشان متفق معاه ع طبع كتب المادتين و الملازم اللى هتنزل للطلبة و أتفاحئت بيكم ما كنتش اعرف انكم شغالين هنا
حياة:: و أديك عرفت أتكل بقى من هنا استاذ سعيد مش جاى النهاردة
أحمد:: لـ حياة ده من حسن حظى انى عرفت يا قمر و لـ نغم انا قـ ـتـ ـيل هنا يا سكر
نغم:: بعـ ـصبـ ـية .. دكتور أحمد لو سمحت ده مش اسلوب حضرتك تتكلم معانا بيه
حياة:: بمقاطعة انتى يا بنتي بتتكلمى معاه بأدب ليه الاشكال دى أخرها الشبشب 🩴و لـ أحمد يلا هش من هنا قبل ما انزل و اجيبهولك
أحمد:: لـ حياة هو ايه ده يا قمر اللى هتنزلى و تجيبهولى
حياة:: الشبشب🩴 يا عينيا اللى هنزله ع دماغك بس ما تقاطعش
قول انشالله
أحمد:: و هو ماشى بغمزة لـ حياة هنتقابل كتير يا قمر سلام مؤقت
نغم:: اووف هو فى كدا .. ربنا يستر منه بقى
حياة:: هيييح بس مز اوى ابن الأيه يـ ـخـ ـر بيت حلوياته
نغم:: بزعيق .. حياااااة فوقى و ركزى فـ اللى بتعمليه بقى خلينا نخلّص شغلنا قبل ما يوصل استاذ سعيد
حياة:: يا بنتي ما انا قولت زفت مش جاى النهار……..و قطـ ـعت كلامها بهمس يا نهار اسوس .. أسـ أسـ أستاذ سعيد حمد الله ع السلامة
سعيد:: مالكم صوتكم عالى جايب أخر الشارع .. بتزعقوا ليه
حياة:: أبدا يا استاذ سعيد ده كان فى واحد هنا قليل أدب و محتاج يتربـ…… و سكتت فجأة لما شافت
أحمد:: داخل ورا سعيد المكتبة و بصلها و بغمزة ..و ياترى ربيته يا أنسة و لا لسة؟؟
حياة:: بغيظ .. ما تقلقش يا دكتور هو تمامه الشبشب🩴يطرقع ع دماغه بس يفكر يقل أدبه تانى
نغم:: بهمس لـ نفسها الله يهديكى يا حياة هنروح فـ داهية و شكله كدا هيحطنا فـ دماغه
سعيد:: لـ نغم .. أدخلى المطبعة يا نغم شوفى حاجة دكتور أحمد خلصت
و لا لسة
نغم:: حاضر يا استاذ سعيد ثوانى اشوفها لحضرتك . و بالفعل دخلت المطبعة شوية و خرجت .. الكتب و الملازم خلصت يا دكتور
سعيد:: خلاص خدى حياة و أدخلوا هاتوها من جوة و سلموها .. اه بالمناسبة دكتور أحمد فـ نفس الكلية اللى انتوا فيها
حياة:: بملل ..أه ما احنا عارفين للاسف قصدى ده من حسن حظنا انه دكتورنا
أحمد:: بمكر .. إيه ده انتوا طلبة فـ كلية هندسة ؟! معقول !!
حياة:: برفعة حاجب .. لا يا شيييخ و النبي اييييه شوووف ازاى
سعيد:: بنرفزة .. مالك يا حياة ايه الطريقة اللى بتكلمى بيها الدكتور دى
أحمد:: بأبتسامة مكر .. و لا يهمك يا استاذ سعيد أكيد الانسة ما تقصدش الطريقة دى و لـ حياة مش كدا برضوا يا أنسة؟
حياة:: بغيظ .. لأ اقصد بقى ها
أحمد:: بنفس الابتسامة .. ليه بس يا أنسة ده انا حتى اول مرة أشوفك و أعرف انك طالبة عندى
حياة:: نععععم يا روح أمك
سعيد:: بزعيق لـ حياة ايه اللى بتقوليه ده اتفضلى اعتذرى لـ دكتور أحمد و ادخلى هاتى حاجته من جوا
حياة:: بتذمر .. يووووه بقى مش هعتذر بس ها و سابتهم و دخلت المطبعة تجيب الكتب و الملازم اللى خلصت و خرجت هى و نغم و سلموه حاجته و مشى
_______________________
فـ الجامعة
تانى يوم نغم و حياة داخلين الكلية و كالعادة
حياة:: ياما نفسى أعمل زى العصافير دول و أقعد كدا و جنبى مز نضيف و ريحته حلوة بدل العـ ـرر اللى بنشوفهم فـ المكتبة و الحارة دول
نغم:: بغيظ .. تصدقى يا حياة انتى مش هتسكتى غير ما تقعى فـ واحد يجيب أجلك
حياة:: ياختى اتنيلى هو انا اصلا كنت لاقيت حتى كـ ـلـ ـب بلدى يهوهو عليا يعنى .. أدينى بفضفض معاكى بدل ما أطق من جنابى من اللى انا شايفاه ده
نغم:: بهدوء و تشوفى الوحش ليه بس ما تشوفى الحلو اللى فـ المكان و أعملى زيه
حياة:: طيب بذمتك انتى فى ايه هنا أحلى من الكابلز دول كل واحد ساحب البت بتاعته و قاعدين و لا اللى ع الكورنيش مش فـ كلية .. دول ناقص حد يسرح قدامهم بترمس و درة مشوى و حاجة ساقعة بيبس ههههههههههههه
نغم:: طيب ياختى يلا وصلنا و ياريت بقى تقفلى بؤقك ده خالص مش عايزين ننطرد تانى لو سمحتى
حياة:: ماشى يا ست نغم لما نشوف المز ابو رجل مسلوخة ده شرحه ازاى هو كمان
و بالفعل دخلوا قعدوا فـ مكانهم مستنيين دكتور طارق لما يدخل
برا المدرج
وصل طارق و أحمد فـ نفس الوقت و اتقابلوا بعد ما كل واحد فيهم ركن عربيته و نزل منها
أحمد:: صباح الخير يا برنس
طارق:: صباح الخير .. إيه اللى جابك بدرى كدا يا عملى الاسود .. ع حد علمى ان محاضراتك بعد الضهر
أحمد:: اه عندى محاضرتين النهاردة فـ سنة تالتة و سنة رابعة
طارق:: طب جاى ليه الصبح كدا يا أخر صبري
أحمد:: جاى أحضر معاك المحاضرة يا طاروقة يا حبيبى
طارق:: و ده ليه بقى ان شاء الله
أحمد:: فراااغ
طارق:: فراغ ؟!!! ده بجد ؟ أحمد الاسيوطى حاسس بفراغ .. من امتى يا أبو حميد
أحمد:: من وقت ما دخلت الدفعة الجديدة يا عم ليك شوق فـ حاجة
طارق:: امممممم قول كدا بقى
أحمد:: أخلص بقى هتدخل المحاضرة و لا أدخل انا لوحدى و أعكها جوة
طارق:: يا أخى انا مش عارف انت دكتور ازاى بأسلوبك ده
أحمد:: بقولك ايه يا استاذ نصايح انت شيلنى من دماغك و سيبنى براحتى
طارق:: عايز تدخل المحاضرة معايا ليييه اخلص
أحمد:: بصراحة كدا بقى فى حتة بسبوسة فـ الطلبة الجداد هـ ـمـ ـوت عليها
طارق:: بهزار .. حسبى الله فيك يا شيخ .. يا أبنى اتلم شوية
أحمد:: أخلص قولت و يلا ندخل المحاضرة
طارق:: أمرى لله مضطر استحملك بس ياريت تدخل ما تتكلمش مع حد
و بالفعل دخلوا المحاضرة سوا
فـ المدرج
كل الطلبة شافوا الباب بيتفتح و كل طالب اتعدل وقعد فـ مكانه
حياة:: شافت أحمد داخل مع طارق .. يا نهااااار الوااااان خبينى و النبي يا نغم و بتنزل تحت البنش تستخبى
نغم:: بتوتر لما شافت أحمد .. أتنيلى و أطلعى و بطلى هبل
حياة:: من تحت بتهز دماغها .. لأ لأ لو طلعت فرقع لوز هيشوفنى هو أكيد جاى عشان يقول لـ ابو رجل مسلوخة عليا
طارق:: شاف نغم لوحدها و سألها قبل ما يبتدى المحاضرة .. أومال النابغة اللى معاكى فين مش شايفها يعنى النهاردة
نغم:: بتبلع ريقها و بتشاور بعينيها و بإيديها جنبها ع حياة
حياة:: من تحت لسة هتقولها ماتقوليش انى هنا شافتها بتشاور عليها .. يـ ـخـ ـر بيتك بتشاورى ليه دلوقتي يجيبنى من قفايا
طارق:: قرب و شاور بصباعه لـ حياة أطلعى بتعملى ايه عندك ؟
حياة:: ضحكت ببلاها ههههههه .. كنت بدور ع القلم اصله وقع مني
طارق:: مسك القلم اللى كان موجود ع حاجتها و شاور لها بيه .. مش هو ده برضوا القلم اللى وقع و لا انا بيتهيألى
حياة:: ببلاها هااا اه هو
طارق:: ما تتكررش تانى مفهوم
حياة:: حاضر يا دكتور انا اسفة مش هكررها تانى و بصت بتلقائية ع أحمد لاقيته بيغمز لها من غير ما حد ياخد باله
طارق:: رجع مكانه و لكل الطلبة ياريت الكل يركز و مش عايز صوت .. و ابتدا فـ شرح المحاضرة حوالى ساعتين ما بين شرح و بين أسئلة من الطلبة و خصوصا نغم اللى كانت مركزة جدا هى و حياة و مش بيفوتوا حاجة من غير ما يفهموها
خلصت المحاضرة و قبل ما يخرج
طارق قال لـ نغم و حياة عايزكم فـ مكتبى و سابهم و مشى
أحمد:: بغمزة لـ حياة مش قولتلك هنتقابل تانى
نغم:: بقلق .. حضرتك عايز مننا ايه يا دكتور أحمد أرجوك سيبنا فـ حالنا و بلاش تأذينا
حياة:: لـ أحمد بقولك ايه يا أسمك ايه انت .. انا بقى مش خايفة منك زى الهبلة دى و أخرتها ايه يعنى هترفد من الكلية عااااادى مش فارق
أحمد:: بضحك لـ حياة واضح جدا انك مش خايفة عشان كدا استخبيتى تحت البنش
حياة:: بغيظ .. ع فكرة بقى انا ما استخبيتش انت فهمت غلط يا استاذ انا نزلت أجيب القلم اللى وقع مني
أحمد:: بغمزة .. واضح واضح بس و النبي قمر و انتى زى الفار المبلول كدا
نغم:: دكتور أحمد لو سمحت ماينفعش كدا و بعد أذنك دكتور طارق عايزنا فـ مكتبه و اتمنى مايكونش بسببك و لـ حياة يلا عشان ما نتأخرش و بالفعل سابوا أحمد فـ المدرج و راحوا عند طارق
فـ مكتب طارق
خبطوا البنات يستأذنوا الدخول
طارق:: تعالوا اتفضلوا
نغم:: بتوتر خير حضرتك عايزنا فـ ايه
حياة:: بتسرع .. ع فكرة بقى أحنا ما عملناش حاجة ده هو اللى بيضايقنا و انا بس اللى رديت عليه نغم مالهاش دعوة
طارق:: هو مين ده انا مش فاهم حاجة
نغم:: هو حضرتك مش عايزنا بخصوص دكتور أحمد ؟
طارق:: و انا هعوزكم ليه بخصوص أحمد ؟
حياة:: مش هو اشتكى لـ حضرتك مننا لما شوفناه فـ المكتبة امبارح
طارق:: أولا كدا انا مش عايزكم بخصوصه وثانيا انا معرفش حاجة من اللى بتقولوه ده ثم ان أحمد كفيل يحل مشاكله لوحده انا مش واصى عليه
نغم:: اومال حضرتك عايزنا ليه
طارق:: كل اللى عايزه منكم انكم تاخدوا الكارت ده و تروحوا العنوان اللى فيه و تقابلوا باشمهندس وليد العامري و تعرفوه انكم من طرفى هو هيكون فـ انتظاركم بعد الكلية
حياة:: بعدم فهم .. أيوا لامؤاخذة يعنى نروح لـ وليد ده ليه بالظبط
طارق:: لو ركزتى شوية هتفهمى
حياة:: افهم ايه يا دكتور لا مؤاخذة
طارق:: انتوا مش كنتم عايزين شغل كويس بدل المكتبة اللى شغاليين فيها و مرتبها اللى مش بيكفيكم ؟؟
نغم:: ايوا فعلا بس حضرتك عرفت ازاى
طارق:: بأبتسامة صافية .. عرفت بطريقتى يا نغم انتى ليكى أكل و لا بحلقة
حياة:: و بعديييين بقااااااا انتوا بترقبوا الطلبة الجديدة و لا ايييه بالظبط
طارق:: لـ حياة ليه بتقولى كدا
حياة:: أصل دكتور أحمد امبارح كان طابـ… و قـ ـطـ ـعت كلامها لما شافت أحمد داخل المكتب
طارق:: كملى سكتى ليه ماله دكتور أحمد
نغم:: اتكلمت قبل حياة مالهوش يا دكتور بعد أذنك عشان نلحق المحاضرة التانية
حياة:: بصت لـ أحمد من فوق لـ تحت بقرف و مشيت مع نغم
طارق:: و هما خارجين من المكتب .. ماتنسوش تروحوا بعد ما تخلصوا محاضراتكم هو مستنيكم
أحمد:: لـ حياة و النبي عسل .. و لـ طارق هو ايه النظام مين ده اللى مستنيهم
طارق:: و انت مالك بـ اللى مستنيهم خليك فـ حالك و بطل فضول .. و بعدين اتلم و مالكش دعوة بيهم
أحمد:: أسكت يا طارق هتجننى البنت دى اوى .. صنف مختلف كدا ما شوفتوش قبل كدا
طارق:: بنت مين اللى هتجننك دى و جواه مش عارف ليه خاف يكون بيقصد نغم
أحمد:: حياة يا طاروقة حتة بسبوسة بس مقرمشة .. بت شرسة و مخلّصة و مش بيهمها اى حاجة
طارق:: أبعد عن البنات دول يا أحمد دول مش حملك و لا قد تصرفاتك
أحمد:: يا عم انت بتجمع ليه هى واحدة بس اللى مجننانى ماليش دعوة بالتانية انا
طارق:: و مجنناك ازاى بقى يا فالح
أحمد:: مش عارف يا أخى اول واحدة تقف قصادى و تشتم فيا و مش هاممها انى دكتورها عكس بنات كتير بتخاف تتكلم لما أعاكسها .. تصور انها كانت عايزة تـ ـضـ ـر بنى امبارح بالشبشب
طارق:: بتريقة .. لا يا راجل بجد و فرحان اوى انها بتهزقك .. طيب ما تحترم نفسك شوية
أحمد:: بصراحة مش عارف يا طارق البت دى شغلت تفكيرى جامد و شكلى كدا راح أتوب ع إيديها
طارق:: ياررريت .. ع الاقل أرتاح انا من بلاويك اللى بلمها من وراك و أهى تربيك بالمرة
أحمد:: بشرود .. تعرف انا أول مرة أتشد بالشكل ده لـ بنت لدرجة أنى قعدت فـ عربيتى أراقبها من بعيد و هى فـ المكتبة لغاية ما خلّصت شغلها و روحت و مشيت وراها و عرفت بيتها
طارق:: أنت أكيد مش طبيعى عشان تعمل كدا
أحمد:: فاق من شروده .. صدقنى انا مش عارف عملت كدا ازاى بجد .. حياة من اول مرة شوفتها شدتنى تحسها كدا بنت بلد و جدعة و حاسس جواها وجع بتداريه بتصرفاتها اللى بتعملها
طارق:: تصدق انا بصراحة مستغرب جدا أزاى واحدة زى نغم تصاحب واحدة زى حياة
أحمد:: أيه وجه الاستغراب يعنى .. ما أنا و أنت أصحاب عادى
طارق:: بشرود .. مش عارف بس نغم هادية جدا صوتها يادوب مسموع و عينيها مابتترفعش اما حياة أعوذ بالله رهيبة
أحمد:: بتريقة .. الله هى الصنارة غمزت و لا ايه
طارق:: صنارة ايه دى اللى غمزت .. أتلهى و أسكت و خليك فـ المجنونة بتاعتك
أحمد:: لو سمحت ما تغلطش فـ المزة بتاعتى و خليك انت فـ المزة بتاعتك
طارق:: بنرفزة .. ايه الهبل اللى بتقوله ده .. ايه المزة بتاعتك و المزة بتاعتى دى احترم نفسك شوية
أحمد:: أهدى يا عم ع نفسك شوية و ما تتنرفزش عليا اوى كدا الله يخليك و يلا انا ماشى ألحق المحاضرة بتاعتى سلام
وبالفعل خرج أحمد من المكتب و ساب طارق قاعد و شارد بخياله بيفكر فـ نغم
_______________________
فـ شركة العامري
بعد ما نغم و حياة خلّصوا محاضرات
راحوا بالفعل العنوان اللى قالهم عليه طارق و سألوا فـ الاستعلامات
نغم:: لو سمحت نلاقى استاذ وليد فين
موظف الاستعلامات:: أستاذ وليد مين يا انسة
حياة:: وليد العامري يا استاذ نلاقيه فين
الموظف:: حضراتكم عايزين مستر وليد صاحب الشركة
نغم:: أيوا لو سمحت نلاقيه فين
الموظف:: فى ميعاد سابق ؟؟
حياة:: و انت مالك انت فى ميعاد و لا مافيش قول لنا نلاقيه فين وخلاص و اسكت
الموظف:: بهدوء لـ حياة ما ينفعش يا أنسة هو نظامه كدا لو مافيش ميعاد ما اقدرش أخليكم تقابلوه
نغم:: حضرتك هو مستنينا بس بلغه اننا من طرف دكتور طارق
الموظف:: لحظة واحدة .. و رفع سماعة مكتبه و بلغ سكرتيرة وليد و بلغته انهم يطلعوا .. حط السماعة و لـ نغم مكتب مستر وليد أخر دور اتفضلوا هو مستنيكم
حياة:: و ده نطلعله ازاى يا حضرت
الموظف:: أطلعى الاسانسير اللى فـ وشك ده و دوسى ع الدور الخامس هتنزلى تلاقيه فـ أخر الدور
نغم:: شكرا لـ حضرتك و لـ حياة يلا نطلع و لسة بيلفوا عشان يوصلوا للاسانسير شافوا
طارق:: ايه ده أنتوا لسة ما طلعتوش ليه
نغم:: كنا بنسأل عن مكتب أستاذ وليد و هنطلع اهو
طارق:: طيب كويس تعالوا معايا انا طالع عنده و دخلوا الاسانسير فعلا معاه
حياة:: لـ طارق هو مين وليد ده يا دكتور ؟ و شركة مين دى ؟
طارق:: يهمك تعرفى ؟
حياة:: اه بصراحة يهمنى أعرف
طارق:: وليد أخويا الكبير و الشركة دى بتاعتنا اى اسئلة تانية
حياة:: بتهز دماغها بـ لأ و سكتت
طارق:: تمام .. يلا وصلنا و بالفعل خرج من الاسانسير و معاه نغم و حياة وصل مكتب السكرتارية
وفاء:: بهيام .. دكتور طارق نورت الشركة حضرتك ليك كتير مش بتيجى .. ليه ياترى؟
طارق:: بجدية .. ماعنديش وقت و سابها و مشي و وراه البنات
حياة:: بهمس لـ نغم سمعه طارق .. يـ ـخـ ـر بيت شكلك بت مايصة كدا .. مدلوقة ع الاخر البت دى و هو مش معبرها احسن تستاهل
نغم:: يارب تتلمى بقى يا حياة و تسكتى .. ابوس إيدك مالكيش دعوة بحد
حياة:: انكتمت اهو و حطيت فردة 🩴فـ بؤقى
طارق:: أبتسم ع رد فعلهم و دخل المكتب .. وليد باشا العامري ايه الاخبار
وليد:: أخيرا طارق باشا منورنى بنفسه .. ده أحنا كدا نـ ـد بح عـ ـجل بقى ع باب المكتب
طارق:: ماتقلقش هتلاقينى كتير الفترة الجاية
وليد:: تنور شركتك .. و مكتبك مستنيك ع الاقل تشيل عنى شوية
طارق:: ماشى يا عم بس كدا من عينى المهم .. و شاور لـ نغم و حياة تعالوا قربوا
وليد:: أهلا وسهلا اتفضلوا .. و لـ طارق انت جاى بنفسك معاهم كان كفاية كارت بس
طارق:: عارف يا حبيبى و الله بس حبيت أجى اعرف الدنيا فيها ايه هنا
وليد:: تمام يا دكتور استنى بقى نشوف الانسات يشربوا ايه الاول قبل اى كلام
نغم:: لأ متشكرين لـ حضرتك
طارق:: رفع سماعة المكتب .. وفاء أبعتى أتنين قهوة مظبوط و اتنين عصير مانجا فريش و حط السماعة و لـ نغم مافيش اعتراض اوك
نغم:: بأبتسامة خـ ـطـ ـفت قلب طارق .. حاضر
وليد:: نتكلم فـ المهم ؟
حياة:: اتفضل حضرتك
وليد:: مبدئيا كدا طارق كلمنى و عارف انكم لسة بتدرسوا و طبعا دراستكم مالهاش علاقة خالص بمجال الشركة فـ شغلكم هيكون هنا فـ السكرتارية مع وفاء
حياة:: بعفوية و تسرع .. مع المايصة ام لبانة اللى برة دى
وليد:: بأستغراب .. نعم !!
نغم:: أسفة لـ حضرتك هى ما تقصدش .. تحت أمرك اى مكان مافيش مشكلة
وليد:: تمام انتوا أكيد بتعرفوا كمبيوتر و بتفهموا فـ النت
حياة:: أكيد طبعا حضرتك
وليد:: لسة هيتكلم دخلت وفاء بحال غير الحال و بتقدم بنفسها القهوة
وفاء:: بمياصة .. اتفضل يا دكتور قهوة حضرتك عملتهالك بإيدي
طارق:: بعـ ـصبـ ـية حطى الصينية و اتفضلى ع مكتبك
وليد:: استغرب شكلها و بزعيق وفااااااء ع مكتبك يلا
وفاء:: تحت امر حضرتك مستر وليد
و بالفعل خرجت من المكتب
طارق:: بتنهيدة .. استغفر الله و بهمس بنت مستفزة
وليد:: كنا بنقول ايه ؟
نغم:: حضرتك كنت بتسألنا عن الكمبيوتر و النت
وليد:: بالظبط كدا شغلكم مع وفاء هتعلمكم ازاى تنظموا الملفات ع الكمبيوتر و تعملوا سيريال نمبر لكل ملف و كمان ازاى تستقبلوا الايميلات و الفاكسات و تبعتوها
طارق:: اعتقد ده شغل بسيط و سهل بالنسبالكم
نغم:: فعلا و ان شاء الله مش هنخذل حضرتك يا دكتور
وليد:: تمام والمرتب 3000 ج و لو تحبوا تبتدوا من دلوقتي مافيش مانع
نغم:: معلش لو ممكن بس من أول الشهر
وليد:: تمام مافيش مشكلة .. بس ليه ؟
حياة:: لغاية بس ما نصفى حسابنا من المكتبة اللى شغالين فيها
طارق:: خلاص يا وليد جهزلهم العقود و خلص كل الورق خليهم يمضوه و كلها اسبوع ع اول الشهر
وليد:: ماشى كلامك يا طاروق و رفع سماعة المكتب وفاء تعالى و حط السماعة
طارق:: قام وقف قبل ما تدخل وفاء انا رايح مكتبى و لـ نغم و حياة قبل ما تمشوا عدوا عليا
نغم و حياة:: حاضر يا دكتور
وفاء:: دخلت أفندم مستر وليد
وليد:: خدى الانسات جهزي لهم عقود تعيينهم و نزليهم شئون العاملين و خليكى معاهم لغاية ما يخلصوا كل الورق و يمضوه و هاتيه امضى عليه
وفاء:: حاضر يا مستر و لـ نغم و حياة اتفضلوا
وليد:: وفاء أعملى حسابك انهم هيبقوا معاكى فـ المكتب من اول الشهر وانتى اللى هتدربيهم
وفاء:: تمام يا مستر ما تقلقش .. بعد أذنك
و بالفعل نغم و حياة خلصوا ورق تعيينهم فـ شركة العامري وبعدها عدوا ع طارق و شكروه و مشيوا مبسوطين بشغلهم الجديد
________________________
فـ الحارة
نغم و حياة رجعوا اوضتهم بعد ماخلصوا مشوارهم فـ شركة العامري و كملوا يومهم فـ المكتبة و قابلتهم
أم أبراهيم:: حمد الله ع السلامة يا بنات
حياة:: الله يسلمك يا أم أبراهيم يا جلدة
أم أبراهيم:: بزعل بقى كدا يا حيات بتشتمينى و انا قد أمك اخص عليكى
نغم:: معلش يا خالتى أم أبراهيم ماتزعليش منها هى متقصدش
حياة:: بغيظ .. لأ اقصد بقى و بعدين انا اسمى حياة مش حيات ركزوا بقى فـ نطق الاسم
نغم:: لـ حياة ما تتلمى بقى شوية مش هفضل أمشى ألم من وراكى
أم أبراهيم:: نصيبك يا نغم يا بنتى تبقى حيات أختك سبحان الله البطن قلّابة
حياة:: بغيظ ..شوووف برضوا الولية .. يا ولية انتى اييييه مابتفهميش ما قولنا اسمى حياة حياااااااااة بـ الته المربووووطة ياختي
أم ابراهيم:: الله و انا مالى مربوطة و لا مفكوكة هو انا هناسبها
حياة:: هتناسبيها ؟! والله ما فيه حد مفكوك غيرك و محتاجة ربط لـ صواميل مخك أخلصي يا ولية راجعين من الشغل تعبانين و لسة عندنا مذاكرة .. معطلانا ليه خيييير
أم أبراهيم:: فى واحد مستنيكم فوق ليه أكتر من ساعتين بيقول انه قريبكم
نغم:: بأستغراب .. قريبنا ؟!! ما قالش مين
أم ابراهيم:: معرفش يا نغم يا بنتى هو قال انه عمك باين كدا أسمه محسن الهلالى
حياة:: بذهول .. يالهوى عمو محسن عرف مكانا ازاى ده
نغم:: مش عارفة تعالى نطلع نشوف فى ايه و لـ أم ابراهيم .. شكرا يا خالتى بعد أذنك و سابوها و طلعوا
أم ابراهيم:: أذنك معاكى يا حبيبتى
و بالفعل طلعوا السلم جرى يشوفوا عم نغم جاى ليه و اول ما شافوه
نغم:: بتوتر .. ازيك يا عمى
محسن:: بسعادة مصطنعة خدها فـ حضنه .. نغم بنت اخويا وحشتينى يا حبيبتى طمنينى عنك
نغم:: بإندهاش .. كويسة يا عمى الحمدلله
محسن:: كدا برضوا يا نغم تدوخينى عليكى المدة دى كلها .. ليه ما عرفتنيش مكانك لما اتخرجتى من المدرسة
حياة:: قعدت قصاد نغم و عمها ربعت رجلها فوق الكنبة اللى ع السطوح برة الاوضة و شبكت صوابع إيدها الاتنين فـ بعض و حطيتهم تحت دقنها و بتراقب تعبيرات وش محسن و ساكتة
نغم:: لـ محسن .. أعتقد يا عمى قبل ما أخرج من المدرسة المديرة اتصلت بحضرتك تبلغك انى خارجة قولتلها انك مسافر و مش هترجع دلوقتي
و أضطريت أخرج انا و حياة و دورنا ع سكن لغاية ما لاقينا الاوضة دى و قعدنا فيها
محسن:: كنت مسافر يا حبيبتى و أدينى رجعت و بعدين طنطك منال هتتجنن عليكى و نفسها تشوفك يا نغم
حياة:: بهمس لنفسها .. يا حرام تصدق صعبت عليا يا مسيء أفندى انت
نغم:: بأستنكار .. طنط منال هتتجنن عليا ازاى يا عمى .. و هى اللى خليتك تدخلنى مدرسة داخلية بحجة ان ماينفعش أعيش معاكم وسط الصبيان
محسن:: خافت عليكى يا حبيبتى انك تكبرى وسط الولاد و ما تعرفيش تاخدى راحتك خصوصا انك عارفة ما عنديش بنات يعنى كنتى هتبقى لوحدك
نغم:: خافت عليا و لا خافت مني ع ولادها يا عمى و بعدين لو زى ما بتقول حضرتك .. عشر سنين و انا فـ المدرسة مافيش مرة فكرت تيجى تزورنى و لا حتى تتصل تطمن عليا
محسن:: خلاص بقى يا نغم انسي يا حبيبتى ما يبقاش قلبك اسود و تعالى عيشي معايا
حياة:: بنفس الهمس .. يا حنييين ده ايه الحنية اللى طفحت عليك مرة واحدة دى و جواها خايفة نغم توافق انها تروح مع عمها
نغم:: لـ محسن أسفة يا عمى ما أقدرش اجي اعيش مع حضرتك و أسيب حياة لوحدها ده غير ان البيت قريب من الجامعة و الشغل فـ معلش سامحنى مضطرة ارفض طلبك
محسن:: بحزن مصطنع .. شغل ايه بس يا نغم يا بنتى سيبي الشغل ده و شوفى عمك هيعملك ايه .. أنا مش هخليكى محتاجة حاجة و ان كان ع كليتك هنقلك فـ جامعة قريبة و اخواتك يوصلوكى كل يوم بالعربية
حياة:: بذهول بنفس الهمس .. بنتك؟! و ده من أمتى يا مسيء أفندى
نغم:: معلش يا عمى سامحنى انا خلاص رتبت أمورى هنا و مش هينفع
اتنقل من الجامعة و لا اسيب الشغل
محسن:: ده أخر كلام عندك يا نغم
نغم:: أيوا يا عمى ده أخر كلام
محسن:: ماشى يا نغم انا ماشى بس افتكرى انى جيتلك يا بنت أخويا سلام .. و هو ماشى
حياة:: ما تقعد تشرب حاجة يا عمو
محسن:: مشى من غير ما يرد ع حياة
نغم:: بدموع .. انا كنت أرتاحت ليه بس افتكرنى ليه دور عليا
حياة:: اقولك حاجة ابت انغم بس بطلى عياط الاول شالله يخليهملك
نغم:: و هى بتمسح دموعها .. قولى يا حياة عايزة تقولى ايه
حياة:: عمك ده مش سالك .. طقم الحنية اللى بيرشه ده وراه إنة
نغم:: ليه بتقولى كدا يا حياة
حياة:: امممممم أحساسى بيقول كدا .. و قامت وقفت و حطت إيدها ورا ضهرها و بتلف حوالين نغم .. تعبيرات وشه باينة اوى ان وراه حاجة بس ايه هى بقى الحاجة دى الله أعلم
و بالفعل فضلت نغم طول الليل بالها مشغول بـ عمها و ايه اللى فكره بيها
نغم بقلمى______________لبنى دراز
طارق:: تتجوزينى؟؟
نغم::………؟؟؟؟؟
يتبـــــــــع
#البارت_الثالث
#نغم(#وجع_و_دموع)
الوحدة مؤلمة لكنها أجمل بكثير من أناس يتذكرونك فقط وقت أحتياجهم.
سيأتي يوم وتجد من يضحي من أجل ابتسامة يرسمها على وجهك، فلا تغلق أبواب قلبك فليس كل من يدقها ينوي جرحها.
نغم بقلمى_____________لبنى دراز
فـ ڤيلا محسن الهلالى
بعد ما رجع محسن من عند نغم و هو بيفكر ازاى يخليها توافق تعيش معاه دخل ڤيلته شاف ولاده و مراته استقبلته
منال:: بتساؤل .. ها عملت ايه مع بنت أخوك يا محسن؟؟
محسن:: طيب قولى حمد الله ع السلامة الاول
منال:: ماتعصبنيش يا محسن .. أخلص قول عملت ايه مع الغندورة بنت أخوك
محسن:: رفضت تيجى معايا بحجة الكلية و الشغل
منال:: بعـ ـصبـ ـية يعنى ايه رفضت يا محسن انت كان لازم تجبرها .. فاهم لااازم تجبرها
سامى:: ماينفعش يا ماما تجبروها تيجى تعيش هنا
منال:: و ليه بقى يا استاذ سامى ماينفعش
سامى:: عشان يا ماما حضرتك زمان خليتى بابا يوديها مدرسة داخلية و ما كنتيش بتزوريها تسألى عليها و حتى وقت الاجازة ماسمحتيش انها تاخدها معانا فـ طبيعى انها ترفض و مهما حاولتوا تقنعوها هترفض
منال:: و انا قولت تجبروها مش تقنعوها
نادر:: نجبرها ازاى يعنى يا ماما نشيلها شيل مثلا و لا نخـ ـطـ ـفها .. قولى كلام معقول يا ماما لو سمحتى
منال:: لـ محسن و سامى و نادر أسمعوا انتوا التلاتة نغم لازم تيجى تعيش هنا بأى طريقة ده لو عايزين تطلعوا من الوحلة اللى وقعتوا نفسكم فيها و ماتعلنوش افلاسكم و تدخلوا السجن
محسن:: و نغم علاقتها ايه باللى أحنا فيه يا منال
منال:: نغم هى اللى هتنقذكم من السجن
سامى:: ازاى بقى يا ماما ممكن نفهم
منال:: لـ سامى نغم جميلة جدا لو أهتمت بجمالها شوية و لبست حلو الف مين هيعجب بيها من رجال الأعمال و خصوصا عادل الجيار
سامى:: انتى قصدى اننا نعزم عادل الجيار عندنا و نخليه يشوف نغم
منال:: بالظبط كدا يا سامى بعد ما نلبسها كويس مع شوية ميك أب و نخليها تقعد معاه و انت عارف بقى هو بيقدر الجمال ازاى
نادر:: ايوا يا ماما بس عادل الجيار أكبر من بابا
منال:: و ايه يعنى الراجل ما يعيبهوش غير جيبه و عادل الجيار ملياردير يعنى بمجرد بس ما يشاور عليها انتوا كل مشاكلكم اتحلت و كمان اسمكم كبر فـ السوق
محسن:: و أفرضي بقى يا فالحة عملنا كل ده و عادل نفسه رفض نغم هنعمل ايه
منال:: مش هيرفضها ماتخافش .. سيبولى بس نغم و مالكمش دعوة انتوا
محسن:: هتعملى ايه يعنى عايز افهم
منال:: هروح لها الجامعة انا و سامى و أكلمها الاول بالزوق و لو رفضت يبقى بالعافية هجيبها
محسن:: ماشي يا منال أعملى اللى انتى عايزاه
و فعلا ساب منال تتصرف عشان تخلى نغم تروح معاهم الڤيلا
____________________
فـ الجامعة
تانى يوم راحت نغم الجامعة و تركيزها مشتت مش قادرة تستوعب اى حاجة من المحاضرة و أستأذنت من طارق و خرجت من المدرج قعدت فـ كافيه الجامعة و فجأة شافت
منال:: بأبتسامة مصطنعة .. نغم حبيبتى عاملة ايه وحشتينى
سامى:: ازيك يا بنت عمى وحشتينا
نغم:: بخضة .. طنط منال ؟! سامى
خير فى حاجة ؟!
منال:: هو لازم يبقى فى حاجة عشان نيجى نشوفك يعنى يا نغم
نغم:: أبدا يا طنط انا بس استغربت اصلكم من سنين طويلة ماحدش سأل عنى
سامى:: ظروف يا نغم معلش و دلوقتي خلاص الدنيا اتظبطت و عايزينك ترجعى تانى تعيشى معانا
نغم:: و انا قولت لـ عمى مش هينفع أرجع أعيش معاكم
منال:: بغيظ مش هينفع ترجعى تانى ليه يا ست نغم .. عجبتك القاعدة لوحدك عشان تلفى و تدورى براحتك و لا ايه
نغم:: انا مش قاعدة لوحدى يا طنط معايا حياة و بعدين أصلا ماعنديش وقت لـ حاجة غير دراستى و شغلى و بس
سامى:: بهدوء اسمعى يا نغم دلوقتي انتى ماشاء الله فـ كلية الهندسة يعنى محتاجة مصاريف كتير و أكيد معاش عمى مصطفى مش هيكفيكى و ….
منال:: بمقاطعة .. أسمعى بقى يا نغم عشان نخلص انتى لازم تيجى معانا سواء رضيتى او رفضتى
نغم:: بنرفزة .. و انا رافضة يا مرات عمى هتعملى ايه بقى عشان تخلينى أروح معاكى و ليه اصلا مُصرة تاخدينى
سامى:: عشان زى ما قولتلك يا نغم .. انتى محتاجة حد يساعدك فـ مصاريف كليتك
منال:: لـ سامى لأ مش زى ما قولت يا سامى و لـ نغم من الاخر كدا عمك شركته خسرت صفقة كبيرة و هيتسجن لو ما رجعتيش معانا و وافقتى تقابلى الملياردير عادل الجيار
وتتجوزيه عشان يقبل يساعد محسن و يسددله ديونه
نغم:: بتسمع منال و دموعها نازلة ع خدها و بأنهيار .. قوووولى كدا. بقى يعنى انتوا افتكرتونى لما خلااااااااص فلستوا و خايفين تتسجنوا و تترموا فـ الشاااااارع هو ده بس اللى خلى عمى يفتكر ان ليه بنت أخ يتيمة و محتاجة السؤاااااال اسفة يا منال هانم طلبك مرفوووووض
منال:: بزعيق ماسكة نغم من دراعها انا مش بستأذنك يا بت انتى انا بأمرك و انتى تنفذى و بس فاهمة
نغم:: شدت دراعها من منال .. لأ مش فاهمة و مش هروح معاكى فـ حتة انا ماليش دعوة بمشاكلكم روحوا حلوها بعيد عنى
منال:: لـ سامى جرها و هاتها
ان شالله حتى تشيلها
طارق:: خلص المحاضرة و رايح ناحية الكافيه و سمع الكلام كله و لسة سامى بيشد نغم وقف قصاده و شد نغم منه وقفها وراه و بزعيق .. انت مين و ماسك نغم كدا ليه .. و بزعيق أكبر فين أمن الجامعة اللى هنا
حارس أمن:: جه أفندم يا دكتور
طارق:: افندم ايه و زفت ايه انتوا كنتوا فيييين و سمحتوا للناس دى تدخل الجامعة ازااااى انا هوديكم فـ داهية
سامى:: انت اللى مين و بتدخل بينى و بين بنت عمى ليييه
طارق:: بقوة انا جوزها تقدر تقول بقى مين حضرتك و مالك و مالها
منال:: بذهول .. جوزها أزاى يعنى و من أمتى ؟!!
طارق::بجمود و انتى مين أصلا عشان تسألى
نغم:: بدموع .. دى تبقى مرات عمى
طارق:: حتى لو عمك نفسه يا نغم مش من حق أى حد فيهم يعمل معاكى كدا و لـ سامى و منال ياريت تتفضلوا من هنا و ما اشوفش وش حد فيكم مرة تانية و الا هيكون لى تصرف مش هيعجبكم
و بالفعل مشيوا من الجامعة و قعدت نغم مكانها و مافيش غير دموعها و بس نازلة و مش بتتكلم
حياة:: كانت خارجة من المحاضرة ورا طارق و شافت الموقف كله و جريت خدت نغم فـ حضنها بعد ما مشيت منال .. مالهم دول كانوا جايين لييه انتى مش قولتى لـ عمك مسيء أفندى ده انك مش عايزة تعيشى معاه
نغم:: بدموع .. عايزين يرمونى مرة تانية و يجوزونى راجل غنى عشان يسددلهم ديونهم و ينقذهم من السجن
حياة:: أنا مش قولتلك عمك ده مش سالك و وراه أن .. أهى ظهرت أنته
طارق:: بحب لـ نغم .. ممكن تحكيلى بالتفصيل كل حاجة
نغم:: بدموع اسفة يا دكتور ع
كل اللى حصل
طارق:: بجدية .. ممكن تبطلى عياط و ما تتأسفيش و تحكيلى مين دول بالظبط و عايزين ايه منك
نغم:: بدموع .. دول المفروض أهلى أبن عمى و مرات عمى اللى رمونى من أكتر من 10 سنين فـ مدرسة داخلية بعد وفاة بابا و ماما فـ حادثة و ماسألوش عنى طول السنين دى .. حتى بيت بابا عمى باعه و خد فلوسه و مافيش مرة جه زارنى او خدنى فـ أجازة عنده كان أخره يجى مرة فـ السنة يدفع مصاريف المدرسة و بس و لما خلاص خلّصت و هتخرّج.. مديرة المدرسة اتصلت بيه عشان يجى ياخدنى رفض بحجة انه مسافر دلوقتي لما خسر فلوسه و أتداين و هيتسجن أفتكرونى و راجعين عايزين يجبرونى أروح معاهم عشان يجوزونى للراجل اللى هيسددلهم ديونهم
طارق:: و مين الراجل ده تعرفيه؟؟
نغم:: بدموع .. قالوا ملياردير
اسمه عادل الجيار
طارق::بصدمة .. بتقولى مين ؟!
حياة:: قالت عادل الجيار .. هو حضرتك تعرفه يا دكتور ؟؟
طارق:: أيوا أعرفه ده راجل كبير فـ السن و غاوى يتجوز البنات الصغيرة ازاى عمك يفكر يعمل حاجة زى كدا
حياة:: بقلق .. طالما عرفوا مكان البيت و الجامعة مش هيسكتوا يا نغم
نغم:: بقلة حيلة .. فـ إيدى ايه يا حياة أعمله .. انا ما ليش حد يقف قصادهم
طارق:: انتى مش عايزة ترجعى ليهم تانى يا نغم صح ؟
نغم:: لأ مش عايزة أرجعلهم و مش عارفة أعمل ايه و لا اروح فين بعد ما عرفوا طريقى
حياة:: بقولك ايه ابت انتى أحنا نخلّص محاضرات و شغل و نرجع ع بيتنا و الراجل فيهم يقرب منك و انا أقسمه نصين
طارق:: اهدى يا حياة الامور ما تتحلش كدا
حياة:: لأ بقى لا مؤاخذة يا دكتور حضرتك اللى ماتعرفش الناس دى و لا تعرف نغم تعبت منهم قد ايه
طارق:: لـ حياة و انتى اللى تعرفى
يعنى يا نابغة ؟
حياة:: اه طبعا يا دكتور عشان كنت معاها يوم بيوم و عشت معاها اللى هى عاشته و فعلا عمها مسيء أفندى ده هو و ست استهبال دى عايزين الـ ـحـ ـرق
نغم:: لـ طارق ممكن سؤال
طارق:: اتفضلى
نغم:: حضرتك ليه قولتلهم احم انك جوزى
طارق:: فضل ساكت شوية و مش لاقى رد و لا عارف أصلا هو قال كدا ليه
نغم:: بحزن .. حضرتك مش لاقى رد مش كدا ؟ حاسس أنك ورطت نفسك فـ مشاكل انت فـ غنى عنها صح ؟
طارق:: بعد تفكير طويل قطـ ـع صمته .. تتجوزينى ؟؟
نغم:: بصت لـ طارق بصدمة حضرتك بتكلمنى انا !!
طارق:: بحب .. ايوا بكلمك انتى
نغم:: بذهول .. بتشاور ع نفسها بتكلمنى انا !!
طارق:: أيوا أنتى هكون بكلم حياة مثلا .. أيوا انتى تتجوزينى
نغم:: بصت له و بصت لـ حياة اللى قاعدة متنحة هى كمان و ساكتة و رجعت لـ طارق تانى هاااا انت قولت ايه؟
طارق:: بضحك من شكلها هى و حياة .. بقول تتجوزينى
نغم:: بخجل .. ازاى يعنى مش فاهمة
طارق:: بتوضيح و جواه بيتمنى انها توافق .. بصى يا نغم اللى فهمته ان أهلك عايزين يجوزوكى راجل غنى و كبير فـ السن عشان يسددلهم ديونهم و انا جيت قولت انى جوزك صح ؟
نغم:: بتوتر .. صح
طارق:: طيب هما عرفوا مكان بيتك و طريق الكلية و مش هيسكتوا غير لما يتأكدوا فعلا اننا متجوزين صح ؟
نغم:: بتهز دماغها بمعنى ايوا صح
طارق:: و عشان يتأكدوا من الكلام ده هيطلبوا يشوفوا قسيمة الجواز
نغم:: بدموع .. أكيد هيعملوا كدا
طارق:: بهدوء .. يبقى المفروض نعمل ايييه ؟؟
نغم:: بعدم فهم .. نعمل ايه؟
طارق:: المفروض نكتب كتابنا عشان لما يجى عمك او حد من ولاده يبقى معانا ما يثبت كلامنا و أقدر أحميكى منهم لغاية ما تقدرى تقفى ع رجلك وقتها لو حبيتى تطلقى أطلـ…… سكت ماقدرش يكمل الكلمة
حياة:: بمرح .. اااااه هتتجوزها كدا و كدا يعنى
طارق:: بالظبط كدا يا حياة .. مجرد جواز ع ورق لغاية ما نغم تخلص دراستها و تقدر تقف ع رجلها و عمها يبعد عنها خالص و لـ نغم خدى وقتك و فكرى و من دلوقتى لغاية ما تاخدى قرارك انتى ما ينفعش تقعدى تانى فـ بيتك لازم تغيرى عنوانك
نغم:: بدموع .. طيب هروح فين انا و حياة تعبنا لغاية ما لاقينا الاوضة دى
طارق:: ما تقلقيش انا عندى شقة محندقة كدا قريبة من الشركة و الجامعة كنت برتاح فيها شوية و أحيانا أبات فيها لو سهرت فـ الشركة و عندى محاضرة بدرى تانى يوم
حياة:: بقلق .. قصدك ايه بقى يا دكتور
طارق:: مش قصدى حاجة يا حياة غير انى أحمى نغم من عمها .. و طلّع مفتاح الشقة من سلسلة مفاتيحه و لـ نغم اتفضلى مفتاح الشقة أهو و تعالى يلا هروح معاكى تجيبي حاجتك و ترجعى الشقة
نغم:: بتوتر .. انا مش هسيب حياة
طارق:: بأبتسامة و انا ما قولتش تسيبى حياة أكيد هتيجى معاكى
و بالفعل وافقت نغم رغم توترها و قلقها انها تنقل من بيت الحارة وتروح شقة طارق
_____________________
فـ ڤيلا محسن الهلالى
رجعت منال و سامى من الجامعة و هى ع أخرها ماحدش عارف يكلمها
محسن:: شافها متعصبة و سأل .. عملتوا ايه يا سامى؟؟ نغم رفضت تيجى معاكم برضوا مش كدا ؟؟
سامى:: نغم طلعت متجوزة يا بابا
محسن:: بصدمة .. نعم !!!
منال:: بـ عصـ ـبية .. اتصدمت ليه يا محسن بنت أخوك طلعت متجوزة
من وراك و الله أعلم بقى متجوزة شرعى و لا عرفى و لا يمكن مش متجوزة أصلا
محسن:: بنرفزة و عرفتوا ازاى الكلام ده و متجوزة مين أصلا
سامى:: متجوزة الدكتور بتاعها و ابتدى يحكى اللى حصل لـ أبوه من اول ما وصلوا و كلموا نغم لغاية ما طارق طلع و اتخانق معاهم .. و بس يا بابا بعد ما خرجنا من باب الجامعة سألت بتاع الأمن اللى كان واقف عن جوز نغم قال انه دكتور و اسمه طارق العامري و انها طالبة عنده و لما سألته هو متجوز نغم و لا لأ قال مايعرفش حاجة لان طارق ده اصلا ماحدش يعرف عن حياته الشخصية حاجة بس بيشوفوه اغلب الوقت بيقف مع نغم و صاحبتها
نادر:: لـ سامى و لما عرفت انها متجوزة الدكتور بتاعها ما طلبتش ليه تشوف اى أثبات ع كلامهم
سامى:: ما أدانيش فرصة أصلا ده فـ ثانية شدها ورا ضهره و قلب الكلية و جمع الأمن و طردنا من الجامعة قصاد كل الناس اللى اتلمت
منال:: و انا مش هسكت مابقاش منال الدغيدي غير لما اتأكد من كلامه و يا ويلها لو طلع كداب
محسن:: سيبك منها دلوقتي و قوليلى هنعمل ايه فـ الورطة اللى أحنا فيها دى
منال:: بـ غِل عشان تخرج من الورطة دى لاااازم نغم تتجوز عادل الجيار او حتى ياخدها من غير جواز مش هتفرق المهم ينقذنا من
السجن و الشارع
نادر:: بتريقة .. و انتوا فاكرين بقى ان اللى أخد نغم منكم هيسيبهالكم بسهولة كدا تبقوا بتحلموا
سامى:: قصدك ايه بقى يا سى نادر
نادر:: قصدى يا باشمهندس يا محترم انه طالما قال انها مراته يبقى أكيد معاه ما يثبت كلامه و أكيد مش هيسكت لو فكرتوا تقربوا منها
منال:: يعنى ايييييه كل حاجة راحت و هنترمى فـ الشارع لاااااا مش ممكن ده يحصل
محسن:: بتعب .. هتعملى ايه يعنى يا منال
منال:: بتفكير .. امممممم سيبونى أفكر و أكيد هنلاقى لها حل
سامى:: مافيش حل غير اننا نراقب نغم و نعرف جوزها ده يبقى مين بالظبط الاول و بعدين نفكر هنعمل معاهم ايه
وبالفعل قرروا يراقبوا نغم فـ كل مكان لغاية ما يعرفوا كل حاجة
______________________
فـ الحارة نفس الوقت
رجعت نغم مع طارق و حياة ع بيتها فـ الحارة عشان تنقل حاجتها هى و حياة و يروحوا يعيشوا فـ شقة طارق لغاية ما تقرر موضوع الجواز و هما طالعين ع السلم
أم ابراهيم:: قابلتهم ع باب شقتها .. أزيكم يا بنات ايه اللى رجعكم بدرى كدا النهاردة
حياة:: بغيظ و بسرعة .. و انتى مالك يا ولية يا جلدة انتى رجعنا بدرى و لا اتأخرنا كنتى وليّة أمرنا ياختى و أحنا ما نعرفش
نغم:: بنرفزة و بعدين يا حياة انتى مش هتبطلى بقى عمايلك دى .. ولـ أم ابراهيم معلش يا خالتى انتى عارفة حياة ماتزعليش منها
ام ابراهيم:: لـ نغم و النبى يا نغم ما مصبرنى عليها غير انها اختك صحيح البطن قلّابة
حياة:: بغيظ يا ولية انتى كل ما تشوفينا تقولى البطن قلّابة ..البطن قلّابة .. الهى يقلّبوكى فـ خلاط خرسانة مع الرملة و الاسمنت و أبنى عليكى المشروع بتاعى يا بعيدة
طارق:: بضحك .. لـ حياة هو انتى ع طول كدا لسانك فالت ما بيسكتش
حياة:: لا مؤاخذة يا جوز اختى اتفضل أطلع انت و ماتشغلش بالك .. دى عالم ما ينفعش معاهم غير اللسان الفالت و انا لها
أم ابراهيم:: لـ حياة و ده مين ده بقى ان شاء الله اللى هيطلع يا حياة و طالع فين و انتوا بنتين لوحديكم
حياة:: بغيظ .. جرا ايه يا ولية يا حشرية هو انتى مش سامعانى بقول يا جوز أختى اييييه تحبى تشوفى القسيمة ؟؟
نغم:: بهمس لـ نفسها الله يـ ـخـ ـربيتك يا حياة استر يارب
طارق:: سمعها .. ما تخافيش يا نغم و لـ حياة يلا يا مجنونة زمان ماما قلقانة علينا
حياة:: حاضر يا أبيه و لـ ام ابراهيم ما تزغرطى يا ولية يا جلدة انتى و عبى الحارة زغاريط خلى الجيران تعرف .. نغم اتجوزت دكتور كبير فـ الجامعة و هنروح نعيش معاه فـ الفيلا و نسيب حارتكم المعفنة دى و برّقت لـ ام ابراهيم اوى .. بقولك زغرطى يا ولية انتى ما بتزغرطيش ليييه
أم ابراهيم:: بجد يا نغم الف مبروك يا حبيبتى لولولولولولولولولى
حياة:: أيوا كدا ناس ما تجيش غير بالعين الصفرا
طارق:: بضحك .. هى مش كانت حمرا بيتهيألى و لا غيروها ههههههههههههه
نغم:: بضحكة هادية مع حياة تلاقى كل الالوان ههههههههه
حياة:: اتريقوا اتريقوا براحتكم بكرة تعرفوا قيمتى
طارق:: طيب يلا نطلع تلموا حاجتكم و ننزل بسرعة .. و بالفعل طلعوا لموا كل حاجتهم و نزلوا سلموا المفتاح لـ صاحب البيت و هما خارجين من البيت شافوا الحارة اتملت بالجيران اللى بتزغرط و تبارك لـ نغم و طارق و ركبوا أخيرا العربية بعد ما سلموا ع جيرانهم فـ الحارة
فـ العربية
نغم:: بغيظ و هى راكبة جنب طارق لـ حياة اللى قاعدة وراها .. ينفع اللى عملتيه ده عاجبك كدا يعنى الـ ـفـ ـضـ ـايح دى
حياة:: برفعة حاجب .. فـ ـضـ ـايح ليه ها هو انتى كنتى فاكرة يعنى هنمشى من الحارة من سكات كدا خصوصا بعد ما البومة ام ابراهيم شافت دكتور طارق طالع معانا
طارق:: بهدوء لـ نغم ع فكرة حياة عندها حق واللى عملته ده الصح بكدا مشيتى من الحارة و راسك مرفوعة و كمان لو اى حد من أولاد عمك سأل عنك الف مين يقوله اتجوزت و مشيت مع جوزها يعنى جنان حياة خدمك فى جميع الحالات
حياة:: بغرور مصطنع و كأنها بتعدل ياقة القميص .. مابحبش أتكلم عن نفسى كتير
طارق:: بضحك تباً لتواضعك يا بنتى والله ههههههههههههه ..
حياة:: ع نفس وضعها .. شوف بعون الله هبهرك هبهررررك .. بس انت يا دكترة طلعت مش سهل برضوا و رسمتها صح
طارق:: لـ حياة كان لازم اكمل معاكى الكلام عشان جارتكم تصدق فعلا انى جوز نغم
نغم:: بس افرض بقى خالتى ام ابراهيم صممت تشوف القسيمة كنت عملت ايه أنا بقى
حياة:: بعـ ـصبـ ـية .. يا بنتى ما تعصبنيش أكتر ما انا متعصبة هى مالها تشوف القسيمة ليييييه تخصها فـ اييييه ثم هى أصلا جاهلة مابتعرفش تقرااااااا
نغم:: طيب قولتليها ليه كدا يا حياة
حياة:: كان لازم اقولها ياختى عشان تتنيل تصدق و تعمل القلبان اللى عملته ده فهمتى يا أم مخ نضيف وبهمس مش عارفة هيتجوزك ع خيبة ايه ده و انتى أغبى خلق الله بيحب فيكى ايه ده بس
طارق:: بأبتسامة .. يلا خلاص اتفضلوا انزلوا وصلنا
نغم:: بتوتر .. هو حضرتك هتطلع معانا ؟
طارق:: هوصلكم بس لغاية باب الشقة و ما تقلقيش مش هدخل معاكم و خدى ده الكارت بتاعى فيه كل أرقام تليفوناتى اى وقت تحتاجى حاجة اتصلى بيا و أهى فرصة تفكرى براحتك فـ موضوع الجواز
نغم:: بخجل حاضر يا دكتور
طارق:: أبتسم .. بقى فى واحدة عاقلة تقول لجوزها يا دكتور
نغم:: حضرتك لسة ما بقيتش جوزى و كمان انت قولت انه جواز ع ورق لفترة مؤقتة .. مش كدا
طارق:: بأبتسامة هز دماغه ايوا فعلا .. و جواه بيتمنى انه
يكون جواز حقيقى .. بالفعل وصلهم لغاية باب الشقة و سابهم نزل وصى بواب العمارة عليهم و مشى
فـ شقة طارق
نغم دخلت الشقة هى و حياة و كانت عبارة عن 3 أوض كبار اوضتين نوم بالحمام و أوضة صالون و صالة كبيرة جدا متقسمة لـ الليڤنج و السفرة و طُرقة طويلة فيها حمام خارجى و المطبخ .. انبهروا بيها جدا و بوسعها و ديكوراتها المميزة
حياة:: بأنبهار .. واااااااو ايه الجمال ده كله بصى يابت شايفة .. دى و لا كأنها قصر مش شقة قال و بيقول محندقة قال
نغم:: بقلق .. هى فعلا حلوة أوى
حياة:: مالك يا فقر قلقانة ليه
نغم:: مش عارفة يا حياة فجأة كل حاجة حصلت بسرعة عمى ظهر و عايزنى اتجوز راجل كبير و طارق يطلب يتجوزنى عشان يحمينى و كمان يقعدنى فـ شقته .. انتى شايفة ان كل اللى انا فيه ده طبيعى؟؟
حياة:: بتهرش فـ شعرها .. امممم هو بصراحة مش طبيعى خالص بس هنعمل ايه يعنى خلينا ماشيين فـ اللاطبيعى ده لغاية ما نشوف هيوصلنا فين و تعالى بقى نتفرج ع الشقة الحلوة دى
نغم:: يلا نتفرج
و فعلا اتفرجوا ع الشقة و كل واحدة أختارت أوضة تنام فيها بعد ما كانوا قاعدين فـ اوضة واحدة و طلعوا راحوا المطبخ يتفرجوا عليه و شوية
حياة:: بت يا نغم انا جعانة اوى تعالى نشوف التلاجة دى فيها ايه
نغم:: برفض .. لأ تعالى ننزل نشترى أكل من برة
حياة:: لأ ليه ياختى بقى ان شاء الله هو مش الدكتور سابلنا الشقة و كمان هيبقى جوزك يعنى من حقك تاكلى و تشربى من خيره
نغم:: أولا انا لسة ما وافقتش ع جوازى منه ثانيا انا خايفة من اللى جاى
حياة:: و ما توافقيـ…… قـ ـطع كلامها جرس الباب
نغم:: بقلق لـ حياة مين
حياة:: و انا ايش عرفنى ما انا معاكى
اهو .. استنى اشوف مين يمكن دكتور طارق رجع تاني
نغم:: بخوف .. لأ ما تفتحيش الباب
يمكن يكون حرامى
حياة:: بس يابنتى هبل هو فى حرامى بيرن جرس .. الحرامى بيدخل ع طول يا ماما
شوية و الجرس رن تانى
نغم:: بتوتر و بعدين يا حياة انا خايفة
حياة:: بنفس التوتر .. تعالى طيب نفتح الباب بشويش و نشوف مين
نغم:: ماسكة فـ هدوم حياة بخوف قولى مين الاول قبل ما تفتحى الباب
حياة:: بخوف من ورا الباب مـ مـ مين برا
عطا:: انا عطا البواب يا ست هانم .. جايب لـ حضرتك الطلبات اللى سيادتك أمرتى بيها
نغم:: بقلق .. احنا ماطلبناش حاجة
عطا:: يا ست هانم دكتور طارق هو اللى بلغنى أجيب لـ حضرتك الطلبات دى
نغم:: طيب استنى شوية و طلعت فونها و اتصلت بـ
طارق:: سمع رنة موبايله و كان رقم غريب .. الووو مين معايا
نغم:: انا نغم اسفة ع ازعاج حضرتك
طارق:: مافيش ازعاج و لا حاجة .. كويس انك رنيتى عشان
نسيت أخد رقمك
نغم:: احم هو أنت قصدى حضرتك قولت لـ حد يجيب حاجات ليا
طارق:: بأبتسامة ايوا يا نغم عم عطا البواب و انا ماشى فهمته انك ضيفة هتفضلى فـ الشقة مدة و وصيته عليكم و بعتلكم معاه كل الحاجات اللى ممكن تحتاجوها و ياريت قبل ما تخلص تعرفينى
نغم:: بأمتنان .. شكرا لـ حضرتك
طارق:: العفو يا ستى و اى طلبات تانى انا تحت امرك
نغم:: شكرت طارق مرة تانية و قفلت الخط و فتحت الباب للبواب .. أسفة يا عم عطا كنت لازم اتأكد بس
عطا:: و لا يهمك يا ست هانم دكتور طارق موصينى عليكم و
قالى انفذ كل طلباتكم و أخليكم
ما تحتاجوش حاجة
نغم:: أخدت منه الشنط و الطلبات اللى جايبها و هى بتقفل الباب شكرا يا عم عطا لو احتاجنا حاجة تانى هنبعتلك
حياة:: بذهول .. اوبااااااا ايه الحاجات دى كلها ماشاء الله ماشاء الله ده شكله سارق الماركت كله يا بت
نغم:: يا بنتي ارحمينى سارق ايه بس تعالى ندخل الحاجات دى المطبخ و نعمل اى حاجة ناكلها
حياة:: يلا ياختى احسن انا واقعة جوووع و دخلوا فعلا المطبخ و هما بيجهزوا الاكل .. قوليلى بقى ناوية ع ايه
نغم:: بعدم تركيز .. ناوية ع ايه فـ ايه
حياة:: بتريقة .. فـ الهنا اللى احنا فيه ياختى .. و بنرفزة مرحة ركزى يا حيلتى ناوية ع ايه مع ابو رجل مسلوخة هتتجوزيه و لا هتعملى ايه
نغم:: بحيرة .. مش عارفة يا حياة صدقينى انا لغاية دلوقتي مش قادرة استوعب اللى حصل
حياة:: بجدية .. عايزة رأيى ؟
نغم:: ياريت
حياة:: اتجوزيه يا نغم .. طارق شكله بيحبك بجد حتى لو ما قالش .. لان مافيش واحد هيعمل كدا مع واحدة إلا إذا كان بيحبها يا نغم
نغم:: يعنى ايه يا حياة مش فاهمة
حياة:: بنرفزة .. يعنى يا أغبى خلق الله سيبى نفسك و وافقى و مش هتندمى طارق باين عليه فعلا انه واقع فيكى ع الاخر و فكرى كدا ايه اللى خلاه يساعدنا و يشغلنا فـ شركته و بعد كدا ايه اللى خلاه يقف قصاد ابن عمك و يقول انك مراته و ايه اللى يخليه ييجى معانا الحارة و يستحمل جنانى اللى حصل هناك و كمان يسيب شقته اللى بيرتاح فيها شوية بين الجامعة و الشركة عشان حضرتك تقعدى فيها شغلى مخك و فكرى
نغم:: بحب و أفرضي سيبت نفسى و طلع كلامك غلط
حياة:: ما أفرضش يا ستى .. و فجأة لمحت لمعة فـ عين نغم .. استنى استنى استنى انتى عينك بتلمع ليه يابت انتى شكلك وقعتى انتى كمان الله يسهل لعباده
نغم:: شردت فـ كلام حياة و جواها معقول يكون طارق بيحبنى انا و ابتدت تفكر بجدية فعلا انها توافق ع الجواز منه
_______________________
فـ ڤيلا العامري
رجع طارق بعد ما وصل نغم لـ شقته و لـ أول مرة يدخل يسلم ع أمه و يطلع اوضته ع طول مايقعدش معاها زى كل يوم و دخل حمام اوضته أخد شاور و اتوضا و خرج صلى فرضه و قعد ع سريره بيفكر فـ كل اللى حصل طول اليوم و قطع تفكيره
غالية:: خبطت خبطة خفيفة و فتحت ممكن أدخل
طارق:: قام وقف و قرب عليها مسك إيدها .. طبعا يا حبيبتى اتفضلى
غالية:: بقلق .. مالك يا حبيب ماما اول مرة ترجع من الجامعة و ما تقعدش معايا فيك ايه
طارق:: باس إيدها مافيش يا حبيبتى ماتقلقيش انا زى الفل
غالية:: اول مرة تكدب على أمك يا طارق بس هستناك لما تيجى تحكيلى
طارق:: صدقينى يا حبيبتى لو فى حاجة هقولك بس كل الحكاية انى مصدع شوية مش أكتر
غالية:: بحب الف سلامة عليك يا حبيبى خلاص هنزل و ابعتلك مع هنية فنجان قهوة يعدل دماغك و يضيعلك الصداع
طارق:: باس ايدها مرة تانية .. ربنا يباركلى فيكى يا ست الكل ياريت فعلا لانى محتاجها جدا
بالفعل غالية نزلت و فضل طارق شارد بتفكيره فـ نغم و ازاى فجأة كدا فـ يوم و ليلة هتبقى مراته و شوية و سمع رنة موبايله و كانت
نغم:: بتوتر .. السلام عليكم
طارق:: بسعادة .. وعليكم السلام ورحمة الله عاملة ايه
نغم:: الحمدلله .. حضرتك عامل ايه
طارق:: حضرتى كويس .. ياترى فكرتى فـ عرضى
نغم:: بخجل .. أيوا فكرت
طارق:: لسة هيرد سمع خبط ع الباب .. لـ نغم ثوانى و لـ هنية أدخلى يا هنية
هنية:: اتفضل يا دكتور القهوة
طارق:: شكرا يا هنية حطيها عندك و اتفضلى انتى
هنية:: غالية هانم بتقول لـ حضرتك هتنزل تتغدا معاهم
طارق:: لأ يا هنية و ياريت لو وليد رجع خليه يستنانى فـ المكتب عايزه
هنية:: حاضر يا دكتور بعد أذنك
طارق:: اتفضلى و رجع لـ نغم تانى أسف اتأخرت عليكى ها كنا بنقول ايه بقى
نغم:: بنفس خجلها كنت بقول لـ حضرتك انى فكرت
طارق:: طب ايه ؟
نغم:: مـ مـ موافقة
طارق:: بسعادة واضحة ماقدرش يداريها .. بجد يا حبيبتى موافقة ؟
نغم:: بذهول .. حبيبتك ؟!!
طارق:: استوعب اللى قاله .. أسف يا نغم خرجت منى غصب عنى
نغم:: سكتت شوية و افتكرت كلام حياة .. و قالت و لا يهمك
طارق:: خلاص جهزى نفسك كمان ساعتين هاجى أخدك و نروح للمأذون
نغم:: ان شاء الله و قفلت المكالمة معاه
طارق شرب قهوته و نزل لـ أخوه المكتب بعد ما اتصل بـ أحمد و قاله اللى حصل كله و طلب منه يكون
شاهد ع عقد الجواز
فـ المكتب
دخل طارق المكتب شاف وليد مستنيه و سأله
وليد:: بأطمئنان .. خير يا طارق مالك ماما بتقول انك تعبان
طارق:: بابتسامة .. ابدا يا ليدو كان صداع خفيف كدا و راح بمجرد ما شربت القهوة ماتقلقش
وليد:: الف سلامة يا حبيبى
طارق:: الله يسلمك يا وليد .. المهم انا كنت عايزك فـ موضوع بس ياريت ما تقولش لـ ماما غير لما
اقولها انا ممكن؟!
وليد:: بقلق .. ممكن بس ايه الموضوع
اللى مش عايز ماما تعرفه
طارق:: انا هتجوز كمان ساعتين
وليد:: بصدمة .. نععععم ده اللى هو ازاى يعنى
طارق:: وطى صوتك ده لا ماما تسمعك .. ازاى ايه يا وليد هو الجواز فيه ازاى
وليد:: بغيظ برضوا مش فاهم هتتجوز ازاى
طارق:: هكتب كتابى يا وليد و عايزك تقف جنبى و تكون شاهد ع عقد الجواز
وليد:: مش قبل ما أفهم سر الجواز المفاجئ ده .. و بقلق اوعى تكون عملت حاجة غلط يا طارق
طارق:: استغفر الله العظيم .. مش انا يا وليد و انت عارف كدا كويس
وليد:: طيب فهمنى ليه الجواز بسرعة كدا و من غير علم ماما و هى مين أصلا اللى هتقبل تتجوز بالطريقة دى
طارق:: نغم الهلالى يا وليد
وليد:: بعدم استيعاب .. نغم الهلالى مين
طارق:: البنت اللي اشتغلت فـ الشركة عندنا مع وفاء فـ السكرتارية
وليد:: بعـ ـصبـ ـية .. انت أكييييد اتجننت ازاااى تفكر انك تتجوزها
طارق:: قولتلك وطى صوتك شوية
وليد:: بصوت واطى .. تقدر تفهمنى بقى ازاى هتتجوز البنت دى من قلة البنات يعنى يا طارق ده أنت ألف مين تتمناك
طارق:: بحبها يا وليد و مش عايز غيرها و لا مش من حقى أحب و اختار شريكة حياتى
وليد:: أكيد طبعا من حقك تختار شريكة حياتك بس نغم يا طارق مالاقيتش غيرها و تحبها
طارق:: هو الحب بإيدينا يا وليد ؟ مين فينا له سُلطة ع قلبه و يأمره يحب و لا ما يحبش
وليد:: يابنى أعقل انت لما وصيت عليها تشتغل عندنا قولت بتساعدها عشان غلبانة و ظروفها صعبة مش عشان تتجوزها
طارق:: و أفرض ظروفها صعبة و يتيمة يا وليد هل ده يعيبها يكفى انها وصلت رغم ظروفها دى وقدرت تدخل كلية الهندسة و تحقق حلمها و حلم أهلها
وليد:: بس يا طارق دى ……
طارق:: بمقاطعة .. مابسش يا وليد هتقف معايا و لا أشوف حد تانى
وليد:: انا بصراحة مش عارف
أقولك ايه
طارق:: باركلى و قول انك هتيجى معايا
و بالفعل وافق وليد يروح مع طارق عند المأذون عشان يشهد ع جوازه من نغم الهلالى
________________________
فـ شقة طارق
بعد ساعتين وصل طارق و وليد و أحمد عند نغم و حياة و وقف تحت العمارة و طلع موبايله رن عليها عشان ينزلوا و قفل الخط
نغم:: بخجل .. الووو
طارق:: انا تحت مستنيكى .. انزلى
نغم:: حاضر هنزل أهو
و بالفعل نغم بعد ما قفلت الخط نزلت هى و حياة اللى شافت
أحمد:: واقف جنب طارق .. يااااالهههوى عليا يا بركة دعاكى يا أما
حياة:: برفعة حاجب .. انت عرفت طريقنا هنا كمان نروح منك فين بس يا فرقع لوز افندى انت
أحمد:: بمعاكسة و هو بيرقص حواجبه .. هنروح للمأذون يا قمر و حط ايده ع قلبه عقباااالى يااارب
طارق:: بنفاذ صبر .. و بعدين يا أحمد اتلم شوية و لـ نغم مستعدة و لا تحبى نأجل شوية ؟؟
نغم:: بتوتر .. بتهز دماغها .. أيوا مستعدة
طارق:: بتوضيح .. قبل ما نروح للمأذون هنروح نتصور انا و انتى و باقى الاوراق هيخلصها المأذون بمعرفته تمام
نغم:: اللى تشوفه حضرتك
طارق:: ضحك بصوته كله ههههههههههههه برضوا حضرتك .. ماشى مضطر اقبلها بس لغاية بعد كتب الكتاب
حياة:: بمرح لـ طارق هو دكتور فرقع لوز ده جاى معاك ليه ها ليه
طارق:: بنفس ضحكته اللى جننت نغم .. أه لو تعرفى دكتور فرقع لوز ده بيفكر فـ ايه دلوقتي ههههههههههههه
حياة:: تنحت شوية بتحاول تفهم طارق يقصد ايه
أحمد:: لـ حياة لألألأ صحصحى كدا و ما تتنحيش ده كتب كتابى عليكى النهاردة برضوا
حياة:: بصدمة .. ايه ؟!
أحمد:: بهمس بقول انا هتجوزك النهاردة برضوا
حياة:: و حياة أمك ده اللى هو ازاى يعنى
أحمد:: اللى هو انا غيرت من طارق و قررت أعمل زيه قولتى اييييه
طارق:: بضحك .. أهدى يا حياة أحمد بيحبك و عايز يتجوزك فيها ايه دى و بهمس لـ حياة و بصراحة انا عايزك تتجوزيه و تربيه و هز دماغه خليها فـ سرك
حياة:: تنحت من الصدمة و بصت لـ نغم أضـ ـربينى ابت انغم
نغم:: ماتقلش صدمة عن حياة و ساكتة
وليد:: بضحك من شكلهم .. مالكم يا بنات فى ايه متنحين ليه كدا .. يلا كل واحدة تركب مع عريسها خلونا نخلص الليلة دى و نرجع
و بالفعل نغم ركبت العربية مع طارق
و حياة ركبت معاها و رفضت تركب
مع أحمد لانها مش مستوعبة اللى قاله و فجأة قرر أحمد يركن عربيته
ويركب معاهم
طارق:: بغيظ .. انت يابنى مش معاك عربيتك ناطط فـ عربيتى ليه
أحمد:: سوق يا حبيبى و انت ساكت يلا
طارق:: انزل ياض اركب عربيتك
أحمد:: مش نازل .. أنا قـ ـتـ ـيل العربية دى ايه رأيك بقى
حياة:: جواها يا لحححوي الحلويات ده عايز يتجوزنى انا .. و بهمس سمعه أحمد بس لأ يتجوزنى أزاى يعنى هو سلق بيض
أحمد:: بتفكرى فـ ايه بس يا قمر و انا أريحك
حياة:: بصت له بقرف .. ما بفكرش
أحمد:: لـ طارق .. سوق يابنى قبل المأذون ما يحمض
كلهم ضحكوا عليه و بالفعل طلع طارق بالعربية وصل الاستوديو اتصوروا سوا كلهم صور جماعية للذكرى و خرجوا راحوا عند المأذون بعد ما اتصلت نغم بشخص قريبها عشان يكون وكيلها و أخيرا كتبوا الكتاب و رجعوا الشقة تانى
نغم بقلمى______________لبنى دراز
نغم:: انننننت عايز مني اييييييه جاى وراااايااااااا لييييييه
طارق::………….؟؟؟؟؟
يتبـــــــــع
