#البارت_السادس
#نغم(#وجع_و_دموع)
صديقتي ستبقين من تؤنس وحدتي وتملأ علي خلوتي، وتبعد عني وحشتي أنتِ يا توأم روحي. أرجوكِ، كوني بقربي، كوني ظلي حين أبحث عنكِ، ومرآتي حين أفتش عن قلباً يأويني.
لَيْس آَلَمُوْت هُو آَكّبَر خَسَآرَة بِالْحَيَآة فَأَكْبَر خَسَآرَةهِي مَآ يَمُوْت بِدَآخِلِنَا ونَحْن مآ مَازِلْنَآ عَلَى قَيْد آَلْحَيَآة ..
نغم بقلمى______________لبنى دراز
فـ شركة العامري
تانى يوم نغم و حياة رجعوا الشركة بعد أجازة الامتحانات اللى أخدوها .. و هما شغالين وصل
وليد:: بجدية و هو داخل مكتبه .. صباح الخير
وفاء:: بجدية .. صباح الخير يا مستر
وليد:: لـ حياة هاتي ملف الشحنة الاخيرة و تعالى
حياة:: حاضر يا مستر وليد و بالفعل دخلت وراه بالملف
وليد:: اخد الملف من حياة راجعه و مضاه و هو بيسلمه لـ حياة أبعتى إيميل لـ أسلام المعداوى مدير المصنع بلغيه ان الشحنة جاهزة ع الاستلام فـ المينا خليه يروح بنفسه يستلمها مع طارق
حياة:: حاضر يا مستر بعد أذنك و خرجت حياة تخلص الشغل اللى طلبه وليد
وليد:: طلع موبايله و عمل مكالمة .. الووو طارق باشا
طارق:: بنوم .. الوو صباح الخير يا وليد
وليد:: صباح الخير يا دكتور ايه ده انت لسة نايم و أنا اللى قولت هلاقيك من الفجر فـ المينا بتستلم الشحنة
طارق:: أتعدل فـ مكانه و ابتدا يفوق .. ما انت يا باشا مابلغتنيش انها وصلت هعرف منين أنا يعنى .. بنجم مثلا و لا بقرا الفنجان
وليد:: طيب يلا بسرعة قوم ألحق اليوم من اوله و انا بعتت إيميل لـ أسلام المعداوى هيكون هناك
طارق:: خلاص تمام مسافة الطريق ما تقلقش يلا سلام مؤقت
و بالفعل قام طارق بسرعة عشان يسافر يستلم الشحنة
برة عند نغم
وفاء:: بزهق .. أوووف ايه الزهق ده
حياة:: وهى بتبعت الايميل .. مالك يا متدلعة زهقانة من أيه
وفاء:: انتى بتكلمينى انا يا حياة
حياة:: أه ياختى بكلمك هو فى متدلعة غيرك هنا
وفاء:: بتنهيدة .. طارق وحشنى اوى ليا شهرين ماشوفتهوش
نغم:: أنتبهت ع الأسم بس ماحطيتش فـ دماغها و لنفسها يمكن طارق تانى
حياة:: طارق ده خطيبك يا بت؟!
وفاء:: بهيام .. لأ دكتور طارق العامري .. حاجة كدا وااااو چان بجد .. ياااه أمتى يرجع بقى وحشنى اوى
نغم:: بغيرة و من غير ما تحس .. نعععععم قولتى مييين
وفاء:: بأندهاش من تصرف نغم .. مالك يا نغم اتخضيتى ليه كدا
حياة:: ردت بسرعة قبل نغم .. عادى يا وفاء نغم هتتخض ليه يعنى .. بس قوليلى مالك بدكتور طارق يا منحنحة انتى
وفاء:: حطت إيدها ع خدها و بتنهيدة .. بحبه يا حياة و هو تقلان عليا
نغم:: بعـ ـصـ ـبية وغيرة قامت قالت كدا كتير اوى بصراحة .. و خرجت برة المكتب و الشركة و راحت قعدت فـ كافيه جنب الشركة و بتتصل بـ طارق فونه مغلق طول الوقت
وفاء:: استغربت أكتر رد فعل نغم .. و لـ حياة هى مالها صاحبتك ايه اللى غيرها كدا
حياة:: بغيظ متدارى .. مالهاش هى بس اعصابها تعبانة و متوترة بسبب النتيجة .. و لـ نفسها جاتك نيلة يا مايصة جاية قصاد نغم و تتغزلى فـ جوزها ده انتى ليلتك فل
_____________________
فـ شركة أبوضيف للتخليص الجمركى
أحمد وصل فعلا لـ والد حياة فـ شركته و طلب يقابله و بالفعل خبط و استنى الأذن
محمد:: أدخل
أحمد:: دخل .. السلام عليكم ورحمة الله
محمد:: و عليكم السلام و رحمة الله
أحمد:: حضرتك أستاذ محمد أبو ضيف
محمد:: بتأكيد .. أيوا انا .مين حضرتك؟
أحمد:: دكتور أحمد ألاسيوطى
محمد:: تحت أمرك
أحمد:: انا جاي لـ حضرتك بخصوص الانسة حياة
محمد:: بمحاولة تذكر .. حيااااة حيااااة .. و بأستنكار .. حياة مين اللى حضرتك جاى بخصوصها
أحمد:: بذهول .. بنت حضرتك الأنسة حياة معقول نسيتها ؟!!!
محمد:: أه أه افتكرت معلش يا دكتور السن بقى و مشاغل الدنيا كتير .. مالها حياة خير
أحمد:: بذهول .. مشاغل الدنيا تخليك تنسى بنتك يا استاذ محمد ؟!
محمد:: ببرود .. انت عارف بقى هى عايشة مع والدتها و أكيد مرتاحة معاها و مش فاكرانى اصلا
أحمد:: بأستغراب .. عايشة مع والدتها ؟! واضح انك ماتعرفش حاجة عن بنتك يا محمد بيه
محمد:: بنفس البرود .. حضرتك قولت جاى بخصوصها خير
أحمد:: أنا كنت جاى حسب الأصول أطلب إيدها من حضرتك و…… قبل ما يكمل كلامه دخلت
سما:: بسعادة باااابى وحشتنى اوى جدا خالص
محمد:: خدها فـ حضنه حبيبة بابى انتى كمان وحشتينى يا سمسمة
سما:: بابى عايزة فلوس عشان أروح المول مع صاحباتى
محمد:: قام و فتح خزنة مكتبه و طلّع مبلغ كبير .. قلب بابى خدى و انبسطى يا قمر بس ما تتأخريش و لـ أحمد كمل يا دكتور كلامك سامعك
أحمد:: بوجع جواه ع حياة .. بقول أنا كنت جاى أطلب إيد انسة حياة من حضرتك
سما:: لـ محمد مين ده يا بابى و مين حياة اللى بيتكلم عنها دى
محمد:: لـ سما لحظة يا حبيبتى .. و لـ أحمد و حضرتك عرفتها ازاى
أحمد:: أنا دكتور فـ كلية الهندسة و حياة طالبة عندى و اتعرفت عليها من خلال الجامعة و توسمت فيها الخير و حبيت أدخل البيت من بابه
محمد:: امممم و حضرتك ماروحتش ليه لـ والدتها اللى هى عايشة معاها و طلبت إيدها منها
أحمد:: بأبتسامة سخرية .. مش بقول لحضرتك انك ماتعرفش حاجة عن بنتك .. و بنرفزة يا استاذ محمد بنت حضرتك الانسة حياة كملت حياتها فـ المدرسة الداخلية اللى سيادتك و الست والدتها دخلتوها فيها و سيبتوها انتوا الاتنين و للاسف أضطرت تشتغل و هى طفلة عشان تكفى نفسها لما حضرتك و الهانم والدتها عاندتوا فـ بعض و نسيتوها .. انا اسف انى جيت أخطبها منك بس للاسف لازم امشى حسب الأصول
سما:: لـ محمد بأستفهام .. بابى هو انا عندى أخت ؟ الكلام اللى بيقوله الاستاذ ده صح ؟
أحمد:: لـ سما بغيظ .. أيوا يا انسة للاسف صح عندك أخت أكبر منك فـ كلية هندسة و والد حضرتك ناسي انه عنده بنت غيرك و لـ محمد انا كنت جاى و متخيل انك متلهف تعرف أخبار حياة و تقولى انك تعبت فـ التدوير عليها لكن للاسف طلعت ناسيها و للاسف أكتر مضطر انى أفكرك عشان شرع ربنا لازم يكون ولي أمرها هو وكيلها يوم كتب الكتاب
محمد:: قصدك ايه يا دكتور بكلامك ده
أحمد:: قام وقف و بعـ ـصبـ ـية قصدى انى هحدد ميعاد كتب الكتاب مع حياة و هبلغك عشان تحضر و تكون. وكيلها و ياريت تمهد لـ ولاد حضرتك عشان يتعرفوا ع أختهم و مشي ناحية الباب و قبل ما يخرج اه ياريت تبلغ والدتها و بتريقة و تفكرها هى كمان انها ليها بنت بتتجوز و ياريت تمثل انك كنت تعبان من غيرها و بتدور عليها بعد أذنك
وخرج أحمد من شركة أبو ضيف و قلبه وجعه ع حياة و مش عارف يعمل ايه
_______________________
فـ شركة العامري
طارق استلم شحنة المواتير و رجع بعد العصر عشان يخلص أخر شغل فيها مع و ليد و ينزلوها المصانع و شافته
وفاء:: بدلع حمد الله ع السلامة يا دكتور وحشتنى قصدى وحشتنا ايه الغيبة الطويلة دى
نغم:: بنرفزة و غيرة لـ حياة و بعديييين بقى .. حيااااة مش ناوية تحترمى نفسك شوية و تتلمى بقى
حياة:: لـ نغم بذهول .. هو انا كلمتك ؟!
طارق:: ابتسم ع غيرتها .. و بجدية وفاء أبعتى لـ عم جابر يجيبلى قهوتى فـ مكتبى و لـ نغم انسة نغم تعالى لو سمحتى شوية و سابهم و دخل مكتبه
نغم:: دخلت وراه المكتب و متعصبة .. أفندم يا دكتور
طارق:: قفل الباب و خدها فـ حضنه حبيبتى متعصبة ليه بقى ؟؟ و لا انتى غيرانة من وفاء
نغم:: بنرفزة .. انا مش غيرانة ع فكرة
طارق:: عينى فـ عينك كدا
نغم:: بتدارى عينيها .. أنا انا
طارق:: بأبتسامة أنتى ايه يا حبيبتى
نغم:: بقلق البت اللى برة دى هتاخدك مني يا طارق
طارق:: انتى عبيطة يا حبيبتي و لا هبلة و لا شكلك كدا ؟
نغم:: أنا عبيطة يا طارق
طارق:: أه يا روح طارق لأن مافيش مخلوق ع وجه الأرض يقدر ياخدنى منك انا ما يبعدنيش عنك غير الـ ـمـ ـوت بس
نغم:: حطت إيدها ع بؤقه تمنعه يكمل .. ما تكملش بعد الشر عنك يا حبيبى ما تقولش كدا تانى عشان خاطرى
شوية و الباب خبط قعد طارق ورا مكتبه و أذن بالدخول
وفاء:: أتفضل القهوة يا دكتور
طارق:: بعـ ـصـ ـبية وفاء انا كام مرة قولتلك لما اطلب قهوتى يجيبها عم جابر مش انتى
وفاء:: بصت فـ الارض .. كتير يا دكتور
طارق:: و برضوا مصممة تجيبيها بنفسك طيب ده أخر تنبيه ليكى و بعد كدا ما تلوميش غير نفسك اتفضلى
وفاء:: حاضر يا دكتور بعد أذنك و بالفعل خرجت
طارق:: لـ نغم ايه رأيك نتعشى سوا النهاردة
نغم:: امممم بس النهاردة كان يوم طويل و مُرهق .. ايه رأيك انت نتعشى فـ البيت
طارق:: لسة هيرد سمع رنة موبايله و رد و كان
أحمد:: الووو السلام عليكم
طارق:: و عليكم السلام ورحمة الله .. مال صوتك فى ايه
أحمد:: مخنوق و مش عارف أعمل ايه
طارق:: تعمل ايه فـ ايه
أحمد:: لما أشوفك هقولك كل حاجة
طارق:: ايه رأيك تيجى تتعشى معانا نغم عزمانا ع العشى النهاردة قولت ايه
أحمد:: ماشى هاجى طالما حياة هتكون موجودة
طارق:: بضحك هو انا جيبت سيرة حياة دلوقتي
أحمد:: الله يا جدع مش انت بتقول عزمانا يعنى عزماك انت و حياتى
طارق:: يااا رااااجل تصدق منطق برضوا .. أه يا سيدى هتبقى موجودة
أحمد:: خلاص انا راشق هههههههههه
طارق:: ماشى يا راشق هنستناك الساعة 10 ما تتأخرش سلام و قفل الخط و لـ نغم انا هخلص شغلى و اروح أغير هدومى و الساعة 9 بالدقيقة هتلاقينى عندك
نغم:: بأبتسامة بس انت قولت لـ أحمد الساعة 10
طارق:: يا حبيبتي هو يجى 10 يجى 11 ما يجيش خالص مش مهم انما أنا أجى بدرى عشان أقعد براحتى مع حبيبة قلبي من غير عزول
نغم::و هى خارجة من مكتبه طيب هستناك
طارق:: نغم .. روحى من دلوقتي يلا ماتتأخريش أكتر من كدا
نغم:: رجعت تانى و بغيظ حطيت ايدها ع المكتب .. و أسيبك مع المتدلعة اللى برة دى لوحدكم ده لا يمكن أبدا يا حبيبى رجلى ع رجلك
طارق:: ههههههههههههه انتى مالك قلبتى مرة واحدة ليه كدا .. راحت فين نغم الهادية
نغم:: ضحكت و هى خارجة من المكتب هاجرت يا قلب نغم
وبالفعل خرجت نغم و طارق دخل لـ وليد خلصوا شغلهم و روح بيته
__________________________
فـ ڤيلا العامري
رجع طارق الڤيلا و أول ما دخل استقبلته
غالية:: بسعادة .. حبيب ماما حمد الله ع السلامة يا حبيبى
طارق:: بأبتسامة .. قعد جنبها و باس إيدها الله يسلمك يا حبيبتى عاملة ايه النهاردة
غالية:: انا كويسة يا حبيبى طول ما انت و أخوك بخير
طارق:: دايما بخير يا حبيبتى
غالية:: كدا يا طارق تقلقنى عليك
طارق:: ليه بس يا حبيبتى ايه اللى قلقك
غالية:: استنيتك ع الفطار و لما أتأخرت عليا بعتلك هنية تطلع تندهلك قالت انك مش موجود و رنيت عليك فونك مقفول
طارق:: بأسف .. معلش يا حبيبتى نزلت بدرى روحت إسكندرية استلمت الشحنة الجديدة من المينا و نسيت أبلغك انا اسف يا أمى ماتزعليش
غالية:: عمرى ما ازعل منك يا حبيبى انا بس قلقت عليك و لما كلمت وليد قالى انك روحت تستلم الشحنة ربنا يخليكم لبعض و يباركلى فيكم يا حبيبى
طارق:: قام وقف و باس راسها و يبارك لنا فيكى يا غوغو .. أسيبك بقى أطلع اخد شاور و أغير هدومى و أصلى و انزل أخرج شوية
غالية:: باستفسار خارج رايح فين يا حبيبى
طارق:: و هو ماشى ناحية السلم معزوم ع العشا يا غوغو .. و بالفعل طلع أوضته و دخل أخد شاور و خرج و لبس قميص أزرق ع بنطلون أسود و كرافت أزرق فـ أبيض و رش برفانه و لبس ساعته وصلى فرضه خرج من اوضته و هو نازل
وليد:: قابله ع السلم .. ايه يا عم الشياكة دى ع فين العزم كدا ان شاء الله
طارق:: بهمس .. راح لـ نغمى هنتعشى سوا يلا سلام
و كمل طريقه و نزل سلم ع غالية و خرج من الڤيلا ركب عربيته و راح لـ نغمه
________________________
فـ شقة طارق
نغم روحت من الشركة هى و حياة دخلوا اخدوا شاور و غيروا هدومهم و صلوا فرضهم و ابتدوا يحضروا العشى و فجأة سمعوا جرس الباب
نغم:: لـ حياة و هى رايحة ناحية الباب تفتكرى مين هيجى دلوقتي
حياة:: أكيد طارق .. مش قولتى انه هيجى بدرى عن أحمد
نغم:: و هى بتفتح قال هيجى الساعة 9 و دلوقتي….. سكتت لما شافته واقف قصادها و بأبتسامة ساعتك مقدمة ساعتين يا دكتور ع فكرة
طارق:: أعمل ايه طيب مراتى حبيبتى وحشتنى ما أقدرتش اصبر الساعتين دول و جيت بدرى
حياة:: اممممم ده الحب و لـ ـع فـ الدرة ع الأخر يا دكتور بقى
أحمد:: من ورا طارق .. هو و لـ ـع بس ده و لـ ـع و حـ ـر ق المحصول كله ياختى
طارق:: بخضة .. بسم الله و لـ أحمد بغيظ ايه اللى جابك يا بنى أدم انت دلوقتي انا مش قولتلك تيجى الساعة 10
أحمد:: برفعة حاجب .. ما انت كمان جيت بدري و لا هو وحش ليا و حلو ليك يعنى يا عم انت
طارق:: بغيظ .. انت أهبل ياض و لا شكلك كدا
حياة:: بتريقة .. لأ شكله كدا
أحمد:: حط إيده فـ وسطه لـ طارق قصدك ايه يعنى يا أستاذ و لـ حياة انتى دورك جاى اصبرى و رجع تاني لـ طارق ها قول بقى قصدك ايه
طارق:: قصدى يا أفندى يا محترم ده بيتى و اللى فيه مراتى طبيعى أجى اى وقت انما اللى مش طبيعى انك تيجى قبل ميعادك وانت عارف انى مش موجود
أحمد:: بغيظ .. ع فكرة بقى اللى مع مراتك دى تبقى خطيبتى و بعدين انا قاعد تحت من بدرى و ما طلعتش غير لما شوفتك طالع ياخويا لانى بفهم فـ الاصول كويس و أخلصوا بقى هتدخلونا فـ ليلتكم دى و لا هنقضيها ع السلم كدا
نغم:: بأبتسامة .. أتفضلوا أدخلوا يلا
و بالفعل دخلوا و كالعادة أحمد و حياة ناقر و نقير و طارق و نغم مش مبطلين ضحك عليهم لغاية ما قام
أحمد:: وقف قصاد حياة و مسك إيدها .. ع فكرة انا قررت نكتب كتابنا و أعملك أحلى فرح فـ المجرة الاسبوع الجاى قولتى ايه
حياة:: بخجل .. انا مش عايزة فرح يا أحمد و بدموع كفاية بس نكتب كتابنا فـ المسجد و خلاص و مش عايزة حاجة غير وجودك جنبى
أحمد:: بسعادة .. يعنى وافقتى أخيرا تتجوزينى انا مش مصدق نفسي
حياة:: هتصدقنى لو قولتلك انى من اول ما شوفتك و انا مشدودالك بس كنت قلقانة منك و من اللى بتعمله
طارق:: اممممممم كنتى قلقانة .. و كان فعل ماضى و راح لحاله اممممم و دلوقتي القلق راح فين بقى
حياة:: بضحك لـ طارق .. ما هو خلاص أتربى بقى يا دكتور و عينيها ع أحمد انا مش هلاقى حد يتحمل جنانى و يحبنى زيه و لا هلاقى فـ حنيته و جنانه و بصراحة أحنا الاتنين حلة و غطاها هههههههههههه مالناش غير بعض
أحمد:: لـ حياة و أنا لو لفيت الدنيا مش هلاقى مجنونة زيك أحبها و تحبنى و نتجوز و نخلف عيال مجانين زينا كدا
طارق:: بسعادة مبروك ربنا يسعدكم و يفرح قلوبكم دايما
نغم:: حضنت حياة .. مبروك يا بلوتى ربنا يسعدك و يتملك بخير يا قلبى
حياة:: بدموع ربنا يخليكم ليا و مايحرمنيش منكم و لـ طارق ممكن تكون وكيلى يا دكتور
طارق:: أكيد يا حياة يشرفنى طبعا أكون وكيلك
أحمد:: بهزار ..خلاص مابقاش غيرك انت اللى تبقى حمايا و تحط ايدك فـ ايدى كمان
طارق:: برفعة حاجب .. ان كان عاجبك و لا اقول ماعنديش بنات للجوااااز
أحمد:: خلاص يا عم الطيب أحسن المهم هتعشونا و لا هتنيمونا من غير عشا
نغم:: ساعة زمن بالظبط و الأكل يخلص يا دكتور و لـ حياة يلا يابنتى نخلص العشى
و فعلا نغم و حياة دخلوا المطبخ يكملوا الاكل و أحمد قعد مع طارق فـ البلكونة و حكى كل اللى حصل مع والد حياة فـ شركته عشان كدا قرر انه لازم يتجوزها بسرعة و كدا كدا شقته جاهزة مش ناقصها حاجة
________________________
فـ كافيه ع النيل
والد حياة محمد أبو ضيف قدر يوصل لـ طليقته نيرة والدة حياة و أتصل بيها وطلب يقابلها
نيرة:: ببرود .. أيه اللى فكرك بيا .. و لا تكونش حنيت لـ أيام زمان يا محمد
محمد:: بنفس البرود .. عارفك يا نيرة هـ ـتـ ـموتى جواكى كدا عشان أحن لـ أيام زمان و أرجعلك بعد ما سابك جوزك و أخد فلوسك و هرب بس ده مش هيحصل أبدا
نيرة:: ع نفس البرود .. مين انا ؟! بيتهيألك ده خيالك المريض اللى صورلك ده .. مش نيرة الصيرفى اللى تتساب انا اللى سيبته و رفعت عليه قضية لما أكتشفت انه حرامى
محمد:: هنشوف مين فينا اللى خياله مريض يا نيرة .. لما تشوفينى مع مراتى و ولادى مبسوطين و انتى لوحدك
نيرة:: بضحكة استهزاء .. هو انت فاكر انك شاغل تفكيرى مثلا .. أخلص قول طلبتنى ليه مش فضيالك
محمد:: و لا انا والله فاضيلك بس للاسف مضطر اقابلك بخصوص حياة
نيرة:: حياة مين اللى مضطر تقابلنى بخصوصها
محمد:: النقطة السودة اللى فـ حياتى اللى ظهرت بعد السنين دى كلها عشان تفكرنى أنى غلطت فـ حق نفسى و اتجوزتك
نيرة:: و أديك صلحت غلطتك و طلقتنى من زمان تقدر تقول
بقى عايز ايه و تخلصنى
محمد:: حياة بنتك هتتجوز و خطيبها جاى عايزنا نحضر الفرح و بتريقة عايزنا نمثل اننا كنا تعبانين من غيرها و قال هيحدد الميعاد و يبلغنى
نيرة:: و هى بتقوم عشان تمشى .. أه طيب أبقى بلغنى بالميعاد عشان ما أجيش
و سابته و مشيت بالفعل و للاسف ما تهزتش لحظة من جواها و لا حتى حنت لـ بنتها
_________________________
فـ شقة طارق
بعد مرور أسبوع مافيش أى احداث فيه .. غير اتصال أحمد بـ والد حياة و عرّفه ميعاد و مكان كتب الكتاب و طارق عزم كل عيلته و هيعمل حفلة كبيرة تانى يوم كتب كتاب أحمد و حياة يعلن فيها جوازه من نغم .. مر الاسبوع و النهاردة كتب الكتاب .. أحمد اشترا فستان الفرح لـ حياة و جاب لها بنت ميك اب ارتيست عند نغم و كمان أخواته البنات جابهم و اتعرفوا ع حياة و نغم و حبوهم جدا و أخيرا
نغم:: بدموع الفرح .. يلا يا عروسة عريسك وصل
حياة:: بدموع هتيجى معايا صح ؟؟
نغم:: أكيد طبعا هنزل معاكى اومال هسيبك لوحدك
حياة:: بفرحة و هى بتحضنها يعنى هتسيبى شقة طارق و تيجى تعيشى معايا انا فرحانة اوى اوى
نغم:: خرجتها من حضنها بدموع .. ماينفعش يا حياة انتى النهاردة رايحة بيتك اللى هو بيت جوزك .. خلاص جه الوقت اللى كنت طول عمري خايفة منه و هنفترق بس أكيد هنفضل مع بعض برضوا حتى لو كل واحدة فـ مكان
حياة:: حالها مايفرقش كتير عن نغم ..و ما ينفعش ليه بقى مش يوم كتب كتابك انا جيت معاكى لغاية دلوقتي اهو
نغم:: عشان ظروفى غير ظروفك يا حياة و ابوس إيدك ما تصعبيهاش عليا و يلا بقى بطلى عياط الميك اب هيبوظ و هى بتمسح لـ حياة دموعها الباب خبط و كان
أحمد:: من برة الاوضة أدخل و لا بلاش
نرمين:: أخته اتفضل يا أبيه و قربت منه بهمس .. عروستك زى القمر
أحمد:: دخل باس أخته فـ خدها و لـ حياة اللى عينيه عليها من وقت ما دخل .. يـ ـخـ ـربيييت جمدانك انتى ايه يا بنتى جامدة ع طول كدا فـ اى وضع
حياة:: بغرور مصطنع .. عشان تعرف يا حبيبى انت مش متجوز اى واحدة
انا حياة ابو ضيف يا بابا لازم أبقى جامدة طبعا
أحمد:: اه يا قلبى طبعا حياة ابوضيف أجمد مزة فيكى يا بلد
نغم:: طيب انا بقول يلا بينا عشان هنتأخر ع الناس و خلوا جنانكم ده لما تروحوا بيتكم ههههههههههههه
نهلة:: أخت أحمد التانية لـ نغم انا بقول كدا برضوا ههههههههههههه
نرمين:: أبيه أحمد لا يمكن يعدى لحظة من غير ما يجنن اللى حواليه
أحمد:: لـ أخواته .. حلوياتى ياريت بلاش تحفيل هنا الهى تنستروا يا شربتات انتوا ها
طارق:: من وراه يابنى انت أيه مش عاتق حد .. حتى أخواتك حلويات برضوا
أحمد:: طبعا نرمين و نهلة دول الحلويات و السكريات اللى ماتتعِبش و لا يجيلى منهم كومة سكر أبدا يا خفة
حياة:: بدموع بـ ـتـ ـهدد بالنزول .. ربنا يخليك ليهم و يخليهملك
أحمد:: باس جبينها و يخليكى ليا يا حياتى و يلا بينا بقى عشان أنا عاملك مفاجأة يارب تعجبك
حياة:: مفاجأة ايه
أحمد:: لما نوصل القاعة هتعرفيها يلا بينا
و بالفعل نزلوا و راحوا الاستوديو و اتصوروا كتير و كمان طارق و نغم اتصوروا صور كتير لوحدهم و مع أحمد و حياة و أخيرا راحوا ع القاعة
فـ قاعة المسجد
أحمد و حياة وصلوا القاعة و وراه طارق و نغم اللى كانت فـ منتهى الجمال و كان موجود جوة القاعة وليد و كمان والدة أحمد و أخوه و كمان والد حياة و مراته و ولاده و والدتها و ولادها و قبل ما يدخلوا
أحمد:: بهمس لـ طارق .. أنا قلقان من ردة فعل حياة لما تدخل و تشوف باباها و مامتها جوة
طارق:: ما تقلقش نغم جنبها بس يلا أدخلوا و عرفها بوالدتك الأول قبل ما تشوفهم و تتعرف ع أخواتها
أحمد:: بقلق .. تمام و ربنا يستر بقى
طارق:: قولتلك ما تقلقش أنا جنبك لو حصل حاجة
و بالفعل دخلوا القاعة و فعلا أحمد أخد حياة يعرفها ع والدته الاول
سعاد:: بفرحة و هى بتاخدها فـ حضنها .. ماشاء الله تبارك الله و لـ أحمد عروستك زى القمر يا حبيبى
أحمد:: باس إيد أمه .. إيه رأيك بقى يا سوسو عرفت أختار؟
سعاد:: ما عنديش شك فـ أختيارك يا حبيبى طول عمرك بتعرف تختار صح
و لـ حياة النهاردة بناتى بقوا تلاتة و ياريت تقوليلى ماما
حياة:: أترمت فـ حضنها بدموع طول عمرى محرومة من الكلمة دى و كنت اتمنى اقولها و لو مرة واحدة بس
سعاد:: من النهاردة مش هتتحرمى منها أبدا أن شاء الله
أحمد:: لـ حياة يلا بينا بقى عشان المفاجأة اللى محضرهالك هتحمض ههههههههههههه
حياة:: امممممم مش ناوى تقول برضوا ايه هى
أحمد:: تعالى بس يلا عند المأذون اللى خلل هناك ده و انتى هتعرفى
حياة:: ماشية مع أحمد و قلبها بيدق جامد حاسة بحاجة مش طبيعية و لما وصلت شافت أبوها
محمد:: اول ما شافها أنبهر بجمالها و بدموع ندم حقيقية .. ماشاء الله كبرتى و بقيتى زى القمر يا حياة
حياة:: بصت له و بصت لـ أحمد هى دى المفاجأة اللى انت عملتهالى
أحمد:: بقلق .. ايه رأيك فيها يا حبيبتى
حياة:: أترمت فـ حضن أحمد بفرحة .. أنا بحبك اوى يا أحمد و بدموع أنا أه مش طايقاه بس كفاية أنك فكرت فيا و فكرت تعمل حاجة تفرحنى بيها
أحمد:: يا لهههوى عليا أخيرا نطقتيها يا بنت أبو ضيف و انا كمان بحبك اوى و عندى استعداد أعمل اى حاجة عشان بس اشوف فرحتك دى
محمد:: بيقرب من حياة بدموع .. مبروك يا بنتى أخيرا عيشت و شوفتك مع عريسك
حياة:: بعدت عن أبوها و بجمود .. عقبال ولادك يا محمد بيه
محمد:: بحزن .. فـ حياتك يا بنتى
حياة:: بنفس جمودها .. ياريت بلاش كلمة بنتى دى مش حاساها
طارق:: بابتسامة .. طيب يلا يا جماعة نكتب الكتاب قبل المأذون ما يطفش
نغم::بدموعها واقفة جنب حياة و عينيها عليها و جواها احساس انها خلاص كدا روحها بتروح منها
طارق:: أخد باله منها و ضمها من كتافها دخلها فـ حضنه .. دى سُنة الحياة يا حبيبتى كان لازم تأهلى نفسك لليوم ده
نغم:: و عينيها ع حياة .. تعرف يا طارق اول مرة حياة هتبعد عنى .. من يوم ما دخلنا المدرسة و أحنا مع بعض حتى فـ الأجازة كانت البنات بتخرج عند أهاليهم و أحنا الاتنين قاعدين سوا .. اول مرة هرجع البيت لوحدى من غيرها
طارق:: حبيبة قلبى انتى مش لوحدك انا هرجع و اقعد معاكى كمان و بكرة ان شاء الله هنروح الڤيلا سوا أحنا كمان
أحمد:: لـ طارق بمرح أنت يا عم الحبّيب الرومانسي ع فكرة يعنى ده كتب كتابى ياخويا أخلص و هات بطاقتك عشان تشهد ع جوازى
طارق:: بهزار .. انا قـ ـطـ ـعت البطاقة و ماشى برخصة العربية تنفع معاك و لا لأ
أحمد:: بنرفزة مرحة .. هات اى زفت ياض انت يثبت شخصيتك و أخلص فـ ليلتك دى خلينى ألحق أتجوز قبل البت ما تغير رأيها
و بالفعل قعد أحمد و حط إيده فـ ايد والد حياة و طارق و أسر أخو أحمد شهود ع العقد و أخيرا اتكتب الكتاب و اول ما خلص المأذون جملته الشهيرة ( بارك الله لكما و بارك عليكما و جمع بينكما فى خير) أحمد أخد حياة و جرى من غير ما يسلم ع حد خالص
__________________________
فـ شقة طارق
رجعت نغم البيت لـ اول مرة من غير حياة و دخلت اوضتها قعدت ع سريرها تعيط و دخل وراها
طارق:: و هو واقف ع باب الأوضة .. و بعدين معاكى يا نغم هتفضلى تعيطى كدا كتير
نغم:: بدموع ..أول مرة حياة تبعد عنى يا طارق .. مش عارفة هأقعد ازاى من غيرها
طارق:: دخل و قعد جنبها ع السرير .. يا حبيبتى و انا مش كفاية يعنى ؟؟
نغم:: بأبتسامة .. أكيد كفاية يا حبيبى ربنا ما يحرمنيش منك أبدا
طارق:: مسح لها دموعها ..طيب يلا و انتى زى العسل كدا قومى غيرى هدومك و انا كمان هغير هدومى و أعملك أحلى ساندوتشات مع كوبايتين نسكافيه و نتعشى سوا ايه رأيك
نغم:: حاضر بس بشرط
طارق:: أمممم ابتدينا أهو .. قولى يا ستى شرط ايه ده
نغم:: أدخل انا المطبخ و أعمل الساندويتشات و النسكافيه و انت تشوف فيلم حلو كدا نتفرج عليه سوا
طارق:: يا سلام وماله يا قمر بس كدا من عينى يا قلبى
و فعلا دخلت نغم المطبخ تجهز العشى و شوية
طارق:: دخل وراها و حضنها من ضهرها و حط دقنه ع كتفها .. نغمى خلصتى و لا تحبى اساعدك
نغم:: بتوتر و خجل من الحركة دى .. هااا اه اه خلصت بس ثوانى أصب النسكافيه
طارق:: لاحظ توترها و لفها ليه .. اهدى يا حبيبتى متوترة ليه كدا تعالى أقعدى و انا هكمل
نغم:: خلاص خلّصت أهو يلا بينا
و فعلا طلعوا من المطبخ قعدوا فـ الليڤنج اتعشوا و اتفرجوا ع فيلم كوميدى مع بعض و هما قاعدين رن موبايل طارق و رد
طارق:: الووو يا حبيبتى عاملة ايه
غالية:: ايه يا حبيبى انت فين كدا و مارجعتش مع وليد ليه
طارق:: انا فـ شقتى يا ماما و جاى بكرة ان شاء الله
غالية:: تيجى بالسلامة يا حبيبى
طارق:: غالية حضرى نفسك عاملك مفاجأة حلوة بكرة
غالية:: مفاجأة ايه دى يا طارق
طارق:: بضحك .. يا ماما يعنى لو قولتلك عليها دلوقتي هتبقى مفاجأة اصبرى لغاية بكرة بس و هتعرفيها
غالية:: حاضر يا حبيبى يلا اسيبك ترتاح تصبح ع خير
طارق:: و انتى بخير يا قلبي و قفل المكالمة
نغم:: قامت من جنب طارق و هو بيكلم مامته دخلت اوضة النوم و قعدت افتكرت حياة و أفتكرت نفسها يوم كتب كتابها و قعدت تعيط
طارق:: دخل وراها و قعد جنبها .. و بعدين يا نغم هتفضلى كدا كتير
نغم:: من غير ما تحس حطت راسها ع صدر طارق و ابتدت تتكلم بكل اللى جواها .. تعرف كان نفسي يوم كتب كتابنا ألبس فستان فرح كنت نفسى يكون بابا عايش و هو اللى يحط ايده فـ ايدك مش حد تانى .. كان نفسي جوازنا يكون طبيعى يا طارق مش بالطريقة دى
طارق:: ضمها أكتر لحضنه و حاوط عليها بإيديه الاتنين .. و مالها بقى الطريقة دى يا ست نغم
نغم:: بحزن جوازنا بالطريقة دى ورطة يا طارق و حطيت نفسك فيها
طارق:: خرجها من حضنه و أتعدل فـ قعدته و عينيه فـ عينيها و ماسك ايدها .. انتى شايفة جوازنا ورطة يا نغم ؟؟ معقول لغاية دلوقتي مش قادرة تحسى بحبى ليكى
نغم:: ايوا يا طارق شايفة و حاسة بس انت تستاهل احسن مني بكتير
طارق:: حط صباعه ع بؤقها يمنعها تكمل .. ششششش و انا مش عايز غيرك و بس فـ حياتى يا نغم
نغم:: بس
طارق::و مازال ع نفس وضعه عينيه فـ عينيها مابسش يا نغم انا بحبك انتى و أختارتك انتى و عايزك أنتى و بس فاهمة انتى و بسسس و……..
نغم بعد وقت طويل اصبحت مرات طارق قولا و فعلا
طارق:: بسعادة .. مبروك يا حبيبتى
نغم:: بخجل .. خبت نفسها جوة حضنه الله يبارك فيك يا حبيبى
طارق:: ها لسة شايفة جوازنا ورطة يا نغم بعد اللى حصل ده
نغم:: خايفة يا طارق يجى اليوم اللى تزهق فيه و تمل مني
طارق:: نغم يااااا حبيبتى يا روح قلبى
تفتكرى يعنى بعد كل الشهور دى و أحنا مع بعض و جوازنا كان ع ورق ما زهقتش منك .. هزهق منك دلوقتي بعد ما جوازنا بقى حقيقى معقول ده يعنى .. مش ممكن طبعا يا روحى ده يحصل و يلا بقى عشان نفطر و نروح لـ غالية و عشان كمان محضرلك مفاجأة تجنن
نغم:: مفاجأة ايه
طارق:: تؤتؤتؤ مش هقولك بالليل هتعرفيها
و بالفعل طارق و نغم بعد ما تمموا جوازهم قاموا اخدوا شاور و فطروا و ابتدوا يجهزوا عشان يروحوا الڤيلا
___________________________
فـ شقة أحمد
بعد ما خلص كتب الكتاب و أخد حياة و جرى ركب عربيته و طار ع شقته
و اول ما دخلوا شقتهم
أحمد:: بغُنى .. يا حياة يا بنت أبو
ضيف جوازتك الليلة .. يا حياة يا الروح الروح دى جوازتك الليلة
حياة:: بغُنى أحماااااد هييييه أحمد حمادة ميدو توتى إيه ده يا أحمد هللوا له له الليلة فرح أحمد
أحمد:: بسعادة .. قلب أحمد من جوة نورتى بيتك يا مسكرة يا عسلية انتى
حياة:: بمرح .. البيت منور بـ صاحبه يا برنس
أحمد:: بحب .. البيت و صاحبه نوروا بوجودك يا حياة قلبى
حياة:: بأمتنان ..شكرا يا أحمد ع كل اللى انت عملته عشانى النهاردة
أحمد:: ماسك إيد حياة .. ما تشكرنيش يا حياتى ده واجبى و ربنا يقدرنى و أسعدك طول ما أنا عايش
حياة:: بأبتسامة ربنا يخليك ليا يا قلبى و ما يحرمنيش منك
أحمد:: ماقولتليش بقى حسيتى بإيه لما شوفتى باباكى و مامتك
حياة:: اممممممم ممثلين فاشلين أوى يا مودى
أحمد:: بأندهاش .. بجد ؟!
حياة:: أه يا حبيبى طبعا بجد و بصراحة كان شكلهم باين اوى انهم بيمثلوا و بالذات نيرة هانم كانت واضحة اوى أما محمد بيه جايز لـ لحظة حسيت ان ممكن تكون دموعه حقيقية غير كدا كان شو مسرحى فااااشل طحن
أحمد:: يا شيييخة بقى و جودهم شو مسرحى
حياة:: فااااشل طحححن يا مودى
أحمد:: طيب يلا يا قلب مودى ندخل الأوضة مش هنقضي الليلة هنا فـ الصالة ياختى
حياة:: بضحكة جننت أحمد .. و أنا مالى يا خويا مش انت اللى واقف بترغى
أحمد:: بغمزة .. بقولك ايه مش كان نفسك تجربي الباى و التراى يا حياتى
حياة:: و هى بتجري ع الاوضة .. لالالأ يا حبيبى مش عايزة أجرب حاجة خلاص
أحمد:: جرى وراها أبدا لاااااا يمكن لازم تجربيها بنفسك يا حبيبتى هههههههههههه
و بالفعل بعد شوية وقت كله جنان و جرى و ضحك و هزار كالعادة أخيرا حياة اصبحت مرات أحمد قولا و فعلا
_________________________
فـ ڤيلا العامري
قاعدة غالية مع وليد و شيرين بيفطروا و وليد بيحكي لهم عن ليلة كتب كتاب أحمد و اللى عمله بعد المأذون ما خلّص و فجأة
طارق::دخل بسعادة و معاه نغم .. السلام عليكم يا قوم
غالية:: بأبتسامة .. و عليكم السلام و رحمة الله يا حبيبى .. و ابتسامتها أختفت فـ لحظة لما شافت نغم .. مين دى يا طارق
طارق:: بأبتسامة نغم الهلالى .. مراتى يا أمى
غالية:: بصدمة .. مراتك !!! أنت بتهزر مش كدا
طارق:: لأ يا ماما ما بهزرش نغم مراتى فعلا .. إيه رأيك بقى فـ المفاجأة دى يا ست الكل
غالية:: بـ ـغـ ـضـ ـب .. مراااااتك ازاااااى أتجوزتها أمتتتتتى اننننطق .. و لا خلاص أمك مـ ـا تـ ـت عشان تروح تتجوز من وراها و فـ الأخر جاى تعرفنى لأ بصراحة كتر خيرك
شيرين:: لـ غالية أهدي يا ماما لو سمحتى عشان نفهم بس
غالية:: أهدى ايييييه ماحدش يقولى أهدي الدكتور المحترم داخل عليا و فـ إيده واحدة ماعرفش جايبها من أنهى دا هـ ـية و بيقول عليها مراته طيب ازااااى و أمتى اتجوزها
طارق:: ماما لو سمحتى ممكن تهدي و تسمعينى
غالية:: أسمع ايه يا دكتووور أسمع اييييه .. بتتجوز من ورايا ياااا طاااارق من غير علمى للدرجة دى ماليش وجود فـ حياتك .. بتلغينى يا طارق من حيااااتك خاااالص كدا و جاى تقولى دلوقتي بكل بساطة انك أتجوزت .. اييييه فاكرنى هزغرطلكم و أخدكم بالحضن لا يا دكتور ده مش هيحصل ابدا
طارق:: بوجع .. ليه بس يا ماما بتقولى كدا .. أنا عمري ما لاغيت وجودك فـ حياتى و حضرتك عارفة كدا كويس
غالية:: بـ ـعـ ـصبـ ـية .. اوماااااال تسمي جوازك من ورايا ده ايييييه يا دكتووووور يا جامعى يا مثقف تقدر تقولى .. تسميه ايييه لما واحد يروح يتجوز و يخلى أمه و أخوه أخر من يعلم تسمييييه اييييييه اننننطططق
طارق:: بهدوء .. مالوش مسمى يا ماما غير انى حبيت و أخترت اللى حبيتها بإرادتى و برغبتى بعيد عن قعدات الصالونات اللى كل شوية تعمليها عشان فلانة و علانة
غالية:: بزعيق و غـ ـضـ ـب أكبر .. و عشان ما تتجوزش جواز صالونات تروح تجيبلنا واحدة من الشاااااارع مانعرفش هى مين و بنت مين و لا تكون غلطت معاااهااااا و بتصلح غلطتك يا دكتور
طارق:: بنرفزة .. ماما لو سمحتى نغم مش من الشارع .. نغم بنت محترمة و أخلاقها عالية .. و أسألى وليد و غير كدا انا بحبها و ما اقدرش استغنى عنها .. و بعدين حضرتك عارفة أخلاقى كويس مش انا اللى أعمل حاجة تغضب ربنا
غالية:: بعـ ـصـ ـبية .. و لمااااا انت ما عملتش حاجة غلط أتجوزتها من ورايااااا ليييييه
طارق:: قولت لـ حضرتك بحبها و ما أقدرش أستغنى عنها و قولت أسألى وليد و لـ أخوه قولها يا وليد أخلاق نغم شكلها ايه قووووول
غالية:: ما تقدرش تستغنى عنها ؟! و أسأل وليد .. و بصت لـ وليد انت تعرف الزبالة دى يا وليد ؟؟
وليد:: بقلق .. أيوا يا ماما أعرفها .. نغم تبقى سكرتيرة طارق .. دى تبقى البنت اللى وصانى عليها من كام شهر عشان تشتغل فـ الشركة
طارق:: بنرفزة أكبر .. مامااااا لو سمحتى كفاية تجريح فـ نغم أكتر من كدا من فضلك .. نغم مراتى و زيها زى شيرين بالظبط و هتعيش معايا هنا فـ اوضتى
غالية:: مش ممكن البنت دى تعيش هنا فـ بيتى انت فاهم .. أنت هطلقها حالا و ترجعها للشارع اللى جات منه
طارق:: مستحيل يا ماما اسيب نغم و مش هطلقها مهما حصل و مش هيبعدنى عنها غير الـ ـمـ ـوت
نغم:: بدموع مغرقة وشها .. لـ غالية انا عارفة ان حضرتك اتفاجئتى بس و الله أنتى ما تعرفيش الظروف اللى أتحطينا فيها و خـ……..
غالية:: بمقاطعة .. انتى تسكتى خالص ما أسمعش صوتك ده .. تلاقيكى طمعانة فـ قرشين و مثلتى عليه البرأءة و خدعتيه بدموع التماسيح دى عشان يتجوزك
نغم:: بدموعها .. أرجوك يا طارق عايزة أمشى من هنا
طارق:: مسك وشها بين إيديه ..أهدى يا حبيبتى و بطلى عياط عشان خاطرى و متخافيش من حاجة و لـ شيرين لو سمحتى يا شيرين خدى نغم خليها ترتاح فـ أوضتى شوية
شيرين:: حاضر يا طارق و لـ نغم تعالى معايا
نغم:: لسة هتتحرك من مكانها
غالية:: بقوة .. أستني عندك و لـ طارق انا قولت البنت دى مش هتقعد فـ بيتى ساعة واحدة و هتطلقها غصب عنك أنت فاهم
طارق:: بوجع أكبر .. طلاق مش هطلق يا أمى و حاضر هنفذلك طلبك .. و لـ نغم بهدوء ممكن تستني فـ العربية لغاية ما أطلع أجيب شنطة هدومى و انزل
نغم:: بدموع .. حاضر و خرجت فعلا من الڤيلا راحت عند العربية
طارق:: بعد ما خرجت نغم لـ غالية انا هاخد مراتى و أمشى يا أمى و مش هتشوفى وشى تانى بس لو حابة تفرحى بأبنك و تحضرى الليلة اللى بتتمنيها هستناكى النهاردة بالليل فـ قاعة( ….) الساعة 9 لو جيتى هكون أسعد أنسان فـ الدنيا و هرجع معاكى هنا و لو ما جيتيش هروح شقتى و مش هتشوفينى تانى خالص بعد أذنك .. و بالفعل طلع أخد شنطة هدومه و نزل خرج من الڤيلا
___________________________
فـ العربية
بعد ما خرج طارق من الڤيلا و ركب عربيته هو و نغم و مشييوا
نغم:: بأنهيار .. طلقنى يا طارق و ارجع لـ مامتك بلاش تخسرها بسببى أرجوك يا طارق انا مش هأقدر استحمل ذنبها و لا هتحمل أكون سبب انك تبعد عنها
طارق:: سايق و ساكت مش بيرد عليها
نغم:: أنا كنت عارفة ان كل ده هيحصل .. انا قولتلك خايفة و أهو اللى كنت خايفة منه حصل أرجوك يا طارق عشان خاطرى سيبنى و أرجع لـ مامتك و أخوك و انسانى
طارق:: ركن ع جنب الطريق .. و أخدها فـ حضنه و بهدوء ظاهر و جواه نـ ـا ر نغم أنا قولت مش هسيبك و مش هيبعدنى عنك غير الـ ـمـ ـوت و ياريت بقى عشان خاطرى أنتى بلاش دموعك دى
نغم:: مامتك يا طارق زعلت منك و انت سيبت البيت بسببى .. أنت فـ الأول و الأخر مالكش غير مامتك اوعى تخسرها أبدا لأى سبب او عشان أى حد حتى لو كنت أنا
طارق:: يا حبيبتى ماما شوية بس و هتهدى و كل حاجة هتبقى كويسة و بأبتسامة بطلى عياط بقى عشان مفاجأة بالليل ماشى
نغم:: بأبتسامة حزينة هزت دماغها .. و مش قادرة تسيطر ع دموعها و جواها ياااااه ع الوجع اللى حاساه قد ايه كلام غالية جارح أوى
طارق:: مسك إيدها بحنان بيطمنها .. ما تخافيش يا حبيبتى كل حاجة هتتحل بـ أذن الله .. بس عشان خاطرى كفاية عياط و أرجوكى بلاش دموعك الغالية دى تنزل لأنها بـ ـتـ ـحـر ق قلبى
نغم:: بصوت مبحوح و هى بتمسح دموعها .. حاضر يا حبيبى خلاص مش هعيط تانى .. مش هتقولى بقى ايه هى المفاجأة ؟؟
طارق:: و هو بيسوق العربية .. انا لو قولتلك هتبقى مفاجأة ازاى
نغم:: أخدت بالها ان الطريق اتغير .. طارق أحنا رايحين فين ده مش طريق البيت
طارق:: بأبتسامة .. انا مش قولتلك قبل كدا هـ ـخـ ـطـ ـفك
نغم:: بأبتسامة ايوا حصل
طارق:: يبقى خلاص تسمحى بقى تتـ ـخـ ـطـ ـفى و انتى ساكتة
نغم:: حاضر ياسيدى
وبالفعل قدر يهون عليها شوية و كملوا طريقهم و كل واحد منهم باله مشغول باللى جاى
نغم بقلمى______________لبنى دراز
نغم:: يااااااااارب لييييه ماخدتنيش مع أبويا و أمى و رحمتنى من العذااااب ده يااااااارب خدنى و ريحنى بقى
طارق::……..؟؟
يتبــــــــع
#البارت_السابع
#نغم(#وجع_و_دموع)
أعوذ بالله من الشيطان الرجيم
الْيَوْمَ تُجْزَى كُلُّ نَفْسٍ بِمَا كَسَبَتْ لَا ظُلْمَ الْيَوْمَ إِنَّ اللَّـهَ سَرِيعُ الْحِسَابِ».
إذا ابتليت بالهم والقدر قم وصلِ لله ركعتين قبل السَحر فهو يرزق من دعاه بجناتٍ ونهر وتأمل في الطبيعة وضوء القمر واستمتع بشذى الورد ولون الزهر وأعلم بأن الحياة ليست دار مستقر
نغم بقلمى____________لبنى دراز
فـ ڤيلا العامري
متعصبة و رايحة جاية فـ الليڤنج و ماحدش عارف يكلمها و لا حتى
وليد و شيرين
غالية:: بـ غـ ـضـ ـب .. بقى اناااااا أررربى و أكبّررررر و أعللللللم و تيجى واحدة زى ديييي من الشااااااااارع تاخد أبنى مني ع الجاااااااااهز .. انااااااا غالية السواااااح اللى كلمتي أمر و بتمشي ع الكبير قبل الصغير .. انااااااا أبنى يتجوز من ورايااااااا
وليد:: بقلق انها تعرف انه كان عارف بجواز طارق .. أهدي يا أمى هيجرالك حاجة أرجوكى
غالية:: ع نفس وضعها .. هيجراااااالى اييييييه أكتر من كدا ناوييين تعملوا فيا ايييييه تاااااانى يا ولاد حسن العامري .. انا أبنى يخرج عن طوووووعى و يروووووح يتجوز من ورايا .. طاااااارق اللى عمره ما قالى لأ ع حاجة يعمل كدا يا ولييييد
وليد:: يا حبيبتى هو قالك انه بيحبها سيبه يجرب و يعرف لوحده نتيجة أختياره
غالية:: اننننتتت هتجننننى اسيب ايييييه هى لعبة و شبطان فيهااااا ده جواز يا استاذ عااااارف يعنى ايه جواز و لا مش عارف
شيرين:: طيب بس ممكن تقوليلنا يا ماما هنعمل ايه .. اللى حصل حصل خلاص
غالية:: بنرفزة .. قصدك اييييه يا ست شيرين
شيرين:: قصدى يا حبيبتى طارق خلاص اتجوز يعنى بقى أمر واقع خلاص .. المفروض نهدى و نفكر فـ اللى جاى
غالية:: بغيظ .. أزاى يعنى
شيرين:: بهدوء .. يا حبيبتى لازم نفكر ازاى نكسب طارق و نخليه يرجع تانى وسطنا و ما نخليش البنت اللى اتجوزها دى تاخده وتبعد بيه
غالية:: بـ عصـ ـبية عايزة تقولى ايه
شيرين:: اللى عايزة أقوله اننا نهدى ونقبل فكرة جوازه و نروح نحضر الحفلة اللى عاملها بالليل عشان يرجع معانا هنا و مانسيبش فرصة للبنت دى تاخده مننا
غالية:: ده مش ممكن يحصل أبداً ع جـ ـثـ ـتى الزبالة دى تدخل بيتى .. أقسم بالله لا أخليها تكره نفسها و تكره اليييوم اللى شافت فيه طارق .. لازم أخليها تلف حوالين نفسها
شيرين:: و طارق ؟!
غالية:: مش هو اللى أختار . يتحمل بقى نتيجة أختياره
شيرين:: أسمعينى بس يا ماما
غالية:: و هى قايمة طالعة اوضتها .. مش هسمع حد انا قولت اللى عندى و خلص الكلام
شيرين:: لـ وليد وبعدين هنعمل ايه
وليد:: و هو بينادى ع هنية .. مافيش حاجة نقدر نعملها يا شيرين
شيرين:: لسة هترد جات هنية
هنية:: أفندم يا وليد بيه
وليد:: أعمليلى قهوة يا هنية
شيرين:: خليهم اتنين يا هنية
هنية:: لـ شيرين حاضر يا هانم تحت امرك
_______________________
فـ الأوتيل
طارق وصل هو و نغم الأوتيل اللى فيه القاعة اللى هيعمل فيها الحفلة و كمان كان حاجز جناح مخصص للعرايس ده غير أوضة تانية لـ نغم تجهز فيها و جايب لها ميك اب أرتيست تساعدها
نغم:: بعدم فهم .. انا مش فاهمة حاجة أحنا هنا ليه يا طارق
طارق:: حبيبتى ممكن ما تفكريش فـ حاجة .. عايزك ترتاحى شوية و تهدى خالص .. عشان عايزك زى القمر بالليل ممكن ؟
نغم::بتنهيدة .. حاضر ممكن
طارق:: باس جبينها .. طيب يا قلبى هسيبك ترتاحى دلوقتي عشان فى بنت هتيجى كمان ساعتين تساعدك عشان تجهزى
نغم:: انت هتروح فين و تسيبنى
طارق:: فـ الأوضة اللى جنبك يا حبيبتى ما تقلقيش و بغمزة ياريت تنامى كويس عشان نسهر سوا بالليل
نغم:: بخجل .. أمشى يا طارق شوف انت رايح فين يلا
طارق:: بأبتسامة يا خراشى ع الجميل و هو بيحمر و يقلب فراولة كدا
و بالفعل سابها ترتاح و دخل هو فـ الجناح اللى حاجزه قعد ع السرير ورجع بضهره لـ ورا وحط إيده ورا راسه و بيفكر فـ كل اللى حصل و اللى جاى و جواه صـ ـراع بين
نفسه:: و بعدين يا طارق هتعمل أيه .. ليييه كدا بس يا أمى تـ ـكـ ـسر ي فرحتي
عقله:: انت عايزها تشوفك داخل بمراتك اللى متجوزها من وراها و تاخدك بالحضن مثلا
نفسه:: أنا عارف انها اتفاجئت بس كانت تدينى فرصة و تسمعنى
عقله:: ما تبقاش غلطان و كمان بتقاوح .. المفروض كنت تعرّفها ع الأقل تمهد لها الموضوع مش تفاجئها
نفسه:: حاولت كتير بس خوفت من ردة فعلها
عقله:: و ايه رأيك دلوقتي مش لو كنت قولتلها الاول ماكانش كل ده حصل
نفسه::انت بتأنبنى لييييه كدا
عقله:: لأنك بخوفك ده كنت سبب فـ حزن أكتر اتنين بتحبهم .. أمك اللى كـ ـسرت فرحتها بيك و مراتك اللى اتسببت فـ إهانتها .. تقدر تقول دلوقتي هتخلى غالية تقبل نغم أزاى و هى شايفة أنها بنت طمعانة فيك و لعبت عليك
نفسه:: مش عارف بجد مش عارف أعمل ايه
عقله:: لازم تعرف هتعمل ايه لاااازم تحاول تصلح الموقف ماتسكتش
و فضل طارق فـ الـ صـ ـراع بين صوت عقله و نفسه لغاية ما غلبه النوم و هو قاعد مكانه
_____________________
فـ ڤيلا العامري
قاعد وليد و شيرين فـ الليڤنج بعد ما هنية جابتلهم القهوة
شيرين:: بحزن و العمل يا وليد
وليد:: بتوتر .. مش عارف يا شيرين بجد انا مش مطمن
شيرين:: بـ شك .. مالك يا وليد متوتر و قلقان ليه كدا
وليد:: بنفس التوتر .. مين أنا لأ خالص ايه اللى هيوترنى يعنى
شيرين:: حاسة كدا انك مخبي حاجة عليا يا وليد
وليد:: بعـ ـصبـ ـية .. هخبي ايه يعنى يا شيرين .. هو انتى ايه مش شايفة اللى حاصل من الصبح و اللى أحنا فيه ده
شيرين:: وليييييد متأكد انك مش مخبي عليا حاجة ؟؟
وليد:: بتوتر .. هخبي ايه انا يعنى ها قال مخبي قال ده اللى كان ناقص كمان
شيرين:: ولييييد أحنا مش عِشرة يومين يا حبيبى يعنى بفهمك من نظرة عينيك فـ هات من الأخر و قول ايه اللى مخبيه
وليد:: بنفس توتره .. هقولك بس ما تقوليش لـ غالية يا شيرين عشان خاطرى
شيرين:: بقلق .. خير يا حبيبى قلقتنى
وليد:: و هو بيتلفت حواليه خايف يكون حد بيسمعه و لا تكون غالية نازلة من اوضتها .. أنا كنت عارف أن طارق متجوز نغم من 3 شهور
شيرين:: بصدمة .. نعععم !!
وليد:: وطى صوتك أحسن حد يسمعك
شيرين:: بصوت واطى .. انت كنت عارف و ساكت يا وليد و ماقولتش لـ غالية
وليد:: و مش بس كدا انا كمان شاهد ع عقد الجواز
شيرين:: حطت إيدها ع بؤقها من كتر الصدمة .. دى كارثة ماما غالية لو عرفت الكلام ده هتروح فيها .. أنت يا وليد تعمل كدا انت؟! بدل ما تعقّل أخوك و تعرّفه ان اللى عمله ده غلط .. أنت اللى تروح معاه و تجوزه من ورا غالية
وليد:: بقلة حيلة .. أعمل ايه يا شيرين هو طلب منى أقف جنبه و اساعده يتجوز البنت اللي بيحبها و لما رفضت فـ الاول قالى بصريح العبارة كدا هتقف معايا و لا أشوف حد تانى
أضطريت أوافق ع الاقل أعرف البنت دى حكايتها ايه بالظبط
شيرين:: و أيه حكايتها بقى
وليد:: هى بصراحة بنت أخلاقها عالية فعلا و هادية جدا و اللى عرفته انها يتيمة أب و أم و مالهاش حد غير واحد قريب باباها هو اللى كتب كتابها
شيرين:: و طارق عرفها ازاى
وليد:: طالبة عنده فـ الكلية .. ما هى دى البنت اللى وصانى أشغلها فـ الشركة
شيرين:: اممممم أفتكرت .. و بعدين
وليد:: و لا قابلين من وقت لما اشتغلت فـ الشركة لاحظت ان طارق موجود بأستمرار بس ماخدتش فـ بالى و بعد كدا بدأت ألاحظ انه بيهتم بيها بس قولت جايز لانها طالبة عنده و لا حاجة .. لغاية ما جه فـ يوم و عرفنى انه هيكتب كتابه عليها بعد ساعتين و لازم أكون معاه
شيرين:: سكتت شوية بتفكير .. بس لحظة هو ازاى متجوزها من 3 شهور و ماكانش فى اى تغير ملحوظ عليه فـ تصرفاته كان طبيعى جدا و مواعيده زى ما هى ما أتغيرش فيها حاجة بالعكس يمكن الاول كان بيروح شقته كتير يبات فيها انما دلوقتي انا ملاحظة انه بقاله كتير ماراحش يبات فـ الشقة غير أمبارح بس .. يبقى ازاى بقى
وليد:: ازاى ايه يا حبيبتى
شيرين:: يا وليد اللى بيحب حد عايز يفضل معاه بأستمرار .. و أخوك قال أنه بيحب البنت دى ازاى بقى اتجوزها عشان بيحبها و ازاى مش قاعد معاها او ع الاقل يكون فى تغيير باين عليه .. الموضوع ده وراه حاجة مش طبيعية
وليد:: مش عارف بقى المهم ربنا يستر و غالية ما تعرفش انى كنت عارف وكمان شاهد ع الجواز
شيرين:: و هى بتقوم من مكانها .. أنا هطلع أطمن عليها لا تكون تعبت من الصدمة اللى أخدتها فـ طارق
فـ أوضة غالية
بعد ما طلعت أوضتها فضلت رايحة جاية فـ الأوضة و هتتجنن و بتكلم نفسها
غالية:: بقلب أم موجوع .. بقى كدا يا طااارق دى أخرة تربيتى فيك .. كدا تحرمنى أشوفك و انت عريس كدا تـ ـكـ ـسـ ـر فرحتى بيك .. ليييه يا أبنى تعمل كدا .. خلااااااااص بنات العائلات خلصوااا يا طاااااارق رايح تتجوز واحدة مالهاش أصل من فصل ليييه يا طاااارق لييييييه تلغينى من حياتك كدا
و هى بتكلم نفسها سمعت خبطة خفيفة وشافت الباب اتفتح
شيرين:: خبطت و دخلت بحزن .. و بعدين معاكى يا ماما هونى ع نفسك شوية
غالية:: بدموع .. أهون ع نفسى ازاى يا شيرين .. انا هتجنن مين يصدق بقى طارق يعمل كدا يتجوز من ورايا
شيرين:: بهدوء .. يا حبيبتى حاولي تنسي اللى حصل و فكري هتعملى ايه فـ اللى جاى
غالية:: بنرفزة .. انا بجد هتجنن بقى يرفض بنت السفيييير و يروح يتجوز واحدة ما نعرفش هى مين و بنت مين و أهلها فيييين
شيرين:: بحكمة .. طيب ممكن تهدي و تسمعينى و تقولى حاضر
غالية:: بتعب .. عايزة ايه يا شيرين
شيرين:: بصى أكيد جواز طارق وراه سر ماحدش يعرفه و سبب تانى غير أنه حب البنت دى
غالية:: بزهق .. عايزة توصلى لـ إيه بالظبط
شيرين:: عايزة أقولك يا حبيبتى اننا نتقبل جواز طارق دلوقتي و كمان نروح و نحضر الحفلة اللى عاملها و تشوفيه عريس زى ما كان نفسك
غالية:: بمقاطعة .. مش هيحصل ابدا
شيرين:: يا ماما أسمعينى .. دلوقتي طارق قالك لو ماحضرتيش الحفلة بالليل هبعد و مش هتشوفى وشى تانى .. انتى تحبى انه يبعد عنك ؟؟ هتسيبيه كدا للبنت دى و الله أعلم ايه اللى وراها عشان تتجوزه بالسرعة دى
غالية:: هو اللى أختار يا شيرين و طالما انا مافرقتش معاه خلاص مش هيفرق معايا
شيرين:: مامااااا طارق فارق معاكى اوى بدليل الحالة اللى أنتى فيها دى .. و ياريت بقى تسمعى كلامى و مش هتندمى أكسبى طارق و خليه يرجع لـ حضنك مايبعدش و بعد كدا ندور ورا البنت دى و نعرف حكايتها ايه بالظبط
غالية:: حاضر يا شيرين هسمع كلامك و هروح الحفلة و هخليهم ييجوا يعيشوا فـ الڤيلا و بغيظ .. يا أنا يا أنتى يا ست نغم
و بالفعل قدرت شيرين تأثر ع غالية و تقنعها انها تتقبل فكرة جواز طارق و تروحله تحضر فرحه
________________________
فـ الأوتيل
صحيت نغم من النوم ع خبط باب اوضتها و قامت فتحت
ميار:: بأبتسامة مساء الخير يا عروسة
نغم:: بأندهاش .. عروسة !! حضرتك عايزة مين
ميار:: عايزة أنسة نغم .. مش حضرتك برضوا نغم
نغم:: أيوا انا بس مين حضرتك
ميار:: انا ميار ميك أب ارتيست باعتنى ليكى دكتور طارق
نغم:: اه اتفضلى اهلا بيكى
ميار:: دخلت و ابتدت فعلا تساعد نغم
فـ جناح طارق
بعد ما صحى من النوم قام أخد شاور و جهز نفسه و أتصل بـ كامل قريب نغم بلغه بميعاد و مكان الحفلة و كمان اتصل بـ أحمد
طارق:: السلام عليكم ورحمة الله
أحمد:: بنرفزة مرحة .. و عليكم السلام و رحمة الله يا خويا عايز ايه يا رخم
طارق:: بضحك .. بطمن عليك يا قلب الرخم
أحمد:: بغيظ .. أما أنك صحيح بارد بقى بتتصل بيا يوم صباحيتى عشان تتطمن عليا بس
طارق:: من بين ضحكه .. عايز اشوفك رفعت راسنا و لا قعدت زى خيبتها ههههههههههههه
أحمد:: مالكش دعوة يا طاااارق و أخلص قول عااايز أيه انا مش فاضيلك
طارق:: عايز أعمل عريس زيك
أحمد:: بغيظ أكبر .. ما تعمل ياخوياااا هو انا ماااااسكككك و بصوت واطى قال يعنى ما استغلش الموقف امبارح و عمل فيها عريس
طارق:: سمعتك ع فكرة .. اسمع ياض انت هستناك بالليل انت و حياة فـ قاعة (…..) الساعة 9
أحمد:: و ده ليه بقى يا فالح
طارق:: هعمل فرحى اشمعنى انت يعنى تلبس عريس و انا لأ
أحمد:: بغيظ .. مش جااااى
طارق:: أخلص يا أحمد هستناك انت و حياة .. و حب يغيظه اكتر انا ما قولتلكش ابعتها من دلوقتي تقف مع نغم و سيبتهالك مراعاة لظروفك ههههههههههههه
أحمد:: بغيظ أكبر انت مجنووون ياض أنت و لا شكلك كدا هى مين دى اللى ابعتهالك .. و بعدين لما تتكلم عنها تقول مدام أحمد الاسيوطى فااااهم ياض انت و لا لأ
طارق:: هلكان ضحك ع أحمد .. خلاص خلاص ما تتنرفزش اوى كدا هستناكم بالليل يلا سلام
و قفل فعلا مع أحمد و كمل لبسه و خرج راح لـ نغم بعد ما عمل مكالمة مع إدارة الاوتيل
عند نغم
ميار:: ساعدت نغم تجهز و خلصت لها كل حاجة و عملتلها ميك اب خفيف يظهر جمالها و كان فاضل بس الفستان .. وعملت اتصال بشخص و فـ ثانية باب الأوضة خبط و فتحت أخدت الفستان و دخلت حطته بجرابه ع السرير
نغم:: بنفاذ صبر .. ممكن افهم بقى مين اللي كان بيخبط ع الباب و ايه ده
ميار:: بأبتسامة .. ممكن تهدي شوية لو سمحتى ده الفستان بعته دكتور طارق مع الروم سيرفيس .. تسمحى بقى و تتفضلى و تلبسيه عشان نعمل اللمسات الأخيرة
نغم:: بقلة حيلة .. حاضر أمرى لله و راحت ناحية السرير عشان تلبس الفستان و اول ما شافت ميار طلعته من الجراب تنحت من شكل الفستان و جماله و دموعها نزلت غصب عنها من قوة المفاجأة
ميار:: بنفس الابتسامة .. لأ كدا ما ينفعش يا عروسة بلاش دموعك دى هتبوظيلى كل اللى عملته يلا ألبسى الفستان عشان نكمل قبل ما ييجى العريس
نغم:: لبست فعلا الفستان اللى جابه طارق و كان فستان زفاف خرافة بمعنى الكلمة
ميار:: اول ما شافت نغم أنبهرت بجمالها .. ماشاء الله الفستان كأنه متفصل مخصوص عشانك .. اتفضلى عشان نكمل .. و بالفعل كملت لها و لبستها طرحة الزفاف و حطت لها التاج و باقى الاكسيسوريز الخاصة بالفستان .. شوية خبط الباب و فتحت ميار و كان
طارق:: خبط و دخل و اول ما شاف نغم .. عينيه فـ عينيها بسم الله ماشاء الله طالعة تاخدى العقل و تجننى بجد .. انتى بجد استثنائية اااااه يا قلبك يا طارق
نغم:: بخجل .. أنت كمان طالع تجنن فـ البدلة و الببيون
طارق:: مش أجمل منك يا نغمى
آه يا نغم عُزف على أوتار قلبى و تغنت به دقاته
سكنتِ الروح و سلبتِ العقل
و ذهبتِ بثباته
هتعملى فيا ايه تانى بس
يلا بينا ننزل عشان تشوفى باقى المفاجأة
و بالفعل نزلوا قاعة صغيرة أتصوروا فيها و خرجوا راحوا القاعة الرئيسية
و اول ما دخلوا كل الانوار أنطفت و أتسلط عليهم لوحدهم النور و أبتدوا حفلتهم بالفريست دانس ع اغنية غناها
طارق::أيوة بسببك قادر أكمل وقت ما بتعب ليكي بروح
لما بِيبان الدنيا تقفل حضنك
آخر باب مفتوح
يا اللي عيونك وقت ما بغرق
بالنسبة لي دي مركب نوح
إنت الحتة الحلوة في قلبي
ببقى في قربك مش قلقان
إنت حبيبتي وأمي وبنتي
و ماليش بعدك تاني مكان
حببتيني في أيام عمري
رجعتيني لنفسي زمان
وأنا بين إيديكي إحساسي بيكي
لو قلت ليكي ما بيتحكيش
جيتي وبقيتي أهلي وبيتي
لو يوم مشيتي إزاي هعيش
عمرك لحظة ما نزلتيني
لأ بالعكس أنا بيكي عليت
ولا بعتيني ولا خذلتيني
وبتديني أكثر ما إديت
قبل ما بنده لك بتجيني
ضهري وسندي لو إتهزيت
نصي التاني اللي بيفهمني
قبلك عمري ماهوش محسوب
حبك هو اللي مكملني من نقصي
ومن أي عيوب
إحساس بأمان بيطمني
وسط حياة مليانة حروب
وأنا بين إيديكي إحساسي بيكي
لو قلت ليكي آه مابينتهيش
جيتي وبقيتي أهلي وبيتي
لو يوم مشيتي إزاي هعيش
آه، آه آه آه
بعد ما خلصت الأغنية قعدوا مكانهم فـ الكوشة عشان يستقبلوا التهنئة من الضيوف
نغم:: بسعادة .. أنت عملت كل ده عشانى انا
طارق:: بحب .. و لسة عندى أستعداد أعمل أكتر من كدا أضعاف بس عشان تكونى مبسوطة و أشوف ضحكة عيونك الحلوة دى
نغم:: يااااااه يا طارق لو تعرف انا مبسوطة قد ايه لألأ انا مش مبسوطة بس أنا طاااايرة من السعادة .. ربنا ما يحرمنيش منك أبدا
طارق:: و لا يحرمنى منك يا أجمل نغم فـ حياتى و ربنا يقدرنى طول ما أنا عايش و أسعدك
نغم:: لسة هترد شافت غالية بتقرب عليهم هى و شيرين و وليد
طارق:: شاف أمه بتقرب عليه قام وقف و قرب منها بسعادة و باس راسها و إيدها .. سامحينى يا أمى
غالية:: بابتسامة حزينة .. خلاص يا طارق اللى حصل حصل المهم انبسط انت و أفرح و ماتشغلش بالك .. و لـ نغم ببرود مبروك
نغم:: بتوتر .. الله يبارك فـ حضرتك
شيرين:: قربت بأبتسامة لـ طارق مبروك يا طاروق و لـ نغم مبروك
طارق:: بسعادة الله يبارك فيكى يا شيرين
نغم:: شكرا الله يبارك فيكى
و شوية و دخل أحمد و حياة و كالعادة نطت حياة فـ حضن نغم
حياة:: بأنبهار .. ايه ده ايه ده ايه ده .. اييييه الحلاوة و الجمال ده كله قمر يا بنت اللذينا يـ ـخـ ـربيت جمدانك
نغم:: بأبتسامة .. بجد يا حياة طالعة حلوة
حياة:: حلوة بس ده انتى تهبلى تلوحى الملووح و تعديله تانى .. الله يكون فـ عوووونك يا طااااارق .. انا لو منه كنت خبيتك عن العيون
نغم:: يا سلام ياختى
حياة:: أه طبعا يابنتى هو انتى مابصتيش فـ المراية ياختى و لا ايه
عند طارق
أحمد:: مبروووك يا عريس و أخيرا عملتها و هنشوف طارق صغنن
طارق:: أتلم ياض و بعدين ما أنت كمان عملتها قبلى كنت كلمتك
أحمد:: بيتكلم مع طارق و لاحظ عليه انه متضايق شوية و سأله .. مالك يا طارق
طارق:: بأبتسامة .. ماليش يا أحمد
أحمد:: لأ بجد مالك شكلك بيقول انك مش مبسوط
طارق:: بهزار بيحاول يدارى .. مش مبسوط ليه ياخويا النهاردة فرحى و عروستى هتبقى فـ حضنى لـ أخر يوم فـ عمرى ده النهاردة مافيش حد فـ سعادتى و يلا خد مراتك و شوفلك حتة اقعد فيها خلينى أخد عروستى و نقوم نرقص سوا
و بالفعل أخد نغم و قاموا يرقصوا تانى و كمان أحمد و حياة رقصوا معاهم و غنت نغم مع الاغنية اللى شغالة و كل ده تحت انظار غالية اللى هتـ ـفـ ـرقع من الغيظ
نغم:: شايفة فيك
كُل حاجة حلوة أنا إتحرمت منها
كُل ضحكة شفايفي كانُوا مستنيينها
كُل إحسَاس بالأمان كان نِفسي أعيشُه
وسط دنيا غريبة وما حدش ضامنها
شايفة فيك
بيت وأهل وصُحبَة جَنبي مونسيني
لمة العيلة اللِي بتطمني إني
لما أغيب أنا بلقى ناس تقلق عليا
وأما برجع بلقى ناس مستنييني
للنهاية
هتلاقيني ماسكة فـ إيديك للنهاية
أصلي من قبلك أنا مجرد حكاية
فيها خُوف وتعب وفيها جرَاح كتيرة
بس بقى مِسك الختام إنك معايا
ناسية بيك
ذكريات مش حلوة كانت بتهاجمني
دُنيَا على أحلامي كانت بتساومني
طُول مَا أنا مسنودة علىَ كتفك حَبِيبي
واقفة أنا في وش الحَياة دِي ومُش هاممني
ناسية بيك
ذكريات مش حلوة كانت بتهاجمني
دُنيَا على أحلامي كانت بتساومني (بتساومني)
طُول مَا أنا مسنودة علىَ كتفك حَبِيبي
واقفة أنا في وش الحَياة دِي ومُش هاممني
للنهاية
هتلاقيني ماسكة فـ إيديك للنهاية
أصلي من قبلك أنا مجرد حكاية
فيها خُوف وتعب وفيها جرَاح كتيرة
بس بقى مِسك الختام إنك معايا
و بعد وقت طويل خلص الفرح و الكل مشي و طارق أخد نغم و طلعوا الجناح اللى كان حاجزه يقضي فيه الليلة و تانى يوم هيسافروا شرم رحلة شهر العسل
_________________________
فـ شقة محسن الهلالى
محسن بعد ما باع ڤيلته و كل الأصول اللى يملكها لـ تسديد جزء من ديونه و جدولة باقى الديون أجر شقة صغيرة يعيش فيها هو و مراته و ولاده و بعد يومين من فرح نغم قاعدة
منال:: بغيظ من الوضع اللى هى فيه و بتقرا فـ مجلة أخبار النجوم و فجأة شافت خبر فـ المجلة و بصريخ .. محححححسسسسن
محسن:: كان قاعد فـ أوضته و سمع صريخ منال خرج بسرعة يشوف مالها .. بخضة خير يا منال فى ايه حد من الولاد جراله حاجة ؟!!!
منال:: بنرفزة .. بتمد إيدها بالمجلة أمسك اتفضل شوووف الخبر ده كدا و اقرا و سمعنى
محسن:: بياخد منها المجلة و مستغرب خبر ايه ده اللى عامل فيكى كدا و بص فـ المجلة شوية و رجع بصلها مش معقووول أنتى شايفة اللى أنا شايفه
منال:: شوووفت .. عرررفت انا صرخت لييييه
نادر:: بخضة .. خييير يا ماما فى ايييه مالك
منال:: بغيظ أقرا يا محسن و سمع أبنك خليه يشوف الهانم بنت عمه اللى سايبة أهلها غرقانين فـ الديون و هى غرقانة فـ العز
سامى:: دخل من باب الشقة بالصدفة و سمعها و بعدم فهم .. مش فاهم يا ماما بنت عم مين اللى غرقانة فـ العز دى
منال:: الست نغم هانم اللى كانت السبب فـ اللى أحنا فيه ده دلوقتي و قعدتنا فـ شقة حـ ـقـ ـيرة بالإيجار و هى عايشة فـ نعيم
نادر:: ماما ممكن تهدي و تفهمينا ايه الكلام ده
محسن:: مد إيده بـ المجلة لـ نادر يقرا الخبر بنفسه
سامى:: فيها ايه المجلة دى يا نادر عشان بابا و ماما يبقى حالهم كدا
نادر:: شاف المجلة و بص لـ سامى فيها صورة نغم مع جوزها يوم فرحهم و تحتها تهنئة ليهم و باقى الخبر بيقول ان طارق العامري ده صاحب شركات العامري للسيارات مش مجرد دكتور جامعة بس و انهم سافروا يقضوا شهر العسل فـ شرم و الغردقة
سامى:: بأندهاش .. معقول الكلام ده طيب أزاى !! ازاى متجوزها من كام شهر و لسة اللى عامل الفرح من يومين بس
منال:: بـ عـ ـصبـ ـية مااااا يخصنيييش اتجوزها أمتى و عمل الفرح أمتى انا يخصنى انكم تعرفوا عنوانها فيييين ما هى لااااازم تعرف ان عمها له حق عليها ولاااازم تسددله باااقى ديونه طالما بقت غنية كدا و جوزها صاحب شركات
محسن:: أصبرى يا منال لما ترجع من السفر الاول
منال:: نعرف العنوان الاول و نراقب الڤيلا عشان نعرف هترجع امتى
نادر:: بنفاذ صبر .. أنسي بقى يا ماما خلاص اللى حصل حصل و الحمدلله سددنا جزء كبير من الديون و جدولنا الباقى و واحدة واحدة هنسددهم
منال:: بـ عـ ـصبـ ـية أكتر لـ نادر .. أنننننت تسسسسسسكت خاااااالص انننت فاااااهم .. بقى انااااا منال الدغيدى بعد العمر ده كله أسكن فـ شقة زى دى و الهانم خريجة المدارس الداخلية تعيش فـ ڤيلا ده لا يمكن أبدا
نادر:: بأندهاش .. ماما انتى ليه محسسانى انها تربية ملاجئ .. ع فكرة نغم بنت عمى ما يعيبهاش انها أتربت و كبرت فـ مدارس داخلية .. و بهمس لـ نفسه العيب ع اللى رماها فيها و نسيها
منال:: بتبرطم بتقول ايه يا سي نادر سمعنى كدا
نادر:: و هو ماشى رايح اوضته .. ما بقولش أعملوا اللى تعملوه انا ماليش دعوة بيكم و لا بموضوع نغم ده تانى
منال:: ع نفس عصبيتها أمششششي يا نااااادر و خليييك بعيييد .. بس و رحمة بابا لو ما عملتش اللى انا عايزاه هـ ـمـ ـو ت لكم نفسى عشااااان ترتاااااحوا
سامى:: بقلق من تهـ ـد يد ها .. خلاص أهدي يا ماما انا هعملك اللى انتى عايزاه بس أرجوكى أهدي عشان خاطري
و بالفعل سامى قدر بعد فترة صغيرة انه يعرف عنوان ڤيلا العامري و بيراقب الڤيلا من وقت للتانى عشان يعرف نغم رجعت و لا لسة
_______________________
فـ ڤيلا العامري
بعد مرور شهر و نص رجع طارق هو و نغم من رحلة شهر العسل ع الڤيلا و استقبلته
هنية:: بالزغاريط .. و بفرحة الف الف مبر………
غالية:: قاطعتها بزعيق و هى نازلة من ع السلم .. اييييه الدوشة اللى انتى عاملاها دى أمشى غورى ع المطبخ و ما اسمعش صوتك تانى انتى فاهمة
هنية:: بأسف .. اسفة يا ست هانم مش هتتكرر تانى
غالية:: بغيظ .. قووولت غووورى .. و بصت لـ نغم كأن الكلام متوجه ليها مش ناقص غير حثالة المجتمع كمان يحطوا راسهم بـ راس غالية السواح
طارق:: بضيق.. ليه بس كدا يا ماما تحرجى هنية هى ما غلطتش دى بتعبر عن فرحتها برجوعى انا و مراتى
غالية:: بأبتسامة .. حمدالله ع السلامة يا حبيب يا ماما نورت بيتك يا حبيبى
طارق:: أخدها بالحضن و باس راسها و إيدها حبيبتى البيت و الدنيا كلها منورة بيكى يا غالية
غالية:: و هى فـ حضنه وحشتنى يا طارق اول مرة تبعد عنى المدة دى كلها .. تعال اقعد فـ حضنى كدا و أحكيلى عملت ايه فـ رحلتك انبسطت و عينيها ع نغم و لا فى حد نكد عليك
طارق:: بسعادة .. يعنى يا غوغو عريس و معايا عروستى حبيبتى و مش هنبسط أكيد يا قلبى طبعا انبسطت جدا كمان
نغم:: بتوتر .. بتمد إيديها تسلم ع غالية .. أزى حضرتك يا طنط
غالية:: ببرود من غير ما تمد إيديها .. أهلا
نغم:: حست بأحراج و بصت فـ الارض و سكتت
طارق:: اخد باله من الموقف .. و نده ع هنية
هنية:: جات جرى .. تحت امرك يا دكتور
طارق:: لو سمحتى يا هنية وصلى نغم لـ اوضتى فوق
هنية:: حاضر يا دكتور و لـ نغم اتفضلى يا ست العرايس يادى النور يادى النور و مشييت بالفعل مع نغم توصلها لـ أوضة طارق
طارق:: استنى بعد ما نغم طلعت مع هنية و لـ غالية .. و بعدين يا أمى
غالية:: وبعدين ايه يا طارق
طارق:: معاملتك لـ نغم يا امى
غالية:: و مالها معاملتى يا دكتور مش عاجباك فـ ايه
طارق:: بكل ود مسك إيد غالية .. يا حبيبتى أرجوكى اعتبريها بنتك و أدى نفسك فرصة تشوفيها زى ما انا شوفتها صدقينى هتحبيها
غالية:: بتكبر .. أكتر من كدا ما تحلمش يا طارق .. مش كفاية انى هسمح لها تعيش هنا فـ الڤيلا
طارق:: فـ الحالة دى أنا أسف أقولك أنى كدا مضطر أخدها و نروح نعيش فـ شقتى
غالية:: بحزن و تسيبنى يا طارق تسيب أمك اللى بتحبك و قلبها عليك عشان خاطر مراتك
طارق:: أنتى اللى هتخلينى أعمل كدا يا أمى .. نغم مراتى و كرامتها من كرامتى لو مش هتتعامل كويس هنا يبقى من الأفضل اننا نمشي و نعيش بعيد
غالية:: للدرجة دى البنت دى عملتلك غسيل مخ و قدرت تأثر عليك
طارق:: بنفاذ صبر .. ياااا أمى يااا حبيبتى نغم أبسط من كدا بكتير .. هى مش من البنات اللى بتلاوع فـ الكلام نهائى بالعكس هى انسانة واضحة و كفاية أنى بجد بحبها و شايف راحتى وسعادتى معاها أرجوكى يا ماما لو فعلا مش عايزانى أمشي من هنا عاملى نغم كويس من فضلك
غالية:: بأبتسامة .. حاضر يا طارق عشان خاطرك بس يا حبيبى .. و جواها صبرك عليا يا اللى اسمك نغم ان ما خليتك تكرهى اليوم اللى شوفتى فيه طارق ما ابقاش اسمى غالية السواح
_______________________
فـ شقة محسن الهلالى
بعد كام يوم قاعدة منال هتتجنن مش قادرة تستحمل العيشة اللى هى فيها و مش طايقة اى حد يكلمها و فجأة رن جرس الباب و فتحت و شافت
سامى:: داخل البيت مبسوط .. خلاص يا ست الكل .. كل حاجة هتتحل و نرجع زى ما كنا و أحسن
منال:: بغيظ .. شايفاك مبسوط خييير و ايه هو اللى هيتحل ده
سامى:: بأنبساط .. احنا كنا بنراقب مييين
منال:: أخلص يا سامى اتكلم ع طول مش بحب الالغاز
سامى:: يا ستى نغم رجعت م السفر من يومين و لغاية دلوقتي لسة ما خرجتش من الڤيلا هى و جوزها يعنى
لو عايزة تروحى و تكلميها و لا حتى نـ ـخـ ـطفها و نساومه عليها انا تحت أمرك
منال:: بسعادة .. بجد يا سامى رجعت و ندهت محسن محححسسسن يا محسن
محسن:: خرج من اوضته اللى حابس نفسه فيها طول الوقت .. بزهق عايزة ايه يا منال خير
سامى:: كل خير يا بابا نغم رجعت من السفر .. دلوقتي ممكن نروحلها و نقنعها ان جوزها يسدد باقى الديون اللى علينا و لو رفضت نخـ ـطـ ـفها و نساوم عليها جوزها
محسن:: انت أكيد اتجننت .. ده مستحيل يحصل ابدا احنا لو فكرنا بس نقرب منها جوزها مش هيسكت و طالما راجل أعمال أكيد له معارف كبيرة تساعده لو طلب منهم مساعدة
منال:: بنرفزة .. و أحنا كمان مش قليلين يا محسن و أكيد معارفنا أكتر
محسن:: يا حبيبتى دلوقتي المعارف مع اللى موجود ع الساحة و أحنا أشهرنا أفلاسنا و كل الناس بعدت عننا
منال:: بغيظ قصدك ايه يا سي محسن
محسن:: قصدى يا منال ان كل المعارف و الناس اللى كانت حوالينا كانت موجودة عشان مصلحتها و بس ولما فلسنا خلاص بعدوا و لو فكرنا مجرد تفكير نتصل بحد منهم هيقفل موبايله فـ وشنا
سامى:: ولا يهمك يا بابا ان شاء الله لما كل حاجة ترجع زى الاول كلهم هيرجعوا تانى يترموا تحت رجلينا .. المهم انتم روحوا لـ نغم و اتكلموا معاها الاول و شوفوا هتقول ايه
و فعلا محسن و منال قرروا يروحوا لـ نغم الڤيلا عشان يخلوها تسدد لهم باقى الديون
_____________________
فـ ڤيلا العامري
قاعدة غالية مع وليد و شيرين و طارق و نغم فـ الجنينة الخلفية للڤيلا و فجأة دخلت
هنية:: نغم هانم فى ناس عايزين حضرتك برة
نغم:: بأندهاش .. ناس عايزينى أنا ؟!
هنية:: أيوا يا هانم
طارق:: ما قالوش مين يا هنية
هنية:: لأ يا دكتور كل اللى قالوه انهم عايزين يقابلوا الست نغم
طارق:: طيب روحى يا هنية دخليهم الصالون و شوفيهم يشربوا ايه و أحنا جايين وراكى
غالية:: بتليقح .. اهو ابتدينا و الاوباش عرفوا طريق الڤيلا
طارق:: و هو بيقف عشان يدخل يشوف الناس اللى جاية .. بص لـ غالية و سكت و لـ نغم تعالى يا حبيبتى نشوف مين عايزك يمكن تكون حياة و احمد
نغم:: قامت و دخلت مع طارق و هى ساكتة
طارق:: وهما داخلين الڤيلا .. ماتزعليش من ماما يا نغم هى بس لسة مش قادرة تقبل فكرة أنى اتجوزت من وراها معلش اتحملى شوية لغاية ما تعرفك كويس
نغم:: بوجع جواها .. ما تقلقش يا حبيبى هى زى أمى و عمري ما هزعل منها بالعكس انا مقدرة موقفها و عارفة ان اى ام مكانها هتعمل كدا
طارق:: وقف و باس جبينها .. ربنا يباركلى فيكى يا أجمل نغم فـ حياتى
نغم:: يارب يا حبيبى و مايحرمنيش منك ابدا تعال بقى نشوف مين
و بالفعل دخلوا الڤيلا و شافوا فـ الصالون محسن و منال
نغم:: بخضة .. عمى !!
محسن:: بجمود أيوا عمك يا ست نغم ايه ماكنتيش متوقعة اننا هنعرف طريقك و لا ايه
طارق:: بنرفزة خيييير
منال:: ببرود .. كل خير يا دكتور احنا جايين عايزين مهر بنتنا او تدينا بنتنا وأحنا نديها للى يقدرها و يدفع مهرها
طارق:: بـ غـ ـضـ ـب .. أننننتى عاااارفة لو ماكنتيش واحدة ست كنت عرفت أربيكى كويس بس للاسف ما اتعودتش أمد أيدى ع ستات
نغم:: انتوا عايزين مني اييييه أرحمونى بقى و سيبونى فـ حالى حرام عليكم
منال:: حراااام علينا أحنا يا نغم .. و انتى مش حرااام عليكى لما تبقى عايشة فـ العز ده كله و سايبة عمك غرقان فـ ديونه ايييه مافيش رحمة خالص فين حقه عليكى و صلة الرحم اللى وصاكى بيها ربنا
طارق:: بص لها بأندهاش و قبل ما يرد قاطعته
نغم:: ضحكت بوجع و دموعها أصدق رد ع حالها .. صلة الرحم !! اللى هى فييين صلة الرحم دى اللى تخلي عم يرمى بنت أخوه اليتيمة و هى عمرها 8 سنين فـ المدارس الداخلية من غير ما يسأل عليها ولا مرة .. فييين صلة الرحم دييييي اللى تخليه ما يفتكرش ان ليه بنت أخ غير لما وقع و فلس و ياريت افتكرنى عشان ندماااان انه سرقنى و أخد بيت بابا باعه .. لأ ده أفتكرنى عشان يبيعنى للى يدفع أكتر عشان يسدد ديونه
طارق:: لـ نغم و هو بيمسح لها دموعها .. أهدي يا حبيبتى و لـ محسن أنا قولتلك قبل كدا لو فكرت مجرد تفكير انك تقرب لـ مراتى هيكون لى معاك تصرف ما يعجبكش
و برضوا ماسمعتش كلامى تمام
منال:: بزعيق .. أسمع يا دكتور احنا مابنتـ ـهد دش و مش هنمشى من هنا غير بحاجة من اتنين أما بـ شيك بـ 10 مليون أو بورقة طلاق نغم قولت ايه
غالية:: دخلت ورا طارق عشان تعرف مين الناس اللى جاية لـ نغم و فجأة .. لـ طارق هما دول الناس اللى ناسبتهم .. هو ده النسب اللى يشررررف يا دكتوووور و هى بتشاور ع نغم قوولتلك البنت دى طمعانة فيييك ماصدقتنيش أهوووو ظهرت نواياها و اهلها دول و لا الله أعلم يمكن مأجراهم عشان تستغلك و تاخد فلوسك
نغم:: بأنهيار لـ عمها عااااااجبك كدا انت السبب فـ كل اللى انا فييييه ده لو ماكنتش رميتنى زمان و حتى لو كنت سيبتنى فـ حالى دلوقتي ماكانش طارق أتجوزنى عشان يحمينى منك و لا كنت اتعرضت للاهانات دى كلها حسبي الله و نعم الوكيل فيك مننننك لله
منال:: بتشدها من دراعها .. أسمعى يابت انتى كلامك ده مش هيأثر فينا انتى فاهمة
نغم:: شدت نفسها من منال .. و لا كلامكم هيأثر فيا يا منال يا دغيدى و قولتلكم قبل كدا مهرى انا خدته من يوم كتب كتابى ع طارق و مشاكلكم حلووووها بعيد عنى
غالية:: بتريقة .. لأ برافوا عليكى يا مرات أبنى طلعتى ممثلة شاطرة تصدقى اقنعتينى .. رسمتى الدور انتى و أهلك ع طارق و لما شوفتى العز طمعتى فيه لوحدك
طارق:: بعصبية لو سمحتى يا أمى كفاية كدا و لـ محسن و انت أتفضل خد الهانم مراتك و أخرج برة بيتى و ياررررريت تراجع حساباتك كويس و أعرف نتيجة غلطتك دى و عواقبها ايه و استناها
منال:: بـ غـ ـضـ ـب .. انت بتطردنا يا دكتور من بيتك تماااام انا هعرفك ازاى تطرد منال الدغيدى
غالية:: بـ غـ ـضـ ـب أكبر لـ منال .. أنننتى أزااااى تتجرئى و تدخلى بيتى
و تعلّى صوتك و تـ ـهـ ـددى أبنى قصاااااد عينى .. و بصوتها كله ندهت وليييييد
وليد:: جه بسرعة هو و شيرين ع صوت غالية .. نعم يا أمى خير
غالية:: أررررمى الزبااااالة دووول برررررة و ارميلهم بنتهم يغووورروا بيهاااا مش ع أخر الزمن غالية السوااااح أشكاااال زى دى تدخل بيتهاااا
طارق:: بـ غـ ـضـب .. أميييي لو سمحتى كفاية بقى لغاية كدا و لـ منال و محسن و انتوا اتفضلوا من غير مطرود
غالية:: بزعيق .. و أنا قولت البنت دى تمشي من هنا و أنت طلقها و سيبها تغور مع الزبالة اللى شكلها
منال:: بـ غـ ـضـ ـب .. الزباااااالة ده يبقى أبنك اللى ضحك ع بنتنا و أتجوزها من ورانا يا هااااانم و لما عرفنا رفض يطلقهااااا و رفض يدفع مهرها .. ياااااريت قبل ما تتكلمى تعررررفى انتى بتكلمى مييييين انا منال الدغيدى بنت محمود باشا الدغيدي سليلة الحسب و النسب
نغم:: قاطعتها بأنهيار و صريخ .. بسسسسس كفاااااااااااية سيبوووونى فـ حاااااالى بقى عااااايزين منى اييييييييه ياااااااارب لييييه ماخدتنيش مع أبويا و أمى و رحمتنى من العذااااب ده يااااااارب خدنى و ريحنى بقى و سابتهم و طلعت تجرى برة الڤيلا خالص
طارق:: سابهم و طلع يجرى بخوف ورا نغم عشان يلحقها قبل ما تعمل فـ نفسها حاجة
غالية:: بزعيق .. أخرجوووا برررررا بيتى قبل ما أطلبلكم البوليييس يلاااااا
منال:: البولييييس ده هنطلبهلكم أحنا و نبلغ عنكم انكم خـ ـطـ ـفتوا نغم و أرغمتوها ع الجواز من أبنكم من غير علمنا
غالية:: بـ غـ ـضـ ـب .. ولييييد أطلب هشام بيه الوردانى حالا يجى يلم الزبااااالة دول و يرميهم فـ الحبس عشااااان يتربوا
وليد:: بيحاول يهدي أمه .. أهدي يا أمى لو سمحتى و لـ محسن ياريت تتفضلوا برة من غير مطرود
منال:: لـ غالية أحنا خارجين بس خليكى فاكرة هنرجعلك تااااانى يا بنت السواح
و بالفعل خرج محسن و منال من ڤيلا العامري مطرودين و جواهم نـ ـا ر من نغم و حماتها
نغم بقلمى______________لبنى دراز
غالية:: اننننتتتتى لسسسسسة هتقفى تسألينى قوووولت غوووووورى من غير كترررر كلااااام
*::……..؟؟
يتبـــــــــع
