#البارت_الأخير (#الجزء_الأول)
#نغم(#وجع_و_دموع)
سر سعادة كل أم هى أولادها ، فـ هم زينة الحياة الدنيا كما وصفهم سبحانه وتعالى في كتابه الكريم.
فـ وجودهم يُضفي على الأيام المزيد من البهجة والسرور، فـ مجرد بسمة من وجوههم كفيلة بأن تمحي التعب من قلوب الأمهات، وتستبدله بالسكينة والمسرّات
نغم بقلمى___________لبنى دراز
فـ الجامعة
بعد مرور 3 سنين من رجوعهم و بعد رحلة بحث و تدوير و ماحدش وصل فيهم لـ حاجة .. نغم كانت بتروح بأستمرار عند الشركة تسأل ع وليد ..
رغد أبتدت تدور ورا نغم بس ما كانش عندها الجراءة الكافية انها تتكلم مع حد و تقول اللى عرفته
معتز و إياد اصبحوا اصدقاء و مقربين جدا و النهاردة و هما داخلين الكلية اتقابلوا سوا ع بوابة الجامعة
معتز:: بأبتسامة .. نجم النجوم إياد باشا صباحووو يا نجم
إياد:: صباح الخير يا ميزو عامل ايه
معتز:: ميت فل و عشرة .. و بلهفة هى سيلا فين ماجاتش ليه
إياد:: بأستفهام .. نعم ؟ انت بتسأل ع سيلا ليه يا معتز
معتز:: بتوتر .. ها لأ ابدا انا بس كنت متعود أشوفكم سوا و دى اول مرة أشوفك لوحدك عشان كدا سألت مش أكتر يعنى
إياد:: اه هى فعلا ماجاتش النهاردة الكلية اصلها تعبانة شوية .. متشكر ع سؤالك يا ميزو
معتز:: بقلق جواه .. ألف سلامة عليها يا صاحبى ربنا يطمنك عليها
إياد:: الله يسلمك يا ميزو تسلم يارب
معتز:: و هما رايحين المدرج .. أسكت ياض يا إياد الراجل أبويا فجأة قرر يعملى حفلة عيد ميلاد و يعزم أخواته و يحتفل بيا قال أيه يا خويا خلاص كملت 21 سنة و كدا بقيت راجل بالغ رشيد مش قاصر تقولش هيرمينى برة البيت يا إياد ياخويا و يخلينى اشتغل و اصرف ع نفسي
إياد:: بضحك .. و إيه المشكلة يعنى لما تشتغل و تصرف ع نفسك هو ده عيب ؟
معتز:: أكيد مش عيب يعنى .. بس ده لو فكر يعملها دى نونا تاكله بأسنانها
إياد:: تعرف يا ميزو انت شوقتنى أشوف نونا بتاعتك دى من كتر ما بتحكى عنها كل شوية .. نونا قالت نونا عملت نونا راحت نونا جات
معتز:: نونا دى روحي روحي روحي
إياد:: تصدق رغم اننا أصحاب بقالنا 3 سنين و انت بتحكى كتير عنها بس انا لغاية دلوقتي معرفش هى أصلا تقربلك ايه
معتز:: بحب .. نونا دى تبقى خالتى بس هى مش خالتى اوى يعنى
إياد:: بأستغراب .. أيه ده فزورة دى بقى و لا ايه
معتز:: بضحك .. هى مش فزورة و لا حاجة .. استنى بس نحضر المحاضرة و نخلص و احكيلك
و بالفعل دخلوا المدرج و أكتشفوا أن الدكتور أعتذر عن المحاضرة
إياد:: ها قول بقى يا ميزو اهو الدكتور أعتذر كمل بقى حكاية خالتك اللى مش خالتك دى
معتز:: تعال نقعد فـ الكافيه نشرب حاجة لغاية ما حياتشى تخلص محاضراتها و احكيلك
إياد:: تمام يلا يا باشا
و فعلا دخلوا كافيه الكلية و ابتدا يحكى
معتز:: بص يا عم نونا دى تبقى صديقة ماما الوحيدة هى و حياة قلبى أتربوا سوا من و هما صغيرين خالص مع بعض لغاية دلوقتي لانهم كل واحدة فيهم مالهاش اخوات يمكن ماما ليها أخوات من باباها بس أنا ما أعرفهمش و مافيش فـ حياتنا غير نونا و بس
إياد:: أه عشان كدا متعلق بيها ؟
معتز:: لأ مش كدا بس .. كمان عشان أحاول أخفف عنها شوية من وجعها ع ولادها أصلها أتحرمت منهم من سنين طويلة تقريبا كدا 18 سنة
إياد:: بأنتباه .. أتحرمت منهم إزاى
معتز:: أتخـ ـطـ ـفوا منها و هما صغيرين و تعبت كتير أوى عشان تلاقيهم و لغاية دلوقتي ما فقدتش الأمل و لسة بتسأل و تدور عليهم و دايما عندها إحساس انهم هيرجعولها .. عشان كدا انا مش بسيبها و متعلق بيها و هى كمان متعلقة بيا و مستحيل أحمد او حياة يقدروا يزعلونى بتاكلهم لو حد كلمنى
إياد:: فجأة ضربات قلبه زادت و هو بيسمع معتز .. و بشرود نفسى أشوفها اوى يا ميزو
معتز::بأستغراب .. ولا يا إياد مالك ياض ؟! فوق يا عم الأمور نونا دى ملكية خاصة انت فاهم .. و عموما تعال النهاردة عيد ميلادى و أكيد يعنى هتبقى موجودة
إياد:: بذهول .. ايه ده انت بجد النهاردة عيد ميلادك ؟!
معتز:: اه بجد .. مالك ازبهليت كدا ليه اوعى يكونوا بيقفشوا مواليد اليوم ده و انا معرفش
إياد:: بضحك لأ ما تخافش بس الحكاية ان انا و سيلا كمان مواليد نفس اليوم يعنى أحنا كمان كملنا 21 سنة النهاردة
معتز:: أشطات يا نجم انت تيجى بقى انت و سيلا الحفلة النهاردة و تبقى حفلة عيد ميلاد جماعى و كمان تشوف نونا و تتعرف عليها بس اوعى تشقطها منى انا بقولك اهو
إياد:: خلاص ماشى ان شاء الله هاجى انا و أسيل و نتعرف ع ست نونا بتاعتك دى
معتز:: بأنتباه .. أنت قولت أيه ؟! هى أختك أسمها أسيل مش سيلا
إياد::بأندهاش .مالك يا أبنى أتفاجئت كدا ليه؟ أيوا أختى أسمها أسيل .. سيلا ده دلع اسمها
معتز:: فجأة اتخض و قام وقف .. طيب انا مضطر أمشى عشان أفتكرت حاجة مهمة و ما تنساش هستناكم النهاردة الساعة 7 ما تتأخرش
إياد:: خلاص تمام مش هنتأخر
معتز:: مشي فعلا و دماغه شغالة مش بتقف بيحاول يربط الكلام ببعضه .. نغم ولادها توأم إياد و أسيل و مولودين معاه فـ نفس اليوم و كمان لما أتخـ ـطفوا منها كانوا فـ تركيا .. نغم جوزها اسمه طارق و متوفى من سنين طويلة .. معقول صدفة إياد صاحبه أخته توأمه أسمها أسيل و كمان عيد ميلادهم معاه فـ نفس اليوم و كمان كانوا فـ تركيا و أبوهم أسمه طارق و متوفى من زمان .. أزاى كدا هو أنا اللى غبى زيادة عن اللزوم و لا ده تدبير القدر .. انا مابقيتش فاهم حاجة
_______________________
فـ شركة نغم
خرج من الجامعة و ركب عربيته و راح جرى ع نغم فـ الشركة و دخل و هو بيعاكس فـ السكرتيرة
معتز:: نهى يا نهى يا عسل منتهى
نهى:: برفعة حاجب .. ده ايه أصله ده أنا مش فاهمة
معتز:: بعاكسك يا نهى عادى ايه الجديد يعنى
نهى:: بغيظ .. الجديد انى مش فاهمة ايه عسل منتهى ده
معتز:: و هو سايبها و داخل مكتب نغم و بلا مبالاة .. عادى يا نهى يعنى عسل صلاحيته منتهية ما تصدعيناش بقى
نهى:: بغيظ .. مااااشى يا معتز و الله لا أشتكيك لـ باشمهندس أحمد و باشمهندسة نغم بس
معتز:: بعد ما دخل المكتب و الله ما بتفرق يا نونو أشتكينى ياكش تشتكينى فـ هيئة الأمم المتحدة بذات نفسيها انا عيد ميلادى النهاردة و ماحدش هيقدر يزعلنى و معايا نونتى
نغم::بأبتسامة .. تعالى يا مصيبة انت مالك بيها عملتلها ايه
معتز:: الله هو انا كلمتها .. أنتى شوفتينى كلمتها .. شالله تنطس فـ نواضرها لو كنت كلمتها
نغم:: بضحك .. بس بس خلاص أسكت انا غلطانة انى سألتك
معتز:: بصى بقى و من الأخر كدا انا جاى أخد الهدية .. ها جبتيلى هدية ايه بقى يا نونا و لا نسيتينى ؟
نغم:: بأبتسامة حزينة .. أنا عمري نسيتكم يا ميزو
معتز:: اممممم طالما جمعتى كدا تبقى بداية غير مبشرة بالمرة
نغم:: و بعدين معاك عامل صداع ليه .. عايز ايه انا مش فاضيالك
معتز:: امممممم ده سؤال وجيييه .. عايز ايه يا واد يا ميزو عايز ايه يا واد يا باشمهندس ميزو .. اه عايز القمر يتعطف و يتكرم و ينزل من ع عرشه و يشرفنى فـ حفلة عيد ميلادى المتواضعة دى قولتى ايه
نغم:: قولت لأ
معتز:: بتذمر .. لأ ليه بقى
نغم:: لأ و خلاص .. لأ من غير سبب
معتز:: أنتى مش بتحبينى يا نغم ع فكرة و انا زعلان منك
نغم:: قامت من ورا مكتبها و قربت من معتز .. بذمتك فى أم تكره أبنها يا ميزو ؟
معتز:: بيهز دماغه .. تؤتؤ
نغم:: انت عارف كويس أنا بحبك قد ايه .. و بحزن بس أنت عارف برضوا يا حبيبى اليوم ده بيبقى صعب عليا ازاى
معتز:: عارف يا حبيبتى بس تعالى النهاردة بس عشان خاطرى .. أصحابى عايزين يتعرفوا عليكى
نغم:: عشان خاطرى انت يا ميزو .. أنا عايزاك تكون مبسوط و فرحان مع أصحابك و أبقى أتعرف عليهم مرة تانية
معتز:: بس انا هكون مبسوط أكتر بوجودك
نغم:: أمشى يا ميزو يلا روح حضر نفسك لـ حفلتك و سيبنى أخلص شغلى ما تصدعنيش و فتحت درج مكتبها و قدمتله ظرف .. أتفضل يا حبيبى كل سنة و انت طيب و عقبال 100 سنة
معتز:: باسها فـ خدها و انتى طيبة يا قلب حبيبك بس فيه ايه الظرف ده بقى
نغم:: أفتحه و شوف اللى فيه و يارب هديتي تعجبك
معتز:: فتح الظرف و بذهول .. واااااو و من فرحته بالهدية نط فـ حضن نغم بحبك يا نونا بحبك بحبك بحبااااااك
نغم:: بضحك .. وانا كمان بحبك يا قلب نونا بس كل ده عشان رحلة جزر القُمر
معتز:: يااااااه انتى ما تتخيليش انا هتجنن ازاى و أروح الرحلة دى و أبو حميد بقى و الست حياة قلبه كانوا رافضين
نغم:: لأ خلاص هما وافقوا و هتروحوا سوا اتفضل بقى أحتفل بعيد ميلادك و بعد كدا جهز نفسك للسفر يا باشمهندس
معتز:: اشطاااات يا مزتى و هو خارج قبل ما يفتح الباب رجع لها تانى و باسها فـ خدها بسرعة بحبك يا نونتى سلام
نغم:: بعد ما خرج معتز قعدت تضحك عليه و ع جنانه و فجأة دموعها نزلت و مسكت صورة ولادها حضنتها .. كل سنة و انتم طيبين يا حبايبى عقبال 100 سنة .. فات 18 سنة و أنتوا بعيد عن حضنى ياترى هترجعولى السنة دى و لا هافضل أتمنى و ما تتحققش أمنيتى .. ياااارب قرب البعيد
نهى:: خبطت و دخلت .. حضرتك هتسهرى النهاردة يا باشمهندسة
نغم:: أيوا يا نهى سهرانة .. لو عايزة تمشى انتى اتفضلى بس لو سمحتى و انتى ماشية عدى ع حلوانى(….) شوفيه خلص التورتة اللى طلبتها منه و لا لسة و خليه يبعتها ع هنا الساعة 9
نهى:: حاضر هتصل بيه و أشوف خلصها و لا لسة
نغم:: تتصلى ليه يا نهى و انتى مروحة عدى عليه هو كدا كدا فـ طريقك
نهى:: لأ ما أنا مش هروح .. أنا هسهر معاكى
نغم:: بأستغراب .. هتسهرى ليه أحنا ما عندناش شغل يخليكى تفضلى سهرانة معايا
نهى:: أنا مش عايزة أسيبك لوحدك .. فـ اسمحيلى أسهر معاكى اخلص حتى جزء من شغل بكرة قولتى ايه ؟
نغم:: خلاص يا نهى أعملى اللى يعجبك كفاية معتز و اللى عمله ما يبقاش انتى و هو عليا صدعتونى
خرجت فعلا نهى قعدت ع مكتبها و اتصلت بـ الحلوانى أكدت عليه يجيب التورتة ع الشركة فـ الميعاد . و قعدت نغم تانى تتكلم مع صورة ولادها و دموعها نازلة بصمت
_______________________
فـ ڤيلا الأسيوطى
رجع من الشركة فرحان بتذاكر رحلة جزر القُمر هدية نغم و راح أشترى هديتين لـ إياد و أسيل و هو داخل أستقبله
أحمد:: بنرفزة .. إيه اللى أخرك يا استاذ معتز لغاية دلوقتي
معتز:: أسف يا بوب .. أصل عديت ع نونا أحاول اقنعها تيجى معايا تحضر الحفلة
حياة:: يا ميزو يا حبيبى انت عارف نغم فـ اليوم ده بتحب تكون لوحدها .. ليه بقى تروح و تغلس عليها زى عوايدك
معتز:: وعينه ع أحمد .. ياااا حياااتشى يا حبيبتى افهمـ
أحمد:: بغيظ و غيرة .. ولااااا أتلم بدل ما أفتح دماغك انت فاهم و لا لأ
معتز:: بغمزة .. جرا ايه يا بوب هتغير من ميزو ضيناك حبيبك
أحمد:: لأ يا حيلة أبوك اسمع لما أقولك ده انا بغير عليها من خيالى و أتلم أحسنلك .. و لا هو اللى كنا بنعمله فـ الناس هيطلع علينا و لا ايه
سعاد:: بضحك .. تستاهل يا حبيب أمك من أعمالك سُلط عليك ههههههههههههه
حياة:: بضحك .. قوليله يا ماما انتم السابقون يا حبيبى و ميزو تربيتك أشرب بقى ههههههههههههه
معتز:: أنا بقول ألحق أجرى أغير هدومى قبل ضيوفى ما يوصلوا سلامووز يا قمامير .. و طلع فعلا جرى عشان ياخد شاور و غير هدومه
و رش برفانه و نزل
أحمد طلع فـ نفس الوقت هو و حياة عشان يغيروا هدومهم و يجهزوا للحفلة و ينزلوا يستقبلوا اخواته و ولادهم و عدى الوقت بسرعة و الساعة دقت 7 و مع دقات الساعة رن جرس الباب و فـ نفس الوقت أحمد حس برعشة غريبة في جسمه مش عارف سببها بس سكت و ما اتكلمش و شاف
معتز:: بيجرى ناحية الباب بفرحة .. ضيوفى وصلوا و فتح الباب بأبتسامة صافية .. أهلا أهلا نورتونى و هو عينيه ع أسيل كنت خايف ماتجوش
إياد:: بأبتسامة بيسلم ع معتز و بيقدمله الهدية .. ازاى ما نجيش انا وعدتك اننا هنيجى و انا دايما عند وعدى .. كل سنة و انت طيب يا ميزو عقبال 100 سنة
معتز:: حبيبى يا إيدو و انت طيب يا باشا و برضوا قدم هديته لـ إياد .. أتفضل كل سنة و انت طيب انت كمان
أسيل:: من غير ما تمد إيدها تسلم و بأبتسامة هادية بتقدم هديتها لـ معتز .. كل سنة و انت طيب يا معتز اول ما إياد قالى قولتله لازم أجى بنفسى و أهنيك بعيد ميلادك
معتز:: بتوتر .. و هو بيقدملها هديتها هى كمان .. كل سنة و أنتى طيبة عيد ميلاد سعيد و عقبال 100 سنة
إياد:: ايه يا عم هو أحنا جايين نهنيك بعيد ميلادك تقوم انت اللى تهنينا
معتز:: ضحك بصوته كله .. يا عم ما انا قولتلك الصبح هيبقى عيد ميلاد جماعى ههههههههههههه
أسيل:: بهدوء .. طيب هنفضل ع الباب كتير كدا
معتز:: يا خبر انا أسف ما أخدتش بالى اتفضلوا أدخلوا .. تعالوا بقى أعرفكم ع بابا و ماما و ناناه قاعدين فـ الجنينة اتفضلوا
إياد:: اممممم و أكيد لازم تعرفنى بـ نونا بجد مشتاق أشوفها من كلامك عنها
معتز:: للاسف يا إيدو نونا مش جاية النهاردة
إياد:: بلهفة ملفتة للنظر .. ليه مالها حصلها ايه
أسيل:: بذهول .. مالك يا إياد فى ايه
معتز::شرد جواه معقول يكونوا ولادها ؟! بس قال بأبتسامة .. إيه يا نجم مالك مش ع بعضك ليه
إياد:: ها لا أبدا بس كنت نفسى اشوف طنط نونا من كتر كلامك عنها مش أكتر
معتز:: أكيد الأيام جاية كتير .. بس هى النهاردة يوم مميز بالنسبة ليها و بتحب تكون لوحدها فيه
أسيل:: يوم مميز و لوحدها .. تيجى ازاى دى بقى
معتز:: أصل النهاردة برضوا عيد ميلاد ولادها و بتحب تحتفل بيه مع نفسها
إياد:: ضربات قلبه زادت بطريقة ملحوظة بس ساكت مش بيتكلم .. و جواه معقول تكون هى ؟
معتز:: خرج الجنينة و معاه إياد و أسيل و لـ أحمد بوب أعرفك بـ
أحمد:: بصدمة .. طارق ؟!
معتز:: بأستغراب .. طارق مين يا بوب ده إياد صاحبى اللى قولتلك عليه
أحمد:: بدموع و إيد بترتعش و بيشاور ع إياد .. ده طارق العامري أنا مستحيل أتوه عنه أبدا
حياة:: بنفس الصدمة و هى متنحة لـ إياد يخلق من الشبه أربعين يا أحمد
إياد:: دموعه خانته و بص لـ أحمد .. حضرتك كنت تعرف بابا ؟
أحمد:: بمجرد ما سمع كلمة إياد .. شده لـ حضنه و بوجع كل السنين اللى فاتت اااااااااااااااااه يا طااااااااااارق بعد تعب السنين دى كلها ولادك رجعوا .. ولاااادك رجعوا يا نغم
حياة:: بدموع و عدم تصديق و صوت مهزوز .. أستنى بس يا أحمد نتأكد و بصت لـ أسيل أنتى أسمك أسيل صح أنتى أسيل قولى أن أنتى أسيل
أسيل:: بتهز دماغها و مش بتتكلم مافيش غير دموعها بس اللى نازلة
حياة:: خدتها فـ حضنها و بدموع ياما أنت كريم يارب ياما انت كريم يارب ما ضيعتش تعبنا و جبرت بخاطرنا 18 سنة دايخين عليكم و أخيرا رجعتوا
معتز:: بدموع .. نونا لازم نقول لـ نونا دى هتفرح أوى يا بابا لما تعرف أن إياد و أسيل رجعوا
سعاد:: بهدوء و دموع الفرحة ممكن تهدوا الأول شوية لو كلمتوا نغم ممكن يجرالها حاجة أصبروا شوية تستوعبوا انتوا الاول الموقف
حياة:: بفرحة .. صبرنا كتيييير اوى يا ماما خلاص مش قادرين نصبر تانى
أحمد:: لسة واخد إياد فـ حضنه .. ماما عندها حق أحنا نهدى الأول شوية و بعدين نروح لها كلنا
إياد:: بدموع .. بس انا عايز أشوفها من فضلك
أحمد:: هتشوفها يا حبيبى و هتنام فـ حضنها كمان
أسيل:: أخيرا أتكلمت .. بجد يا عمو حضرتك هتخلينا نشوفها
أحمد:: أيوا يا حبيبتى و النهاردة كمان مش هنستنا لـ بكرة
إياد:: بجدية .. أرجوك خلينى أشوفها وصلنى ليها نفسى أعرف هى ليه سابتنا و مشيت ليه أتخلت عننا
أحمد:: بصدمة أكبر من كلام إياد .. مين اللى أتخلت عنكم ؟ نغم ؟! أكيد وليد و غالية هما اللى قالولك كدا صح؟!
إياد:: طول عمرنا أنا و أختى عارفين انها رمتنا لـ أنة غالية و عمو وليد بعد موت بابا عشان تعيش حياتها و تتجوز
معتز:: بعصبية .. مش ممكن الكلام ده ماحصلش نونا ما اتجوزتش حد بعد عمو طارق الله يرحمه و طول السنين دى بتدور عليكم و ما فقدتش الأمل لحظة واحدة انها تلاقيكم
إياد:: بتوتر .. قصدك أيه يا معتز انا مش فاهم .. أنت الصبح كنت قولتلى أن ولاد نونا أتـ ـخطـ ـفوا منها
أحمد:: بتوضيح الحقيقة .. وليد و غالية خدوكم من حضنها و هى نايمة بعد ما حطولها منوم فـ العصير اللى هى كانت طلبته لـ نفسها من الشغالة و قدروا ياخدوكم منها و لما فاقت قامت زى المجنونة تدور عليكم فـ البيت كله و خرجت راحت المطار بالبيچامة و حافية عشان تلحقكم لكن للأسف عمكم و جدتكم كانوا سبقوها بخطوات دفعت تمنهم 18 سنة من عمرها
حياة:: نغم رهنت حياتها ليكم و بس .. و عاشت ع ذكرى باباكم و ع أمل انها تلاقيكم .. نغم أتقدملها ناس كتير عشان تتجوزها و هى ردها الوحيد الرفض و مافيش ع لسانها غير انا مستحيل أتجوز حد تانى غير طارق
أسيل:: يعنى كلام ماما شيرين صح
حياة:: بوجع من الكلمة .. اااااااااه يا نغم أتحرمتى عمرك كله من كلمة ماما و ولادك بيقولوها لـ غيرك
أسيل:: أنا أسفة يا طنط بس أحنا طلعنا ما نعرفش غير ماما شيرين صحيح كانت دايما بتكلمنا عن ماما و بتقول عكس كلام عمو و أنة بس هى مش حبت تخلينا نتحرم من كلمة ماما
حياة:: بصراخ ما تقولييييش ماماااااا دى غير لـ نغم و بس فااااااهمة نغم بس هى اللى أمك هى اللى تعبت عشان تلاقيكم هى بس أحق بالكلمة دي منكم
أحمد:: لـ حياة أهدي يا حبيبتى البنت مالهاش ذنب برضوا مرات عمهم تعبت فـ تربيتهم
إياد:: بلهفة .. ممكن يا عمو توصلنا عندها أرجوك
أحمد:: طبعا ممكن يلا بينا و لـ معتز خد إياد معاك فـ عربيتك و أنا هاخد حياة و أسيل معايا
إياد:: أنا معايا عربيتى يا عمو ممكن نطلع فيها كلنا
أحمد:: سيب عربيتك هنا و روح مع معتز لأن أكيد نغم مش هتسيبكم و هتاخدكم معاها
و بالفعل أستأذن أحمد من أخواته و خرجوا كلهم بعد ما اقتنع إياد بكلام أحمد و ساب عربيته و ركب مع معتز
و راحوا كلهم الشركة عند نغم
_________________________
“عودة للوقت الحالى”
فـ الشركة
وصل أحمد و حياة و معاهم معتز و إياد و أسيل الشركة و طلعوا مكتب نغم و شافوا نهى متوترة و قبل ما يسألوها فى ايه سمعوا
جوة مكتب نغم
وليد:: بعصبية .. ظهرتى تانى ليه يا نغم راااااجعة تانى لييييه بعد السنين دى كلها أحنا ماصدقنا العيال نسيوكى راااااجعة تفتحى الجراااااح من تانى لييييه
نغم:: بأنهيار .. هووو ميييين اللى رجع و جراااااح أييييه اللى اتفتحت .. الجراح ما اتقفلتش اصلا يا وليد ما اتقفلتش عشان تتفتح و اوعى تفتكر ان ولادى مهما قولتولهم عنى هينسونى انت فاااااااهم عمرهم ما هينسونى
وليد:: رجعتى تانى ليه بقولك ظهرتى فـ حياتنا تانى لييييه بتلفى و تدورى كل شوية عند الشركة ليييه
نغم:: رجعت منين يا وليد انا ما بعدتش عشان ارجع انتوا اللى خـ ـطـ ـفتوا ولادى مني و هربتوا و انا ليا سنيييين طويلة بدور عليكم ماسبتش مكان ممكن تكونوا فيه الا و روحته مالاقيتش حد منكم .. 18 سنة كنت بدور زى المجنونة عليكم فـ كل مكان ما كنتش بلاقيكم
وليد:: أبعدى يا نغم أمشى سيبى البلد دى .. انا متابع أخبارك من زمان و عارف أنك مهندسة شاطرة تقدرى تنقلى مقر شركتك لـ أى بلد تانية
نغم:: بقوة .. و مين ادالك الحق أنك تأمرنى أسيب ولادى و بلدى و لا دى أوامر الست غالية يا وليد بيه
وليد:: أمى كبرت يا نغم و مش هتستحمل تسافر و تبعد تانى و مش هتقبل بوجودك و لا هتقبل انك تظهرى فـ حياة إياد و أسيل مرة تانية
نغم:: اسمع يا وليد نغم الضعيفة اللى استغليتوا وحدتها و ضعفها و أخدتوا منها ولادها دى انتهت من زمان مـ ـاتـ ـت مع طارق .. اللى قدامك نغم تانية و بُعد مش هبعد و ولادى مسيرهم يعرفوا ان عمهم و جدتهم كدبوا عليهم و ساعتها هيرجعوا لـ حضنى اللى سرقتوهم منه و صدقنى وقتها هتندم يا وليد ندم عمرك
وليد:: يبقى بتجنى ع نفسك يا نغم
نغم:: ضحكت بقوة .. مابقيتش أخاف من تهـ ـد يداتكم يا وليد و يلا من غير مطرود اطلع برا برااااااا
وليد:: انا مااااشى بس خليكى فاكرة لو إياد و أسيل عرفوا انك أمهم ما تلوميش غير نفسك يا نغم .. و هو ماشى و بيفتح الباب اتفاجئ ..
أحمد
أحمد:: بـ ـغـ ـضب .. أيوا أحمد يا وليد بيييه .. و مسك وليد من رقبته أحمد اللى هيشرب من دمك .. أحمد اللى هيدفعك تمن عملتك دى و يفضحك قصاد ولاد أخوك اللى خطـ ـفتـ ـهم .. ليك عييييين تررررجع بعد السنييين دى كلهااااااا وتهدد نغم اييييييه ما أتعظتش من مووووت أخووووك .. ولاده ما صعبووووش علييييييك يتربوا يتامى أتحرموا من أبوهم الله يرحمه و كماااااان تحرموهم من أمهم و هى عااااايشة انتووووا اييييييه جااايبين الجبرووووت ده منيييين
حياة:: بدموع .. سيبه يا أحمد أرجوك هيموت فـ إيدك
نغم:: سمعت زعيق أحمد برة المكتب و طلعت تجرى بلهفة و دموعها مغرقة وشها .. أحمد إياد و أسيل رجعوا يا أحمد ولادى رجعوا يا أحمد و لـ حياة ولادى رجعوا يا حياة روحى رجعتلى تانى يا حياة و هى بتجرى ع برة
أنا رايحة أشوفهم و أخدهم فـ حضنى و أقولهم انا عايشة و موجودة انا ما سيبتكمش غالية هى اللى سرقتكم منى
إياد:: بوجع .. استنى يا ماما
نغم:: وقفت فجأة و قلبها زادت ضرباته و مش قادرة تتحرك من مكانها
أحمد:: ساب وليد من إيده و راح لـ نغم و بدموع .. أهدي يا نغم و لفي كدا شوفى مين هنا .. إياد أهو ماشاء الله راجل قد الدنيا و كمان أسيل أهى ربنا يحميها بقت عروسة زى القمر
نغم:: بتلف بخوف و رعشة فـ كل جسمها .. أول ما شافتهم قربت من إياد و هى بترتعش بتلمس وشه من غير و لا كلمة و دموعها أصدق رد ع حالها و بصت لـ أسيل اللى حالها ما يفرقش عن حال إياد و إيدها التانية ع وشها و فجأة صرخت و شدتهم لـ حضنها و بتبوس كل حتة فـ وشهم .. ولااااااااااادى حبايبى وحشتونى اوى اااااااااااه ألف حمد و شكر ليك يارب ياما أنت كريم يارب .. و حشتونى يا نور عيونى وحشتووونى أوووى
إياد:: بدموع أترمى فـ حضنها سامحينى يا ماما ع ظنى فيكى سمعت كلامهم و صدقته .. ماكنتش أعرف انك بتتعذبى بسببهم
نغم:: بدموعها .. كل عذابى راح يا حبيبى خلاص .. انا نسيت كل عذابى و تعبى لما شوفتكم نسيت كل وجعى لما رجعتوا لـ حضنى
أحمد:: ممكن ندخل جوة المكتب تعالوا يلا يا نغم أدخلى و لـ وليد بـغـ ـضـ ـب أتفضل يا بيييه يا مزور يا حرااامى
وليد:: دخل المكتب و بزعيق .. أوعى تفتكر أن أهانتك ليا دى هتعدى بالساهل
أحمد:: ضـ ـرب وليد بوكس .. أنت تخرس خاااالص أنت فااااااهم صوتك ده ما يطلعش نهائى
إياد:: لـ وليد بجمود .. ليييه عملت كدا .. هونت عليك أنا و أختى تعمل فينا كدا .. و هو بيشاور ع نغم هاااانت عليك الست دى تحرمها من ولادها
أسيل:: لـ وليد .. أنا دلوقتي بس فهمت ليه ماما شيرين متجنباك أنت و أنة .. طول عمري كنت بسأل نفسي أيه السر اللى بينكم اللى يخليها بعيد اوى كدا عنكم .. و غمضت عينيها بوجع أتاريها عارفة الحقيقة و مش قادرة تتكلم و بأنهيار خاااااايفة ع منظركم فـ عينينا خاااااااايفة نعررررف حقيقتكم البشعة أتحححملت كل السنين دى و ساكتة
نغم:: أستفدت ايه يا وليد عرفت تسرقهم و تاكل مالهم بالورق المزوّر شبععععت .. أوعى تفتكر أنى هسكت ع حق ولادى هرفع عليكم قضية انت و أمك انا هدفعكم تمن كل دقيقة ولادى تعبوا فيها و هما بعيد عنى هدفعكم تمن كل دمعة نزلت من عينيهم بسببكم أنا هسجنكم فاااااهم هخليكم تقضوا اللى باقى من عمركم فـ السجن
وليد:: بجبروت .. حييييلك يا ست نغم إييييه نسيتى نفسك نسيييتى طارق أتجوزك أزاى نسيتى جابك منين
أحمد:: بـ غـ ـضب .. عندك يا وليد كلمة زيادة قسماً بربى أحدفك من هنا و أخلص منك
نغم:: بهدوء استنى يا أحمد و لـ وليد .. عمرى ما نسيت أصلى يا وليد بيه .. بنت يتيمة و فقيرة و بسبب عمى برضوا أتربيت فـ مدارس داخلية و لا عمرى نسيت طارق اتجوزنى أزاى ..راجل شهم حب يحمينى من ناس عايزة تأذينى و حبنى و أتجوزنا وربنا رزقنا بـ أجمل توأم فـ الدنيا .. و عمرى ما نسيت جابنى منين أخوك لما شافنى .. شافنى طالبة فـ كلية الهندسة ماشافنيش فـ ديسكو .. دخلت بيته حافظت ع أسمه و شرفه و عيشت ع ذكراه لغاية دلوقتي و هفضل عايشة ع ذكراه لـ أخر يوم فـ عمرى ..أنت بقى يا أبن الحسب و النسب يا بيه يا غنى عملت ايه ها عملت اييييييه طمعت فـ مال أخوك و طمعت فـ ولاده و خطـ ـفتـ ـهم حطييييت منووووم لـ مرات أخوك و سرقت عيالها من حضنها و هربت بيهم و فضلت سنييين هربان و فـ الأخر ولادى رجعولى و أنت وقعت من نظرهم
إياد:: بص لـ وليد بـ حسرة .. يا خسارة يا عمو
أحمد:: بعصبية .. أمشى يا وليد و ياريت ما أشوفش وشك تانى هنا و بحذرك لو أتعرضت لـ نغم او ولادها هتبقى أنت الجانى ع نفسك
وليد مشى فعلا بعد ما اتعرفت الحقيقة و اتواجه مع نغم و إياد و أسيل و بعد شوية و هما قاعدين دخلت نهى و ماسكة التورتة اللى طلبتها نغم
نغم:: بسعادة حطيها ع المكتب يا نهى
معتز:: بهزار .. قولتيلى بقى يا ست نونا بقى رفضتى تيجى عيد ميلادى و أنتى قاعدة هنا بتاكلى التورتاية الحلوة دى لوحدك
إياد:: شاف شكل و حجم التورتة و أستغرب .. هو حضرتك كنتى عارفة اننا راجعين النهاردة
نغم:: أخدت إياد و أسيل فـ حضنها و وقفت قصاد التورتة اللى ع المكتب .. أنا كل سنة فـ اليوم ده بحتفل بيه و بتمنى انكم تكونوا موجودين معايا
أسيل:: بدموع .. تعرفى يا مامى دى أول مرة نحتفل بعيد ميلادنا أنا و إياد
نغم:: وهى بتمسح دموع بنتها .. و مش هتبقى أخر مرة يا حبيبتى .. من النهاردة هنعوض كل اللى فاتنا .. أنتوا من النهاردة مش هتسيبوا حضنى أبدا
حياة:: قربت من نغم بدموع و أخدتها فـ حضنها .. حمد الله ع سلامتهم يا نغم و أخيرا هرجع تانى أشوف ضحكتك يا نونا
أحمد:: أنا بقول ناخد التورتاية الجميلة دى و نروح الڤيلا فى هناك حفلة برضوا و نفرح كلنا و نحتفل بعيد ميلادهم مع معتز
نغم:: لـ أحمد اللى إياد و أسيل يقولوا عليه انا هعمله
إياد:: باس إيدها اللى حضرتك عايزاه أحنا معاكى فيه
معتز:: بحزن .. خلاص هتنسينى يا نونا و تبعدى عنى بعد ما إياد رجعلك و هياخد مكانى
نغم:: قربت منه .. ميزو حبيبى انت و إياد و أسيل ولادى و غلاوتك من غلاوتهم بالظبط .. انتوا التلاتة كل واحد فيكم له غلاوته و مكانته فـ قلبى .. و يلا بقى عشان نرجع الڤيلا نكمل حفلة عيد ميلادكم .. انت مش كنت عايزنى أحضر عيد ميلادك
معتز:: أه ياختى دلوقتي عايزة تحضرى عيد ميلادى لما عيالك رجعولك أه .. و لـ إياد هنيالك يا عم شقطت مزتى و أنا خدت صابونة
أحمد:: بيخبط كف ع كف .. لا حول ولا قوة إلا بالله .. أنت ايه يا أبنى مش ناوى تعقل بقى .. دى أمه يا متخلف مش واحدة بتتخانقوا عليها
حياة:: بضحك .. طيب يلا بينا بقى عشان الناس اللى حمضت فـ البيت دى
و فعلا خرجوا كلهم و رجعوا الڤيلا و الضحكة منورة وشهم و أحتفلوا بعيد ميلاد إياد و أسيل و معتز و قضوا وقت مميز جدا و بعد السهرة رجعت نغم بيتها و ولادها فـ حضنها
نغم بقلمى ___________لبنى دراز
الى اللقاء مع الجزء الثاني
#البارت_الاخير(#الجزء_الثانى)
#نغم(#وجع_و_دموع)
فـ ڤيلا العامري
رجع وليد من شركة نغم و دخل شاف غالية قاعدة فـ الليڤنج لوحدها زى عادتها و قعد جنبها بتعب و ساكت
غالية:: بقلق .. مالك يا وليد فى إيه
وليد:: و هو باصص فـ الأرض .. كل اللى عملناه السنين اللى فاتت أتـ ـهد يا غالية
غالية:: بخضة .. ايه اللى اتـ ـهد يا وليد أتكلم في ايه
وليد:: ولاد طارق
غالية:: مالهم
وليد:: بيبلع ريقه .. عرفوا الحقيقة اللى بقالنا سنين بنخفيها و نغيرها
غالية:: بعدم فهم .. يعنى ايه مش فاهمة
وليد:: إياد و أسيل عرفوا أننا اللى خدناهم من أمهم مش هى اللى رمتهم
غالية:: بصدمة .. انت بتقول ايييه ؟! عرفوا أزااااى أنننطططق
وليد:: كنت عند نغم فـ الشركة بهـ ـددها عشان تخاف و تبعد عن شركتنا و تبطل تدور ع ولادها وقفت قصادى و طردتنى و أنا خارج شوفت إياد و أسيل مع أحمد الأسيوطى و سمعوا كل حاجة دارت بينى و بين نغم
غالية:: بتوتر .. يعنى أيه الكلام ده
وليد:: يعنى ولاد طارق خلاص يا أمى رجعوا لـ نغم و أكيد مش هيرجعوا هنا تانى خلاص تعبنا طول السنين دى كلها راااح و بنت الهلالى خدت العيال ع الجاهز بعد ما ربينا و كبرنا و علمنا
غالية:: بغـ ـضـ ـب .. ده مش ممكن يحصل أبدا ولاد طارق لاااااازم يرجعوا هنا تانى فااااااهم
وليد:: بيأس .. أنسي يا غالية انهم يرجعوا ولاد طارق خلاص ما صدقوا أنهم لاقوا أمهم
غالية:: ع نفس وضعها .. و انا قوووولت لااااااازم يرجعوا هنا بأى شكل انت فااااااهم لااااااازم ترجعهم
شيرين:: نازلة ع السلم و سامعة كلام وليد و غالية و لـ نفسها بحزن خلاص يا غالية إياد و أسيل خرجوا من الجـ ـحيم و أنسي أنهم يرجعوا هنا تانى و فجاة رن موبايلها و شافت أسم رغد .. بأبتسامة الو يا قلب مامى اتأخرتى ليه
@:: الوو حضرتك والدة صاحبة الموبايل ده
شيرين:: بقبضة قلب .. أيوا انا خير
@:: بسرعة .. صاحبة الفون عملت حادثة بالعربية و الاسعاف خدتها ع المستشفى فـ حالة خطيرة
شيرين:: بتجرى برة الڤيلا و هى بتصرخ بننننتتتى ررررغغغغغد و خرجت جرى تدور اى تاكسى يوصلها بسرعة
وليد:: شاف شيرين بتصرخ و بتجرى خرج جرى وراها و بخضة .. شيرييين فى ايه مالها رغد فيها ايه
شيرين:: بدموع .. عملت حادثة بالعربية و فـ حالة خطيرة
وليد:: بخوف .. طيب أركبى العربية بسررررعة يلاااا نروح نطمن عليها
شيرين:: ركبت معاه و دموعها مغرقة وشها و بتدعى من قلبها تطمن ع رغد
وليد:: جرى بالعربية بأقصى سرعة فـ ثوانى وصلوا المستشفى و دخل جرى هو و شيرين و بلهفة قلب أب و أم بيجروا و يسألوا عن رغد و شافوا دكتور
شيرين:: من بين شهقاتها .. لو لو سمحت رغد وليد قالوا انها جات فـ حادثة هنا طمنى عليها الله يخليك
الدكتور:: البنت بتاعة الحادثة فـ العناية المركزة بين الحياة والموت ياريت لو تعرفوا أهلها
وليد:: قاطعه بصريخ .. أحنا أهلها أرجوووك وصلنا ليها
الممرضة:: خارجة بتجرى من قسم العناية المركزة و بتنده دكتووور دكتووررر
الدكتور:: بقلق .. خير فى إيه
الممرضة:: البنت بتاعة الحادثة قلبها وقف و محتاجين جهاز الصدمات
الدكتور:: دخل جرى العناية المركزة و عمل صدمات تنشيط لـ قلب رغد و رجع تانى قلبها اشتغل
برة العناية
شيرين:: بأنهيار بننننتتتتى رغغغغد يااااارب طمنى عليييها يااااارب
وليد:: بدموع بيقرب من شيرين يضمها لـ حضنه عشان يطمنها
شيرين:: بعدت عنه و بجمود من بين دموعها .. أبعد عنى ما تقربليش .. لوو رغد جرالها حاجة انا مش هيكفينى عمرك انت و أمك قصااااادها انننتت فاااااهم
وليد:: أرجوكى يا شيرين سامحينى و أدعى أن رغد تقوم بالسلامة
شيرين:: أسامحك ؟! أسااااامحك ع إيه و لا إييييه .. أطمن بس ع بنتى الاول و بعدين هيبقى فى كلام تانى
وليد:: لسة هيرد عليها شاف الممرضة خارجة من العناية بتجرى عليهم و قالتلهم ان رغد عايزهم ضرورى
شيرين:: جرييت بسرعة و دخلت تشوف رغد .. و بدموعها يا حبيبتى يا بنتى طمنينى يا روحى عنك
وليد:: دخل و بدموع قرب من رغد و باس جبينها .. هتبقى كويسة يا قلب أبوكى انتى قوية و هتقومى منها
رغد:: بصوت ضعيف يادوب مسموع .. خلاص يا بابا كل حاجة خلصت .. اسمعينى يا ماما أنـ
شيرين:: بخوف .. أسكتى يا رغد ما تتكلميش الكلام بيتعبك يا حبيبتى
رغد:: أرجوكى يا ماما مافيش وقت
وليد:: بأنهيار .. أسسسكتتييي و أسمعى وكلاااام أمك
رغد:: بأنفاس مقـ ـطوعة .. أرجوك يا بابا أسمعونى مافيش وقت خلاص .. أنا عرفت مكان طنط نغم يا ماما و عرفت انها مظلومة و كل كلام بابا و أنة كان كدب أرجوكى يا ماما قولى لـ إياد و أسيل الحقيقة
شيرين:: بوجع و خوف أكبر .. إياد و أسيل عرفوا الحقيقة خلاص يا رغد و راحوا لـ نغم رجعوا لـ حضنها أرجعيلى انتى كمان يا حبيبتى
رغد:: و هى خلاص بتاخد أخر نفس ليها .. خلاص يا ماما أنا ماشية عمو طارق جاى ياخدنى أنا شوفته عند العربية و طول الطريق كان ماشى معايا .. و لـ وليد بدموع تووب يا بابا و استغفر ربنا و روح أطلب من طنط نغم أنها تسامحك ع اللى عملته فيـ….. و فجأة نطقت الشهادة و الجهاز صفر
شيرين:: بأنهيار ررررررغغغغغدددد .. قوووومى يا قلب أمك فووووقى يا حبيبتى
وليد:: بوجع قعد ع ركبه فـ الأرض قصادها أصحى يا بنتى أصحى يا رغد و هعملك اللى انتى عايزاه
الدكتور:: بسرررعة لـ وليد و شيرين يااريت تخرجوا برة و لـ الممرضة بسرعة جهاز الصدمات مرة تانية
وليد و شيرين رفضوا يطلعوا و
الدكتور:: سابهم و بيحاول مع رغد مرة و اتنين و تلاتة كل ما يقول خلاص حالة شيرين و وليد تخليه يحاول مرة كمان و برضوا مافيش استجابة و بص ليهم بكل أسف .. البقاء لله شدوا حيلكم و سابهم و خرج
شيرين:: بأنهيار .. لااااااااااااااااااااااا بنتاااااااااى قووومى يا رغد قوووومى يا حبيبتى و انا هاخدك و نسافر نروح عند شااااادى قووومى يا قلب أمك ما تسيبنيييشش رررغغغغد
وليد:: بإيد بترتعش و صوت مهزوز .. بيقرب من رغد .. قووومى يا حبيبتى تعالى يلا روحى معايا عند نغم نستسمحها و نرجعها تعيش معانا تانى .. قومى يا رغد بلاش تمشى و تكـ ـسرى قلب أبوكى يابنتى بلااااش تكـ ـسرينى يا حبيبتى قووووومى يا رغد عشان خاطرى
شيرين:: بـ غـ ـضب .. دلوقتي بس حسيت بـ بنتك دلوقتي بس حسيت بوجع القلب .. يمهل و لا يهمل ..
يمهل و لا يهمل يا ولييييد و شربت من نفس الكااااس اللى شرّبته لـ مرات أخوك و زى ما حرمتها من ولادها ربنا حرمنى من بنتى بسببك
وليد:: بوجع قلب أب .. شيرين أرجوكى أرحمينى
شيرين:: بأنهيار .. أرحمك ؟! عايزنى أرررررحمك طب ازااااى قوووولى .. منك لله منك لله حسبي الله و نعم الوكيل فيييكم فوووضت فييييكم الأمررر لله ربنا ينـ ـتقم منكمممممم اااااااااااااااااااااه يا بنتاااااااااااى دفعتى عممممرررك تمن عملتهم
و دفعت تمن سكوووتى عن الحق يا بنتى و أتحرمت منك يا نور عيني
وليد:: بيحاول يتماسك .. مش وقته الكلام ده لازم نخلص الإجراءات و نكرمها
و بالفعل خلص كل حاجة فـ المستشفى و استنى لغاية طلوع
النهار عشان الدفـ ـن و العزا
____________________________
فـ شقة نغم
فـ نفس الوقت
رجعت و معاها إياد و أسيل و الفرحة مش سيعاها و الضحكة اللى كانت غايبة عنها رجعتلها من تانى
نغم:: بسعادة لـ إياد و أسيل .. من النهاردة مش هتناموا غير فـ حضنى و مش هتخرجوا منه أبدا
إياد:: بهزار .. إيه ده يا ست ماما هو انتى مش عاملالنا أوض ننام فيها بقى و لا ايه
نغم:: أكيد يا باشمهندس كل واحد منكم ليه أوضة .. بس أنا عايزة أشبع من حضنكم عندك مانع
أسيل:: و هى بتدخل فـ حضنها .. لأ طبعا يا مامى و من دلوقتي كمان أهو أنا اول واحدة هدخل فـ حضنك
نغم::ضمتها جامد لـ حضنها .. هنعوض كل حاجة سوا و من دلوقتي
إياد:: الله الله و أنا فين مكانى بقى كدا أنا أحتج
نغم:: فتحت دراعها لـ إياد و ضمته لـ حضنها .. من اللحظة دى حضنى هو مكانكم انتوا الاتنين زى ما كان زمان مكانكم و مافيش حد قدر و لا حد هيقدر ياخده أبدا
أياد:: بغيرة مصطنعة .. يا سلاااام يا ست نونا و سي معتز ده ايه بقى أن شاء الله
نغم:: معتز كان بيعوضنى غيابكم .. بس رغم حبي ليه ما قدرش يملا الفراغ اللى فـ حياتى فـ بُعدكم عنى
أسيل:: يااه يا مامى لو تسمعيه و هو بيتكلم عن حضرتك
إياد:: بجد يا ماما ده لو بيتكلم عن حبيبته مش هيتكلم بالطريقة اللي بيتكلم بيها عن حضرتك
نغم:: معتز قعد معايا أكتر ما قعد مع أحمد و حياة .. كنت بشوفكم فيه كل ما أشوفه قدامى كل اللى كان نفسي أعمله معاكم عملته معاه
أسيل:: و طنط حياة كانت بتسيبه عادى كدا يا مامى
نغم:: حياة عمرها ما سابتنا كنت انا و هى بنعمل كل حاجة سوا .. هى و أحمد عوضونى عن حرمانى من الأخوات وقفوا جنبى ما سابونيش .. انا بجد لو كان عندى أخوات ما كانوش عملوا اللى عملوه أحمد و حياة معايا طول السنين اللى فاتت دى
إياد:: طب أيه بقى هنفضل نتكلم كتير كدا و مش هنتفرج ع بيتنا الجميل ده
بقى و لا ايه
نغم:: بفرحة .. أكيد يا حبيبى تعال أتفرج براحتك و فعلا دخلوا الأول أوضة إياد و كانت أوضة جميلة جدا زوقها شبابى فرشها فخم مناسب لشاب فـ سن الـ 20 و فيها ركن خاص بكل الالعاب اللى كانت بتشتريها كل سنة فـ عيد ميلاده
إياد:: بأنبهار .. معقول الأوضة دى بتاعتى .. مش ممكن ده كأنك عارفة إن انا جاى و عارفة زوقى و بحب إيه و عملتيه مش ممكن يا ماما الجمال ده .. و هو بيتفرج ع اوضته عينيه وقعت ع ركن الالعاب و بص لها بأبتسامة و ده إيه ده بقى
نغم:: دول هدايا عيد ميلادك و بدموع .. كل سنة كنت بجيب هدايا عيد ميلادكم و أجيب تورتاية و شمعتين بأسمكم و أقعد لوحدى أتمنى
وجودكم و أستناكم .. و فتحت درج الكمود و قدمتله مفاتيح الڤيلا كل سنة و انت دايما فـ حضنى
إياد:: باس راسها و أنتى دايما منورة حياتنا يارب
أسيل:: و هى بتمسح لها دموعها .. دى مفاتيح ايه بقى يا مامى
نغم:: دى مفاتيح ڤيلا إياد العامري هدية عيد ميلاده من 3 سنين لغاية النهاردة كل سنة كنت بعمل حاجة
إياد:: بأستغراب .. أزاى بقى ؟!
نغم:: من 3 السنين أشتريت الأرض و كتبتها بأسمك و السنة اللي بعدها بنيتها و السنة دى فرشتهالك و قفلتها و حطيت مفاتيحها فـ الدرج بتاعك
أسيل:: بهزار و أنا يا ست مامى كنتى بتجيبلى هدايا أيه بقى
نغم:: لـ أسيل .. تعالى يا روح مامى أتفرجى ع أوضتك و شوفى الهدايا بتاعتك
و دخلوا فعلا أوضة أسيل اللى ما تقلش فـ الجمال عن أوضة إياد
أسيل:: وااااااو ايه الجمال ده معقولة دى أوضتى أنا ..تحفة أوى يا مامى
نغم:: عجبتك يا حبيبتى ؟
أسيل:: دى تجنن تهبل دى أحلى بكتير من اللى أتخيلته .. مامى أنتى ازاى قدرتى تعرفى زوق كل واحد فينا أزاى قدرتى تعملى الأوض بالشكل ده
نغم:: خدتهم فـ حضنها .. عشان أنتوا حتة مني . حتة من روحى حتى لو كبرتوا بعيد عنى كنت دايما كل سنة أقعد اتخيلكم فـ المرحلة دى ممكن تكونوا بتفكروا أزاى و أعمل اوضكم ع مستوى تفكيركم
إياد:: طيب كنتى بتعرفي تفكيرنا أزاى
نغم:: لـ إياد ربطت بين روحى و تفكيرى و بين روح طارق و تفكيره و عشان انا عارفة أنك واخد شبه طارق و فيك من طبعه قدرت أتوقع انت بتفكر أزاى
أسيل:: طيب و أنا يا مامى
نغم:: أنتى فيكى من طارق شوية بس واخدة من طبعى انا .. عشان كدا برضوا قدرت أتوقع ممكن تكونى بتفكرى أزاى ده غير بقى قلبى اللى دايما بيحس بيكم
أسيل:: يا حبيبتى يا مامى كل حاجة جميلة حتى ركن الالعاب فيه كل حاجة انا بحبها
نغم:: فتحت درج الكمود بتاعها و أدتلها مفاتيح العربية و ورق الوديعة هدية عيد ميلادها و باستها .. كل سنة و أنتى دايما معايا يا قلبى
أسيل:: يا حبيبتى و أنتى دايما معانا .. بس مفاتيح ايه دول بقى ها ڤيلا برضوا زى إياد
نغم:: بأبتسامة لأ يا شقية دول مفاتيح عربيتك موديل السنة و الورق ده وديعة بأسمك بقيمة الهدية و كمان اتفضلى هدية السنة دى و فتحت الدولاب طلعت منه علبة قطيفة فيها طقم سوليتير
إياد:: بدموع .. كل ده كنتى بتعمليه عشاننا يا ماما و إحنا كنا فاكرين انك رمتينا عشان تعيشى حياتك
نغم:: و هى بتمسح دموعه .. حبيبى أنسى اللى فات أحنا ولاد النهاردة و من اللحظة دى هنعوض كل اللى فاتنا .. و يلا بقى غيروا هدومكم لغاية ما اكون حضرت لكم العشى
أسيل:: أوووه .. احنا مش معانا هدوم يا مامى هنغير أزاى دلوقتي
نغم:: يا روح مامى لو فتحتى دولابك هتلاقيه مليان هدوم و كلها مقاسك ان شاء الله
أسيل:: جريت فتحت الدولاب و شافته فعلا مليان هدوم و كلها زوقها نفس زوق أسيل و كأنها متفصلة فعلا عشانها .. و لفت حضنت نغم أنتى أجمل و أعظم مامى فـ الكون
نغم:: باستها فـ خدها و انتى أجمل بنوتة فـ المجرة يلا بقى غيرى هدومك و حصلينى يا شقية و لـ إياد و أنت باشمهندس يلا ع أوضتك غير هدومك و تعال عشان نتعشى سوا
إياد:: باس راسها و إيدها .. حاضر يا حبيبتى و فعلا خرج من اوضة أخته راح اوضته يغير هدومه
نغم:: سابتهم و دخلت أوضتها و دخلت الحمام أخدت شاور و أتوضت و خرجت بعد ما غيرت هدومها لبست إسدال الصلاة و صلت ركعتين لله شكر و سجدت سجدة طويلة و دعت فيها كتييير من قلبها و صوت عياطها واصل لـ ولادها اللى دخلوا جرى من خوفهم عليها و أطمنوا لما شافوها بتدعى و تحمد و تشكر ربنا انه عوض صبرها و جبرها و رد ليها ولادها
و بعد شوية وقت خلصت نغم صلاتها و خرجت مع إياد و أسيل دخلوا المطبخ يجهزوا العشى سوا و يضحكوا و يهزروا و يجروا ورا بعض كأنها رجعت طفلة صغيرة و بتلعب مع أصحابها و شوية و هما قاعدين بيتعشوا رن موبايل نغم و كانت المفاجأة ان المتصل وليد
نغم:: بأستغراب لـ إياد و هى بتفتح المكالمة .. غريبة وليد بيتصل بيا ليه دلوقتي .. و ردت عليه الوو
وليد:: بأنهيار .. ربنا خدلك حقك يا نغم .. ربنا خدلك حقك و خد منى بنتى .. رغد مـ ـاتت يا نغم مـ ـااااتت و قفل المكالمة
نغم:: الموبايل وقع من إيدها و دموعها نازلة و ساكتة
أسيل:: بخضة .. مالك يا مامى فى ايه
إياد:: بقلق .. عمو وليد قالك إيه يا ماما
نغم:: بصوت ضعيف .. بيقول رغد مـ ـاتت
أسيل:: بصريخ .. لااااااااااااااااااااااا رغد لأ مش ممكن رغد تموووت يا مامى .. أكيد عمو غلطان يا إياااااد رغد لااااااااااااااااا
إياد:: بوجع .. أهدى يا حبيبتى و يلا بينا نروح لـ ماما شيرين و بص لـ نغم بعد أذن حضرتك يا ماما
نغم:: بدموع أكيد يا حبيبى و انا كمان هروح معاكم
و بالفعل قاموا كلهم غيروا هدومهم و نزلوا بعد ما اتصل إياد بـ شيرين وعرف انهم لسة فـ المستشفى
_____________________
فـ المستشفى
راحوا جرى بعد مكالمة وليد و أول ما وصلوا شافتهم
شيرين:: جريت ع نغم بأنهيار .. سامحينيي يا نغم ابوس إيدك ساااامحينيي أبوس إيدك و بتوطى عشان تبوس رجلها .. أبوس رجلك سااامحينى ربنا خدلك حقك و خلص مننا فـ بنتى
نغم:: بتمسكها ترفعها قومى يا شيرين و بلاش تعملى فـ نفسك كدا أنا مسمحاكى من زمان و عارفة أنه كان غصب عنك
شيرين:: ربنا عاقبنى عشان سكتت عن الحق و خرست و خوفت اتحرم من ولادى .. ربنا دوقنى من نفس الكاس اللى دوقتيه و اتحرمت من بنتى .. رغد رااااااحت و مش هترجع تاااانى يا نغم مش هترجع تااااااانى و لـ أسيل أختك راااااحت يا سيلا رغد خلاااااص مش تقعد تضحك و تهزر معاكى و تجرى وراكى تانى .. أختك راااااحت يا إياد سابتنى و رااااااحت
أسيل:: بأنهيار لاااااااا يا ماما ماتقوليش كدا رغد مش ممكن تسيبنا و تمشى مستحييييييل و بتجرى ناحية الأوضة اللى فيها رغد و بتحضنها .. لييييه سيبتينى أقول لمييين دلوقتي كل اللى حصل فـ يومى ليييييه يا رغد ليييييه
إياد:: دخل وراها و خدها فـ حضنها خلاص يا حبيبتى ده أمر ربنا لازم نتماسك عشان خاطر ماما شيرين
أسيل:: لييييييه بيحصل فينا كدا يا إياد ليييييه مكتوب علينا الفراااااق ليييه يوم ما لاقينا ماما مالحقناش نفرح بلمتنا و رغد سابتنا و مشيت كأن مش مكتوب لينا الفرحة
نغم:: قلبها وجعها ع ولادها و دخلت وراهم خدتهم الاتنين فـ حضنها .. ده نصيبها و عمرها يا حبيبتى يلا تعالى عشان تقفى مع ماما شيرين هى محتاجالك تعالى يا حبيبتى
و بالفعل قضوا اللى باقى من الليل فـ المستشفى مع وليد و شيرين و إياد ساعد عمه فـ تخليص إجراءات الغسل و التكـ ـفين لغاية ما طلع النهار و خرجوا من المستشفى عشان الـ ـد فن و الجنازة و العزا
______________________
فـ ڤيلا العامري
بعد مرور أيام العزا غالية نازلة بتعب ع السلم و شافت وليد قاعد و ماسك صورة رغد و بيعيط و يكلم الصورة
غالية:: بدموع .. وحد الله يا حبيبى ده أمر ربنا يا وليد و لازم نصبر يا حبيبى و ندعيلها
وليد:: ساب الصورة من إيده و بص ليها و بـ ـغـ ـضب .. أمممررررر ربنااااااا و لا أمممرررك أننننتى يا غاااالية
غالية:: أستغفر ربنا يا وليد .. أمرى ازاى بس يا حبيبى ما تكفرش بالله و تقول كلام من وجعك تتحاسب عليه يا أبنى
وليد:: أيواااا أمرك يا غالية .. أننننتتتى السبب .. أنننتتتى اللى فضلتى تبخى سِمك فـ ودانى و أستغليتى أنى مابحبش أزعلك .. أنننتتتى السبب يا غااااالية أنتى اللى حرمتينى من بنتى
غالية:: بدموع .. أنا يا وليد .. بتقول ليا أنا الكلام ده بتقول لـ أمك الكلام ده يا وليد ليه كدا بس يا أبنى
وليد:: أيوااااا أنتيييى يا غاااااالية أنتى اللى خلتينى خـ ـطـ ـفت ولاد طارق و حرمتهم من حضن أمهم و حرمتها منهم .. أننننتى اللى خلتينى كدبت و أفتريت .. أننننتى اللى خلتينى زورت ورق وصاية و سرقت بيه إياد و أسيل من حضن نغغغغغم أننننتى مش حد غيرك و النتيجة ايييييه النتيجة اييييه يا أمى زى ما حرمت أتحرمت .. زى ما فرّقت فارقت .. بسببك شربت من نفس الكاس اللى شرّبته لـ نغم يا غااااالية .. أنا قلبى وجعنى من كام يوم بس مش قادر اتحمل غياب بنتى .. أننننتى أزااااااى قدرتى تتحملى غيااااااب طاااارق أزاااااى قلبك ما وجعكييييش لما اتحرمتى منه
غالية:: بأنهيار .. ميييين قاااااالك أن قلبى ما وجعنييييش .. أنا قلبى كان بيـ ـتقـ ـطع ع فرااااق أخوووك كنت بموووووت فـ اليوم ميييييت مرة كل ما أفتكره .. بس أزااااى هتحس بيا و أنت ولادك فـ حضنك
وليد:: بضحكة سخرية .. تصدقى صح عشان كدا قولتى أخليهم يشربوا من نفس الكاس و يجربوا نفس الوجععععع .. فضلتى تزني عليا و تقنعينى عشان ناخد ولاد طارق من أمهم و انا بغباااائى طاوعتك بغباااااائى سمعت كلامك كنت فاكر بكدا أنى رضيت ربنا عشان رضيتك و سمعت كلامك ماكنتش فاكر إنى هاحصد زرعتك اللى انتى زرعتيها يا أمى و أدوق نفس الوجع اللى داقته نغم
غالية:: بوجع .. كل ده شايله فـ قلبك يا وليد قد كدا شايفنى وحشة يا أبنى
وليد:: واقف بيلف حوالين نفسه و بيرفع إيديه الاتنين ع راسه و ينزلهم تانى .. أنتى أنا مش عارف أقول عليكى أيه مش قادر أتكلم و أغلط فيكى لأنك أمى .. للأسف أنتى أمى و فجأة و هو بيتكلم شاف
شيرين:: نازلة ع السلم و معاها شنطة هدومها
وليد:: بكل الوجع اللى جواه لـ شيرين .. رايحة فين يا شيرين
شيرين:: بجمود .. مابقاش ليا مكان هنا خلاص يا وليد
وليد:: عايزة تمشى و تسيبينى يا شيرين
شيرين:: و إيه الجديد ما أنا سايباك من زمان اوى يا وليد .. من وقت ما سمعت كلام غالية و مشيت وراها و طاوعتها لما خططت و دبرت و لما هـ ـددتنى بـ ولادى سيبتك ليها و خرست عن الحق خوف منها و نسيت ان فى رب بيخلص
وليد:: أرجوكى يا شيرين خليكى معايا انا محتاج لك ماتسيبنيش
شيرين:: ما بقاش ينفع يا وليد اللى كنت قاعدة و مستحملة عشانهم راحوا خلاص .. إياد و أسيل رجعوا لـ حضن أمهم و أنا ربنا عاقبنى و خد منى بنتى و حرمنى منها و أبنى سافر يكمل تعليمه برة و قرر ما يرجعش هنا تانى
وليد:: هتمشى تروحى فين انتى مالكيش مكان غير هنا
شيرين:: أنا حجزت تذكرة طيران و هسافر عند شادى و كويس انه لغاية دلوقتي ما عرفش اللى حصل لـ أخته
وليد:: أرجوكى خليكى عشان خاطرى انا خلاص فوقت و أتعلمت من غلطى
شيرين:: متأخر يا وليد فوقت متأخر أوى .. و أخدت نفس قوى و خرجته بهدوء .. طلقنى يا وليد
وليد:: أنتى بتقولى أيه ده مش ممكن أبدا أرجوكى غيرى رأيك و أدينى فرصة تانية
شيرين:: أرجوك انت بقى كفاية لغاية كدا .. طلقنى لو سمحت من غير شوشرة
وليد:: بوجع و قهر .. حاضر يا شيرين أنتى طالق
شيرين:: أنا ماشية و ياريت تخلص إجراءات الطلاق فـ أسرع وقت و تبعتلى ورقتى عند شادى .. و سابته خرجت برة الڤيلا ركبت تاكسي و طلعت ع المطار
وليد:: بعد خروج شيرين طلع أوضته من غير و لا كلمة
غالية:: لسة بتقوم عشان تطلع أوضتها شافت فجأة طيف طارق ظهر قدامها و سمعت صوته أرتعشت و حست بدوخة و أختل توازنها وقعت ع الكرسي مكانها
طيف طارق:: أرتاحتى كدا يا أمى
غالية:: بصدمة و بدموع .. طارق ؟!
طيف طارق:: أرتاحتى كدا لما ضيعتى الكل
غالية:: بصريخ .. أنننتتت كماااااااان هتقول ان انا السبب
طيف طارق:: أيوا يا غالية أنتى السبب جبروتك و حقدك و غِلك عموكى عن الحقيقة و بدل ما تتعظى من موتى و تاخدى مراتى تحت جناحك حرمتيها من ولادها سنييين طويلة
غالية:: أنا قولتلك مراااااتك مش من مستوانا انا خدت الولاد و ربيتهم أحسن ما كانت هى هتربيهم
طيف طارق:: لسة برضوا بتكابرى يا غالية بعد كل اللى حصل ؟؟ البيت كله أتهد بسببك ولادى بعدوا عن حضنك وليد خسر بنته و مراته سابته بسببك .. و هو بيبعد فوووقى يا غالية فوووقى و أستغفرى ربك تووووبى يا أمى قبل فوات الأوان
غالية:: بصريخ طاااااارق طاااااااارق أنت فييين يا طاااارق سااااامحنى يا أبنى سامحنى يا طارق ساااااامحنى يا وليد سااااامحونى كلكم سااااامحنى ياااااااااارب
_______________________
بعد مرور سنتين اللى حصل فيهم
شيرين سافرت و استقرت مع شادى برة و قرروا ما ينزلوش تانى بس كل فترة بيتصل شادى يطمن ع وليد و غالية .. وليد راح لـ نغم طلب منها تسامحه ع كل اللى عمله فيها و ساب الڤيلا و زهد الدنيا و راح عاش فـ المقابر جنب قبر رغد و طارق و ساب كل حاجة لـ أسيل و إياد . غالية بقت عايشة لوحدها مافيش حد بيسأل عليها بس كل فترة نغم تبعت إياد و أسيل يطمنوا عليها عشان خاطر صلة الرحم و عشان خاطر طارق حبيبها
أما نغم أخدت ولادها و راحت زارت قبر طارق زى ما وعدته انهم لما يرجعوا هتاخدهم و يروحوا يزوروه سوا و طلعت رحلة جزر القُمر هى و إياد و أسيل مع أحمد و حياة و معتز و بعد ما رجعوا من الرحلة طلعوا كلهم الحج و السنة اللى بعدها طلعوا مرة تانية و إياد حج عن طارق
و أخيرا إياد و أسيل و معتز بيتخرجوا من الجامعة و النهاردة حفلة تخرجهم و بعد التكريم و استلام شهادات التقدير خرجوا كلهم نغم و إياد و أسيل و أحمد و حياة و معتز يكملوا سهرتهم برة و هما سهرانين قال
معتز:: بتوتر .. نونا حبيبتى ممكن أطلب منك طلب
نغم:: أمممم ع حسب
معتز:: لأ هو اللى بنعمله فـ النااااس هيطلع علينا و لا اييييه
إياد:: ألبس يا معلم
معتز:: خليك محضر خير يا خويا
أحمد:: لـ معتز .. ما تنجز يا متخلف و اتكلم
حياة:: بتريقة .. أسكت بقى يا أحمد شكله رهييب و هو زى الكتكوت المبلول كدا
معتز:: بنرفزة مصطنعة لـ حياة و أحمد أنتوا أب و أم انتوا ده انتوا لو لاقيني ع باب معبد يهودى مش هتعملوا كدا
نغم:: بضحك .. مالك بس يا ميزو مزعلينك فـ إيه الناس دى ههههههههههههه
معتز:: بيتكلم بسرعة .. بصى بقى يا نونتى و بصراحة كدا أنا بحب بنتك و عايز اتجوزها قولتى إيه
نغم:: بصت لـ أسيل اللى وشها أحمر من الخجل و بصت لـ إياد و هزت دماغها بأبتسامة .. إيه
إياد:: هز كتافه الاتنين و عينيه ع أسيل .. و أنا مالى
معتز:: لـ نغم و إياد انتوا هتحدفونى لـ بعض بقى .. و لـ نغم مسك إيدها و رحمة خالى حسن اللى مات مفرفر من الجوع بحب أسيل من أول يوم شوفتها فيه جوزيهالى بقى
أحمد:: مسكه من قفاه و بتريقة .. انت ياض عندك خال أهبل ؟!
معتز:: لأ ليه يا بوب
حياة:: ليه إيه يا متخلف انت .. فى حد يعمل اللى انت بتعمله ده
معتز:: الله بقى مش انتوا اللى بعتونى يا خونة و لـ نغم نونا حبيبتى وافقى بقى
نغم:: أحمد و حياة قالوا لك انك متخلف و انا شايفة انهم عندهم حق بصراحة
معتز:: أغلطوا أغلطوا انتوا التلاتة براحتكم بس عرفونى الاول كل التهزيق ده ليه قصاد المزة كدا
إياد:: المرة دي هو اللى مسكه من قفاه .. تصدق أنا هعلقك و اقول من ده بكرة بقرشين اما انك صحيح متخلف
معتز:: بغيظ .. جرا ايه يا جدعان اربعة متخلف فـ دقيقة واحدة و لـ أسيل بغمزة مالكيش نفس تحدفى واحدة متخلف و تخمسيهم عشان الحسد يا قمر
نغم:: ههههههههههههه لأ انت النهاردة مالكش حل بجد
معتز:: طب ألحقينى بقى و جوزينى البت قبل عيارى ما يفلت ههههههههههههه
نغم:: و بتطلبها مني انا لييييه
معتز:: الله مش انتى أمها
نغم:: و بتشاور بعينيها ع إياد .. بس ليها راجل تطلبها منه مش دى الاصول برضوا يا باشمهندس و لا ايه
معتز:: ايوا صح صح و لـ إياد أبوس إيدك يا عمى جوزنى بنتك الحلوة دى شالله يخليهم لك
إياد:: بضحك .. بس بس بس انت هتشحت ؟! خلاص صعوبت عليا
معتز:: طب وافق بقى ابوس إيدك طالما صعوبت عليك
إياد:: اممممممم و بمراوغة .. والله كااان بودى يا أبنى بسسسس
معتز:: نعععععم .. كان بودى و بس ده اللى هو أزاى يعنى .. ولا يا إياد ما تستهبلش فيها و اتلم و جوزنى أختك بدل ما أخطـ ـفها و أهرب بيها
إياد:: بهزار.. طب ما عنديش بنات للجواز ورينى هتعمل ايه و لـ نغم يلا بينا يا ماما
أحمد:: بجدية لـ إياد .. تسمح يا باشمهندس تحدد ميعاد أقدر أزوركم فيه انا و حياة و المتخلف ده عشان نطلب إيد أسيل رسمى
إياد:: بص لـ نغم و شافها أبتسمت و شاورتله بعينيها .. و لـ أحمد حضرتك يا عمو مش محتاج مواعيد البيت بيتك تشرف أى وقت و لو ع المتخلف ده مش هلاقى أحسن منه لـ أسيل بس طبعا بعد رأيها هى الأول و لـ أسيل .. قولتى أيه يا سيلا
أسيل:: بخجل و هى باصة فـ الأرض اللى تشوفه يا إياد أنت و ماما
معتز:: بتهليل الله أكبر تبقى موافقة لولولولولولولولوليييييي
كلهم ضحكوا عليه ههههههههههههه ههههههههههههههه
و أخيرا رجعت نغم بيتها و هى فرحانة بتخرج ولادها و خطوبة بنتها و بعد فترة بسيطة مسكت أسيل شركات العامري و إياد و معتز أشتغلوا مع أحمد و نغم فـ شركة المقاولات
نغم بسعادة
مررتُ فى حياتى بـ محطات عديدة كلها أوجاع و آلام و دموع و ها أنا أصل أخيرا اللى محطتى الأخيرة التى لا طالما أنتظرتها كثيرا حيث أنتهت كل أوجاعى و كففت دموعى و غلّفت وجهى بـ أبتسامتى ..
و بصت لـ إياد و أسيل
إلى من تغيرت نظرتي إلى نفسي وإلى الحياة من بعد ميلادهم ..
إِلى من ولدتهم من قلبي قبل رحمي،
إلى من ازداد عمري إشراقاً بوجودهم من حولي.. أولادي الغاليين..
أُهدي إليكم هذه الكلمات المشحونة بعاطفة الأمومة الصادقة والنقية؛ كي أخبركم أنه مع أول نفس لكم في هذه الحياة، تغيّر في حياتي الكثير، فقد تحولت من إنسانة عادية تمارس حياتها بشكل روتيني كما كل البشر، إلى امرأة خارقة،
“امرأة خارقة” تبكي على وسادتها ليلاً، لكنها تستيقظ في الصباح وابتسامتها تكاد لا تفارق وجهها أبداً أمام أولادها.
امرأة.. كل ما يهمها في هذه الدنيا أن تُعطي وتمنح أولادها كل ما تملك، حتى و لو كان فؤادها!
امرأة محظوظة برحم أنجب لها أجمل أولاد على وجه الكوكب.
معكم اكتملت بـ أمومتي، و بقربكم ارتفعت درجات سعادتى فـ أسأل الله أن يحفظكم لي من كل شرّ، وأن يرزقكم من بهجة الحياة أكثر مما تستحقون..
أحبكم.. و سأظل أحبكم لأبد الآبدين
نغم بقلمى __________ لبنى دراز
تمت بحمد الله
الخاتمة
فـ شقة نغم
بعد مرور سنة قعدت نغم مع إياد فـ الليڤنج قبل فرح أسيل بأسبوعين و طلبت منه يسامح عمه و جدته و يروح يبلغهم بجواز أخته و يخليهم يحضروه ، و يخلي وليد يكتب كتابها بنفسه ، استغرب إياد طلبها:
_أنتِ يا ماما اللى بتقولي كدا رغم كل اللى عملوه فيكِ ، ده واحدة غيرك كانت ….. .
نغم بمقاطعة:
_حبيبى انا قولتها لك من اول يوم رجعتوا لى فيه انا نسيت كل عذابى منهم بمجرد ما رجعتوا لحضنى ، و بعدين يا إياد انا مش عايزة أختك تبقى قليلة قصاد معتز لازم يشوف ان وراها ناس و رجالة واقفة فـ ضهرها .
إياد بحزن:
_وانا قليل يا ماما مش هعرف أحمى أختى و أجيب لها حقها لو معتز فكر يزعلها .
_لأ يا حبيبى أنت راجل و كبير بما فيه الكفاية و عارفة انك تقدر تحميها كويس ، بس انا عايزاك تسامح عمك و جدتك و انت بنفسك تروح له و تعرّفه و كمان تطلب منه يجى و يكتب هو كتابها بنفسه .
_بس يا ماما عمو من يوم موت رغد و هو عايش فى المقابر و زاهد الدنيا خالص و أنة عايشة لوحدها و مش بترضى تقابل حد .
_علشان كدا يا حبيبى بقولك لازم يعرفوا بجواز أختك ، انت كبرت و بقيت ماشاء الله باشمهندس قد الدنيا و صاحب شركة مقاولات ليها اسمها ، آن الآوان بقى انك تسامح و تنسى و توصل رحمك زى ربنا ما أمر ثم كمان علشان خاطر باباك الله يرحمه .
_ما حضرتك عارفة يا ماما اللى بيحصل كل مرة من أنة لما بنروح لها الڤيلا و كمان عمو كل فترة باروح ازوره و اطمن عليه .
_لأ يا حبيبي انا المرة دي عايزاك تروح و تبلغه جواز أسيل و تقوله مش هينفع تتجوز من غير وجوده .
_طيب إيه رأيك يا ماما لو تيجى حضرتك معايا و تبلغيه بنفسك ؟
_ خلاص بكرة ان شاء الله اول حاجة نعملها نروح له و نقنعه يرجع تانى معانا.
و فعلا أقتنع إياد بكلام نغم و وافق انه يسامح وليد و يروح له المقابر علشان يرجعه تانى يعيش وسطهم بعد ما كان بيسأل عليه من باب صلة الرحم فقط و يسيبه و يمشى.
تانى يوم راحت نغم مع إياد لـ وليد علشان تقنعه يرجع الڤيلا و كفاية قعدة فـ المقبرة و أول ما شافته:
_ياه يا وليد شكلك أتغير اوى يا أبن العامري
وليد رفع وشه يشوف مين بيكلمه و أتفاجئ:
_ نغم ؟!
_أيوا نغم يا وليد ، اللى بتستخبى منى كل مرة أجى فيها ازور طارق .
_غيرتى ميعادك ليه يا نغم؟
_علشان المرة دى جاية ليك انت يا وليد ، انا جاية للى عايش حى يرزق .
_و مين قالك إنى عايش يا نغم ، وليد العامري خلاص مات بعد موت رغد و بعد شيرين ما سابتنى هى و شادى و هاجروا .
_آن الآوان يا وليد ترجع للحياة تانى و ترجعهم لحضنك مرة تانية .
_أنتِ بتحلمى يا نغم هو اللى بيموت بيرجع تانى ؟.
_طول ما لسة فيه الروح يا وليد بيتلحق و يرجع تانى للحياة .
_خدى أبنك و أمشي يا نغم و لا روحى اقعدى مع طارق و أحكي له زى عوايدك كل اللى بيحصل معاكِ بين الزيارتين.
_بس انا قولت لك جاية ليك انت مش لـ طارق .
اتنهد وليد بتعب :
_عايزة منى إيه يا مرات الغالى ، صدقينى ما عنديش حاجة أديهالك .
_عايزاك ترجع تقف فـ فرح بنتك و تحط إيدك فـ أيد عريسها .
_انتى اتجننتى و لا ايه يا نغم ، نسيتى ان بنتى ماتت
_انا ما اتجننتش يا وليد انت اللى نسيت ان لك بنت تانية محتاجالك جنبها .
_بنت تانية منين يا نغم هو انا خلفت غير رغد و شادى
_أسيل بنت طارق يا وليد اللى انت ربيتها و كبرتها مع بنتك .
_قصدك اللى سرقتها من حضنك ، بقى أنتِ جاية عايزانى انا أجوز أسيل ، بقى بعد اللى عملته فيكِ جاية تطلبى منى أقف فـ جوازها و كمان انا اللى أجوزها بنفسي .
_المسامح كريم يا وليد و انا سمحتكم من يوم ما رجعولى ولادى ، قوم يا وليد و عفا الله عما سلف
_أنتِ اللى بتقولى الكلام ده ؟
_ايوا أنا يا وليد ، قوم و ارجع تاني وليد العامري و أفرح بأسيل و أكتب كتابها شرّفها و أتشرّف بيها
قعد إياد جنب عمه :
_قوم يا عمى أحنا محتاجين لك معانا يرضيك أختى تتجوز من غير أب ؟ مش حضرتك برضوا ربيتنا بعد موت بابا ؟ يلا يا عمى نرجع الڤيلا عند أنة ، دى مش بترضى تقابل حد و مستنياك انت .
اتنهدت نغم و بصت لـ وليد:
قوم يا وليد و اسمع كلام إياد و أرجع معانا و كفاية قعدتك هنا السنة اللى فاتت دى كلها ، ربنا غفور رحيم قوم وبلاش تقسى ع نفسك اكتر من كدا .
وليد بيسند ع عصايته علشان يقوم و قبل ما يقف سنده إياد و ساعده يقوم بص له :
_ أمك دى ست أصيلة واحدة غيرها بعد كل اللى عملناه فيها و كل العذاب اللى شافته ع إيد جدتك كانت منعتكم تسألوا علينا .
_ماما سامحتكم من وقت ما رجعنا ليها يا عمي ، و أحنا كمان أتعلمنا منها التسامح و سامحنا زيها .
_يعنى انتوا سامحتونى يا إياد ؟
_أكيد يا عمي سامحناك ، يلا بينا نقرا الفاتحة لـ بابا و رغد و نرجع مع بعض عند أنة غالية كلنا .
و بالفعل بعد شوية وقت قدرت نغم و إياد انهم يرجّعوا وليد تانى للحياة اللى سابها و راح يعيش فـ المقابر علشان يكفر عن ذنبه .
ڤيلا أحمد الأسيوطى
نازل أحمد ع السلم و بيعاكس فى حياة زى عوايده و هى قاعدة مع معتز و بيغنى:
_بحبك و بموت فيك يا حياتى .
_و ده أسميه ايه ده بقى ؟
_سمينى عاشق مجنون سمينى واحد مغرم .
_و بعدهالك يا أبن الاسيوطى ، نازل بتغنى و بالك رايق يعنى ، اوعى تكون بتحب عليا أروح فيك الليمان يا حبيبى .
_بذمتك انتِ يا قمري حد يبقى معاه القمر حياة ابو ضيف و يبص للنجوم ؟
حياة لسة هترد عليه ، رن موبايلها فجأة برقم أختها سما تبلغها بأن أبوها فـ العناية المركزة فـ حالة خطيرة و عايز يشوفها ضرورى و قفلت معاها ، دموعها نزلت و ساكتة ، أستغرب معتز جدا الحالة اللى فيها امه و سألها :
_مين يا ماما اللى كان بيكلمك ؟
ردت حياة بوجع السنين اللى فيها:
_اختي سما .
سألها احمد بأستفسار:
_كانت عايزة ايه يا حياة ، قالت لك ايه غيرك بالشكل ده ؟
_بتقول ان محمد ابو ضيف فـ العناية المركزة بين الحياة و الموت و عايز يشوفني .
ضمها أحمد فـ حضنه:
_ روحى يا حياة شوفيه عايز ايه ده مهما كان أبوكِ .
_ايه اللى فكره بيا بعد العمر ده كله يا أحمد طول عمره رامينى و ناسينى بيفتكرنى دلوقتي ليه ؟
معتز قاعد شايف حياة منهارة و مش فاهم حاجة و سأل:
_هو فى ايه ؟ انا ليا جد عايش ؟ طيب كان فين و ليه انا ماعرفهوش؟
_لأنه طول عمره ناسينى يا معتز من صغرى ، تعرف أخر مرة شوفته يوم جوازى من باباك و بعدها بقيت بتابع أخباره فـ السوشيال ميديا لغاية كام سنة وانقطعت أخباره خالص .
اتكلم أحمد :
_ ما تنكريش يا حياة ان بعد جوازنا جاتلك سما و حاولت معاكِ و انتِ اللى رفضتي تسامحيه .
حياة بأنهيار:
_و هو عمل ايه يا أحمد؟ ما حاولش ليه يرجعنى لحضنه ، ما حاولش ليه يعوضنى سنين حرمانى منه ، ده كأنه ماصدق انى رفضته ، بِعد و كمل حياته مع ولاده و لا كأنى موجودة جاى دلوقتي يفتكرنى و هو بيموت عايزنى علشان يطلب منى أسامحه ؟
بص ليها معتز بوجع عليها :
_تعالي نروح يا ماما نشوفه يمكن تكون روحه متعلقة بيكِ و مستنيكِ
قام أحمد و مسك إيدها:
_يلا يا حبيبتى أسمعى كلام معتز و قومى نروح له نطمن عليه و نشوفه عايز ايه يلا .
و بالفعل قامت حياة و راحت هى و أحمد و معتز المستشفى و شافت أخواتها واقفين منهارين و اول ما شافتها سما جريت عليها و بلغتها ان أبوها مافيش ع لسانه غير أسمها و كل شوية يسأل عليها و دخلت له هى و معتز ، اول ما شافها طلب منها انها تدخل فـ حضنه و انها تسامحه و قالها انه كتب لها ربع ثروته بأسمها و اخواتها عارفين بالكلام ده و فرح جدا لما شاف معتز و عرف انه خلاص قرب يتجوز و بعد وقت قصير مات محمد ابوضيف و هو حاضن حياة لما اتأكد انها سامحته ع كل اللى عمله فيها ، وقفت مع أخواتها هى و أحمد و معتز وقت الجنازة و العزا و بعد كدا اتنازلت لهم عن ورثها و عن ربع الثروة و قالت انا ماكنتش عايزة فلوسه انا كنت عايزة حضنه و اهتمامه و بس و سابتهم و مشيت .
ڤيلا العامري
رجع وليد مع نغم و إياد الڤيلا و اول ما دخل طلع اوضة غالية خبّط خبطة خفيفة و فتح الباب و قرب منها بدموع الأشتياق:
_وحشتينى يا غالية .
غالية قاعدة فـ سريرها ماسكة مصحفها بتقرأ فيه و رفعت راسها ع الصوت بعد ما غيّرت نضارتها وقلبها ضرباته بتزيد:
_مين ؟
_ انتى مش عرفانى يا غالية ؟
_لا مؤاخذة يا أبنى مش واخدة بالى ، انت مين و طلعت هنا ازاى
وليد قرب منها و قعد جنبها علشان تشوفه كويس :
_طيب و كدا عرفتينى و لا لسة ؟
_صوتك مش غريب عليا حاسة أنى سمعته قبل كدا .
_صوتى طيب مش بيفكرك بحد ؟
_بيفكرنى بالغالى بس هو فين يا أبنى نفسي يرجع و أشوفه قبل ما صاحب الحق ياخد وديعته .
_بعد الشر عنك يا أمى ، يارب يومى قبل يومك .
_بعد الشر عنك يا أبنى بس انت برضو ما قولتليش انت مين ؟
نغم و إياد طلعوا مع وليد و شافوا الموقف ، قربت منها نغم وقعدت جنبها من الناحية التانية:
_ ده وليد يا ماما ، أبنك .
بصت لها غالية بدموع و رغم انها بتنسى كتير بس الحاجة الوحيدة اللى دايما فكراها هى نغم :
_أنتِ جيتى يا نغم ، طارق فين ما جاش معاكِ ليه ؟ وحشنى يا بنتى من ساعة ما مشي هو و أخوه ماحدش فيهم بيجى يزورنى خالص .
أتكلم إياد بشفقة عليها:
_بابا مسافر يا أنة سفر طويل مش هيرجع منه ، بس شوفى مين رجع ؟ عمو وليد أهو رجع و قاعد جنبك .
_انت بتضحك عليا يا أبن طارق و بتقلد صوت وليد علشان تيجى انت و أمك و تشوفونى ، لأنك عارف انى مش برضى اقابلك .
_و الله أبدا يا أنة بصى كدا فـ وشه و انتِ تتأكدى انه عمو وليد .
وليد بحزن ع حالها مسك إيدها و حطها ع وشه و باسها:
_انا وليد يا امى رجعت لك يا غالية و مش هسيبك تانى أبدا ، سامحينى غصب عني بعدت عنك و عن الدنيا كلها بس خلاص عرفت غلطى و توبت و أتمنى ربنا يقبل توبتى و يسامحنى .
بإيد بترتعش بتلمس وشه و دموعها سابقة كلامها:
_ وليد ، وحشتنى يا قلب امك كنت خايفة أموت لوحدى و انت و أخوك بعيد عنى سامحنى يا حبيبى ع كل اللى عملته فيكم يا أبنى .
وليد ضمها فـ حضنه و بدموع:
_ربنا يسامحنا كلنا يا غالية ع أخطاءنا و غلطنا فـ حق نغم و ولادها
خرجت من حضنه و بصت له:
_ولادك فين يا وليد جاى من غيرهم ليه يا حبيبى و لا هما برضو مش عايزين يشوفونى زى طارق .
أتنهد بوجع :
_مسافرين يا امى ، رغد سافرت مع طارق و احنا ان شاء الله اللى هنسافر لهم لما يأذن ربنا ، و شادى هبعت له يجيلك هو و شيرين .
_طيب يا أبنى ابعت لهم قولهم غالية تعبت لوحدها من غيركم
نغم بدموع :
_ان شاء الله يا غالية هيرجعوا و نتجمع كلنا تانى تحت جناحك زى زمان .
_انتى عايزة ترجعى تعيشى تانى معايا يا نغم بعد كل اللى عملته فيكِ انتِ و ولادك؟
_و انتِ كنتِ عملتِ ايه يعنى يا ماما ؟
_ياه يا نغم ده انا بهدلتك يا بنتى و حرمتك من ولادك سنين طويلة .
_و ربنا رضانى و رجعهم تانى فـ حضنى و نسيت كل حاجة من وقت ما شوفتهم قصاد عينى .
_ربنا كريم يا بنتى خلّص منى اللى عملته و حرمنى من ولادى الاتنين زى ما حرمتك من ولادك .
_ أنسي يا غالية اللى فات و زى ما قولت لـ وليد ربنا غفور رحيم ، إحنا ولاد النهاردة ، شدى حيلك انتِ بس علشان تحضرى فرح أسيل و تشرّفيها و تفرحى معاها
_أسيل هتتجوز ؟
إياد بحب:
_أيوا يا أنة أسيل خلاص فرحها بعد أسبوعين و مش هنعرف نفرح و حضرتك و عمى مش موجودين معانا
بصت له بحزن و أفتكرت طارق:
_ تعرف انك شبه أبوك الله يرحمه فـ كل حاجة حتى حنيته ، كان دايما حنين و بيسامح و ينسى الإساءة و أمك نغم زيه بتسامح و بتنسى .
نغم بسعادة :
_ايه رأيك يا ماما نرجع نعيش معاكِ هنا كلنا وأسيل تخرج عروسة من هنا؟
_ده يوم المنى يا نغم انكم ترجعوا تانى كلكم يا بنتى .
و فعلا بعد شوية وقت رجعت نغم و ولادها يعيشوا مع غالية و وليد اللى رجع تاني زى ما كان زمان و رجع شادى و شيرين من برة و كمان ردها لعصمته مرة تانية و اتلم شمل العيلة من بعد سنين فراق و حرمان بسبب نغم .
يوم الفرح و اللى صممت نغم يكون فـ الڤيلا علشان خاطر غالية تحضر فرح أسيل لانها بقت عاجزة عن الحركة ، إياد و شادى بيجهزوا الفيلا مع شركة تنظيم حفلات اتفق معاهم وليد ، نغم مع أسيل فـ اوضتها و معاها ميكب أرتست بتساعدها ، شيرين مع غالية بتراعيها تأكلها و تديلها علاجها و ابتدت صحتها تتحسن شوية بعد رجوع وليد و عيلته و ولاد طارق يعيشوا معاها مرة تانية ، خلصت التجهيزات ، أخر النهار وصل محسن الهلالى مع أولاده علشان يقفوا مع نغم فـ فرح بنتها ، وصل معتز مع أحمد و حياة و جدته سعاد و أخوات أحمد و كمان أخوات حياة حضروا الفرح ، وليد استقبل أحمد و عيلته و ضيوفهم بترحيب و سعادة ، و بعد شوية وصل المأذون و قبل كتب الكتاب أحمد طلب إيد أسيل من عمها و قرءوا الفاتحة و أخيرا معتز حط إيده فـ إيد وليد و أحمد و إياد شهود و بعد ما خلص المأذون وقال جملته ( بارك الله لكما و بارك عليكما و جمع بينكما فى خير) اتجنن معتز و ابتدا يتنطط و يغنى ، وبعد ما خلص غُنى شالها و لف بيها كتير و باس جبينها :
مبروك عليا وجودك فـ حياتى و فـ قلبى يا أسيلى .
أتكسفت أسيل و بصوت مبحوح :
_مبروك عليا انا يا ميزو ربنا مايحرمنيش منك يا حبيبى .
قرب إياد من أخته توأمه و بدموع بارك لها و غنى لها ، ومن كتر دموعه ماقدرش يكمل الأغنية لدرجة ، خلى كل الموجودين فى الفرحوا بكوا ع عياطه هو و أسيل ، و بعدها قرب هو و أسيل و معتز من نغم و غنوا لها هى كمان تعبيرا عن حبهم ليها و بعد ما خلّصوا الأغنية ، حضنوها و باسوا راسها و إيدها و من بين دموعها و فرحتها اتفاجئت بـ إياد و أسيل بيوطوا يبوسوا رجلها قصاد كل اللى موجودين فـ الفرح و بعدها وقفوا و بص ليها إياد:
لو اقدر أمحى من عمرك سنين دموعك و أوجاعك و أديكِ سنين عمرى تعويض مش هوفيكِ حقك يا أغلى نغم فـ حياتى .
نغم بدموع :
_انا عمرى كله فداكم و كل أوجاعى نسيتها من يوم ما رجعتولى و خلاص مابقاش فيه وجع و دموع تانى يا أجمل حاجة فـ حياتى .
مررتُ فى حياتى بـ محطات عديدة كلها أوجاع و آلام و دموع و ها أنا أصل أخيرا اللى محطتى الأخيرة التى لا طالما أنتظرتها كثيرا حيث أنتهت كل أوجاعى و كففت دموعى و غلّفت وجهى بـ أبتسامتى ..
تمت بحمد الله
