#البارت_الرابع
#نغم(#وجع_و_دموع)
أعوذ بالله من الشيطان الرجيم
إِنَّ الَّذِينَ يَأْكُلُونَ أَمْوَالَ الْيَتَامَىٰ ظُلْمًا إِنَّمَا يَأْكُلُونَ فِي بُطُونِهِمْ نَارًا ۖ وَسَيَصْلَوْنَ سَعِيرًا {النساء(10)}
اعلم أن الألم الذي تحيد عنه وتخشى منه، هو في أصله نعمة، لا يعلمها كثير من الناس، فهو يعلمك الصبر ويصقل نفسك، وينذرك بوجود علة في جسدك ويلزمك بأن تكون واقعياً فيجعلك تشعر بآلام الآخرين، وفوق هذا فهو يقربك من خالقك فتشعر بحاجتك الماسة إليه.
نغم بقلمى _____________لبنى دراز
فـ شقة طارق
بعد كتب الكتاب رجع طارق و نغم ع الشقة و معاهم حياة و أحمد و وليد
طارق:: بأبتسامة لـ نغم و حياة .. مافيش عشا عندكم و لا هتسيبونا كدا جعانين
نغم:: حاضر و بالفعل قامت هى و حياة دخلوا المطبخ يجهزوا العشا
وليد:: بضحك .. عشا ايه بس يا عريس مش كفاية طلعتنا معاك .. ايييه خايف العروسة تخـ ـطـ ـفك و محتاج حماية و لا ايه ههههههههههه
طارق:: هههههههههههه لأ و حياتك انا خايف منكم انتوا عشان كدا قولت أعشيكم
أحمد:: قولتلى بقى يعنى انت بتسكتنا بالأكل .. اللى هو أطعم الفم تستحي العين مش كدا يا طارق
طارق:: بالظبط كدا يا حبيبى
وليد:: ماكانش العشم يا طاروقة .. و لـ أحمد قوم بينا يابنى نمشي
أحمد:: لااااااااااا انا بايت هنا مش ماشى
طارق:: بصدمة .. نعم !!
أحمد::بتأكيد .. زى ماسمعت كدا انا مش ماشى من هنا غير ما أرسى ع بر مع بنت أبو ضيف
وليد:: اممممم طيب ما تاخدها و تخرجوا واتكلم معاها براحتك برة
طارق:: لـ أحمد بعد العشا ادخلوا فـ البلكونة و اتكلموا سوا و لـ وليد ماينفعش يخرج معاها لوحدهم اصل انا عارفه مش هيبطل معاكسة فـ اللى رايحة و اللى جاية و حياة هتديله ع دماغه وتسيبه و تمشي
أحمد:: لـ طارق انت صح ماينفعش اول مرة نتكلم فيها سوا نبقى فـ مكان عام
وليد:: لـ أحمد يابنى لو بتحبها بجد مش هتشوف غيرها حتى لو انت الراجل الوحيد اللى فـ المكان و كل اللى حواليك أحلى منها
أحمد:: يا وليد باشا انا عارف نفسى ده غير هى مش هتوافق أصلا تنزل معايا
طارق:: بتأكيد .. فعلا مش هتوافق خصوصا ان سمعتك سابقاك عندها يا ضنايا ههههههههههههههه
نغم:: خرجت من المطبخ .. دكتور طارق العشا جاهز
طارق:: بضحك .. انتى برضوا مش هتبطلى تقولى يا دكتور .. يا حبيبتى انا خلاص بقيت جوزك
نغم:: بخجل .. اتفضلوا العشا جاهز و لسة هتدخل المطبخ تقعد مع حياة
طارق:: مسك إيدها و هى ماشية .. نغم أقعدى اتعشى معانا
نغم:: بصوت مبحوح .. أحم هقعد مع حياة جوة
أحمد:: بمرح .. لاااااا انتى تقعدى مع جوزك هنا و انا هقعد مع حياتى جوة
طارق:: بحب لـ نغم أقعدى جنبى هنا و نده .. حياااااة
حياة:: نعم يا دكتور و بغيظ بتبص لـ أحمد .. خييير
طارق:: تعالى أقعدى معانا يلا عشان نتعشى
حياة:: لأ مش عايزة لما تمشوا قصدى لما يمشى دكتور فرقع لوز ده يووووه بقى مش عايزة أكل و خلاص
أحمد:: بمعاكسة و أهون عليكى يا قمر أنام من غير عشى
حياة:: برفعة حاجب .. و أنا مالى هو انا منعتك تاكل
أحمد:: ما هو انتى لو ما قعدتيش تاكلى مش هاكل انا كمان يرضيكى يعنى أنام جعان
حياة:: بغيظ .. ما ان شالله ما عنك أكلت هو انا وليّة أمرك
طارق:: حياااااة
حياة:: نعم
طارق:: بجدية .. أقعدى أتعشى معانا يلا
حياة:: بنرفزة .. يووووه بقى حاضر اترزعت أهو
وليد:: بضحك ههههههههههههه لـ أحمد واضح فعلا ان سمعتك سابقاك و مشوارك طويل يا أبو حميد
أحمد:: بثقة .. و غلاوتك يا ليدو لا تيجى تشهد ع جوازى بنفسك .. و بكرة أفكرك
بالفعل قعدوا مع بعض كلهم اتعشوا سوا و الوقت كان كله ضحك ع أحمد و حياة و تصرفاتهم الطفولية اللى بيعملوها و بعد العشى أستأذن وليد و مشى و طارق قال لـ حياة أن أحمد عايزها فـ موضوع و هيتكلموا فـ البلكونة و هو و نغم هيقعدوا قريب منهم لغاية ما يخلصوا كلام و فعلا دخلت حياة و أحمد البلكونة
حياة:: بغيظ .. خييير عايز تقول ايه
أحمد:: بجدية .. ممكن تقعدى و تبطلى عصبية شوية
حياة:: قعدت بضيق .. أدينى
قعدت خير
أحمد:: ممكن أعرف انتى
متضايقة ليه دلوقتي ؟؟
حياة:: بزهق .. أنجز و لخص أنا بنام بدرى
أحمد:: بغيظ منها .. لأ بقولك أيه أفردى وشك ده عشان أعرف أتكلم لأنى من الأخر مش ماشى من هنا غير ما أخلص كلامى
حياة:: أبتسمت بغيظ .. أهو أدينى فردت وشى أخلص فـ ليلتك دى و قول عايز ايه
أحمد:: بذهول من منظرها .. هو انتى كدا بشكلك ده تبقى فردتى وشك !!!
حياة:: و هى بتقف عشان تمشى .. يووووه بقى هتخلص و تتكلم و لا أغور أنام
أحمد:: وقف و مسك إيدها .. حياة انا بحبك و عايز اتجوزك قولتى ايه
حياة:: قعدت بتوهان مكانها .. هااا
أحمد:: قعد قصادها و بيشاور بإيده الاتنين .. هيييي روحتى فين ؟
حياة:: بصت له .. هو انت قولت ايه
أحمد:: قولت بحبك و عايز اتجوزك قولتى ايه
حياة:: بس أنت ما تعرفش عنى حاجة و انا كمان معرفش عنك حاجة
أحمد:: بحب .. بصى يا حياة انا مش هقولك ان مش مهم أعرف عنك و تعرفى عنى لأ ده مهم و مهم جدا كمان .. بس الأهم أنى أعرف أنتى فعلا بتحبينى زى ما بحبك و لا لأ و الباقى ييجى بعدين
حياة:: بخجل و صوت واطى .. انا مش هنكر أنى اتشديت ليك و فجأة بنرفزة بس تصرفاتك المستفزة و معاكستك للبنات بتخلينى أغير رأيى فيك
أحمد:: بأبتسامة .. أوعدك أحاول أبطل معاكسة
حياة:: بجد هتبطل معاكسة فـ البنات
أحمد:: بضحك أنا قولت هحاول لكن ما قولتش هبطل هههههههههههه
حياة:: قامت بغيظ و خبطته برجلها فـ رجله .. يبقى ما أعطلكش يا أستاذ و سابته وخرجت من البلكونة
أحمد:: اه يا رجلى و بهمس يـ ـخر بيت غبائك و قام وراها .. أستني بس يا مجنونة طب أسمعينى
حياة:: وقفت فـ نص الصالة و حطت إيدها فـ وسطها .. ما أهو اسمع بقى يا أخ انت يا تبطل حركاتك اللى بتعملها و تبطل معاكسة فـ البنات يا بالسلامة يا شربات و ماعندناش بنات للجواز قولت ايييييه
طارق:: بضحك من شكلهم .. أيوا كدا يا حياة ربيه و علميه الأدب هههههههههههه
أحمد:: بغيظ لـ طارق .. ما تخليك محضر خير يا جدع انت و خليك فـ عروستك و أسكت
طارق:: طيب ما تخلى عندك دم أنت و أتكل ع الله عايزين ننام
أحمد:: قعد ع كنبة الليڤنج .. و أنا قولت مش ماشى غير ما أرسى ع بر مع حياة و لـ حياة أخلصى و قولى انك موافقة تتجوزينى ده لو عايزينى أمشى
حياة:: برفعة حاجب .. يعنى لو قولت موافقة اتجوزك هتمشى ؟؟
أحمد:: أه همشى
حياة:: طب أمشى يلا
أحمد:: افهم من كدا أنك موافقة صح
حياة:: مسكت إيد أحمد و راحت ناحية باب الشقة و فتحته
أحمد:: ماسك إيدها و مبسوط بس مش فاهم هى بتعمل إيه
حياة:: فتحت الباب و خرّجت أحمد برة الشقة و قفلت الباب وراه .. وقالت أبقى قابلنى قال موافقة قال لما تتربى ان شاء الله و تبطل تبصبص للبنات يا مبصبصاتى يا فرقع لوز انت
أحمد:: بغيظ بقى كدا يا حياة .. طاااايب و ربنا ما حد هيتجوزك غيرى و هبطل أعاكس فـ البنات بالعِند فيكى بس ها
حياة:: و انا بمووووووت فـ العِند و عايزاك تعاندنى و تبطل و انا ساعتها اللى هجيب المأذون و أجيلك بنفسى لغاية عندك .. بس أتلم انت الاول و بطل معاكسة يا بتاع البنات انت
طارق:: ضحك بصوته كله هههههههههههههههههه انا و ربنا ما شوفت أجن منكم هتبقوا كابل يجنن
نغم:: بأبتسامة .. أتنين مجانين فعلا ربنا يهديهم
طارق:: بأستأذان .. ممكن ندخل اوضتك نتكلم شوية
نغم:: بتوتر .. ممكن
و أستأذنوا فعلا من حياة و دخلوا اوضة نغم اللى كانت بالصدفة هى نفس الاوضة اللى بيرتاح فيها طارق
طارق:: بأستغراب .. هى دى أوضتك ؟
نغم:: أه لما جينا اول مرة هنا و اتفرجنا ع الشقة أخترت الأوضة دى حسيت فيها راحة غريبة مش عارفة ليه
طارق:: بتأكيد .. فعلا الأوضة دى مريحة جدا
نغم:: بس حضرتك بتسأل ليه
طارق:: لأنها أوضتى و بحبها جدا و مش برتاح غير فيها و أستغربت أنك كمان ما ارتحتيش غير فيها
نغم:: بأعتذار .. أسفة لـ حضرتك ماكنتش أعرف انها أوضتك .. أنا ممكن أسيبها و أروح مع حياة فـ الاوضة التانية
طارق:: مسك إيدها أقعدى يا نغم عايز اتكلم معاكى شوية
نغم:: بتوتر .. قعدت ع الكنبة و ساكتة
مستنية تسمع هيقول ايه
طارق:: قعد قصادها ع الكنبة .. بصى يا نغم انتى عارفة طبعا ظروف جوازنا شكلها ايه و كانت عاملة ازاى
نغم:: بحزن .. أنا عارفة أن حضرتك اضطريت تتجوزنى بعد ما قولت لـ أبن عمى انك جوزى
طارق:: اولا بلاش حضرتك دى و كلمينى عادى زى ما بكلمك و بهزار .. يا ستى أعتبرينى زى جوزك برضوا
نغم:: بأبتسامة اللى تشوفه حضرتك
طارق:: برضوا حضرتك ماشى يا نغم براحتك .. المهم انا عارف انك قلقانة و متوترة من فكرة الجواز .. انا مش عايزك تقلقى من حاجة ابدا انتى هتفضلى مراتى و فـ حمايتى لغاية ما تخلصى دراستك طبعا ده لو انتى حابة انما لو مش عايزة تكملى ممكن بعد ما تخلص مشكلتك مع عمك تاخدى حريتك و فـ الحالتين انا هكتبلك الشقة بأسمك عشان ما تحتاجيش لـ حد و أعتبريها مهرك
نغم:: ممكن أسأل حضرتك سؤال
طارق:: طبعا ممكن اتفضلى
نغم:: حضرتك بتعمل معايا كدا ليه الاول قولت انى مراتك و بعدين أتجوزتنى و دلوقتى عايز تكتبلى الشقة بأسمى ليه كل ده
طارق:: امممممم كل ده سؤال .. و بتنهيدة شوفى يا نغم انا مش عارف هتصدقينى و لا لأ .. بس حقيقى انا نفسى مش عارف عملت كدا ليه .. جايز الموقف اللى حصل من أبن عمك و أنهيارك و أحساسك أنك وحيدة حسيت انى كان لازم اتدخل و أمنعه ياخدك بالطريقة دى
نغم:: أيوا يا دكتور بس حضرتك كدا اتورطت فـ مشاكل انت فـ غنى عنها
طارق:: بأبتسامة صافية .. ع فكرة أسمى طارق و الله .. قولى ورايا كدا طااارق
نغم:: بتحاول تقول أسمه ..طـ أحم طا
طارق:: ها هيجى أهو قوليه خـ ـطـ ـف ع طول طارق
نغم:: بتوتر .. احم طـ طـ طارق
طارق:: شاطرة برافوا عليكى .. انا مش عايز بقى اسمع كلمة دكتور و حضرتك دى طول ما أحنا هنا تمام .. أحنا هنا زوج و زوجة و بس ماشى
نغم:: بقلق .. هو انت يعنى أحم
هتقعد هنا معانا أنا و حياة
طارق:: لأ يا نغم ما تقلقيش أنا مش هقعد هنا
نغم:: بتنهيدة راحة و بهمس سمعه طارق .. الحمدالله
طارق:: بأبتسامة .. انتوا اللى هتيجوا تعيشوا معانا فـ الڤيلا
نغم:: بصدمة .. نعم !! أنهى ڤيلا و معانا مين
طارق:: ڤيلا العامري معايا أنا و أمى و أخويا و مراته
نغم:: حضرتك عايزنى أروح
معاك الڤيلا
طارق:: أنتى مش مراتى ؟؟
نغم:: أه الورق بيقول كدا
طارق:: يبقى طبيعى تكونى معايا فـ بيتى و كمان فـ اوضتى
نغم:: نعم !! أوضتك !!
طارق:: بضحك .. جرا ايه يا بنتى كل شوية تتصدمى كدا ليه ههههههههههههههههه
نغم:: أيوا بس حضرتك هتقول لـ والدتك ايه
طارق:: هقولها زى ما قولت لـ وليد أنى بحبك و ماقدرش استغنى عنك عشان كدا اتجوزتك بسرعة
نغم:: يعنى حضرتك خبيت حقيقة جوازنا و ما قولتش لـ حد حاجة ؟؟
طارق:: سكت شوية و جواه .. أنا فعلا بحبك يا نغم و خوفى لا تضيعى منى هو اللى خلانى أعمل كدا
نغم:: دكتور طارق حضرتك سامعنى
طارق:: بتنهيدة .. أيوا سامعك يا نغم و أيوا ما قولتش لـ حد حقيقة جوازنا
نغم:: لسة بتتكلم حضـ…… قطع كلامها رنة موبايل طارق
طارق:: السلام عليكم ورحمة الله
غالية:: و عليكم السلام و رحمة الله .. أنت فين يا حبيبى قلقتنى عليك
طارق:: ماتقلقيش يا حبيبتى انا فـ شقتى
غالية:: طيب يا حبيبى هتبات عندك و لا هترجع الڤيلا
طارق:: لا يا حبيبتى هبات عندى و هرجع بكرة ان شاء الله
غالية:: ترجع بالسلامة يا حبيب ماما
طارق:: يسلم عمرك يا حبيبتى و بالفعل خلص مع أمه و قفل الخط و عينيه ع نغم و شافها أتوترت أكتر لما عرفت انه هيبات معاها .. ما تقلقيش يا نغم أنا هنام ع الكنبة و أنتى خليكى براحتك ع السرير
نغم:: لأ حضرتك خد راحتك فـ أوضتك و انا هروح أنام مع حياة تصبح ع خير
طارق:: جواه و انتى منى يا نغمى .. و لـ نغم مش همنعك انك تروحى تنامى مع حياة بس لازم تتعودى ع وجودى معاكى عشان لما تروحى الڤيلا مافيش غير اوضتى و بس ماشى
نغم:: و هى بتجرى برة الاوضة حاضر حاضر ان شاء الله
و بالفعل خرجت نغم راحت عند حياة و طارق قعد فـ اوضته سهران يفكر فيها و فـ اللى حصل لغاية ما غلبه النوم و هو قاعد مكانه
________________________
فـ ڤيلا محسن الهلالى
بعد مرور كام يوم
هتتجنن من نغم و مش عارفة تعمل ايه بالظبط و قررت تبعت نادر ع عنوانها فـ الحارة و أتصلت
منال::الوووو نادر
نادر:: الووو ماما خير
منال:: بعـ ـصـ ـبية .. مش خييير أبدا
نادر:: بهدوء .. مالك بس يا ماما فى ايه متعصبة ليه كدا
منال:: طبعا ما انتوا و لا ع بالكم خالص الكا ر ثة اللى احنا
فيها بسبب نغم
نادر:: ازاى يعنى يا أمى نغم السبب فـ اللى أحنا فيه
منال:: نااااااادر .. انت عارف كويس ان حل مشكلة الديون و عدم إشهار افلاسنا فـ إيد الهانم بنت عمك
نادر:: بنفاذ صبر .. و بنت عمى أتجوزت خلاص يا ماما و مابقاش ينفع اللى بتفكرى فيه ده ياريت تهدي بقى و هنحاول نحل المشكلة و نسدد جزء من الديون اللى علينا
منال:: بعـ ـصبـ ـية أكبر و زعيق .. أسسسسمع يا نادر انت لازم تروح للبت دى فـ الحارة اللى ساكنة فيها و تجيبها من شعرها و حتى لو كانت متجوزة تجبر الشملول اللى اتجوزته يطلقها انت فااااااهم
نادر:: بنرفزة .. إيه الكلام اللى بتقوليه ده يا ماما ماينفعش كدا .. خلاص فات آوانه الكلام ده
منال:: و أنا قولت هتعمل كدا يا نادر يعنى هتعمل كدا و الا انا همشى من البيت و ماحدش هيعرفلى طريق و لا أقولك انا هنـ ـتـ ـحر عشان ترتاحوا كلكم
نادر:: بخوف من تنفيذ تهـ ـد يدها .. حاضر حاضر يا ماما هعملك اللى انتى عايزاه بس أرجوكى أهدي عشان خاطرى
منال:: دلوقتي تسيب اللى فـ إيدك و تروح لها حالا .. و قفلت مع نادر و أتصلت بـ محسن .. الووو محسن
محسن:: الوو ازيك يا حبيبتى
عاملة ايه
منال:: زى الزفت بسبب بنت أخوك
يا محسن
محسن:: ليه بس يا منال احنا مش هنخلص بقى من الموضوع ده
منال:: بقولك ايه يا محسن ما تعصبنيش أكتر ما انا متعصبة
انت لازم تتصرف و تروح تتأكد ست نغم فعلا أتجوزت الدكتور
ده و لا لأ انت فاهم
محسن:: بنرفزة .. و أفرض أتأكدت يا منال و طلعت فعلا متجوزاه و مش بيكدبوا علينا هعمل ايه يعنى
منال:: بعـ ـصبـ ـية.. تطلب مهرها يا محسن اييييه هيتجوزها ببلاش ..
لازم ع الاقل يدفعلك نص الدين اللى عليك ده دكتور جامعة و أكيد معاه ع قلبه قد كدا
محسن:: ازاى بس يا منال مافيش دكتور جامعة هيبقى معاه المبلغ ده و حتى لو معاه ازاى انا اقوله يدفعلى المبلغ ده كله
منال:: بغـ ـضـ ـب .. محححححسن لو ما روحتش لـ جوز نغم الجامعة و طلبت منه مهرها نص ديونك هترجع البيت مش هتلاقينى انت فاااااهم و رحمة بابا هانـ تـ ـحر و أريحك مني
محسن:: بقلق .. أهدي بس يا حبيبتى حاضر أخلص بس الاجتماع اللى انا فيه مع مدير البنك و اروح حاضر
منال:: بعــصبـ ـية .. هو مدير البنك أهم من اللى أحنا فيه ده يا محسن
محسن:: يا حبيبتى بحاول أشوف حل لـ مشكلة الديون و نحاول نجدولها
منال:: اتصرف يا محسن و أعتذر منه حالا و قوم روح الجامعة لـ جوز الهانم و الا ورحمة بابا انت عارف هترجع مش هتلاقينى قولتلك
و بالفعل استأذن محسن من مدير البنك بعد مكالمة منال و نزل راح الجامعة عشان يقابل طارق فـ نفس الوقت نادر خاف من تهـ ـد يدها و راح فعلا الحارة و سأل عن نغم و عرف انها مشييت راحت تعيش مع جوزها فـ ڤيلا بس ما يعرفوش عنوانها فين و رجع بلغ منال باللى عرفه من جيران نغم
_________________________
فـ الجامعة
راح محسن فعلا و سأل عن طارق و عرف انه موجود و طلب انه يقابله بالفعل وصله حارس الأمن لـ مكتب طارق و خبط ع الباب و استنى يسمع الأذن بالدخول
طارق:: سمع خبط ع باب مكتبه .. أدخل
محسن:: صباح الخير .. حضرتك دكتور طارق العامري
طارق:: أيوا يا فندم انا .. خير
محسن:: بنرفزة .. أنا محسن الهلالى اللى حضرتك ضحكت ع بنت أخوه و اتجوزتها من وراه
طارق:: بهدوء .. اه اهلا بحضرتك اتفضل استريح
محسن:: انا مش جاى اتفضل .. أنا جاى أعرف من حضرتك ازاى قدرت تضحك ع نغم و تتجوزها
من غير علم أهلها
طارق:: بغـ ـضـ ـب .. و كانوا فين أهلها لما خرجت من المدرسة بعد 10 سنين و مالاقيتش بيت أبوها و اتفاجئت انه اتباع .. كنت فين حضرتك و هى دايخة فـ الشوارع و الحوارى عشان تلاقى أربع حيطان يستروها من كـ ـلا ب السكك و يحموها من البرد و لا من الحر .. كنت فين سيادتك و هى بتقدم ورقها للجامعة و لا و هى بتشتغل عشان تصرف ع نفسها و تعرف تعيش و تكمل تعليمها بلااااااش كل ده كنت فين حضرتك لما مراتك و أبنك فرجوا عليها الجامعة و بهدلوها .. و لا انت ما أفتكرتش بنت أخوك غير دلوقتي بس
محسن:: أقدر أعرف لازمتها ايه المحاضرة الطويلة دى ؟؟
طارق:: انا مابقولش محاضرات يا محسن بيه انا بس حبيت أعرفك حقيقة كانت غايبة عنك مش أكتر
محسن:: انا هبلغ عنك هسجنك هوديك فـ دا هـ ـية
طارق:: ببرود .. بتهمة ايه؟
محسن:: جوازك من نغم باطل لانها قاصر و أكيد اتجوزتها من غير ولي
طارق:: بهدوء واضح جدا .. عادى لو تحب نكتب الكتاب مرة تانية و تكون وكيلها ماعنديش مشكلة
محسن:: ااااه قول كدا بقى .. يبقى انت مش متجوزها أصلا و بتكدب علينا
طارق:: بـ غـ ـضب أكبر .. محسن بييه لغاية كدا و كفاية انا مش هسمحلك تغلط أكتر من كدا .. لو تحب اتفضل
معايا ع بيتى نتكلم و تشوف قسيمة الجواز بنفسك .. و قولتلك لو عايز نكتب الكتاب مرة تانية ماعنديش مانع
محسن:: اه طبعا نكتب تانى بعد ما تدفع مهرها
طارق:: و انا تحت أمرك .. اتفضل معايا دلوقتي .. و بالفعل خرج طارق من مكتبه و معاه محسن راجعين الشقة عند نغم
______________________
فـ ڤيلا العامرى
قاعدة فـ الليڤنج مع وليد و شيرين و بتفكر ازاى تقنع طارق يتجوز العروسة اللى حاطة عينها عليها
غالية:: لـ وليد .. بقولك يا وليد يا حبيبي
وليد:: تحت أمرك يا حبيبتى أؤمرينى
غالية:: ما يؤمر عليك ظالم يا حبيبي .. كنت عايزة نعزم ماهر بيه الجندي و أسرته ع العشا بكرة ايه رأيك
وليد:: خير .. إيه المناسبة ؟
غالية:: عايزة طارق يشوف هايدى و يتعرفوا ع بعض يمكن يحصل قبول
شيرين:: امممممم البنت جميلة فعلا يا ماما و تستاهل بصراحة
وليد:: انتى برضوا يا أمى لسة بتفكرى فـ جواز طارق بالطريقة دى
غالية:: بعـ ـصبـ ـية .. و مالها بقى الطريقة دى يا استاذ وليد انت نفسك اتجوزت بيها و لا هتنكر
وليد:: يا حبيبتى مش هنكر انى اتجوزت بالطريقة دى و طلعت شيرين من نصيبى ربنا يخليهالى بس اللى نفع معايا مش شرط ينفع مع طارق
غالية:: قصدك ايه بقى يا سي وليد
وليد:: يا حبيبتى انتى عارفة ان طارق رافض فكرة جواز الصالونات ده سيبيه براحته
شيرين:: لـ وليد يعنى ايه تسيبه براحته .. يا حبيبي طارق مابقاش صغير و ماما نفسها تفرح بيه
غالية:: قوليله يا شيرين .. يا وليد يا حبيبي انا نفسى اشوف ولاد أخوك قبل ما أمـ ـو ت زى ما شوفت ولادك
وليد:: باس إيدها .. بعد الشر عنك يا أمى .. بس أفرضى طارق مرتبط و عنده حبيبة هتعملى ايه بقى وقتها
غالية:: هو عنده حبيبة يا وليد ؟؟ طيب ليه مش بيقول هى مين
و نروح نخطبهاله
وليد:: يا حبيبتى انا بقول أفرضى أفرضى عنده حبيبة .. انا رأيى نصبر شوية يا ست الكل و ما نستعجلش و لما يرجع طارق اتكلمى معاه الاول
غالية:: حاضر يا وليد نصبر شوية مافيش مشكلة بس أكيد مش هصبر كتير و انت لازم تتكلم معاه و تعرف منه عنده حبيبة و لا لأ
وليد:: من عينى حاضر يا حبيبتى أوعدك اول ما يرجع هكلمه ع طول فـ الموضوع ده .. و جواه ربنا يستر لما تعرف انه اتجوز من غير ما يقولها و كمان بنت فقيرة و يتيمة
___________________________
فـ شقة طارق
رجع شقته و معاه محسن و رن جرس الباب و فتحت
حياة:: و هى رايحة تفتح أيوا ياللى ع الباب متسربع ليه كدا حد قالك انى واقفالك ورا الباب
طارق:: بضحك .. أنتى يابنتى لسانك ده ع طول فالت كدا ههههههههههههه
حياة:: الله مش بناكل عيشنا يا دكتور
طارق:: الله يكون فـ عونك ياللى فـ بالى ههههههههههههه
حياة:: برفعة حاجب .. طب ليه السيرة النكد دى بقاااااا ما أحنا كنا حلوين
طارق:: ماشى يا لمضة .. نغم فين
حياة:: بغمزة .. قاعدة فـ اوضتها بتعد النجوم قصدى بتذاكر
طارق:: طيب يا فالحة انا داخل أشوفها وصلت لفين فـ العد و انتى أعملى عصير للضيف
حياة:: بأندهاش .. هو فين الضيـ و قطـ ـعت كلامها لما شافت عم نغم .. مسئ أفندى يوه قصدى عمو محسن و بضحكة بلاها ههههه أهلا أهلا نورت
طارق:: لـ محسن أتفضل البيت بيتك و أستأذنك أدخل ابلغ نغم
محسن:: بنرفزة .. اتفضل
حياة:: بزهق .. أتفضل يا عمو فـ الصالون .. حضرتك تحب تشرب ايه
محسن:: بجمود و لا حاجة شكرا
عند نغم
طارق:: خبط ع باب الاوضة و هو مفتوح .. ممكن أدخل ؟!
نغم:: كانت قاعدة ع المكتب فاتحة كتاب و شاردة فـ طارق و انتبهت ع صوته .. بأبتسامة اه طبعا اتفضل
طارق:: بنظرة حب .. كنتى سرحانة فـ إيه يا نغم
نغم:: هاااا لا ابدا مش سرحانة فـ حاجة انا كنت بذاكر
طارق:: قعد ع طرف المكتب قصادها و رفع لها وشها بأطراف صوابعه .. متأكدة ؟؟
نغم:: بخجل بتلف وشها و تدارى
نظرة عينيها .. أه متأكدة
طارق:: بأبتسامة .. طيب عينى فـ عينك كدا
نغم:: قامت بخجل من ورا المكتب .. هروح اعمل قهوة تحب أعمل لك معايا ؟
طارق:: نغم
نغم:: نعم
طارق:: عمك موجود برة
نغم:: بخوف .. عمى !! عرف طريقى منين أرجوك يا طارق ما تسبنيش ليه
عشان خاطرى ماتخليهوش ياخدنى
طارق:: ضمها فـ حضنه و نسى نفسه أهدي أهدي ماتخافيش كدا .. مستحيل ياخدك مني يا حبيبتى انا ما صدقت انك بقيتى مراتى و هعمل له كل اللى هو عايزه ما تقلقيش
نغم:: و هى فـ حضنه بدموع .. بجد يا طارق مش هتخليه ياخدنى منك
طارق:: خرجها من حضنه و بيمسحلها دموعها .. مستحيل ياخدك من هنا غير ع جـ ـثـ ـتى
نغم:: بعد الشر عنك ربنا يخليك ليا يارب
طارق:: بهدوء .. تعالى يلا نطلع نقابله سوا و نشوفه عايز ايه
و بالفعل خرجت نغم مع طارق عشان تقابل عمها
فـ الصالون
طارق:: بجدية .. لـ محسن أسف اتأخرت عليك
محسن:: بنرفزة ياريت نتكلم فـ المهم و نخلص من الموضوع ده
طارق:: قعد بكل هدوء و حط رجل ع رجل .. و انا تحت أمرك . طلباتك؟؟
محسن:: أشوف قسيمة جوازكم
و تدفع مهر نغم
طارق:: تحت أمرك و لـ نغم .. حبيبتى ممكن قسيمة الجواز من جوة لو سمحتى و لـ محسن حضرتك عايز مهر كام ؟
نغم:: راحت فعلا تجيب قسيمة الجواز و رجعت سمعت عمها
محسن:: مهرها 10 مليون جنيه
نغم:: بصدمة .. بتقول كام !!! انت اتجننت ؟! أكيد أنت مش فـ وعيك
محسن:: ضـ ـربها بالقلم .. أنتى تخرسى خالص يا فا جـ ـر ة
طارق:: بغـ ـضـ ـب .. لـ محسن إيدك لو أتمدت عليها تانى انا هكـ ـسر هالك انت فاهم؟!
نغم:: بأنهيار .. لـ محسن انننننت عايز مني اييييييه جاى وراااايااااااا لييييييه زعلااااان انى بقول انك اتجننت اه يا عمى انت اتجننت لما تفكر تطلب المبلغ ده كله مهر .. مش كفاااااية اللى اننننت عملته فياااا زماااان .. رمتنى فـ مدرسة داخلية و بيت أبويا بيعته و خدت فلوسه .. كماااان جاى تطلب مهرى و بكل بجااااحة بتطلب 10 مليون جنيه لييييييه .. هو انت فاكر ان طارق معاه المبلغ ده و حتى لو معاه تفتكر انى أساوى المبلغ ده حرااااااام علييييييك بقى كفااااااية لغاية كدا كفااااااااية
طارق:: ضمها بخوف عليها .. أهدي يا حبيبتى عشان خاطرى أرجوكى و لـ محسن أنت قد كدا انسان أنانى مابتفكرش غير فـ نفسك و بس
محسن:: بزعييق لـ طارق .. انا هبلغ عنك و أقول انك خا طـ ـفها و متجوزها من غير علمنا و من غير ولي
نغم:: بزعييق لـ عمها و مييين قالك ان طارق خا طـ ـفنى او انى متجوزة من غير ولي يا محسن بيه
محسن:: بنرفزة قصدك يا بنت مصطفى بكلامك ده
نغم:: بقوة .. قصدى انى جوازى من طارق صحيح و برضايا و عمى كامل قريب بابا الله يرحمه كان هو وكيلى و مهرى أخدته من اول يوم دخلت فيه البيت ده و ياريت بقى لغاية كدا و كفاية ابعدوا عنى و سيبونى فـ حالى و أنسونى زى ما كنتم ناسيينى قبل كدا
طارق:: بجمود لـ محسن أعتقد انت كدا أتأكدت من صحة جوازنا و برغم كدا كنت ناوى أكتب كتابى عليها مرة تانية عشان أكبرك قصاد الناس لكن بعد ما دخلت بيتى و أتهجمت ع مراتى انت ماتستاهلش أنى
أعملك قيمة وسط الناس .. ياريت تتفضل من غير مطرود و نصيحة ياريت تنسى خالص ان ليك بنت أخ اسمها نغم وتروح تشوف حد يسددلك ديونك بعيد عنها و لو بلغنى بس ان انت و مراتك او حد من ولادك اتعرضلها مش هقولك هعمل فيكم ايه
محسن:: سابهم و مشى من غير اى رد
بعد ما خرج محسن من الشقة نغم دخلت أوضتها من غير و لا كلمة
طارق:: بحزن .. لـ حياة ممكن تعملى عصير فريش لـ نغم
حياة:: بدموع .. حاضر يا دكتور
طارق:: و بعدين بقى يا حياة ده بدل ما تقفى جنبها انتى اللى بتعيطى
حياة:: أصل حضرتك ماتعرفش نغم اتوجعت منهم قد ايه و ياما كانت بتنام و دموعها ع خدها
طارق:: طيب يلا بطلى رغى و أدخلى أعملى العصير و هاتيه الاوضة و انا هدخل لها .. و هو رايح ناحية أوضة نغم سمع صوت حاجة بتقع .. طلع يجرى و شاف نغم واقعة مغمى عليها
و بخوف شالها حطها ع السرير و واخدها فـ حضنه بيحاول يفوقها نغم فووووقى أرجوكى فووووقى و نده حيااااااااة حيااااااااااااااااة
حياة:: جاية ع صوت طارق و هى ع باب الاوضة. أيوا يا دكتو…….. و بصريخ نغغغغمممم و بتخبطها ع وشها عشان تفوقها و مش بتفوق
طارق:: بخوف ظاهر .. لـ حياة بسرعة هاتى ازازة برفان اتحركى يلا
حياة:: جريت ع اوضتها جابت البرفان بتاعها و أديتها لـ طارق
طارق:: شد البرفان من حياة و فتحها و رش ع إيده و شممها لـ نغم و كرر المحاولة مرة و اتنين و بدأ يدلك لها مناخيرها لغاية ما فاقت
نغم:: أبتدت تفوق و بتعب مافيش غير دموعها نازلة و ساكتة
طارق:: شافها فاقت خباها فـ حضنه .. خوفتينى عليكى يا نغم رعبتينى بجد كنت همـ ـوت من الرعب .. أرجوكى تنسى و ما تخافيش من حاجة عشان خاطرى
حياة:: بمرح لـ نغم أسمعى أبت انتى إدينى عنوان مسئ أفندى ده و أنا أروحله بيته و أعملهملك كلهم كباب حلة و أبيع منهم بالكيلو يا قمر
طارق:: بأبتسامة و باين عليه القلق .. لـ نغم البت حياة شكلها بتحب الأكل أوى هتعمل عمك و ولاده كباب حلة و كمان هتبيع منهم بالكيلو
حياة:: بتفكير 🤔 اممممم و بعدين هزت دماغها تؤتؤ ينفعش نبيعهم يا نغم .. الناس تـ ـمو ت يابنتى لو كلوهم من كتر السم اللى جواهم .. أقولك أحنا هنرميهم لـ الـ ـكـ ـلا ب
نغم:: أبتسمت من طريقة حياة و بتعب .. عندك حق يا حياة السم اللى جواهم ما شوفتش زيه فـ حياتى
طارق:: بحب .. لـ نغم ممكن تهدي و ما تفكريش فـ أى حاجة طول ما انا جنبك و لو حد منهم فكر بس مجرد تفكير انه يقربلك هيلاقينى واقف له
نغم:: أنا مش عارفة أشكر حضرتك ازاى يا دكتور
طارق:: مافيش داعى للشكر يا نغم .. انتى فـ حماية ربنا ثم حمايتى و انا تحت أمرك أى وقت .. و يلا بقى أسيبك ترتاحى و هروح الشركة شوية
و هرجع أخدك و نخرج نتعشى برة و تغيرى جو اوك ؟!
نغم:: بتهز دماغها بالموافقة .. حاضر
و بالفعل خرج طارق من اوضة نغم و سابها ترتاح شوية و مشى راح الشركة
__________________________
فـ ڤيلا محسن الهلالى
رجع بعد ما قابل طارق و نغم و هو مش عارف يعمل أيه بعد ما راح أخر أمل ليه فـ تسديد ديونه و استقبلته
منال:: أتأخرت كدا ليه يا محسن
محسن:: بتعب .. بلف أشوف حل للمشكلة اللى أحنا فيها دى
منال:: بعـ ـصبـ ـية .. أنت ما روحتش لـ البيه اللى اتجوز بنت أخوك ليه
محسن:: روحت طبعا
سامى::بأستفسار .. و قالك ايه يا بابا
محسن:: أدانى محاضرة طويلة فـ كنت فين طول السنين اللى فاتت و إيه فكرنى بنغم دلوقتي و عايزة منها ايه
منال:: بزعيق .. ماقولتلهوش لييييه ان نغم بنتنا و هو مالوش دعوة باللى بيننا و بينها
نادر:: ازاى يعنى يا ماما مالوش دعوة دى مراته و أكيد من حقه يسأل
منال:: بنرفزة .. مراته ازااااى انتوا هتجننونى هو ينفع بنت قاصر تجوز نفسها هما هيكدبوا الكدبة و يصدقوها
محسن:: بتأكيد .. مراته يا منال و جوازهم صحيح و كمان طلع مديلها مهرها
نادر:: حضرتك أتأكدت يا بابا
محسن:: أيوا يا نادر شوفت قسيمة الجواز
منال:: أكيد القسيمة دى مزورة
محسن:: لأ يا منال القسيمة سليمة 100%
منال:: بزعيق .. انت هتجننى يا محسن القسيمة سليمة ازاى و انت ماكتبتش كتابها
محسن:: نغم أتصلت بـ كامل أبن عمى كان هو وكيلها و هو اللى جوزها
سامى:: بأندهاش .. عمى كامل !! و هى نغم تعرفه منين يا بابا
نادر:: لـ محسن .. سامى عنده حق يا بابا نغم تعرف عمى كامل منين ؟؟ ده انا نفسى مش فاكره
محسن:: بتوضيح .. لما شوفت اسمه فـ القسيمة ما صدقتش غير لما قالت نغم اسمه و لما طلبت مهرها زى ما اتفقنا هى قالت انها خدت مهرها من اول ما دخلت بيته و عشان أتأكد روحت فعلا لـ كامل و سألته و عرفت انه كان بيغيب و يروح يسأل عليها أيام ما كانت فـ المدرسة و من بعد ما خرجت ما يعرفش عنها حاجة غير لما اتصلت بيه عشان كتب كتابها و بعدها عرف ان جوزها كتبلها الشقة اللى قاعدة فيها بأسمها و قدمهالها مهر
منال:: بعـ ـصـ ـبية و غـ ـضـ ـب .. يعنى ايييييه خلااااااااص مافيش حل خلااااااص هنعلن أفلاسنا و هيتحجز علينا خلااااااااص منال الدغيدى بعد العمر ده هتترمى فـ الشاااااارع
نادر:: بقلق .. أهدي يا ماما لو سمحتى أكيد ليها حل بس أرجوكى أهدي
منال:: بزعيق .. ماحدش يقوووولى أهدي انتوا فاااهميييين خلااااااص كل حاجة راااااحت
_________________________
فـ الشركة
وصل طارق الشركة و دخل ع مكتب وليد ع طول قابلته
وفاء:: بمياصة .. حمد الله ع السلامة يا دكتور نورت الشركة
طارق:: ببرود .. ابعتيلى قهوتى مع عم جابر و سابها و دخل عند وليد .. مساء الخير يا باشا
وليد:: أهلا يا عريس .. أيه يا عم من يوم كتب كتابك ماشوفتكش
طارق:: ليه يا ابنى ما انا كل يوم فـ الڤيلا
وليد:: بغمزة .. لحقت زهقت من العروسة و لا ايه
طارق:: بشرود .. نغم ما يتشبعش منها مهما قعدت العمر كله جنبها .. بس انت عارف بقى يا ليدو الست غالية لسة ماتعرفش
وليد:: أبن حلاااااال فكرتنى بمناسبة غالية .. جايبالك عروسة
طارق:: نعم !! هى مين دى اللى …. وقطع كلامه دخول وفاء بالقهوة
وفاء:: بـ هيام .. القهوة يا دكتور
طارق:: بغيظ .. هو انا مش قولت أبعتيها مع عم جابر
وفاء:: اصل لاقيت عم جابر مشغول قولت أجيبها بنفسى لحضرتك
طارق:: حطيها عندك و اتفضلى ع مكتبك و بعد كدا عم جابر هو اللى يجيب القهوة بنفسه مش انتى .. مفهوم
وفاء:: تحت أمر حضرتك يا دكتور .. وخرجت فعلا رجعت مكتبها
طارق:: بتنهيدة .. اووووف بنت مستفزة و لـ وليد مستحملها ازاى دى
وليد:: بضحك .. مابتعملش كدا غير معاك انت بس
طارق:: اعوذ بالله يا أخى انا بجد بكره أجى هنا بسببها .. المهم ما قولتليش مالها غالية
وليد:: غالية ناوية تعلن عليك الـ حـ ـرب يا دكتور
طارق:: و ده ليه بقى
وليد:: قررت تجوزك و مش بس كدا دى اختارت العروسة كمان
طارق:: بتريقة .. ده بجد و مين بقى سعيدة الحظ دى
وليد:: هايدى الجندى
طارق:: اوووه بنت سيادة السفير ماهر الجندى جارنا العزيز
وليد:: هو بعينه
طارق:: اممممممم شكل غوغو مش هتجيبها لبر فعلا
وليد:: انا بصراحة حاولت ع قد ما أقدر أمنع الزيارة دى و الباقى عليك انت بقى
طارق:: بعدم فهم .. مش فاهم تمنع الزيارة دى ازاى
وليد:: أسمع يا سيدى ماما كانت عايزة تعزمهم ع العشى و ……. و حكى كل الحوار اللى حصل بينه و بين غالية و شيرين .. بس يا طاروقة
ده كل اللى حصل
طارق:: امممممم يعنى ماما عايزة تعرف انا عندى حبيبة و لا لأ
وليد:: حصل
طارق:: و عايزاك تعرف مني عشان تروح تخطبهالى
وليد:: أيون
طارق:: خلاص قولها أنى بحب أحلى و أجمل نغم فـ حياتى و فـ الوقت المناسب هعرفكم عليها
وليد:: بالبساطة دى
طارق:: بأبتسامة .. و نعقدها ليييه ماما عايزة تعرف انا بحب و مرتبط و لا لأ و انا فعلا بحب مراتى جدا يبقى نقولها فين المشكلة
وليد:: بجدية .. طارق فوووق انت عارف ماما لو عرفت انك متجوز مش هتسكت
طارق:: و مين قالك يا ليدو يا حبيبي أنها هتعرف انى متجوز
وليد:: برفعة حاجب .. اومال هتقولها ايه بسلامتك
طارق:: و لا أى حاجة كل اللى حضرتك هتقوله انك فعلا كلمتنى و عرفت انى بحب بنت طالبة عندى و ماقدرش استغنى عنها و لغاية ما يجى الوقت المناسب هعرفكم عليها بس كدا
وليد:: و أمتى بقى الوقت المناسب ده
ان شاء الله
طارق:: بعد ما تخلص نغم السنة دى ان شاء الله هجيبها الڤيلا تعيش معانا
وليد:: بقلق .. ربنا يستر
طارق:: خليها ع ربنا و ما تقلقش
وليد:: ونعم بالله .. المهم خلينا فـ الشغل بقى شوية
طارق:: خير ايه الجديد
وليد:: اتفضل يا سيدى شوف الملف ده و راجعه براحتك و لما تخلصه أمضيه و هاته
طارق:: فيه ايه الملف ده
وليد:: دى اوراق الشحنة الجديدة .. اللى هنستوردها من ألمانيا
طارق:: و هو بيمضى ع الاوراق .. بقولك ايه يا باشا أدى أمضتى أهى و اتعامل انت بمعرفتك
وليد:: يا أبنى هو انت مش شريكى بالنص شيل معايا شوية بقى
طارق:: يا ليدو يا حبيبي انا راجل مهندس مدنى مابفهمش غير فـ الرمل و الزلط و الاسمنت اما العربيات و المواتير و الكلام ده مش مجالى
وليد:: نفس الكلام اللى بيتقال كل مرة .. يا طارق ده حقك انت لازم تعرف فلوسك بتروح فين و تيجى منين
طارق:: و هرجع أرد عليك نفس الرد انت أكيد مش هتاكل حقى يا وليد
وليد:: تمام اللى يريحك يا طارق انا هخلص كالعادة كل حاجة و انت وقت استلام الشحنة تكون موجود في الميناء
طارق:: و هو بيقف عشان يمشى .. خلاص أوك يلا سلام
وليد:: ع فين بدرى كدا
طارق:: رايح لـ نغم .. باى
و بالفعل خرج طارق من عند وليد و خرج من الشركة كلها و ركب عربيته راح المول اشترى فستان سواريه بكل أحتياجاته لـ نغم و طار راح عندها
نغم بقلمى_______________لبنى دراز
حياة:: عاجبك الـ ـفـ ـضا يح اللى أنت عملتها دى
أحمد::……..؟؟
يتبـــــــــع
البارت_الخامس
نغم(#وجعودموع)
احياناً يغلق الله سبحانه وتعالى أمامنا باباً لكي يفتح لنا باباً آخر أفضل منه، ولكن معظم الناس يضيع تركيزه و وقته وطاقته في النظر إلى الباب الذي أغلق، بدلاً من باب الأمل الذي أنفتح أمامه على مصراعيه.
نغم بقلمى__لبنى دراز
فـ العربية
بعد ما خرج طارق من الشركة و ركب عربيته رايح لـ نغم رن موبايله و كان
أحمد:: الووو انت فين يا أخ انت
طارق:: انا راجع من الشركة خير
أحمد:: انت يا أبنى انت مش كان عندك محاضرات النهاردة
طارق:: أيوا كان عندى يا أحمد و اعتذرت عنها و مشيت بدرى
أحمد:: إيه اللى حصل عشان تعتذر
طارق:: عادى يا أحمد ما كانش عندى مزاج أدخل المحاضرة
أحمد:: اممممم شكلك واقع م الدور العاشر يا صاحبى زيى
طارق:: و حياتك واقع م العشرين كمان و نزلت ع جدور رقبتى
أحمد:: بمرح .. طب ايه ؟؟
طارق:: إيه .. أيه دى
أحمد:: هنشوف طارق صغنن قريب يعنى و لا ايه
طارق:: بنرفزة مصطنعة .. اقفل يا زفت انت المكالمة احسنلك
أحمد:: خلاص يا عم النرفوز أهدى بس و قولى هنشوف النونو امتـ …… تيت تيت تيت
طارق:: قفل فـ وش أحمد المكالمة .. و لـ نفسه أمتى يا طارق هتقدر تقولها انك بتحبها و عايزها مراتك قولا و فعلا مش مجرد جواز ع ورق اااااه يا نغم أمتى بس
عند أحمد
أحمد:: قفل فـ وشى الجبان طااااايب يا طارق و اتصل مرة تانية عليه
نرجع لـ طارق
طارق:: سمع رنة موبايله و فتح و بضحك هو انا مش قفلت فـ وشك بترن تانى ليه يا بارد
أحمد:: بنرفزة و انت بتقفل فـ وشى ليه ها بتقفل فـ وشى لييييه
طارق:: يا بنى أدم انا سايق أعملك ايه يعنى
أحمد:: اه عارف انك سايق الهبل و مطنشنى فـ موضوع حياة .. مبسوط انت مع صاحبتها و أو لـ ـع انا مش كدا
طارق:: و انا مالى بـ حياة هو أنا ولي أمرها .. أتربى انت و بطل حركاتك الز بالة اللى بتعملها دى و هى توافق
أحمد:: ده أخر كلام عندك
طارق:: أيوا
أحمد:: طب و ربنا لا اقفل فـ وشك زى ما قفلت فـ وشى و قفل بالفعل المكالمة
طارق:: ههههههههههههه مجنون و ربنا
و بالفعل وصل عند العمارة اللى فيها شقته و ركن عربيته و طلع عند نغم عشان يطمن عليها و ياخدها و يتعشوا برة
فـ شقة طارق
طلع و رن جرس الباب و مستنى حد يفتح و شوية
نغم:: سمعت الجرس و راحت تفتح شافت طارق .. بأبتسامة أتفضل
طارق:: بادلها الابتسامة .. عاملة ايه دلوقتي
نغم:: بتنهيدة وجع .. الحمدلله ع كل حال
طارق:: دخل و قعد فـ الليڤنج .. و مد إيده لـ نغم بالشنطة اللى فيها الفستان .. أتفضلى أتمنى زوقى يعجبك
نغم:: بخجل .. ايه ده
طارق:: ده حاجة بسيطة تسمحى بقى تدخلى تلبسيه و تيجى
نغم:: حاضر .. و بالفعل دخلت نغم عشان تغير هدومها و قبل ما تدخل اوضتها عدت ع حياة و خبطت
حياة:: أدخلى ياختى مش عارفة ايه النظام الجديد ده
نغم:: وهى بتدخل اوضة حياة .. مش عاجبك يعنى يا بلوة انى بخبط عليكى طيب انا غلطانة انا ماشية تانى و بتلف عشان تخرج من الاوضة
حياة:: أستنى يا بت انتى كنتى جاية ليه و ايه اللى فـ إيدك ده
نغم:: بتوتر .. طارق برة يا حياة
حياة:: حست بتوترها .. و مالك متوترة ليه كدا هى دى اول مرة ييجى
نغم:: مش اول مرة .. بس جاى و جابلى الشنطة دى و قالى ألبس اللى فيها
حياة:: اممممم و فيها ايه الشنطة دى
نغم:: مش عارفة يا حياة
حياة:: بغيظ .. طيب ما تفتحيها يا اللى تنشكى شوفى فيها ايه
نغم:: بتفتح الشنطة شافت فستان سواريه أسود نازل صك بأكمام شيفون أبيض و حزام وسط أبيض و شنطة و جزمة بيضا
حياة:: بأنبهار .. واااااااو ايه الجمال ده زوقه تحفة
نغم:: بذهول .. مش ممكن الفستان يجنن يا حياة
حياة:: أجرى بسرعة يا نغم ألبسيه
نغم:: راحت بالفعل اوضتها دخلت التواليت أخدت شاور و خرجت لبست الفستان اللى كان مظبوط عليها جدا و عملت شعرها مع لمسات خفيفة من الميك أب و طلعت
حياة:: قابلتها و هى خارجة .. بذهول يالحححوى ايه الجمال ده
نغم:: بقلق .. بجد يا حياة
حياة:: بدد و داديد بصوت هدرس .. ده انتى لوحتينى يا شيخة و جواها ربنا يكون فـ عونك يا طارق .. و لـ نغم أخرجى بقى عشان ماتتأخريش عليه
نغم:: انا خايفة أوى و قلقانة يا حياة
حياة:: بغيظ .. أطلعى يا نغم ما تعليش عليا الضغط انتى طالعة لـ جوزك مش حد غريب يلا
بالفعل نغم خرجت لـ طارق فـ الليڤنج
طارق:: شافها وقف و تنح مكانه من جمالها و مش عارف ينطق
نغم:: بخجل و عينيها فـ الأرض .. شكرا
طارق:: عينيه عليها مش قادر يرفعها .. لما شوفت الفستان شوفتك فيه و تخيلته عليكى .. بس ما توقعتش انه هيبقى بالجمال ده
نغم:: بخجل ..بس حضرتك كلفت نفسك الفستان شكله غالى أوى
طارق:: بحب .. الغالى يرخص لاجل عيونك يا نغم و أرجوكى أخر مرة تقولى كلمة حضرتك دى
نغم:: حاضر
طارق:: مد إيده ليها .. يلا بينا ؟
نغم:: هنروح فين ؟
طارق:: انا مش قولتلك عازمك ع العشا .. يلا بينا عشان نلحق السهرة من اولها
و بالفعل نزلت نغم مع طارق و عند العربية فتحلها الباب و ركبت جنبه و لف ركب هو كمان و مشي لغاية ما وصل عند مول كبير و نزل و قال لـ نغم تنزل
نغم:: بتوتر .. احنا وصلنا ؟
طارق:: وهو بيفتح لها باب العربية عشان تنزل .. هز دماغه بأبتسامة تؤتؤ لسة بس هنشترى حاجة من هنا الأول
نغم:: نزلت من العربية و شافت طارق مادد لها إيده مدت أيدها هى كمان وساكتة بس جواها اول مرة تحس بالأمان اللى كانت محرومة منه معقول ايه الراحة دى و الدفى ده يااااااااه قد ايه انا كنت مفتقدة كل ده
طارق:: عينيه عليها و هى واقفة ساكتة .. نغم . نغغغمم ايه روحتى فين
نغم:: فاقت من شرودها .. ها كنت بتقول حاجة
طارق:: بقول يلا نمشى .. و بالفعل مشيّت معاه لغاية ما وصل عند محل مجوهرات .. يلا أدخلى
نغم:: بصت له و بتشاور ع المحل .. هنا؟
طارق:: اه هندخل هنا مستغربة ليه .. يلا أدخلى
نغم:: حاضر
طارق:: دخل المحل .. مساء الخير يا اشرف
أشرف صاحب المحل:: مساء الخير يا دكتور أخيرا شرفتنا بنفسك
طارق:: هتشوفنى كتير بعد كدا
أشرف:: بسعادة .. يبقى شكلك ناويت تفرح غالية هانم و تتجوز
طارق:: وعينيه ع نغم .. دى حقيقة يا أشرف و يلا بقى بطل رغى و هات أحدث تشكيلة أطقم سوليتير و انت ساكت
نغم:: مصدومة من شكل المحل و كمان من كلام طارق مع صاحب المحل و ساكتة كالعادة
أشرف:: أتفضل يا دكتور دى حاجة بيور لسة واصلة و ما شافتهاش عين لسة
طارق:: شكرا يا اشرف و لـ نغم يلا أختارى طقم منهم بعد ما فتح لها 5 علب
نغم:: بتوتر و باين ع وشها الصدمة من شكل الـ 5 أطقم .. أ أ أنا ؟!
طارق:: بأبتسامة صافية .. أيوا انتى يا نغم بيتهيألى مافيش حد تانى معانا
نغم:: ع نفس وضعها و بتهز دماغها لأ لأ مش عايزة حاجة شكرا
طارق:: نغم عشان خاطرى ما تتعبنيش معاكى و أختارى طقم يلا
نغم:: بخوف .. لأ مش عايزة .. انا مش عايزة
أشرف:: لـ طارق واضح ان الهانم مش عاجباها الحاجة يا دكتور و محرجة تقول
طارق:: خلاص يا اشرف لو عندك حاجة تانى هاتها
نغم:: بسرعة لأ ما تجيبش حاجة لو سمحت
أشرف:: أمرك يا هانم
طارق:: بقلق من حالة الصدمة اللى فيها نغم .. مالك يا نغم فيكى ايه طمنينى
نغم:: مافيش
طارق:: طيب يلا أختارى طقم من دول و لا اختارلك أنا
نغم:: انت ليه مصمم ع السوليتير ده .. ده شكله غالى أوى
طارق:: طيب لو مش عايزة السوليتير أختارى انتى حاجة ع زوقك
نغم:: بموافقة .. حاضر و لفت فـ المحل و شافت سلسلة دهب رقيقة مكتوب اسمها ع شكل قلب و قالت لـ أشرف عايزة دى لو سمحت
أشرف:: بأستغراب .. عايزة دى !! بقى يا هانم تسيبى السوليتير و تختارى السلسلة الصغيرة دى
نغم:: بنرفزة .. أيوا فيها ايه يعنى و لا انت عايز تبيع و خلاص
طارق:: شاور لـ أشرف يجيبلها السلسلة و لـ نغم أهدي خلاص هو مش قصده خالص اللى انتى فهمتيه
اشرف:: جاب فعلا السلسلة و حطها فـ علبة شيك و قدمها لـ نغم اتفضلى يا هانم و انا اسف لـ حضرتك
طارق:: لـ نغم ممكن تخرجى تستنى عند العربية لغاية ما أحاسب اشرف و أطلعلك
نغم:: هزت دماغها من غير و لا كلمة و خرجت من المحل و سابت طارق جوة
عند حياة
بعد ما خرجت نغم مع طارق قعدت لوحدها لـ اول مرة من يوم ما اتعرفت ع نغم فـ المدرسة و أفتكرت اوجاعها و دموعها نزلت من كتر خوفها من الوحدة و فجأة سمعت صوت موبايلها
و ردت عليه و كان
أحمد:: الووو يا عسل ياللى مجننى
حياة:: بدموع .. ألووو
أحمد:: حس ان فيها حاجة من صوتها و ردها .. بقلق مالك يا حياة انتى معيطة؟؟
حياة:: لأ يا دكتور مش معيطة
أحمد:: كدا اتأكد انها مش كويسة .. حياة أرجوكى قولى مالك طمنينى عليكى
حياة:: زى ما يكون كانت مستنية الكلمة .. أنـ ـفـ ـجر ت من العياط .. نغم اول مرة تسيبنى لوحدى و خرجت مع دكتور طارق و أنا خايفة خايفة اوى من غيرها و خايفة يقرر ياخدها تعيش معاه فـ الڤيلا .. انا ماعرفش أقعد من غير نغم انا اصلا ماليش غيرها يا أحمد هى كل أهلى أرجوك قول لـ طارق بلاش ياخدها مني عشان خاطرى
أحمد:: بخوف و قلق .. طيب طيب أهدي ماتخافيش اسمعى قومى غيرى هدومك و انزلى و انا فـ ثوانى هتلاقينى عندك و نخرج أحنا كمان هما أحسن مننا يعنى
حياة:: انتبهت للكلام .. أخرج معاك انت يا بتاع البنات ليه يعنى .. بينى و بينك ايه عشان نخرج سوا و بعدين انت جبت رقمى منين يا بتاع انت
أحمد:: أطمن شوية .. أيوا كدا أرجعى لـ طبيعتك الـ ـشـ ـرسة اللى متعود عليها
حياة:: بغيظ .. قصدك ايه يا أخ أنت
أحمد:: قصدى خمس دقايق بالظبط و هبقى تحت العمارة لو ما نزلتيش هطلع انا و شوفى انتى بقى
حياة:: و هى بتكلمه وقفت و حطت إيدها فـ وسطها كأنه شايفها .. هتعمل ايه يعنى
أحمد:: بهزار .. هخليهم يمسكونا آداب و بعيّل كمان ايه رأيك بقى
حياة:: بذهول .. يا أبن المجانين !! أياك تعملها انا بقولك أهو
أحمد:: لا يا روحى انا فـ الجنان ما أقولكيش ده مش بعيد كمان أصورها لايف يا قلبى .. فـ من الاخر كدا 5 دقايق و هكون تحت العمارة و هرن عليكى تانى تنزلى بالذوق ماشى .. سلام ياحبى ألبسى لغاية ما اوصل .. و قفل من قبل ما ترد عليه
حياة:: يخـ ـر بـ ـيتك .. قفل فـ وشى أبن المجنونة .. طااااااايب يا أحمد يا أنا يا انت و مش نازلة بس ها و قعدت مكانها فعلا و مستنية تشوف هيعمل ايه
أحمد:: بعد شوية وصل تحت العمارة و رن عليها و استنى لما ردت .. أنزلى يلا انا تحت
حياة:: مش انا قولتلك مش هنزل انت ما بتسمعش الكلام ليه
أحمد:: مااااشى يا حياة شكلك كدا عايزانى أطلعلك و بصراحة انا همووووت و أعملها
حياة:: شوفلك حمام قريب و أعملها فيه يا خويا .. ماعندناش غيارات زيادة
أحمد:: بعدم إستعاب لأ انا مش عايز غيارا…. و بعدين استوعب .. ايه !! انتى قولتى ايه دلوقتي .. و بغيظ بت انتى انزلى حالا و إلا انا مجنون و ربنا ما يوريكى جنانى
حياة:: هتعمل ايه يعنى عايزة أعرف
احمد:: كدا .. طاااايب غالى و الطلب رخيص و قفل فـ وشها مرة تانية
حياة:: بغيظ .. ايه أبن المجانين ده اللى كل شوية يقفل فـ وشى التليفون
أحمد:: نزل من العربية و وقف فـ الشارع و معاه ميكرفون و نده فيه حياااااااة ردى عليا يا حياااااتى انا بحباااااااك و عايز اتجوزك و أخلصى انزلى قولى انك موافقة تتجوزينى بدل ما أطلعلك انا و انتى عارفة أنى مجنون و أعملها
حياة:: سمعت صوته فـ الميكروفون جريت ع البلكونة تبص شافته قاعد ع سقف العربية و الناس بتتفرج عليه من البلكونات .. حاطت أيدها ع وشها من كسوفها يخـ ـر بيت جنانك
أحمد:: بيشاورلها هتنزلى و لا أطلع انا
حياة:: مكسوفة ترد عليه و هى شايفة الناس بتبص عليها و جواها بتتنطط من الفرحة
أحمد:: بيشاور لواحدة وافقة فـ البلكونة اللى فوق حياة .. قوليلها تنزل يا حاجّة و النبى .. و شاور لوحد تانى قولها توافق تتجوزنى و النبي يا عم.. يا ناااااس قولولها اتربيت خلااااص و هبطل معاكسة فـ البنات بس تنزل تتجوزنااااااااى
حياة:: شايفة الناس كلها بيشاورولها تنزله و توافق عليه
الجارة اللى فوقيها:: انزلى يا بنتى اللى بيعمل كدا بيكون بيحب بجد
حياة:: بصت لـ فوق ع كلام الجارة و رجعت بصت له .. بس خلاص بطل جنانك ده و بطل فضـ ـا يح
أحمد:: هتنزلى ؟؟
حياة:: أيوا خلاص نازلة .. اتنيل و أسكت بقى و بالفعل دخلت أخدت شاور و غيرت هدومها و نزلت
نرجع عند نغم و طارق
بعد ما خرجت من محل المجوهرات شوية و خرج طارق وراها و ركبوا العربية و مشيوا لغاية ما وصلوا عند مرسى اليخوت و نزلوا من العربية
نغم:: شافت مطعم شيك قُرب المرسى .. و بهدوء شاورت لـ طارق عليه أحنا هندخل هنا
طارق:: هز دماغه .. تؤتؤ
نغم:: بتنهيدة .. أومال هنروح فين
طارق:: بمكر .. ايه رأيك نقعد ع الكورنيش هنا
نغم:: بصت لـ نفسها و هى بالسواريه و هو بالبدلة .. هنقعد هنا كدا بالشكل ده
طارق:: عادى ايه المشكلة ولا انتى عندك مانع
نغم:: بأبتسامة زى ما تحب ماعنديش مانع
طارق:: ماسك فـ إيده شنطة صغيرة و مد إيده التانية لـ نغم و مسك إيدها و ماشى بيها ناحية المرسى من غير ما يتكلم
نغم:: أحنا رايحين فين يا طارق
طارق:: هـ ـخـ ـطـ ـفك
نغم:: بتوتر .. ايه هـ هـ تـ خـ ـطـ ـفنى
طارق:: بغمزة .. ايوا و شاور بدماغه ناحية اليخت .. إيه رأيك فـ المفاجأة دى
نغم:: مش عارفة تتكلم من المفاجأة فعلا و مافيش غير دموعها اللى نازلة
طارق:: ماسك إيد نغم و عدوا طلعوا اليخت .. ليه الدموع يا نغم
نغم:: خايفة
طارق:: خايفة و انا معاكى ؟
نغم:: اللى انا فيه مش طبيعى
طارق:: و إيه اللى خلاه مش طبيعى؟
نغم:: طول عمري عايشة لوحدى مافيش حد بيهتم بيا .. و بأبتسامة حزينة مافيش فـ حياتى غير حياة و فجأة جيت انت و أهتميت بيا .. الاول شغلتنى فـ الشركة و المرتب اللى ما كنتش أحلم بيه و كمان اتجوزتنى عشان تحمينى من عمى و كتبت لى شقتك بأسمى و دلوقتي فستان و سلسلة هدية و سهرة ع يخت تفتكر بقى كل ده طبيعى ؟؟
طارق:: و هو بيمسح لها دموعها .. طبعا و طبيعى جدا كمان .. و كملوا طريقهم لغاية ما طلعوا سطح اليخت
نغم:: شافت ترابيزة عليها عشا رومانسي ع ضوء الشموع و ضوء القمر .. شردت و عينيها ع طارق و جواها بحبك اوى يا طارق
طارق:: كمان عينيه عليها و جواه يااااااه لو أقدر أدخل قلبك زى ما انتى دخلتى قلبى
فاقوا الاتنين ع صوت اغنية بتوصف حالتهم و عينيهم متعلقة ببعض
حبيته بيني و بين نفسي،
و ما قلتلوش عـ اللي فـ نفسي
ما أعرفش إيه بيحصل لي
لما بشوف عينيه
ما بقتش عارفة أقوله إيه،
ما أعرفش ليه خبيت عليه
بضعف أوي و أنا جنبه و بسلم عليه
كل حب الدنيا ديا في قلبي ليك
دا أنت أغلى الناس عليا روحي فيك
كل حب الدنيا ديا في قلبي ليك
دا أنت أغلى الناس عليا روحي فيك
دا أنت لو قدام عينيا أشتاق إليك
على بالي ولا أنت داري باللي جرالي
والليالي سنين طويلة سيبتهالي
يا إنشغالي بكل كلمة قلتهالي
طارق:: سحب لها الكرسى .. اتفضلى
نغم:: قعدت بخجل .. شكرا
طارق:: قعد قصادها و ابتدوا يتعشوا
و يتكلموا كتير شوية يضحكوا و شوية كل واحد يحكى عن نفسه و فـ أخر السهرة قدملها السلسلة اللى اختارتها و طقم السوليتير اللى اختاره ع زوقه
نغم:: من قوة المفاجأة و جمال الطقم ساكتة و مش عارفة تنطق
طارق:: بضحك .. انتى مش معقولة يا نغم هتفضلى تتفاجئي و تتصدمي كدا كتير و لا ايه
نغم:: أخيرا اتكلمت انت بتعمل معايا كدا ليه
طارق:: بعمل معاكى ايه
نغم:: كل اللى بتعمله ده و بتسألنى بتعمل ايه
طارق:: أيوا عشان انا ماعملتش حاجة
نغم:: فستان و سهرة ع يخت و كمان طقم سوليتير كل ده و ما عملتش حاجة يا طارق
طارق:: ده ابسط حقوقك يا نغم .. الفستان و السهرة تعويض بسيط عن يوم كتب كتابنا و الطقم ده شبكتك
نغم:: أيوا يا طارق بس عايزة أعرف برضوا كل ده ليه و أحنا مش هنـ ……
طارق:: قاطع كلامها بسرعة .. عشان بحبك يا نغم
نغم:: بتوهان .. بتحبنى انا
طارق:: أيوا انتى .. بحبك من اول يوم شوفتك فيه فـ الجامعة .. شغلتى تفكيرى مابقيتش شايف غيرك و لما شوفت أبن عمك و هو بيشد فيكى ما أستحملتش و ما حسيتش غير و أنا باخدك منه و بقوله أنى جوزك عشان امنعه يقربلك عرفتى عملت كل ده ليه
نغم:: ساكتة و مافيش غير دموعها و بس اللى نازلة
طارق:: بتنهيدة .. ليه يا حبيبتى الدموع دى بس
نغم:: عشان مش مصدقة نفسي و خايفة أوى يا طارق .. خايفة أكون بحلم و أصحى فجأة ع كابوس
طارق:: ماتخافيش يا حبيبتى انتى مش بتحلمى كل ده حقيقة و أوعدك طول ما أنا عايش هعمل اللى ربنا يقدرنى عليه عشان أسعدك
نغم:: براحة .. ربنا يخليك ليا
طارق:: باس جبينها و يخليكى ليا يا نغمى .. يلا بينا بقى عشان ما نتأخرش ع حياة
و بالفعل نزلوا من ع اليخت و ركبوا العربية و راجعين
عند حياة و أحمد ( نفس الوقت)
بعد الهيصة اللى عملها أحمد فـ الشارع
عشان حياة تنزل تخرج معاه بالفعل نزلت و اول ما شافته
حياة:: بغيظ .. و بعدهالك يعنى عاجبك الـ ـفـ ـضا يح اللى أنت عملتها دى
أحمد:: أينعم كان لازم اعمل كدا عشان تنطرى تنزلى
حياة:: أء أيه ياخويا انطر ايه .. ده اللى هو ازاى مش فاهمة
أحمد:: ده اللى هو تضطرى تكونى مضطرة تنزلى فهمتى و لا أقول كمان
حياة:: لأ خلاص فهمنا .. و بهمس أدعى عليك بـ ايه و فيك كل العبر
أحمد:: بغيظ مصطنع .. برطمى برطمى انا صحيح مش سامع بتقولى ايه بس شايف بؤقك بيتحرك
حياة:: بزهق .. طيب اخلص قول هتخرجنى فين بقى
أحمد:: بهدوء .. انتى تحبى تروحى فين
حياة:: بحزن .. انا معرفش اى أماكن عمرى ما روحت فـ حتة أكتر من الكلية و الحارة و الشغل و لما روحت مكان غيرهم كان شقة دكتور طارق بس
أحمد:: بأبتسامة .. خلاص سيبيلى نفسك النهاردة و هسهرك سهرة جنان
حياة:: بنرفزة .. اااااااه قول كدا بقى هو احنا فينا من كدا لااااا يا استاذ فوق .. بعد أذنك و هتسيبه و تدخل تانى العمارة
أحمد:: بعدم فهم .. مالك فى إيه و ايه اللى بتقوليه ده انا مش فاهم حاجة
حياة:: بنفس نرفزتها مش فاهم ايه بالظبط ها .. بتقول سيبيلى نفسك .. اسيبلك نفسى ازاى يعنى ها و لا صح انت غاوى بنات و فاكر عشان نزلت معاك خلاص بقى بقيت سهلة
أحمد:: بذهول يـ ـخـ ـر بيت جنانك انتى فهمتى إيه .. انا اقصد انى هختار مكان حلو يعجبك و هنسهر و نتعشى سوا و نرجع تانى .. أركبى يلا
حياة:: بقلق .. هتودينى فين طيب
أحمد:: بضيق .. أركبى يا حياة ما تخافيش مش هـ ـخـ ـطفك هنروح نتعشى ع النيل و نرجع تاني
حياة:: ركبت العربية و بندم .. أنا أسفة يا أحمد حقك عليا
أحمد:: بجدية .. عادى يا حياة و لا يهمك
حياة:: عشان خاطرى بقى يا أحمد ماتزعلش
أحمد:: انا صحيح يا حياة بضحك و اهزر و أعاكس بس هو ده أخرى عمرى ما عملت حاجة غلط و غير كدا أنا بحبك و عمري ما افكر أء ذيكى فاهمة
حياة:: خلاص فهمت انك بتتنيل تحبنى أفرد بوزك ده بقى و بلاش القمصة دى مش لايقة عليك
أحمد:: سايق و بصلها بجنب عينه و ساكت لغاية ما وصلوا مطعم ع النيل فعلا و نزل من العربية .. يلا اتفضلى انزلى
حياة:: بغيظ .. مش هنزل غير لما تفرد بوزك ده شكلك وحش كدا
أحمد:: بعـ ـصـ ـبية .. انزلى يا حياة و أخلصى يلا
حياة:: و هى نازلة من العربية شايفة واحدة داخلة المطعم و هى بتتمايص و بصوت يادوب مسموع .. أيوا ايوا اتمايصى ياختى و اتمخطرى خلى الدبان يتلم عليكى و رفعت عينها ع أحمد جاتنا نيلة فـ حظنا الهباب
أحمد:: بضحك هههههههههه طيب اتعلمى بدل ما انتى شبه غفير الدرك كدا
حياة:: بغيظ .. انا غفير درك ؟؟
أحمد:: بمعاكسة و أحلى غفير كمان يا واد انت يا عسل
و بالفعل دخلوا المطعم و قعدوا شوية و بعدها طلبوا العشا و هما بيتعشوا
حياة:: أحكيلى عنك بقى شوية
أحمد:: بصى يا ستى انا ببساطة كبير أخواتى عندى أخ اصغر منى بسنتين دبلوماسي فـ الخارجية و أختين توأم عندهم 20 سنة فـ كلية الطب .. بابا متوفى من زمان و ماما بقى ربنا يديها الصحة هى اللى تعبت واشتغلت و اتحملت لغاية ما كبرنا و حققنا حلمنا
حياة:: بدموع .. ربنا يخليهم لك
أحمد:: و يخليكى ليا يا حياة بس ليه الدموع دى انا ما قولتش حاجة مؤثرة يعنى
حياة:: عارفة بس انا بعيط ع حالى
أحمد:: ليه بس يا حبيبتى احكيلى
حياة:: سابت الأكل و ابتدت تحكى و دموعها نازلة شلال مغرقة وشها
انا أبويا و أمى أطلقوا و انا عندى 3 سنين و كل واحد فيهم بقى يرمينى للتانى شوية عشان مايشيلش مسؤوليتي و بأبتسامة مكـ ـسو رة عايزين يعيشوا حياتهم و انا اللى معطلاهم .. طبعا مين هيتجوز واحدة ببنتها و لا مين هتربى بنت جوزها و بعد 3 سنين من البهدلة بينهم قرروا يدخلونى مدرسة داخلية طول السنة مرتاحين طبعا و مابيسألوش و اول سنة فـ الأجازة طلعت عند بابا مراته بهدلتنى و مرمطتنى طول الأجازة خدمة و شقى استحملت لغاية ما رجعت المدرسة و لفت السنة و نفس
المعاناة و فـ الاجازة المرة دي قررت اروح عند ماما جوزها راجل لامؤاخذة
كان يخليها نايمة و لا بتعمل حاجة و الاقيه ……سكتت شوية و بتنهيدة ..
متخيل انت طفلة عمرها 7 سنين تتعرض لنظرة و لا تسمع كلمة من راجل المفروض زى أبوها
أحمد:: بيسمع بأهتمام .. عملتى ايه
حياة:: بدموع .. هربت منهم و رجعت المدرسة رغم انها أجازة بس المديرة كانت بتبقى موجودة لما روحت و حكيتلها سابتنى قاعدة كانت أحن عليا من أمى .. الغريب بقى انى لما هربت ماحدش سأل عني خالص .. تخيل انى عندى أخوات من أبويا ما أعرفهمش و كمان أخواتى من أمى ما أعرفهمش مافيش فـ حياتى غير نغم كنت انا و هى بنقعد طول السنة جوة المدرسة وقت الدراسة و كمان فـ الاجازة بس يمكن نغم احسن منى لانها يتيمة أب و أم لكن أنا اتيتمت و هما عايشين يا أحمد .. انا معرفتش يعنى ايه أمان أبويا و لا حنية أمى .. فـ الوقت اللي انا فيه محرومة منهم هما عايشين كل واحد فيهم مع ولاده و تقريبا كدا الاتنين نسيوا ان عندهم بنت كبيرة محتاجاهم و فجأة و هى بتتكلم شافت أبوها داخل المطعم مع مراته و ولاده .. و شاورت لـ أحمد شايف الراجل اللى داخل ده
أحمد:: بص ع الراجل اللى بتشاور عليه شافه واضح من شكله ان مستواه المادى كويس .. و رجع لـ حياة ماله الراجل ده
حياة:: بوجع .. ده سبب وجودى فـ الدنيا دى
أحمد:: بذهول .. الراجل ده يبقى أبوكى؟!
حياة:: غريبة الدنيا دى اوى مش كدا .. تعرف بقالى كام سنة ما شوفتهوش ؟؟ بس تصدق شكله ما اتغيرش زى ما هو محافظ ع شبابه .. يلا بينا لو سمحت مش قادرة اقعد اكتر من كدا
أحمد:: قرب منها و مسح لها دموعها .. حاضر هنمشى بس بلاش دموع تانى انا مش واخد عليكى كدا و شاور للويتر و طلب الشيك و دفع الحساب و هما خارجين عدوا من جنب ابوها
حياة:: بصت له جامد كأنها بتحفظ ملامحه لأخر مرة
أحمد:: بص له من فوق لـ تحت و خرجوا من المطعم .. أدينا مشينا عايزة تروحى فين تانى
حياة:: روحنى أرجوك
أحمد:: حاضر يلا بينا و بالفعل ركبوا العربية و مشيوا
عند نغم و طارق
وصلوا تحت العمارة فـ نفس الوقت اللي وصلوا فيه أحمد و حياة
طارق:: بأستغراب .. ايه ده كنتوا فين كدا انتوا الاتنين و ايه لمكم ع بعض اصلا
أحمد:: برفعة حاجب .. و انت مالك و لا هو حلو ليكم و كِخ لينا يعنى
طارق:: بص لـ حياة شافها ساكتة و شاور لـ أحمد تعال عايزك و لـ نغم معلش يا حبيبتى أطلعوا انتوا و أحنا هنمشى
نغم:: حاضر .. تصبح ع خير
طارق:: بأبتسامة و انتى من أهلى
أحمد:: قرب من حياة .. مش عايزك تخافى أبدا طول ما أنا معاكى و أنسي كل حاجة أنا و انتى هنعمل عيلة جميلة و أخواتى و أمى اعتبريهم أهلك لما تعرفيهم هتحبيهم اوى
حياة:: بابتسامة حزينة .. شكرا ع كل حاجة عملتها
أحمد:: اطلعى يلا مع نغم ..تصبحى ع خير
بالفعل نغم و حياة طلعوا الشقة و طارق و أحمد مشيوا مع بعض و أحمد حكى لـ طارق اللى حصل و انها شافت أبوها فـ المطعم مع مراته و ولاده
فـ الجامعة
بعد مرور كام شهر اللى حصل فيهم ان نغم و حياة بالفعل استلموا شغلهم فـ الشركة .. طارق و نغم قربوا من بعض جدا رغم ان جوازهم مازال ع الورق .. وليد قال لـ غالية أن طارق عنده حبيبة و هيعرفنا عليها بعد الامتحانات لانها طالبة عنده ..
حياة مجننة أحمد و بتربيه عشان يبطل معاكسة فـ البنات و أحمد قدر يعرف كل حاجة عن والد حياة و والدتها و قرر بعد الامتحانات يتقدملها رسمى و اخيرا النهاردة اول أيام الامتحانات و نغم هى و حياة داخلين الكلية و راحوا ناحية لوحة الاعلانات علشان يعرفوا مكان لجنتهم و هما ماشين ناحية اللجان قالت
حياة:: بزهق .. مش كانوا خلونا مع بعض فـ لجنة واحدة بدل ما كل واحدة مننا فـ مكان
نغم:: و انتى عايزاهم يخلونا مع بعض ليه يا نابغة ؟!
حياة:: عشان اساعدك طبعا يا بنتى هيكون ليه يعنى
نغم:: اممممم .. بقى كنتى عايزة تبقى معايا عشان تساعدينى
حياة:: ايوا طبعا اومال انتى فاكرة ايه يعنى .. عشان أغش منك مثلا .. اعوذ بالله يا شيخة ده حتى اللى غشنا مش مننا
نغم:: بتريقة .. لأ لا سمح الله هو انتى تغشى برضوا ههههههههههه
حياة:: بغرور مصطنع .. ما بحبش اتكلم عن نفسي كتير
نغم:: طيب يلا يا ست المتواضعة انتى خلينا نشوف أماكن اللجان فين
حياة:: فوتى ياختى و انتى كدا زى قِلتك ما عرفتيش تخلى جوزك يسربلنا الامتحانات
نغم:: بغيظ .. أمشى يا حياة يلا روحي لجنتك و انا هروح لجنتى سلام
و بالفعل كل واحدة فيهم دخلت لجنتها و ابتدا الامتحان
فـ لجنة حياة
دخلت و قعدت مكانها تقرء قرآن و تدعى و متوترة جدا و خايفة شوية و شافت
أحمد:: داخل اللجنة و بجدية .. صباح الخير كل سنة و انتم طيبين النهاردة طبعا اول أيام الامتحانات محتاجين نلتزم دايما بأماكن جلوسنا و ياريت كل واحد يلتزم بورقته فقط يعنى ما حدش يعمل حركة كدا و لا حركة كدا مفهوم يا باشمهندسين و ابتدا يوزع ورق الامتحان
حياة:: قاعدة أخر اللجنة .. و بتوتر لـ نفسها يادى الليلة الفلة مالاقوش غيرك يا أبوحميد اللى يراقب عليا و كمان اول يوم ربنا يستر
أحمد:: وصل عند حياة و بغمزة من غير ما حد ياخد باله ورقتك يا أنسة
حياة:: برفعة حاجب و بصوت واطى .. من اولها بتدينى ورقتى ماشى يا ابن الاسيوطى
أحمد:: قرب منها لأ يا عسل دى ورقة الامتحان الورقة التانية هتاخدى اول إصدار منها بس انما التانى ده بُعدك
حياة:: اممممم و إيه بقى الاصدارات دى ان شاء الله ياخويا
أحمد:: بعد الامتحان هقولك و بهمس ورقة الامتحان محلولة بخط صغير كل اللى عليكى هتنقليها بس يا قلبى و حدفلها بوسة فـ الهوا و سابها
حياة:: بذهول من الحركة اللى عملها .. يا أبن المجنونة !!! و فجأة فاقت ع صوت
المراقب:: بجدية .. انتى يا أنسة سرحانة فـ ايه
حياة:: بخضة .. ها مين ؟ انا ؟ لأ مش سرحانة حضرتك
المراقب:: و هو بيحط ورقة الامتحان قصادها .. واضح انك مش سرحانة .. اتفضلى ورقتك و ركزى فيها و بلاش تسرحى أحسنلك
حياة:: لـ المراقب حاضر حاضر و لـ نفسها يـ ـخـ ـر بيتك يا حياة شكلى لسعت ع الاخر و بتخيل و انا صاحية
و ابتدت تجاوب بالفعل ع الامتحان بتركيز و لما خلص الوقت و خرجت شافت
نغم:: خارجة من اللجنة و مبسوطة انها قفلت المادة و شافت حياة .. عملتى ايه يا مـ ـصيـ بة
حياة:: بغرور مصطنع و هى ماسكة ياقة البلوزة .. قفلته طبعا يا بنتى ايه الجديد و انتى عملتى ايه
نغم:: الحمدلله قفلته كله طبعا
حياة:: و هى ع نفس وضعها .. نابغة من يومك طالعالى برافوا برافوا
نغم:: برفعة حاجب .. مين اللى طالعالك دى بالظبط عايزة افهم
حياة:: سيبك بس دلوقتي من الموضوع ده و تعالى أقولك مش انا اتجننت و لسعت
نغم:: بضحك.. و أيه الجديد طول عمرك مجنونة هههههههههه
حياة:: بتريقة ع نفسها .. لأ المرة دي بقى انا عديت هوبا خالص سافرت
نغم:: هههههههههههه عديتى روحتى فين بالظبط
حياة:: بتحكى .. دخلت اللجنة ياختى لا بيا و لا عليا و لا حوليا و لاقيتلك ايييه خير اللهم أجعله خييير و حكت اللى حصل معاها جوة اللجنة .. بس يا بت لغاية ما لاقيت عم المراقب واقف فوق دماغى و بتقلده و بتتخن صوتها ورقتك يا أنسة
نغم:: ههههههههههههه يا خبر .. بقى أتخيلتى أحمد بيراقب عليكى و فـ المادة بتاعته .. و كمان يديلك الامتحان محلول و يعمل اللى عمله ده جوة اللجنة ده انتى فعلا راحت منك ع الأخر هههههههههههههه
حياة:: بغيظ .. طيب أعمل ايه يعنى مش هو اللى ناططلى زى الفرقع لوز كدا فـ كل حتة حتى فـ خيالى
نغم:: طيب ياختى ربنا يهديكى بقى و توافقى عليه عشان يبقى حقيقة مش خيال
حياة:: يارب ياختى يارب بس تخلص الامتحانات دى الاول
نغم:: ان شاء الله تخلص ع خير و الحمدلله اول يوم كان حلو عقبال الباقى
و خرجوا من الجامعة راجعين مبسوطين و بيدعوا ان باقى الامتحانات تخلص بخير
فـ شقة طارق
بعد فترة خلصت الامتحانات و نغم و حياة أخدوا الاجازة أخيرا و منتظرين النتيجة و صحيوا بدرى زى ما اتعودوا و حاسيين بملل و مش عارفين يعملوا ايه
نغم:: بملل .. زهقانة يا بت يا حياة ما تيجى نعمل اى حاجة نطّلع فيها الطاقة السلبية و الزهق ده
حياة:: امممممم تصدقى انا كمان حاسة انى عندى ملل و زهق و مش عارفة أعمل ايه
نغم:: ما تيجى نخرج نتمشى شوية
حياة:: و طارق ؟
نغم:: ماله
حياة:: بنرفزة .. هو إيه ده اللى ماله .. مش لازم تستأذنيه ياختى بأعتبار انه جوزك يعنى
نغم:: و هى بتمسك موبايلها خلاص هكلمه أقوله و مش هيقول حاجة
حياة:: تؤ انا ماليش نفس أخرج اصلا
نغم:: أومال عايزة تعملى ايه
حياة:: اممممم بصى انا طالع فـ دماغى نقوم نغير نظام الشقة ده و نشقلب كيانها
نغم:: يا سلام ياختى هى شقتنا عشان نغير نظامها و نشقلبها
حياة:: بغيظ أنتى يا بنتى ناوية تشليني .. هى مش أم الشقة دى مكتوبة بأسمك
نغم:: أه طارق قال انه كتبهالى بأسمى مهرى
حياة:: بغيظ أكبر و لما هى شقتك و مكتوبة بأسمك بتفقعى مرارة اللى جابونى ليييييه و تقولى مش شقتنا
نغم:: بزعيق .. انتى عايزة ايه دلوقتي
حياة:: عايزة نقوم نغير شكل الشقة دى نعمل اى حاجة و خلاص
نغم:: خلاص ماشى يلا قومى و شوفى ممكن نبتدى منين
عند طارق
صحى بدرى و نزل يجرى فـ النادى شوية و قابل أحمد و طلعوا يجروا سوا و هما بيجروا
أحمد:: بقولك ايه ياض انت من وقت ما خلصت الامتحانات و انا هتجنن مش عارف اشوف المزة
طارق:: يابنى انت مش هتعقل بقى و تتكلم كويس عنها
أحمد:: بغيظ هو انا غلطت فيها يعنى يا عم انت .. مش هى مزتى برضوا و لا انا غلطان
طارق:: بضحك تصدق انا هقولها و خليها تعلقك
أحمد:: بخوف مصطنع .. قلبك أبيض يا روقة خليك حلو وبلاش تقول لها أحسن هى بتتلكك اصلا و مش عايزة توافق ع الجواز
طارق:: ههههههههههههه ما هو من عمايلك تستاهل اللى يجرالك
أحمد:: مش انت صاحبى يا طاروق؟؟
طارق:: امممم أرغى عايز ايه
أحمد:: خدنى معاك شالله يخليك أروح أشوفها و حيات عيالك يا شيخ
طارق:: بضحك ههههههههههههه خلاص بطل شحاتة صعبت عليا .. ساعة كدا و لا حاجة نروح سوا
ونفطر كلنا مع بعض
نرجع عند نغم
حياة دخلت غيرت هدومها و لبست جلابية قديمة و تحتها بنطلون بيجامة و مدخلة الجلابية جواه و رابطة شعرها بـ إشارب رابطة خدامين
نغم:: بضحك من منظرها .. ايه اللى انتى عاملاه فـ شكلك ده يا بلوة ههههههههههههه
حياة:: بهزار .. خدمتك سيدة يا ست هانم ههههههههههههه
نغم:: ايه يا بنتي المنظر الأوفر ده مش خايفة طارق يجى و يشوفك كدا
حياة:: اولا طارق مش بييجى فـ الوقت ده ثانيا بقى حتى لو جه بيرن الجرس ثالثا بقى و ده الاهم عادتشى انا مش مراته ياختشى عشان اخاف يشوفنى كدا و يلا روحى شوفيلك حتة اشتغلى فيها
نغم فعلا دخلت تشتغل و تنضف جوة الأوض و سابت حياة فـ الصالة و الليڤنج مع نفسها و شغلت أغانى شعبى بصوت عالى جدا و ابتدت تغنى و ترقص مع الاغانى
متغاااظ عارفك يلا مني انا متغاااظ يا أحمد .. و مـ ـو لع جواك بو تا جا ز يا أحمد ملوك يا حبيبي بحب الناس
.. و إنت بتهري كلام و خلاص يا أحمد
طارق:: وصل الشقة و معاه أحمد و رن جرس الباب كتير و ماحدش فتح قلق عليهم و فتح الباب بـ مفتاحه
حياة:: ماسمعتش الجرس و مش واخدة بالها من طارق و أحمد و شغالة رقص و غُنى و ماسكة فـ إيدها المنفضة و فوطة تلميع .. لزوز لزوز لزوز يا أحمد .. مكافأة القرد صباع موز يا أحمد .. جامد جدًا عندي طموح يا أحمد .. و إنت يلا بتطلع
في الروح يا أحمد خد على وشك
عشان تفوق .. شغل الحوارات مش مسموح يا أحمد
أحمد:: شاف شكلها و كمل معاها .. هوباااا .. اسمي كفيل يا بنتى يعفرتكوا .. دخلتي بتبوظ اعصابكوا
شوفيني عشان أشوفك أنا برضوا .. مش قدى يا حبيبتى اتهدي
حياة:: انتبهت لـ أحمد و طارق اللى مستغربين شكلها .. و تنحت مكانها
أحمد:: بمعاكسة اوباااااا يـ ـخـ ـر بيت جمدانك حتى و انتى بهدوم الشغالين جامدة يا بنت اللذينا
حياة:: بنرفزة .. بتشاور بالمنفضة بقولك ايه يا فرقع لوز انت اتلم احسنلك انا بقولك أهو
أحمد:: بغمزة .. أمـ ـوت فيك يا عسل و انت متنرفز كدا و بعدين بذمتك فى واحدة تقول لحبيبها اللى هيبقى جوزها يا فرقع لوز ينفع برضوا
حياة:: بغيظ عشان شافها بمنظرها ده و بعدهالك يا أخ انت لِم نفسك شوية .. و بعدين تعال هنا قولى انت دخلت هنا ازاى
طارق:: قفل صوت الأغانى و بضحك من شكلها .. هو انتى مش واخدة بالك مني و لا إيه؟؟ مش باين انا هوا بالنسبالك يعنى ؟؟ ههههههههههههه
حياة:: بهمس يا ليلة سوووخة .. و لـ طارق اسفة يا دكتور ما خدتش بالى و الله
طارق:: ماشى يا حياة خلاص .. قوليلى نغم فين
حياة:: شغالة بتنضف الأوض جوة
عند نغم
دخل شافها فـ اوضتهم بعد ما غيرت فـ نظامها شوية واقفة فوق السلم بتعلق الستاير
طارق:: بأبتسامة .. قرب منها و نزلها من ع السلم و حاضنها .. إيه اللى عملتيه فـ الاوضة ده ؟؟
نغم:: بخجل و بتلف بعينيها فـ الاوضة .. ايه وحشة ؟؟
طارق:: بالعكس دى جميلة و كفاية انك انتى اللى عملتيها بإيدك
نغم:: شكرا
طارق:: مسكها من إيدها و خدها و قعدوا ع الكنبة .. ايه رأيك يا نغم تتنقلى الڤيلا معايا ؟؟
نغم:: بتوتر و قلق .. أعيش معاك فـ الڤيلا ؟!
طارق:: أيوا يا نغم تعيشى معايا فـ بيتى انا مابقيتش خلاص قادر أبعد عنك أكتر من كدا
نغم:: ما هنا كمان بيتك يا طارق
طارق:: يا حبيبتى هنا صحيح بيتى بس انا مش معاكى فيه .. انا عايزك معايا فـ بيتى اللى عايش فيه مع أمى و أخويا و أوعدك اننا بعد فترة هنرجع تانى مع بعض هنا ..قولتى ايه ؟!
نغم:: أيوا يا طارق بس لسة مامتك ما تعرفش حاجة
طارق:: أكيد هقولها يا حبيبتى و أعرفك بيها كمان و قريب أوى
نغم:: أنا خايفة اوى يا طارق
طارق:: خايفة من إيه بس يا حبيبتى
نغم:: بقلق .. خايفة مامتك تزعل منك انك اتجوزت من غير علمها و خايفة ما تقبلش وجودى معاك و تطلب منك تطلقنى
طارق:: أنتى بتحبينى يا نغم ؟
نغم:: أيوا بحبك يا طارق .. بسـ …
طارق:: قاطعها بأبتسامة .. يبقى ما تخافيش أبدا طول ما انا معاكى فاهمة
نغم:: بأبتسامة خجولة هزت دماغها .. حاضر
طارق:: تعالى بقى نخرج نشوف المجانين اللى برة بيعملوا ايه قبل ما يـ ـو لـ ـعـ ـوا فـ بعض و فعلا خرجوا من الاوضة
عند حياة
أحمد:: بغمزة .. وحشتينى ع فكرة
حياة:: ببلاها .. ها
أحمد:: ها ايه .. بقول وحشتينى المفروض تقولى و انت كمان يا مودى وحشتنى
حياة:: سكتت شوية و بتفكر فـ حاجة .. امممممم و بدلع مصطنع موووودى
أحمد:: يا لهههوى ع مودى دى طالعة من بؤقك سكر يا قلب مودى
حياة:: بمكر بصت له و بصت ع السفرة .. ممكن تغير معايا مكان السفرة دى يا مودى يا حبيبى
أحمد:: بس كدا من عيونى يا قمر و قلع چاكت التريننج ربطه ع وسطه و ابتدا يشيل و يغير النظام زى ما هي عايزة
حياة:: شافته بـ التيشيرت كات .. يا خواااتى ع عضلاته .. سوبر هيرو يا ناااس ايه الجمال ده بس
أحمد:: بغمزة .. ايه عجبك الباى و التراى و لا ايه
حياة:: بمكر اكبر اومااااال أكيد عاجبنى طبعا .. و بتغنى حبيبى ع نياته عجبانى اوى عضلاته ههههههههههههه
أحمد:: بثقة .. أكيد يا بنتى لازم يعجبوكى ده انا مربيهم ع الغالى
حياة:: طب أجربهم
أحمد:: بأستغراب .. تجربي !!! تجربي ايه يا حبيبتى لا مؤاخذة
حياة:: عضلاتك يا حبيبى
أحمد:: ضيق عينيه أوى بيحاول يستوعب .. تجربي ايه ؟! عضلاتى !! انا سمعت صح و لا بيتهيألى
حياة:: قعدت فوق ترابيزة السفرة .. لأ يا مودى سمعت صح ذُق الترابيزة بقى و انا عليها يلا ورينى الباى و التراى و جمالهم
أحمد:: وقف و حط ايده فـ وسطه .. نعم ياختى عايزانى أعمل ايه؟!
حياة:: الله بقى يا مودى قولتلك عايزة أجرب العضلات العسل دى
أحمد:: بغيظ .. أنزلى يا ماما أنزلى يا حبيبتى انا صحتى ع قدى انزلى خلينا نخلص
حياة:: بدلع تؤ بليييز بقى يا أحمد ذقها و انا عليها عشان خاطرى عشان خاطرى
أحمد:: يـ ـخـ ـربيت أحمد و اللى جابو أحمد حاضر يا فشة و كلاوى أحمد بس ما تتعوديش ع كدا ماشى يا قلبى .. و ابتدا يذق فـ الترابيزة فعلا و هى عليها
حياة:: قاعدة مستربعة فوق الترابيزة و بتسقف و تغنى
أ أطاوع في هواك
معانا رب
يا كريم يا رب
أ أطاوع و أطاوع
في هواك ..في هواك
قلبي قال قلبي أنا قلبي
طارق و نغم خرجوا من الاوضة و شافوا أحمد بيذق الترابيزة و عليها حياة و فجأة
طارق:: هههههههههههههههههههه لـ أحمد من بين ضحكه يا سلام ع الرجالة ذق يا دكتور ذق
أحمد:: لـ حياة عاجبك كدا يا حياتى خليتى اللى يسوى و اللى ما يسواش يتريق علينا
نغم:: لـ حياة بضحكة خـ ـطـ ـفت قلب طارق .. أيه اللى انتى عاملاه ده يا بلوة
حياة:: لـ نغم .. بيجرب عضلاته ياختى ايش اخششك انتى
أحمد:: لـ نغم حتى انتى يا نغم هتعملى زى جوزك و تضحكى ماشى ماشى ليكم يوم
طارق:: لـ نغم بغيرة .. ممكن تبطلى ضحك و ياريت طول ما الشيء ده موجود هنا و بيشاور ع أحمد تمنعى كلام خالص مش الضحك بس
نغم:: بأبتسامة ع غيرته .. حاضر يا حبيبى
طارق:: نسي أحمد و حياة و تاه فـ أبتسامتها قولى تانى كدا اللى قولتيه دلوقتي
نغم:: بأبتسامة .. قولت حاضر
طارق:: لأ مش دى اللى بعدها .. حاضر يا ايه
نغم:: حاضر يا حبيبي
طارق:: ااااه يا بركة دعاكى يا غالية .. قلب حبيبك يا نغمى
أحمد:: بتريقة لـ طارق انت يا عم الرومانسي خف شوية علينا ياخويا
طارق:: بغيظ .. أما انت عيّل فصيل صح ما تخليك فـ حالك و كمل اللى بتعمله و انت ساكت ههههههههههه
و بالفعل أحمد كمل ذق الترابيزة و نزلت حياة من عليها و خلصوا الاربعة مع بعض تغير نظام الشقة فعلا و الوقت كان كله ضحك و هزار و أخر اليوم طارق و أحمد مشيوا و كل واحد فيهم مقرر يتمم جوازه من حبيبته
نغم بقلمى__لبنى دراز
طارق:: نغم الهلالى .. مراتى
غالية::…………؟؟؟؟؟
يتبـــــــــع
